Gedig: Welkom By God's Huis ('n Gedig)

[paidforinfull]

Haai - hierdie is nou my eerste poging om 'n gedig in Afrikaans te skryf sedert Std. 1. Hier is nou nie 'n spesifieke plek vir Afrikaanse gedigte nie, so ek plaas dit maar hier. Ek hoop dit is reg so?

Welkom By God's Huis
deur Belinda van Rensburg

Welkom hier by God se Huis -
ons hoop jy voel sommer gou tuis;
jou broers en susters wag vir jou
om saam met hul God's Ryk te bou.

Bring iemand saam of kom alleen
kom in die hitte of die reën,
Hier is 'n plekkie net vir jou,
jou kinders en jou man of vrou.

Welkom, Welkom, kom tog in
sodat ons almal saam kan sing
tot God's verheerliking en eer,
en uit Sy Woord uit saam kan leer.

Kom drink met ons 'n koppie tee
en deel met ons jou vreug en seer;
kom kyk hoe ons ons tyd bestee
saam met mekaar en met ons Heer.

[Optimis]

Dis pragtig, het jy nog die std 1 gedigte?

[Ta-An]

Welgedaan!!!

Sien , mens moet net pribeer

[Antonvs]

Wonderlik

Waarom nie jou gawe in span om "Afrikaanse Gesange" te dig wat Skrif getrou is en ryk is in Bybel

[paidforinfull]

Dis pragtig, het jy nog die std 1 gedigte?

Dankie.

Nee, ek het dit nie meer nie, maar ek kan nog onthou hoe dit begin het -

Die Mier
Sy soek hier en sy soek daar
sy maak kossie bymekaar
.......

(En toe kom ek in die moeilikheid by my juffrou omdat ek kwansuis die gedig iewers afgeskryf het. Het toe vir meer as 40 jaar nie weer geskryf nie, maar is nou weer aan die gang.)
Blessings

[paidforinfull]

Dankie vir al die bemoediging en mooi woorde. Dit beteken vir my baie. Blessings.

[Ta-An]

(En toe kom ek in die moeilikheid by my juffrou omdat ek kwansuis die gedig iewers afgeskryf het. Het toe vir meer as 40 jaar nie weer geskryf nie, maar is nou weer aan die gang.)
Blessings

Ek hoop dit het saam met vergifnis hand aan hand geloop

[paidforinfull]

Ek hoop dit het saam met vergifnis hand aan hand geloop

Haai weer - ja, ek het haar natuurlik al laaaaaaaankal vergewe, en ook 'n les daaruit geleer. Ek is nou self 'n onderwyseres, en ek moedig altyd my studente aan om hulle talente te gebruik en te ontwikkel. Dus skuld ek eintlik daardie juffrou 'n dankie.