Ons wonderbaarlikke erfenis....

[mari]

Iets om te oordink op ERFENISDAG.....

PS 16....

5 Die HERE is die deel van my erfenis en van my beker; U onderhou my lot.

6 Die meetsnoere het vir my in lieflike plekke geval, ja, my erfenis is vir my mooi.

7 Ek sal die HERE loof wat my raad gegee het; selfs in die nag vermaan my niere my.

8 Ek stel die HERE altyddeur voor my; omdat Hy aan my regterhand is, sal ek nie wankel nie.

9 Daarom is my hart bly en my eer juig; ook sal my vlees in veiligheid woon; ........

Gooi bietjie "erfenis" in die Biblesearch........ wat 'n Blessing !......


..... Elke belofte van die Woord is ons erfenis...... en die Gewer daarvan het gesterf sodat ons dit wettig mag erf..... maar het ook weer opgestaan om seker te maak ons kan dit aanvaar in alle volheid...........



groetnis
m

[Ta-An]

Dankie vir jou plasing.....

[David2]

Dankie Mari
Kom ons voeg hierdie ook daarby:

Ps. 61:5
Hier is dit vir die Psalmdigter die beste om die erfenis te deel van die wat die Here vrees, ten spyte daarvan dat dit soms, soos ook in hierdie geval, beteken dat die regverdige onregverdig behandel word.

Kyk ook na die erfenis in Jer.3:17-19. Hierdie wonderlike voorspellinge van Jerusalem en die land van Israel het nou nog nie waar geword nie, maar die dag is naby, voor die deur.

In plaas van hierdie wonderlike verwagting van 'n erfenis rondom Jerusalem, het Israel deur die eeue en tot vandag nie veel meer as 'n verwoesting van hulle erfenis aanskou nie (Jer. 12:7-13). Maar aan die einde van die verwoesting word die herstel van die erfenis altyd weer aangekondig (Jer. 12:15).

Let op: Dit is nie net Palestina wat Israel se erfenis van die Here is nie, maar Israel self word deur die Here sy erfenis genoem. Mense, 'n erfenis is iets besonders. Dit gaan nie net oor die waarde daarvan nie, dit gaan ook oor die verwantskap en jou eie naam wat aan die erfporsie gekoppel is. As die Here Israel dan sy erfenis noem (Joel 3:2), dan het Hy hulle werklik baie lief en sal Hy hulle nooit verlaat nie. En om te sê dat die kerk nou in Israel se plek gekom het, hou nie vir my stand nie. Hier word nie van die kerk gepraat in Joel 3 nie. Israel is die Here se erfenis en sal dit vir altyd wees. Die Here sal nie sy erfenis verkwansel nie.

Kyk met hoeveel deernis praat die Koning van alle tye oor sy erfdeel in Miga 7:14 en 18. Hy gaan nie vir altyd vir hulle kwaad bly nie. Hy gaan die oorblyfsel van sy erfdeel se ongeregtigheid vergewe. Daar in Miga het hulle nog nie geweet hoe die Here dit gaan doen nie, maar ons weet nou dat die Messias self gekom het en toe eers, voordat Hy die land kon herstel en hulle kon vergewe, aan 'n kruis vir hulle (en ons) gesterf het sodat Hy hulle regverdiglik sal kan vergewe.