Doping met die Heilige Gees

[CFJ]

Hi Eugene,

Ek ploeg nou met iemand anders se kallers, maar dit is die beste verduideliking wat ek tot dusvêr gehoor het, die van Christo Nel.

Die Gees van die Here moet op mens kom, om 'n salwing te kan ontvang. Hierdie salwing is die werking van God self en dan gebeur buitengewone dinge, wat andersins nie gebeur nie. Alhoewel God se Gees nou binne ons is, moet die Doper met die Gees, Jesus self, mens salf om die gawes van die Gees, deelagtig te kan wees. Wanneer ons dus iemand deur gebed genees, dan is dit omdat die Gees op ons kom, wat dit moontlik maak.

In beide die Ou- en die Nuwe Testamente, het dit presies dieselfde gebly. Wanneer Moses wonderwerke gedoen het, was dit omdat God se Gees, op hom gekom het. Ek sal later graag meer detail gee en soveel moontlike verwysings gee, sodra ek tyd vind.

[David2]

Ferdi
Maar sien jy dan nie die verskil in die ou bedeling en die nuwe bedeling nie? In die ou bedeling het die Gees oor iemand gekom en hom weer verlaat. In die nuwe bedeling word ons permanent deur die Gees van God bewoon. Die bedeling van die Gees het op Pinksterdag begin. Van toe af het mense die Heilige Gees eens en vir altyd ontvang. Ons is dus almal nou gesalf met die Gees en Hy bewoon ons permanent.

Daar is dus in ons tyd geen ruimte vir 'n doping van die Heilige Gees wat 'n anderste of spesiale teenwoordigheid van die Heilige Gees moet beteken nie. Ons het nou die Heilige Gees of ons het Hom nie, sê Rom. 8 en as ons Hom nie het nie, is ons nog totaal ongered. Die idee van 'n spesiale salwing vir 'n spesiale taak is of Ou Testamenties, of Chrismaties, maar is beslis nie on ooreenstemming met die huidige bedeling van die genade van God nie.

Ek stem dus volkome saam met Anton se verklaring dat die doping van die Heilige Gees ons eerste kennismaking met die Heilige Gees is en dit is die dag toe ons Christene geword het. Let op die betekenis van die woord "doop" wat duidelik hieruit na vore kom. Doop is "vereenselwiging" of "identifikasie". Toe ons met die Heilige Gees gedoop is, is ons met Hom vereenselwig en het ons 'n ander identiteit ontvang.

[CFJ]

David,

Ek sien dit ook soos jy, maar hierdie studie het myself so bietjie aangespreek en ek hou dit graag voor vir elkeen om self te evalueer. Onthou net, dit is nie noodwendig my eie siening nie en ek ploeg dus nie met my eie kallers nie, maar iemand anders s'n en alles wat ek voorhou, moet wees volgens dit wat ek van Christo Nel verstaan. Kom ons werk daardeur en dan neem mens dit daarvandaan. Alhoewel God se Gees heeltyd in ons is, kan ons nie heeltyd wonderwerke doen nie. Dit is oor hierdie rede dat God se Gees ook op ons moet kom, voordat buitengewone dinge gebeur. In hierdie opsig onderskryf ek glad nie dit wat in Charismatiese kringe die reël is nie, want buitengewoon beteken ook skaars.

[Ta-An]

So wat julle nou eintlik probeer sê is dat dit wat met my gebeur het was bedrog?

Sonia......

Dink hieroor, hoe groot is G_d??

Dink jy nie dat as Hy Sy teenwoordigheid in jou kom maak jou liggaam dit sal kan hou?? Hy sê wel dat jou liggaam Sy tempel (set-apart place/place that is Holy) is, maar as Hy Sy teenwoordigheid in jou manifesteer, kan jy staande bly?? NOOIT nie.....

Ek was een aand by 'n kerk byeenkoms, niemand het agter enigiemand gestaan om hulle te 'vang' nie, en terwyl die mense so staan en bid, het die een na die ander omgeval.... nie een het seer gekry nie, maar dit glo ek was die Gees van G_d... G_d praat met ons op maniere wat vir ons persoonlik is/maniere wat binne ons verstaan vermoëens is .

As jy omval, goed, as jy omval nie, ook goed, as jy huil, goed, as jy nie huil nie, ook goed..... moenie G_d in 'n boksie plaas nie

[Ta-An]

Ferdi
Maar sien jy dan nie die verskil in die ou bedeling en die nuwe bedeling nie? In die ou bedeling het die Gees oor iemand gekom en hom weer verlaat. In die nuwe bedeling word ons permanent deur die Gees van God bewoon. Die bedeling van die Gees het op Pinksterdag begin. Van toe af het mense die Heilige Gees eens en vir altyd ontvang. Ons is dus almal nou gesalf met die Gees en Hy bewoon ons permanent.

Daar is dus in ons tyd geen ruimte vir 'n doping van die Heilige Gees wat 'n anderste of spesiale teenwoordigheid van die Heilige Gees moet beteken nie. Ons het nou die Heilige Gees of ons het Hom nie, sê Rom. 8 en as ons Hom nie het nie, is ons nog totaal ongered. Die idee van 'n spesiale salwing vir 'n spesiale taak is of Ou Testamenties, of Chrismaties, maar is beslis nie on ooreenstemming met die huidige bedeling van die genade van God nie.

Ek stem dus volkome saam met Anton se verklaring dat die doping van die Heilige Gees ons eerste kennismaking met die Heilige Gees is en dit is die dag toe ons Christene geword het. Let op die betekenis van die woord "doop" wat duidelik hieruit na vore kom. Doop is "vereenselwiging" of "identifikasie". Toe ons met die Heilige Gees gedoop is, is ons met Hom vereenselwig en het ons 'n ander identiteit ontvang.

Ek glo ons 'lek' ...of iets soos stagnante water wat verdamp..... ons het gedurigdeur 'n bietjie 'volmaak' nodig

[Antonvs]

Ek sal graag 'n artikel wil beskikbaar maak voor ons verder "dwaal" oor hierdie onderwerp. ACCM is op die regte spoor met haar stelling dat die "doping" plaasvind met redding.

Kom ons gaan kyk na
http://cid-ae4774f56733d422.skydrive...%20Baptism.pdf'


Hierdie artikel sal van bladsy 8 die saak in detail bespreek.

Vir diegene wat meer wil weet oor die konsep "vol van die Gees" en "gevul met die Heilige Gees" (verkillende konsepte) kan meer hieroor lees by
http://cid-ae4774f56733d422.skydrive...ts%20Final.doc


Anton

[Ta-An]

Kyk wat kry en vanoggend in Markus

Markus 16:15 En Hy het vir hulle gesê: Gaan (opdrag)die hele wêreld in en verkondig die evangelie aan die ganse mensdom.

16 Hy wat glo en hom laat doop, (gedoop is deur die Gees) sal gered word; maar hy wat nie glo nie, sal veroordeel word. (Gehenna)

17 En vir die wat geglo het, sal hierdie tekens volg: in my Naam sal hulle duiwels uitdryf,(nav 'n ander bespeking...as mens kan duiwels uitdryf, dan beteken dit dat mense besete kan wees ) met nuwe tale sal hulle spreek,(een vertaling sê 'a renewed tongue'... dws nie 'n Handelinge tong nie, maar wel wat-die-hart-van-vol-is,-loop-die-mond-van-oor tong.... nie brak en vars water uit dieselfde fontein,,,,, so 'n tong )

18 slange sal hulle opneem; en as hulle iets dodeliks drink, sal dit hulle geen kwaad doen nie; op siekes sal hulle die hande lê, en hulle sal gesond word.

19 Nadat die Here dan met hulle gespreek het, is Hy opgeneem in die hemel en het gaan sit aan die regterhand van God.

20 Maar hulle het uitgegaan en oral gepreek, en die Here het saamgewerk en die woord bevestig deur die tekens wat daarop gevolg het. (diegene wat die Gees van G_d het se werke sal harder spreek as hulle woorde ) Amen
Ons sal dus vrugte dra wat by die bekering pas

[David2]

ACCM
1. Hierdie deel loop parallel met Matt. 28 en daarom weet ons dat die doop wat hier ter sprake is, die waterdoop is en nie die doping met die Heilige Gees nie.

2. Die tekens wat op bekering sou volg, was buitengewone tekens van daardie tyd en dit word hier opgenoem. Dit help nie ons lees die Bybel vandag asof hierdie tekens nou nog op bekering en doop moet volg nie. Dit doen eenvoudig nie. Geen een enkele nuwe bekeerling drink vandag gif en bly leef nie. Geen een enkele bekeerling lê vandag die hande op 'n sieke wat dan "sal" gesond word nie. Ons moet die Bybel groot asseblief in konteks lees en nie goed vir mense aanbied wat eenvoudig nooit gaan gebeur nie. Die konteks van die deel was die apostoliese era waar die Bybel onvoltooid was en waar mense met 'n nuwe boodskap van die opstanding moes uitgaan na mense wat geen rede gehad het om na hulle te luister nie. Die enigste rede waarom hulle sou kon luister, was die "tekens" wat hulle vertoon het. Nie een van ons vertoon vandag daardie tekens nie. Baie sê hulle doen, maar die feite praat nie saam nie. Ons enigste "teken" wat ons vandag het, is die Bybel en die geestelike opstandingskrag van Jesus Christus.

3. Ek is oortuig dat die tale wat hier van gepraat word, wel die Handelinge-tale was. Tale was een van die tekens wat aan die mense van daardie tyd gegee is as 'n buitengewone gawe en bewys wat die waarheid van sy geloof bevestig en voor ongelowiges bewys het. Ja, die mense soek vandag nog in hulle duisende na sulke buitengewone gawes en nie na die Bybel nie. Vir 'n tyd was dit vir hulle gegee, maar na die voltooiing van die Bybel nie meer nie.

4.

Ek glo ons 'lek' ...of iets soos stagnante water wat verdamp..... ons het gedurigdeur 'n bietjie 'volmaak' nodig

Ja, jy is reg. Ons lek en het nodig om opgevul te word. Maar let asseblief op. Dit is nie die Heilige Gees wat uitlek nie. Hy kom ons permanent en ononderbroke in al sy volheid bewoon. Wanneer ons deur die dale gaan en geestelik nie op die kruin van die golf is nie, is dit nie omdat die Heilige Gees ons verlaat het of omdat Hy uitgelek het nie. Hy is en bly net soos altyd daar. Dit is maar net omdat ons miskien die binnekamer versaak het of te veel met die wêreld se dinge doenig was en geestelik afgestomp geraak het. God het Hom nie onttrek nie, dit is eerder ons wat ons onttrek het. Kom net terug en sê dankie en loof die Here dat Hy getrou bly. "Vervulling met die Heilige Gees" is 'n term wat vatbaar is vir misverstand. Party mense het nie méér van die Heilige Gees as ander nie. Jy het Hom of jy het Hom nie. Vervulling gaan oor die mate waarin jy, jou liggaam en denke, aan God se saak toegewy is, jou lewe as offer aan die Here oorgegee het (Rom. 12:1,2), die ou mens uitgetrek en die nuwe mens aangetrek het (Ef. 4:22-24) en die Heerskappy van die Gees in elke aspek erken en uitleef (die verskil tussen vleeslik en geestelik - 1 Kor. 3:1-3).

[Eben]

ACCM
1. Hierdie deel loop parallel met Matt. 28 en daarom weet ons dat die doop wat hier ter sprake is, die waterdoop is en nie die doping met die Heilige Gees nie.

2. Die tekens wat op bekering sou volg, was buitengewone tekens van daardie tyd en dit word hier opgenoem. Dit help nie ons lees die Bybel vandag asof hierdie tekens nou nog op bekering en doop moet volg nie. Dit doen eenvoudig nie. Geen een enkele nuwe bekeerling drink vandag gif en bly leef nie. Geen een enkele bekeerling lê vandag die hande op 'n sieke wat dan "sal" gesond word nie. Ons moet die Bybel groot asseblief in konteks lees en nie goed vir mense aanbied wat eenvoudig nooit gaan gebeur nie. Die konteks van die deel was die apostoliese era waar die Bybel onvoltooid was en waar mense met 'n nuwe boodskap van die opstanding moes uitgaan na mense wat geen rede gehad het om na hulle te luister nie. Die enigste rede waarom hulle sou kon luister, was die "tekens" wat hulle vertoon het. Nie een van ons vertoon vandag daardie tekens nie. Baie sê hulle doen, maar die feite praat nie saam nie. Ons enigste "teken" wat ons vandag het, is die Bybel en die geestelike opstandingskrag van Jesus Christus.

3. Ek is oortuig dat die tale wat hier van gepraat word, wel die Handelinge-tale was. Tale was een van die tekens wat aan die mense van daardie tyd gegee is as 'n buitengewone gawe en bewys wat die waarheid van sy geloof bevestig en voor ongelowiges bewys het. Ja, die mense soek vandag nog in hulle duisende na sulke buitengewone gawes en nie na die Bybel nie. Vir 'n tyd was dit vir hulle gegee, maar na die voltooiing van die Bybel nie meer nie.

4. Ja, jy is reg. Ons lek en het nodig om opgevul te word. Maar let asseblief op. Dit is nie die Heilige Gees wat uitlek nie. Hy kom ons permanent en ononderbroke in al sy volheid bewoon. Wanneer ons deur die dale gaan en geestelik nie op die kruin van die golf is nie, is dit nie omdat die Heilige Gees ons verlaat het of omdat Hy uitgelek het nie. Hy is en bly net soos altyd daar. Dit is maar net omdat ons miskien die binnekamer versaak het of te veel met die wêreld se dinge doenig was en geestelik afgestomp geraak het. God het Hom nie onttrek nie, dit is eerder ons wat ons onttrek het. Kom net terug en sê dankie en loof die Here dat Hy getrou bly. "Vervulling met die Heilige Gees" is 'n term wat vatbaar is vir misverstand. Party mense het nie méér van die Heilige Gees as ander nie. Jy het Hom of jy het Hom nie. Vervulling gaan oor die mate waarin jy, jou liggaam en denke, aan God se saak toegewy is, jou lewe as offer aan die Here oorgegee het (Rom. 12:1,2), die ou mens uitgetrek en die nuwe mens aangetrek het (Ef. 4:22-24) en die Heerskappy van die Gees in elke aspek erken en uitleef (die verskil tussen vleeslik en geestelik - 1 Kor. 3:1-3).

David,
Kom dit nie ook neer op geestelike volwassenheid nie? Soos Paulus twee keer gesê het :
"
1Co 3:1 En ek, broeders, kon met julle nie spreek soos met geestelike mense nie, maar soos met vleeslike, soos met klein kinders in Christus.
1Co 3:2 Ek het julle met melk gevoed, nie met vaste spys nie, want julle was nog nie daartoe in staat nie, en julle is nou nog nie daartoe in staat nie,
1Co 3:3 omdat julle nog vleeslik is; want aangesien daar onder julle jaloersheid en twis en tweedrag is, is julle nie vleeslik nie en wandel julle nie na die mens nie?
Heb 5:12 Want hoewel julle vanweë die tyd leraars behoort te wees, het julle weer nodig dat ‘n mens julle die eerste beginsels van die woorde van God moet leer, en julle het weer behoefte aan melk en nie aan vaste spys nie.
Heb 5:13 Want elkeen wat melk gebruik, is onervare in die woord van geregtigheid, omdat hy ‘n kind is.

[Antonvs]

Ek stem saam met David2

Daar is geen persoon wat iemand hande kan ople om sodoende die H.G. of die"doping" van die Gees te ontvang nie.

Ook die manifestasie van tale was 'n teken aan die Jode dat die heidene wel in die Nuwe Verbond in gebring is - hoe anders sou hulle kon glo dat dit gebeur het.


Tale het ook nie altyd gepaart gegaan met die ople van hande


Eben jy is reg - om vol van die Heilige Gees te wees is om die Woord van Jesus in jou te laat geld - Kol 3:16 so ja dit gaan oor geestelike volwassenheid.

[marline]

Ons moet ook onthou dat ons die Bybel het, waar die Jode nie die Bybel gehad het nie, en dus sulke tekens nodig gehad het. Ons kan ook met navorsing bepaal dat hiedie gebeure alles wel gebeur het. Daarom is jy reg om te se die Bybel moet in konteks gelees word .

[Ta-An]

Elke gelowige het die krag om vir genesing te bid vir die wat dit nodig het

[Willem]

Die konteks van die deel was die apostoliese era waar die Bybel onvoltooid was en waar mense met 'n nuwe boodskap van die opstanding moes uitgaan na mense wat geen rede gehad het om na hulle te luister nie. Die enigste rede waarom hulle sou kon luister, was die "tekens" wat hulle vertoon het. Nie een van ons vertoon vandag daardie tekens nie. Baie sê hulle doen, maar die feite praat nie saam nie. Ons enigste "teken" wat ons vandag het, is die Bybel en die geestelike opstandingskrag van Jesus Christus.

So geen wonderwerke vind vandag meer plaas nie, soos toe my broer as 6-8 jarige kind voor gebid is en sy gehoor herstel was? Dit was oombliklik en absoluut....ek sou se net God kan dit doen ; of is ek verkeerd.?

Al wat my pla is absolute opinies, dat God wat gister vandag en more dieselfde is nie meer tekens doen nie..... dis waarop dit hier neerkom...

Dan kom "julle kry nie want julle vra nie" by my op en ook "as julle die geloof van 'n mosterdsaad gehad het"...Ons het tog 'n direkte instruksie om vir siekes te bid ( ouderlinge? altans ) en ek WEET in die ng kerk doen ons nie gehoor aan daai instruksie nie.

Ek glo nie die Here sal iets in Sy Woord sit as Hy dit nie daar wou he nie?

Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het.

Ek dink die opsie of tekens gaan gebeur of nie berus by die Here; ons raak so vasgevang in analise dat ons nie meer die Here op Sy Woord vat nie

Net my opinie, en enige kritiek of teregwysing ( veral uit die Woord ) is welkom.

[Phil Fourie]

Ek dink dit is 'n goeie tyd om in hierdie draad te begin onderskeid tref tussen geloofsgeneing en Godelike genesing

[CFJ]

Net so algemene stelling oor die onderwerp. Ek brand werklik om die insigte wat ek het te deel, maar op hierdie stadium wil mens nie iets skryf, sonder die nodige agtergrond nie. Dit is werklik iets om te oorweeg en ek glo elkeen sal oorweging kan gee aan wat ek graag wil voorhou.

Iets wat elkeen net sal moet in ag neem, is dat selfs al het mens die Gees van God ontvang met wedergeboorte, beteken dit nog nie mens kan na willens en wetens mense genees, woorde van kennis en wysheid spreek, onderskei tussen die geeste of welke gawe toepaslik gaan wees nie. Daar moet iets gebeur in die geestes-domein of -sfeer, wat in God se hande lê. Daardie "iets", glo ek, is wanneer Jesus ons toebedeel met Sy Gees op ons, al weet mens dat in die Nuwe Testament die Gees van God nou in elkeen is, wat Jesus bely en aangeneem het.

Soos wat daar 'n inisiële bekering is met die wedergeboorte, maar ook daaglikse of gereelde bekerings daana moet wees, glo ek is daar 'n inisiële doping met die Gees, die wedergeboorte, maar ook verskeie dopings met die Gees, elke keer as daar iets buitengewoons met 'n gelowige gebeur en 'n gelowige geen ander keuse het, as om te erken, dit was suiwer God wat gewerk het deur die Gees. Self glo ek nie mens hoef noodwendig iemand die hande op te lê hierin nie, want ek sien dit as 'n soewereine daad van God, maar Hy kan sekerlik die gebruik van hande oplê ook bewerk in Sy volkome almag.

Ons kan net iets doen in God se koninkryk, as God se salwing op ons rus en ek gaan poog om 'n sinvolle bespreking in te lei, met volgende plasings, sodat die Skrif wat voorgehou word, getoets kan word. Alhoewel hierdie uitgangspunt vir myself aanneemlik is, het ek dit nog nie werklik self getoets nie en moet elkeen wat met my in debat hieroor wil gaan, dit in billikheid in hierdie sin hanteer.