Goedkoop Genade...?

[CFJ]

Voorwaar, voorwaar Ek sê vir julle, wie nie by die deur in die skaapstal ingaan nie, maar van ‘n ander kant af inklim, hy is ‘n dief en ‘n rower. Maar hy wat by die deur ingaan, is ‘n herder van die skape. Vir hom maak die deurwagter oop, en die skape luister na sy stem; en hy roep sy eie skape by hulle naam en lei hulle uit. En wanneer hy sy eie skape uitgebring het, loop hy voor hulle uit; en die skape volg hom, omdat hulle sy stem ken. Hulle sal ‘n vreemde nooit volg nie, maar van hom wegvlug, omdat hulle die stem van die vreemdes nie ken nie. Hierdie gelykenis het Jesus aan hulle vertel; maar hulle het nie verstaan wat dit was wat Hy tot hulle gespreek het nie. Jesus het toe weer vir hulle gesê: Voorwaar, voorwaar Ek sê vir julle, Ek is die deur van die skape. Almal wat voor My gekom het, is diewe en rowers; maar die skape het nie na hulle geluister nie. Ek is die deur; as iemand deur My ingaan, sal hy gered word, en hy sal ingaan en uitgaan en weiding vind.
(Joh 10:1-9)

Jesus sê daar is diegene wat in die skaapstal van 'n anderkant inklim, as om deur die deur te kom. Hy sê vêrder dat as iemand deur Hom ingaan, so iemand gered SAL word. Daar is dus 'n versekering en belofte as jy deur die regte deur ingaan.

Die vraag is nou, diegene wat ook in die skaapstal klim en dit wat in die skaapstal deelagtig is gesmaak het, is dit net hulle wat hul redding verloor?

In hierdie gelykenis neem mense tog die Woord aan en word verlig en word deelagtig daaraan...

Luister julle dan na die gelykenis van die saaier. As iemand die woord van die koninkryk hoor en nie verstaan nie, kom die Bose en roof wat in sy hart gesaai is—dit is hy by wie langs die pad gesaai is. En by wie op rotsagtige plekke gesaai is—dit is hy wat die woord hoor en dit dadelik met blydskap aanneem; maar hy het geen wortel in homself nie, hy is net vir ‘n tyd, en as daar verdrukking en vervolging kom ter wille van die woord, struikel hy dadelik. En by wie in die dorings gesaai is—dit is hy wat die woord hoor, maar die sorg van hierdie wêreld en die verleiding van die rykdom verstik die woord, en hy word onvrugbaar. En by wie op die goeie grond gesaai is—dit is hy wat die woord hoor en verstaan, wat dan ook vrug dra en oplewer: die een honderd,die ander sestig—, die ander dertigvoudig.
(Mat 13:18-23)

Die 2de en 3de groep trek my aandag, want hulle is diegene wat a.g.v. verdrukkinge, vervolginge en sorge en verleiding van die wêreld weer verlore gaan of dan nou dit wat hul aangeneem het weer verloor.

Tog staan daar...

Wie sal beskuldiging inbring teen die uitverkorenes van God? God is dit wat regverdig maak. Wie is dit wat veroordeel? Christus is dit wat gesterf het, ja, meer nog, wat ook opgewek is, wat ook aan die regterhand van God is, wat ook vir ons intree. Wie sal ons skei van die liefde van Christus verdrukking of benoudheid of vervolging of honger of naaktheid of gevaar of swaard? Soos geskrywe is: Om U ontwil word ons die hele dag gedood, ons is gereken as slagskape. Maar in al hierdie dinge is ons meer as oorwinnaars deur Hom wat ons liefgehad het. Want ek is versekerd dat geen dood of lewe of engele of owerhede of magte of teenwoordige of toekomende dinge of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.
(Rom 8:33-39)

Is daar iets soos verkondiging en ook aanneem van goedkoop genade, wat veroorsaak dat mense nie by die deur van die skaapstal ingaan nie, maar by 'n ander plek inklim?

Die hele argument gaan dus daaroor dat diegene wat hul redding verloor, het nie by die deur van genade ingegaan nie..., of is hier 'n fout in die denkwyse?

[Die Filadelfieer]

Hierdie is werklik 'n baie goeie pos Ferdi.
Die teks uit Rom. 8 sê tog baie duidelik dat dit God is wat regverdig maak, wat ons natuurlik weer by die uitverkiesing uitbring. Geen mens wat deur God gekies word kan sy of haar redding verloor nie.

Vir die eerste keer word Heb. 6 ook vir my duidelik. Ek dink hier word van die "diewe en rowers" gepraat, en nie die wat deur Christus in die skaapstal ingaan nie.

[Yolande~]

Voorwaar, voorwaar Ek sê vir julle, wie nie by die deur in die skaapstal ingaan nie, maar van ‘n ander kant af inklim, hy is ‘n dief en ‘n rower. Maar hy wat by die deur ingaan, is ‘n herder van die skape. Vir hom maak die deurwagter oop, en die skape luister na sy stem; en hy roep sy eie skape by hulle naam en lei hulle uit. En wanneer hy sy eie skape uitgebring het, loop hy voor hulle uit; en die skape volg hom, omdat hulle sy stem ken. Hulle sal ‘n vreemde nooit volg nie, maar van hom wegvlug, omdat hulle die stem van die vreemdes nie ken nie. Hierdie gelykenis het Jesus aan hulle vertel; maar hulle het nie verstaan wat dit was wat Hy tot hulle gespreek het nie. Jesus het toe weer vir hulle gesê: Voorwaar, voorwaar Ek sê vir julle, Ek is die deur van die skape. Almal wat voor My gekom het, is diewe en rowers; maar die skape het nie na hulle geluister nie. Ek is die deur; as iemand deur My ingaan, sal hy gered word, en hy sal ingaan en uitgaan en weiding vind.

(Joh 10:1-9)

Jesus sê daar is diegene wat in die skaapstal van 'n anderkant inklim, as om deur die deur te kom. Hy sê vêrder dat as iemand deur Hom ingaan, so iemand gered SAL word. Daar is dus 'n versekering en belofte as jy deur die regte deur ingaan.

Die vraag is nou, diegene wat ook in die skaapstal klim en dit wat in die skaapstal deelagtig is gesmaak het, is dit net hulle wat hul redding verloor?

Ek sou nie se ek het 'n volledige antwoord nie, maar wat by my opgekom het toe ek jou pos gelees het is dat diegene wat inkom in die skaapstal van allerlei kante is nie skape nie en sal nooit vir ander skape lyk soos skape nie, maar mag dalk vir party skape lyk soos 'n potensiele herder.

Daar is die ware Christus gees en dan is daar vals christus geeste, namaaksels, engele van die lig, wat kom in die vorm van byvoorbeeld okkultiese boeke of stemme (soos sommige van die wat ons al hier bespreek het) maar wat lyk of dit Jesus is wat praat. Die volwasse skape kan dadelik die stem van die herder herken en sal wegdyns vir hulle. Maar onvolwasse lammers sal dalk nog vir 'n ruk mislei kan word.

Ek sou dus eerder kon aflei dat dit hier gaan oor die Herder en die boodskap van die herder teenoor die boodskap van valse geeste, en dat die fokus gladnie is m.b.t. die 'redding status' van sommige teenoor ander nie.

[CFJ]

Dankie Yolande, ek stem met jou saam en miskien moet mens dit net beter toelig om die konteks nie verlore te laat gaan nie. As ek dit reg lees, is dit juis die diewe en rowers wat 'n goedkoop genade verkondig en 'n skaapstal voorstel wat ander dan ook deelagtig raak saam met hulle. As mense hierdie diewe en rowers soos die Skrif dit stel glo, klim hulle ook in die skaapstal, sonder om deur die deur van die stal te gaan.

As ek 'n gesteelde voertuig koop en dit nie geweet het nie, dra ek ook die skuld en die voertuig word derhalwe by my afgeneem. Die dief wat die voertuig gesteel het, het my nou dus in die stal van voertuig-eienaars geplaas..., want ek besit wel die voertuig, maar het nie die voertuig deur die regte kanaal ontvang nie.