Apokriewe boeke

[mari]

onlangs het ek 'n kopie van die Apokriewe boeke ( Ou en Nuwe Testamente ) van Jan van der Watt en Francois Tolmie geskenk gekry.....

Hoe moet ons hierdie boeke benader ? Die verhale en stellings daarin is nogal insiggewend, veral t.o.v. agtergrond van dit wat wel in die Bybel opgeneem is.......

[Son of the South]

Mari

Daar was 'n hele bespreking op 'n vorige draad oor die boek van Henog wat by jou vraag aansluit.

Miskien het die sienings van die ouens wat aan daardie gesprek deelgeneem het nou genoeg kans gehad om vorm aan te neem?

[Sonia Smit]

Hi,
Ek en my man het ook die Apokriewe en die Detrokronieke (weet nou nie of ek dit reg sprel nie...) boeke gekry vir 'n geskenk. Weet jy, ons het besluit om dit te lees.

Niemand kan vir jou sê of jy dit moet lees of nie. Maak dit 'n gebedsaak en hoor wat God vir jou sê. As Hy wil hê jy moet dit lees, lees dit. As Hy nie wil hê jy moet dit lees nie, moet dan nie.

Hoop dit help

[marline]

Ek geniet die boek vreeslik baie. Dit is in maklike leestaal geskryf. Wat ek baie van hou is die opmerkings wat die skrywers tussen in maak, en ook teks verwysings na Die Bybel. Lekker lees!!

[MercyChild]

[quote=mari;1874452]onlangs het ek 'n kopie van die Apokriewe boeke gekry


Wat de heng is dit?

[Lanie]

Linda,

Dalk moet ek wag dat iemand meer geleerd jou antwoord maar soos ek dit verstaan is dit boeke wat in die tyd van die ou en nuwe testament geskryf is, en gevind is in die areas waar die rolle waaruit ons bybel bestaan gevind is, maar nie in ons bybel opgeneem is nie.

[marline]

Linda, die apokriewe boeke is verlore boeke uit die Bybelse tyd. Die outeurs van die boek se die boek maak vir lesers die venster oop tot 'n beter begrip van die denk- en leefwereld van die vroee Christene en ou Kerkvaders.

[Sonia Smit]

Linda,
Baie mense stel voor dat nuwe wedergebore kinders nie die boeke lees totdat hulle Bybelstudie gedoen het nie. Dit gebeur partykeer dat die tipe van boeke nuwe wedergebore kinders ongelooflik deurmekaar maak.

[MercyChild]

Ag, julle is sulke ou sterre.

Dankie vir die beantwoording van my vraag. Ek sal maar wag tot ek groter is, en dan gaan opsoek en kyk waaroor die boeke gaan. Intussen volg ek maar julle gesprek op soek na wysheid vir die toekoms.

[Sonia Smit]

Linda,
Ek verstom my in die spoed wat jy groei in als wat jy hier lees en leer en seker ook op persoonlike vlak buite die bord.
Ek dink dit is great dat jy so vurig vir die Here is en als wil leer! Dieselfde wat ek vir Mari gesê het, voor jy enigsins iets lees maak dit 'n gebedsaak. Dis maar net dat ek al agtergekom het dat wanneer jy nuwe gebore kinders bombardeer met te veel nuwe inligting dit baie confusing kan raak.

Ek is baie bly dat jy al so aktief is!

[mari]

Mari

Daar was 'n hele bespreking op 'n vorige draad oor die boek van Henog wat by jou vraag aansluit.

Miskien het die sienings van die ouens wat aan daardie gesprek deelgeneem het nou genoeg kans gehad om vorm aan te neem?

Dankie SOS.... daarie draad raak heel spooky met die reuse stories....
ek wil eintlik vra oor die apokriewe boeke in die algemeen - die Nuwe testament boeke is nogal fasinerend......

.... kan iemand hier dalk verduidelik wat die kreteria was waarom sommige boeke uitgelaat en ander ingesit is in ons hedendaagse Bybel.... as ek reg verstaan is dit 'n paar keer verander voor die samestelling wat ons nou het.....

... en ja, die notas in hierdie spesifieke uitgawe is nogal insiggewend.....

groetnis
m

[Son of the South]

Ja, ek wil ook graag weet asseblief.

Nog 'n klippie: Ons is almal so besorg oor die akkuraatheid waarmee die Bybel oorgedra is aan ons. Watter maatstaf is daar om seker te maak dat ons die onverdraaide weergawe van die Apokriewe boeke beethet?

[Grace Life]

Daar is bladsye vol kriteria waaroor mens kan skryf om aan te dui hoe die boeke onderskei is van die Bybelboeke wat ons vandag ken .

Ek noem so een of twee .

Die mense het baie van die bestaande Bybelboeke probeer na-aap en het soortgelyke name aan die boeke gegee wat hulle geskryf het .

Verder het hulle die name van die apostels en ander Bybelskrywers onderaan die boeke (briewe) geteken .

Nou dit is nie baie moeilik om gou agterkom dat 'n persoon se woordkeuses en sinskonstruksies nie ooreenstem met die Bybelboeke wat deur byvoorbeeld Paulus geskryf is nie . Dit is dan verwerp .

Die eerste Christene het hierdie boeke baie meer gelees as wat vandag die geval is . Party dinge wat daar geskryf staan weerspreek wat in die Woord staan . Ander goed stem weer ooreen met wat in die Woord staan .

Die Nuwe Testament haal baie keer uit die Ou Testament aan ,maar daar is geen aanhalings uit die Apokriewe Ou testamentiese boeke nie .

Laastens is daar maar gekyk of die geskiedskrywers en ander Skrifkenners melding gemaak het van die apokriewe boeke . As hulle nie genoegsame getuienis kon kry nie ,is die boeke maar met 'n knippie sout gevat

Cheers

[mari]

... die boek so bietjie verder gelees... en tot 'n gevolgtrekking gekom...

... om "bang" te wees vir die Apokriewe boeke en dit as "onbybels" af te skiet ( soos die uwe ) , is dalk nie so wys nie.... soos enige ander geskiedkundige geskrifte moet mens van die inligting maar met 'n knippie ( of selfs 'n handvol ! ) sout lees, maar dit gee kosbare agtergrond vertelling deur mense in die tyd van die Bybel oor gebeurtenisse waarvan hulle soms ooggetuies was...... ons weet mos "truth is in the eye of the beholder"... so as stories so bietjie stertjies het ens, is dit OK, dis mos nie wet nie.......

... die notas in hierdie spesifieke uitgawe gee nogal baie verwysings en teenstellings na Bybelteks, wat 'n goeie geheelbeeld skep vir agtergrond studie...... dit is amper 'n "kommentaar" oor die lewe van daardie tyd en gee insig in ander se sien van Bybelse gebeure...... interessant, maar nie wet nie......

kanon-groetnis
m

[Phil Fourie]

mari

As mens dit met 'n knippie sout moet lees, dan is dit mos "onbybels" want daar is nie ietsin die Bybel wat jy met 'n knippie sout moet lees nie, alles in die Bybel is absoluut waar