Rokers ondersteunings groep

[manieverster]

Goed, dan kan sondige Phil ook seker maar deelneem

Ek het ook soos oom Fila die ding gelos gekry toe hy gaan staan het by 40 'n dag. Skokkend, ek is die jonkste omtrent van die lede hier en ek het 40 sigarette 'n dag gerook. Ongelooflik.

Maar in alle geval, ek sit 'n hele ruk terug in kerk die een aand, en daardie aand voel dit vir my asof daar netsowel geen ander persoon in die kerk kan wees nie en die dominee direk met my praat, asof God direk met my praat, wat ek vandag besef wel die geval was, God was besig daardie aand om met my te praat.

In alle geval, ek was al baie male in my lewe onder sterk sondebesef, maar daardie aand het ek vrot gevoel. Ek het daar uit die kerk gestap en nie weer 'n sigaret opgesteek nie. Dit was meer as 'n jaar gelede en ek sal eerlikwaar vir julle se, sonder om 'n oog te knip, ek was nie weer lus vir 'n sigaret nie. Ek prys die Here daarvoor, ek het baie male voor dit probeer opgehou en wel opgehou, dit was moeilik, maar nadat die Here 'n werk in my kom doen het, was dit baie baie baie maklik. Ek se nie dit gaan vir almal maklik wees nie, maar ek is dankbaar vir die Here dat Hy my so vinnig en so volkome van iets kon verlos het.

Gefaal het ek maar nog nie gaan le nie. Die dag het goed gegaan, eintlik besonders goed totdat ek by die rook kamer verbygeloop het by die werk. Vandag 3 sigarette gerook. Ek voel of ek die Here skandelik in die steek gelaat het en nie genoeg op sy krag staatgemaak het nie.

[Lanie]

Manie, wees rustig. Ek is seker jy kan ophou rook. Dis dalk moeilik maar dit is nie onmoontlik nie. Dit gaan nie help om jouself met 'n lat te slaan elke keer as jy rook nie. Is dit vir jou moontlik om vir eers nie verby die rookkamer te loop nie? Al moet jy 'n ompad loop vir eers totdat dit makliker gaan. Glo vir my elke dag wat jy nie rook nie raak dit makliker. En na 3 weke is dit baie maklik om nee te sê. Ek het nou al meer as 4 jaar terug opgehou en soms word ek nog lus as ek tussen mense is wat rook maar danksy doodgewone wilskrag kan ek kies om nie my gesondheid wat 'n genadegawe van God is in gevaar te stel nie. Môre is 'n nuwe dag! (Hoe gaan dit met jou kursus by Setting Captives Free?)

[manieverster]

Manie, wees rustig. Ek is seker jy kan ophou rook. Dis dalk moeilik maar dit is nie onmoontlik nie. Dit gaan nie help om jouself met 'n lat te slaan elke keer as jy rook nie. Is dit vir jou moontlik om vir eers nie verby die rookkamer te loop nie? Al moet jy 'n ompad loop vir eers totdat dit makliker gaan. Glo vir my elke dag wat jy nie rook nie raak dit makliker. En na 3 weke is dit baie maklik om nee te sê. Ek het nou al meer as 4 jaar terug opgehou en soms word ek nog lus as ek tussen mense is wat rook maar danksy doodgewone wilskrag kan ek kies om nie my gesondheid wat 'n genadegawe van God is in gevaar te stel nie. Môre is 'n nuwe dag! (Hoe gaan dit met jou kursus by Setting Captives Free?)

Weet jy Lanie, vanoggend was ek teen die planke en ek het in die badkamer by die werk gesit en dit was asof die Here met my praat. Hy se vir my: "As jy swak is dan begin Ek werk want ek wil he jy moet weet dis Ek wat werk en nie jy nie. My krag word in swakheid volbring. Toe Gideon teen die vyand geveg het het hy nie tienduisend nie maar 300 honderd troepe teen 'n oormag gehad en Ek het hom gehelp en die oorwinning was Myne." Prrrys die Here in die hoogste hemele en ek sal oorwinning kry deur sy krag en aan Hom alle eer en heerlikheid gee. Ek vermy die rookkamer soos pes maar dis nie altyd moontlik nie en ek gaan nog aan by setthecaptivesfree Weet jy wat my depressief gemaak het is dat Phil en Fila so maklik kon ophou rook toe dog ek ek is 'n mislukking. Dankie vir jou besorgdheid Lanie.

[Lanie]

Ag Manie.... ek dink daai twee "brag" net....

Nee, staan sterk. Ek sal aanhou bid vir jou om hierdie ding met God se krag en genade te oorwin. Hou net aan om vir jouself te sê "My God wat in my is, is groter en sterker as enigeiets en verseker groter en sterker as hierdie verslawing".

[Die Filadelfieer]

Weet jy wat my depressief gemaak het is dat Phil en Fila so maklik kon ophou rook toe dog ek ek is 'n mislukking.

Nee man Manie, niemand het gesê dit was maklik nie ! Inteendeel, iemand wat vir jou sê dit gaan 'n maklike paadjie wees het of nie regtig gerook nie, of is nie eerlik met hom/haarself nie.

Ek stel dit onomwonde : Dit is vrek moeilik om op te hou ! As ek op myself aanwesig was sou ek nooit ooit opgehou het nie.

Nog 'n ding : Ek weet as ek na my dag wat ek opgehou het net weer 'n trek by iemand gevat het, het ek nou nog gerook. As jy besluit jy is klaar, moet jy seker wees dat jy heeltemal klaar is. Niks ge-"bummery" nie, nie 'n trek vat by 'n pêl nie, jy moet klaar wees en klaar ! Gaan werk Lanie se captives skakel deur. Dit het al ontelbaar baie mense gehelp.

[manieverster]

Ag Manie.... ek dink daai twee "brag" net....

Nee, staan sterk. Ek sal aanhou bid vir jou om hierdie ding met God se krag en genade te oorwin. Hou net aan om vir jouself te sê "My God wat in my is, is groter en sterker as enigeiets en verseker groter en sterker as hierdie verslawing".

Haai weet jy Lanie, ek onthou nou net van iemand wat vir my gese het: "Moet nie vir God vertel hoe groot jou probleme is nie maar vertel jou probleme hoe groot jou God is." Dankie vir jou gebede en ondesteuning, dis 'n riem onder my hart.

[Psalm]

Hi Manie,

Onthou wat Jesus in Joh 15 gese het : “wie IN MY BLY…” (Joh 15:5)
Let bietjie op, elke keer wanneer die versoeking op jou pad kom – Al probeer jy hoe hard om dit te vermy – sal daar die iets wees wat iets se soos – Nog net nou die laaste keer dan’s ek klaar, heeltemal klaar – Dis die ou sondige vlees wat probeer opstaan, moenie luister na die begeerlikhede van die vlees nie, die stryd is die Gees teen die vlees, en dis waar jy die oorwinning moet behaal. Wees dood vir die sonde, moenie dat die sonde oor jou heers nie, maar onthou, ons is oorwinnaars en dit beteken om te oorwin, dis moeilik om nee te se vir die lekker, maar eintlik tog net so maklik, want dis om net eenvoudig te kies tussen goed en kwaad, dis net ‘n keuse.
Ons ou sondige mens het afgesterf toe ons ons bekeer het en dis versinnebeeld in die onderdompeling doop. Nou het jy as oorwinnaar opgestaan IN CHRISTUS! Nou is die stryd tussen die Gees en die vlees.
Jy sal ook agterkom dat elke keer as jy verkeerd kies, dan is dit asof jy Jesus eenkant toe skuif, en amper jou ore toedruk vir die stem van die Heilige Gees – dit is om nie “IN MY BLY” nie, bly in Jesus, moenie hom wegstoot nie, moenie dat die begeerlikheid sonde baar nie. Dit geld nie net vir rook nie maar vir enige versoekinge.
Onthou om te BLY IN JESUS, moenie Hom wegstoot nie, ja dis waar wat Lanie gese het, in die begin is dit die moeilikste, maar hoe langer jy uithou en IN JESUS BLY (bly beteken om nie weg te gaan nie) hoe makliker raak dit om daai versoeking te weerstaan. Onthou daai skriffie in Jakobus 4:7 en DOEN dit! Ons almal ken die skriffie uit ons koppe uit – Weerstaan die duiwel en hy sal van jou af wegvlug – Die belangrikste deel is die paar woordjies net voor daai stukkie. Onderwerp jou aan GOD, weerstaan die duiwel en hy sal van jou af wegvlug.

Onderwerp jou aan God - en - BLY IN MY
As jy jou nie total aan God onderwerp nie, kan jy nie die duiwel weerstaan nie.
Onthou en DOEN dit:
“Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie.”
Onderwerp julle dan aan God; weerstaan die duiwel, en hy sal van julle wegvlug.


Ons wag in afwagting vir jou oorwinnings getuienis!!!

[Willem]

Weet jy Lanie, vanoggend was ek teen die planke en ek het in die badkamer by die werk gesit en dit was asof die Here met my praat. Hy se vir my: "As jy swak is dan begin Ek werk want ek wil he jy moet weet dis Ek wat werk en nie jy nie. My krag word in swakheid volbring. Toe Gideon teen die vyand geveg het het hy nie tienduisend nie maar 300 honderd troepe teen 'n oormag gehad en Ek het hom gehelp en die oorwinning was Myne." Prrrys die Here in die hoogste hemele en ek sal oorwinning kry deur sy krag en aan Hom alle eer en heerlikheid gee. Ek vermy die rookkamer soos pes maar dis nie altyd moontlik nie en ek gaan nog aan by setthecaptivesfree Weet jy wat my depressief gemaak het is dat Phil en Fila so maklik kon ophou rook toe dog ek ek is 'n mislukking. Dankie vir jou besorgdheid Lanie.

Ai Manie, maak jy my so bewoe hierso! As die Here so met jou praat en daai vers wat nogal spesiaal vir my is oor my ma genruik, weet ek sommer jy gaan dit maak! Hy wys jou nou juis dat jy dit nie kan doen nie, dan as jy dit besef en weet jy is tot niks in staat sonder Hom nie, DAN skielik is dit gedoen... die van ons wat skielik verlos is van sonde , het of vergeet van die lang sukkel en stry , of miskien was daai versoekings wat op pad was bo ons vuurmaakplek en Hy sal ons nie bo ons vermoee toets nie.

As jy swak is kom Sy krag tot werking ! ek wil sommer met jou plekke ruil !

[Hennie du Buisson]

Hi almal

Hier kom nog 'n rokende sukkelaar, met sowat 30 jaar agter die blad.
Ek dink ek is naby ophou, so hier my "taktiek"
Pro 18:21 Dood en lewe is in die mag van die tong; en elkeen wat dit graag gebruik, sal die vrug daarvan eet.
So ek sê gereeld die volgende hardop:-
Ek sal ophou rook.
Ek sal nie meer lus word vir rook nie.
Ek sal vergeet dat ek gerook het.

2Ti 1:7 Want God het ons nie 'n gees van vreesagtigheid gegee nie, maar van krag en liefde en selfbeheersing.
So in gebed vra ek dan die Here dat hy die gees van selfbeheersing in my sal versterk. Ook elders staan geskrywe "Herinner my aan My beloftes aan julle"

Groete
Hennie

[Die Filadelfieer]

Baie sterkte Hennie, ek sal saam met jou bid vir selfbeheersing.
Laat weet wanneer jy opgehou het ! (Jy moet eintlik sommer nou terwyl jy hierdie lees reeds jou laaste sigaret gerook het.....finish en klaar)

[Hennie du Buisson]

Hi almal

Kon dit regkry om vir 4 dae op te hou. Maar iewers het dit skeef geloop laat in die 4de dag (gister), en daar rook ek weer.

So nou hou ek maar bietjie nabetragting, gaan die wapenrusting na, bepeins alles, lees hierdie draad weer....

Maar ek gaan weer probeer.

Groete
Hennie

[Lanie]

Hi Hennie...

Jammer dat ek nou eers reageer op jou plasing. Die laaste week was my lewe maar bietjie hectic en as my kop te besig raak bly 'n klomp goed agterweë...

Ek wil graag iets met jou deel, Hennie. Niemand kan God behaag nie, maar ek glo dat elkeen van ons wat Sy kind is en vir Hom lief is wil Hom graag behaag. En wanneer ons iets doen wat ons voor ons siel weet sleg is vir ons, en nie net vir ons nie, maar ook die rondom ons, is dit vir God afskuwelik. Ek het 'n probleem met wyn gehad. Ek was nie 'n volslae alkoholis nie en het my nooit dronk gedrink nie maar ek het wel elke aand wyn gedrink (met die verskoning dat rooiwyn goed is vir mens se gesondheid...) en ek moes later aan myself erken dat ek 'n probleem het want ek het nooit geweet wanneer om op te hou nie. Ek het baie uit my eie probeer ophou maar dan weer na 'n week of twee begin wanneer iets in my lewe nie lekker was nie, as ek bietjie gestres, of hartseer, of verveeld of kwaad was, was dit 'n baie lekker kruk.

Ek sit toe een Sondagoggend in 'n nagmaal-erediens en die Here praat so hard met my deur die predikant dat ek in trane uitbars. Ek het daai dag besef dat ek onmoontlik nie kan aangaan met sondige gewoontes as ek wil hê dat my grootste begeerte moet waar word nie... en dit is dat my verhouding met my Verlosser sal groei en dat ek Hom in my binnekamer kan ontmoet nie. Want Hennie, God is Heilig, mens kan Hom nie ontmoet en in gemeenskap met Hom verkeer wanneer mens jou sondes koester en vertroetel nie. Gaan kyk in Genesis waar die Here Jesus en twee engele aan Abraham verskyn het.... en net bietjie verder toe Sodom en Gomorra verdelg is het slegs die twee engele na die twee stede gegaan, die Here het nie saamgegaan nie want Hy is heilig en kon nie voor die goddeloosheid verskyn nie. Ons almal is sondig en val daagliks maar wanneer mens dieselfde sonde oor en oor en oor doen, soos drink en rook , klou mens aan daardie sonde vas en daardeur kniehalter mens jou verhouding met God.

Hennie, gryp vas aan die krag wat die Here jou kan gee om hierdie verslawing te oorwin. Dit kos net 'n bietjie wilskrag en ek belowe jou dat as mens eerlikwaar die besluit neem, nie omdat jy voel jy moet nie, maar omdat jy God nie verder wil bedroef nie en jy wil hê jou verhouding met Hom moet groei, dan is dit baie maklik......

Ek bid vir jou en glo dat jy saam met die Here hierdie verslawing kan oorwin.

Ek dink nou net aan 'n goeie plan. Dra 'n klein bybeltjie saam met jou. Daai wat in jou hemp se sak pas, en wanneer jy lus voel vir 'n sigaret, haal dit uit en lees so paar verse.... ek hoop dit werk..... Sterkte!!!

[manieverster]

Hi almal

Kon dit regkry om vir 4 dae op te hou. Maar iewers het dit skeef geloop laat in die 4de dag (gister), en daar rook ek weer.

So nou hou ek maar bietjie nabetragting, gaan die wapenrusting na, bepeins alles, lees hierdie draad weer....

Maar ek gaan weer probeer.

Groete
Hennie

Hennie, jy is brawer as ek. Ek was nogal die wat ewe dapper die draad begin het en met alle geweld wou ophou rook. Ek was te skaam toe ek na die soveelste keer gefaal het om weer te kom se ek het gefaal. Weet jy, toe Sondag in die kerk word gepraat van Petrus wat Jesus verloen het en ek dink: "Petrus was 'n man van groot geloof en alhoewel hy vir Jesus verloen het, was Jesus nog baie lief vir hom." Ons probeer maar weer. Jy het my bemoedig met jou dapperheid om weer te probeer. Ek sal laat weet wat gebeur maar moet nou ook soos jy se nabetragting doen. Sterkte vir jou my broer. Kom ons gee dit alles wat ons het!

[Lanie]

Manie, Manie, Manie! Ek het gewonder wat van jou geword het. Ek bid nog getrou vir jou omdat jy mens nie laat weet hoe dit gaan nie. Maar ek het 'n vermoede gehad dat jy so skaars is omdat jy weer begin rook het. Moenie skaam wees as jy faal nie. Ons is nie hier om mekaar te veroordeel nie maar om mekaar by te staan en aan te moedig. Ek is bly om te sien jy is terug en bid nogsteeds vir jou. Kom broer, staan sterk!

[manieverster]

Manie, Manie, Manie! Ek het gewonder wat van jou geword het. Ek bid nog getrou vir jou omdat jy mens nie laat weet hoe dit gaan nie. Maar ek het 'n vermoede gehad dat jy so skaars is omdat jy weer begin rook het. Moenie skaam wees as jy faal nie. Ons is nie hier om mekaar te veroordeel nie maar om mekaar by te staan en aan te moedig. Ek is bly om te sien jy is terug en bid nogsteeds vir jou. Kom broer, staan sterk!

Dankie Lanie, jy is die een oor wie ek die meeste skaam voel. Haai weet jy, ek kon dit net nie vat dat ek weer gefaal het nie maar Lanie, jy gee my rede om weer te probeer. Toe ek die antwoord vir Hennie gepos het, het ek gedink dat jy die eerste sal wees om te reageer. Dankie Lanie, jy is 'n suster so na my hart. Moet asb. nie moed opgee met my nie. Vervlaks, weet jy hoe dit gevoel het? Ek is die ou wat die draad begin het en ek hol weg soos 'n lafaard! Askies man, en dankie dat jy my nie oordeel nie! Hennie, nou weet jy dat as jy eers hierdie groepie gejoin het dat hulle nooit met jou sal moed opgee nie. Soos Lanie gese het: Staan sterk broer!