Hoe vry is vrye wil?

[Die Filadelfieer]

Wat my aanbetref, ek glo dat ons op aarde leef met een doel, en dit is om mense vir God se Koninkryk te bereik. En daarvoor wil ek my beywer, sonder om my aan die uitverkiesing te steur, want dan gaan dit 'n hindernis op my roeping plaas.

...en woorde soos hierdie is wat Lighuis anders maak as ander forums. Wat jy hier geskryf het is vir my persoonlik baie pertinent, en die hoofrede hoekom ek nie verder aan hierdie debat sal deelneem nie. Wat is meer belangrik ? Om 'n debat "te wen" of iemand in sy of haar roeping te ondersteun ?

Jy is waarlik 'n goeie en 'n wyse mens Gene, hoop om dit eendag persoonlik aan jou oor te dra.

[Rosi]

Goeiedag. :-)

Is hierdie draad nou afgehandel of lees iemand darem nog hier?

Ek is nuut op die forum en het hier beland nadat ek op die internet begin soek het na inligting en gesprekke oor die uitverkiesing.
Ek het grootgeword met die gereformeerde leer oor die uitverkiesing, maar was diep binne in my hart nog nooit heeltemal gelukkig daarmee nie. Het dit egter aanvaar soos ek dit geleer het en myself gelukkig probeer hou met die verduideliking dat God almagtig en alwetend is en vooraf geweet het wie Sy genadige verlossing (uit eie wil) sou aanvaar en wie nie. Daarvolgens is sekere mense dus uitverkies en sommiges nie.

Na gesprekke hieroor met vriende die afgelope ruk, het 'n vriend se uitspraak dat alle mense uitverkies is, maar dat nie almal Jesus se verlossing aanvaar nie, my weer diep hieroor laat nadink. Ek het besef dat dit vir my meer logies klink as die uitverkiesingsleer waarmee ek grootgeword het. (Amper soos die see wat nie meer in die hiernamaals sal wees nie en wat vir my nog altyd so half ongeloofbaar was, maar gelukkig het ds. Isak my hieroor gerusgestel! )

Ek was ongelooflik bly toe ek hierdie forum...en veral hierdie bespreking....hier ontdek. Het 'n klomp van die poste gekopieer en uitgedruk en gaan vanaand in diepte daarna kyk.

Baie dankie aan almal se bydraes en insigte. Indien mense nog hieroor gesels, sal ek later ook 'n bydraetjie maak oor hoe ek dit ervaar.

[Ta-An]

Welkom Rosi

Hierdie is al 'n bietjie van 'n ou draad, ,, maar ek is seker dat wanneer die moderators van die Forum weer aanlyn kom sal hulle dit vir jou kan split en lekker daaroor met jou begin gesels...

[Phil Fourie]

Hi Rosi, welkom hier by ons, ag, hierdie draad is nie so oud nie, so vra sommer jou vra hier, dan bespreek ons dit net verder

Groete
Phil

[Roelof]

Ok, goed dan, so as ons nie 'n vrye wil het om God te kies nie (soos ek en jy reken), kan mens dan 'n vrye wil hê om jou geloof te verloor

Phil

Volgens John Wesley en Jacobus Arminius, wat die grondslag van die Metodisme gelê het, kan jy wel jou redding verloor:

Salvation can be lost, as continued salvation is conditional upon continued faith


Ek glo dat die mens 'n keuse het om te besluit wat hy wil doen en glo, en nie marionette van God is nie:

Revelation13:5. (KJV Bible Commentary)
….. All is under the permissive direction of God, as with Job and Satan long ago (cf. Job 1–2).

[Roelof]

Dis wat die Woord ons teen waarsku:

Sorg daarvoor, broeders, dat daar nie miskien in een van julle ‘n bose en ongelowige hart is deurdat hy van die lewende God afvallig word nie. (Heb 3:12)

[mari]

Johannes 10

24 En die Jode het Hom omring en vir Hom gesê: Hoe lank hou U ons in onsekerheid? As U die Christus is, sê dit vir ons ronduit.

25 Jesus antwoord hulle: Ek het dit vir julle gesê, en julle glo nie. Die werke wat Ek doen in die Naam van my Vader, dié getuig van My.

26 Maar julle glo nie, want julle is nie van my skape nie, soos Ek vir julle gesê het.

27 My skape luister na my stem, en Ek ken hulle, en hulle volg My.

28 En Ek gee hulle die ewige lewe, en hulle sal nooit verlore gaan tot in ewigheid nie, en niemand sal hulle uit my hand ruk nie.

29 My vader wat hulle aan My gegee het, is groter as almal; en niemand kan hulle uit die hand van my Vader ruk nie.

30 Ek en die Vader is een.

31 Die Jode het toe weer klippe opgetel om Hom te stenig.