Kerkbasaar....?

[Lanie]

Hoe voel julle oor kerkbasaars?

Ja, dis 'n wonderlike geleentheid vir 'n gemeente om sosiaal saam te verkeer en koinonia te bevorder. Maar partykeer lyk dit vir my eerder of dit 'n geldmaakstorie is. My hart voel ook baie swaar want met ons kerkbasaar hierdie jaar lyk dit vir my of "ons" vir die gemeenskap wil wys hoe oulik "ons" is.

Meer spesifiek wat is aanvaarbaar by 'n kerkbasaar en wat nie? Ons kerk hou ook 'n skoonheidskompetisie tydens die kerkbasaar-naweek. Ek is ook skeef aangekyk omdat ek nou die dag gesê het dat 'n spookhuis hoort nie by 'n kerkbasaar nie. Ook moes ek hoor dat mens nie die duiwel agter elke bos moet gaan soek nie en dat 'n christen nie van alles 'n issue moet maak nie want dit skrik mense af.....ag toggie....

Is hulle reg? Is ek besig om van dinge "issues" te maak, wat nie nodig is nie. Ek voel partykeer baie van ons christene raak so gekondisioneer met die wêreld se goed dat ons nie agterkom dat ons op al hoe meer sake "compromise" nie. Askies vir die Ingels tussenin, my brein sukkel vandag om in afrikaans te dink.....

[Die Filadelfieer]

Ek hou van pannekoek. En sago met appelkooskonfyt.

Met die res stem ek in wese met jou saam Lanie. Ons kerke is al hoe meer besig om die pot mis te sit.

[Gene]

Lanie

Ek stem heelhartig met jou saam, sekere goed hoort eenvoudig nie by 'n kerkbasaar nie. Om geld in te samel, is nie verkeerd nie en basaars is soos jy se ook baie bevorderlik vir die bou van 'n band tussen lidmate..... Maar ons moet onthou dat, al is ons IN die wereld, ons is nie VAN die wereld nie. En die wereld hou ons (christene) met valkoe dop! Ons moet anders lyk en doen as die wereld!

So aantal jare gelede het ek in die openbaar iets gese oor 'n sekere kerk hier in my dorp wat hulle kerkbasaar afgesluit het met 'n dans, waar daar ook drank te koop was. Die leraar was woedend, hy het my gebel en gedreig met 'n laster eis, waarna hy die telefoon summier in my oor neergesmyt het. Ek het in my motor geklim en na sy huis gery, waar ons langer as 'n uur gesels het. Sy argument was dat dans en drank nie in sy oe sonde is nie en dat ek te preuts is.... Maar die punt vir my was dat dit grys gebiede is en dat die kerk van sulke grys gebiede moet wegbly, juis omdat die kerk 'n voorbeeld vir die wereld moet wees. Nadat ek daar weg was, het hy minstens toegegee dat ek 'n punt het, al het hy nie daarmee saamgestem nie. (Eienaardig genoeg, al was die dans 'n reuse sukses, het hulle nog nooit weer so iets aangepak nie)

Daar is wonderlike en heerlike pretmaniere om geld op 'n kerkbasaar in te samel, sonder om spookhuise, skoonheidskompetisies, danse en loterye aan te bied. Dit maak nie saak wat 'n mens se persoonlike oortuiging oor hierdie goed is nie, die feit is dat die kerk 'n voorbeeld moet stel. Dis my eerlike opinie

[Lanie]

Gene...

Nou dat jy praat van lotery en dans.....hulle het 'n laerskoolrugbyveld in "erwe" verdeel en die erwe verkoop. Dan gaan hulle 'n ballon of iets met verf uit die lug laat val en die ou op wie se erf die verf val wen 'n prys - weet nie wat of hoe groot die prys is nie.....maar dis mos ook lotery.

Daar is ook 'n boerevastrap gereël. Ek dink sonder drank. Maar nou wil ek 'n ander vraag vra. Wat presies is die probleem met dans. Ek praat nie van "dirty dancing - lam boude" dans nie, sommer gewone langarm-boeresokkie. Ek en my man is verskriklik lief vir dans. Maar nou sê jy, vir wie se siening ek baie respek het, dans is 'n grys area? Hoekom frons so baie christene daaroor?

[Gene]

Gene...

Nou dat jy praat van lotery en dans.....hulle het 'n laerskoolrugbyveld in "erwe" verdeel en die erwe verkoop. Dan gaan hulle 'n ballon of iets met verf uit die lug laat val en die ou op wie se erf die verf val wen 'n prys - weet nie wat of hoe groot die prys is nie.....maar dis mos ook lotery.

Daar is ook 'n boerevastrap gereël. Ek dink sonder drank. Maar nou wil ek 'n ander vraag vra. Wat presies is die probleem met dans. Ek praat nie van "dirty dancing - lam boude" dans nie, sommer gewone langarm-boeresokkie. Ek en my man is verskriklik lief vir dans. Maar nou sê jy, vir wie se siening ek baie respek het, dans is 'n grys area? Hoekom frons so baie christene daaroor?

Lanie

Dans is een van daardie goed waaroor die Bybel nie klinkklare antwoorde gee nie, en mense verskil radikaal daaroor. Ek moet se in die laaste jare is die bohaai oor dans baie minder as vroeer. Ek dink dis maar een van daardie goed waaroor 'n mens jou deur die Heilige Gees moet laat lei. As jy volkome vrede het daaroor, is dit goed. As daar net 'n effense ongemaklikheid of twyfel is, bly dan liewer weg! ('n Mens moet net nie vir jouself prober lieg nie - want dan lieg jy ook vir die Here.) En dis wat ek bedoel as ek se dis 'n "grys" gebied. Mense gaan verskil daaroor, net soos bv oor die gebruik van sterk drank. Sommige mense glo vas dat sterk drank totaal en al taboe is, ander weer (soos ek) glo dat daar niks mee verkeerd is nie, mits dit matig gebruik word, en jy nie daardeur vir iemand anders 'n struikelblok is nie. En weereens, hier moet 'n mens jou deur die Gees laat lei.

Persoonlik voel ek dat daar met dans as sulks niks verkeerd is nie, maar dat dans tot sonde kan lei, is 'n feit. Maar dit maak nie werklik saak hoe ek en jy daaroor voel nie. My argument is bloot dat die kerk hom nie op daardie gebied moet begewe nie, omdat die kerk 'n voorbeeld moet wees vir die wereld, en omdat mense wat swak is in die geloof, of wat twyfel, deur so 'n aksie deur die kerk mislei kan word en kan struikel. Net soos ek glo dat 'n christen sakeman bv nie 'n drankwinkel mag oopmaak nie, ongeag hoe hy self daaroor voel. So kan hy aandadig word aan 'n ander se sonde.

Self het ek nog nooit gedans nie, maar ek het persoonlik nie 'n probleem daarmee nie, mits dit met die regte persoon en die regte intensies gedoen word. Ek geniet 'n bier saam met my rugby op 'n Saterdagmiddag, of 'n glasie wyn saam met 'n spesiale ete. En as jy lief is vir dans, en jy het vrede daaroor, dan se ek: geniet dit!

Hou net altyd 1 Korintiers 8 wat handel oor die eet van vleis wat aan afgode geoffer is, in gedagte. Ek glo dat dit ook op goed soos alkahol en dans van toepassing gemaak kan word. Let verl op vers 13 :

"Daarom, as voedsel my broeder laat struikel, sal ek in der ewigheid geen vleis eet nie, om my broeder nie te laat struikel nie."

Groetnis!

[Ta-An]

Lanie, as die gemeente hulle tiende elke maand gee sal die kerk nie nodig hê om 'n basaar te hou nie.....

Ons gemeente het nog nooit kerkbasaar gehou nie.... hulle 'leef' binne die kerk se inkomste en hulle maak nie van die kerk gronde 'n geldwisselaar gebied nie....

Wat ons wel doen, en die kerk betaal daarvoor.... is om so een keer per termyn 'n worsbraai na kerk te hou vir 'n social


Dans..... die enigste plek waar dans in die Bybel genoem word is in lofprysing tot G_d.... maar ons is mos maar 'n Boerevolk wat van Rock-around-the-Ossewa hou.... solank elke ou net met sy eie vrou dans

'n Skoonheidskompetisie

[Optimis]

Ek voel partykeer baie van ons christene raak so gekondisioneer met die wêreld se goed dat ons nie agterkom dat ons op al hoe meer sake "compromise" nie.

Jy voel tog so reg!!!!
Nou voel ek minder alleen ..... maar ..... Prys die Here ons kan vir hulle bid!!!

[Lanie]

Lanie, as die gemeente hulle tiende elke maand gee sal die kerk nie nodig hê om 'n basaar te hou nie.....

Ons kerk se koffers loop oor. Hulle het nie nodig om 'n basaar te hou nie.

[Gene]

Daar is niks mee verkeerd om basaars / fondsinsamelingsprojekte te hou nie. Dit bring nie alleen geld in nie, maar bevorder onderlinge verhoudings. Daar is niks mee verkeerd om lekker saam te kuier en pret te he, en terselfdertyd geld in te samel nie. Maar die vraag moet gevra word, waarvoor word die geld aangewend? Is om nog meer luukshede vir die kerk aan te koop, nog meer foefies tydens eredienste aan te bied, nog hoer salarisse vir reeds oorbetaalde werknemers te betaal, nog meer beleggings in die bank te he ens ens ens.? Of is dit om meer geld beskibaar te he vir die uitbreiding van God se Koninkryk, om nog meer sendelinge te onderhou, om nog meer behoeftiges te help ens ens ens?

En dan natuurlik moet daar gekyk word na die metodes van fondsinsameling, soos hierbo bespreek is. Ons moet anders lyk as die wereld.