Gebed: Gebedjie vir Carli.

[Lanie]

Ek weet dis 'n ou klein dingetjie maar ek weet ook dat ons met die klein dingetjies ook na die Here toe kan gaan.... Soos julle weet is ons in 'n nuwe dorp en die skole het vandag begin. My hart was maar seer toe ek vir ousus moes aflaai by die skool want sy ken niemand nie en moet van vooraf maatjies maak. Ek dink die rede hoekom dit my so hartseer maak is omdat ons baie verhuis het toe ek klein was en ek kan onthou hoe hartseer ek gevoel het as al die kinders speel en ek sit alleen en eet my broodjies wat sommer so dik in my keel gevoel het. Gelukkig het kleinsus se beste maatjie ook hierheen getrek en hulle is in dieselfde klas, so oor haar het ek geen worries nie.

Ek hoop Carli maak sommer vandag al goeie maatjies wat goed vir haar sal wees... Maatjies is so belangrik in 'n kind se lewe en het 'n baie groot invloed op hulle....

Dankie vir julle gebede...

[MercyChild]

Ek bid sommer dat ou Carli, die beste dag ooit sal he! .........:hug::pray:

[Sonia Smit]

Hi Lanie,

Vanoggend toe ons werk toe ry en so verby die laerskole ry en ek sien van die kindertjies so benoud aan hulle mammas en pappas klou vir die nuwe geboue wat so voor hulle uitreis, het ek sommer so by myself gedink aan my eerste dag van skool. Ek het so gehuil en ek wou niks weet van gaan nie. Maar toe ek eers in die klassie is en gemaklik geraak het met dit wat om my aangaan, was ek so opgewonde om weer skool toe te gaan dat ek nie kon wag vir die die volgende dag nie!

Ek bid dat klein Carli net so opgewonde sal wees en ek stem, sy gaan die beste dag ooit hê!:pp

[Lanie]

Dankie julle, Carli het gister en vandag geniet en het vanmiddag baie opgewonde vir my kom vertel dat sy 2 maatjies gemaak het. :pp

[Sonia Smit]

Dankie julle, Carli het gister en vandag geniet en het vanmiddag baie opgewonde vir my kom vertel dat sy 2 maatjies gemaak het. :pp

Ek is baie bly! :pp