Rokers ondersteunings groep

[manieverster]

Wot jui wo krui...?

Protea, jy hoef nie skaam te wees nie, my broer. Op 'n ernstige noot, mense, ek voel wonderlik. Ek sukkel moenie worry nie maar elke keer as ek nee se vir die sigaret is dit 'n oorwinning in Christus. Ons het nou nety 'n vergadering gehad by die werk en genadiglik kon ek nie kans kry om aan rook te dink nie. Nou gaan ek huis toe en die dag is amper om. Kom amal wat verslaaf is aan sigarette en sluit aan by ons groep.

[Lanie]

Manie nou-nou laat jy Protea begin rook omdat jy haar broer noem..... Ek dink regtig dis wonderlik wat jy en Hennie doen. Dis waarvoor die Here ons vir mekaar gegee het. Om mekaar te dra. Ek is sommer opgewonde vir julle, man!

[Tonton]

Manie nou-nou laat jy Protea begin rook omdat jy haar broer noem.....

Bwahahaha!

Hier's hoe dit lyk as protea rook:

Anton

[manieverster]

Manie nou-nou laat jy Protea begin rook omdat jy haar broer noem..... Ek dink regtig dis wonderlik wat jy en Hennie doen. Dis waarvoor die Here ons vir mekaar gegee het. Om mekaar te dra. Ek is sommer opgewonde vir julle, man!

Askies Protea, maar jy weet met 'n naam soos daai kan 'n mens nooit weet nie!

[manieverster]

Hi Almal

Protea, daardie gesegde "wot jy wa kry" Hm.... Baie verdag. My skoonsuster gebruik dit ook!

Goed, ek en Manie het ooreengekom om verder op die forum te pos. Ons is besig om 'n gesprek ook oor die internet op te stel tussen ons waar ons kan gesels.

Eers maar die volgende storie:-
'n Wetenskaplike doen navorsing oor 'n siekte toestand. En een aand kom hy huis toe, baie opgewonde, en sy vrou vra hom, "Het jy die oplossing gekry"?
En hy sê "Nee"
Sy vra toe "Waarom is jy dan so opgewonde"?
Hy antwoord :- "Ek het vandag 2 dinge probeer, en nie een het gewerk nie. Van al die moonlikhede wat kan werk, is daar nou 2 goed wat ek weet dit werk nie"!
Mislukking bestaan slegs as jy verkeerd daarna kyk.

So dink ek gaan dit maar met die ophou rook. Ek het vandag besef dat dit 'n fout was om my besigheid op "ys" te sit en net op die nie rokery te konsentreer. Jy loop naderhand soos 'n afkop hoender rond en soek iets om te doen. Verskoon tog, halusinasie is lyk my somtyds deel van die ophou. Kan dit verstaan, die ding speel immers met jou denke rond.

Ek dink dit is belangrik dat by elke mislukking, mens die oorsaak daarvan navors om so dan nader aan die sukses te kom. Vir ouens wat laaaaaank rook, is dit 'n aanpassing, amper soos 'n nuwe lewe. Alles leer jy weer nuut, Gal 5:16 sê immers, wandel in die gees, en dan sal jy nie die begeerlikhede van die vlees volbring nie. .... Maar as jy deur die Gees gelei word, dan is jy nie meer onder die wet nie". Rom 8:13 vra dat jy die Gees moet be-oefen (exploiting, practice frequently), aldus die Latynse weergawe.

Broers en susters, hier ry ek nou wipplank, hoop die satan voeter af.(onder my voete in)

Prys die Here, wat my en Manie lei, wat ons krag en insig gee.
Groete
Hennie

Prys die Here wat ons almal lei. Ek hou van jou storie oor mislukking en dit laat my dink aan Thomas Edison wat ook een aand so opgewonde by die huis gekom het en vir sy vrou gese het: "Ek ken nou al 1000 maniere hoe om NIE 'n lamp te maak nie."
Hennie, ek dink ons moet mislukking uit ons woordeskat uithaal en net opkyk en hoop op God se genade.

[manieverster]

More almal,
Die newe effekte (of is dit dalk die effekte) van die opjou rook tref my nou. Iewers staan daar geskrywe: "... en daar sal 'n gekners van tande wees" wel ek is nou op daai stadium. Ek kners nou tanne. 'n Aanwendsel wat ek as gevolg van stres iewers aangeleer het en nou as ek stres dan kners ek my tanne. My hele linkerkant van my gesig is opgeswel van infeksie a.g.v. kners. Een van die dae sal julle my ook seker Knersus noem. Ek kry elke dag 'n vers met verduideliking van bybel.co.za wat ek vandag met julle wil deel. Baie toepaslik op ek en Hennie.

Die man by die bad van Betesda

Johannes 5:1-14
Die sieke het Hom geantwoord: “Meneer, ek het niemand om my in die bad te sit as die water in beweging kom nie …” Jesus sê toe vir hom: “Staan op, tel jou goed op en loop.” Oombliklik het die man gesond geword, sy goed opgetel en geloop (Joh 5:7-9).

By die bad van Betesda is siekes en kreupeles genees as hulle in die water kon kom wanneer dit in beweging gekom het. Onder hierdie siekes was daar ’n man wat al ag en dertig jaar lank siek was. Op Jesus se vraag of hy graag gesond wil word, antwoord die man dat daar niemand is om hom in die bad te sit as die water begin roer nie. “Staan op, tel jou goed op en loop,” sê Jesus hierop vir hom. Oombliklik was die man gesond en het hy sy goed opgetel en geloop.

Hierdie man moes al baie moedeloos gewees het toe Jesus uiteindelik by hom uitgekom het. Maar alhoewel hy al so lank op genesing wag, is hy onmiddellik bereid om Jesus op sy woord te neem.
Jesus het nie water wat in beweging kom nodig om sy wonders te doen nie. Al wat Hy van ons vra is geloof. ’n Rukkie later kry Jesus die man wat Hy gesond gemaak het in die tempel en beveel hom om nie meer sonde te doen nie.

Jesus genees mense nie net van hulle liggaamlike kwale nie, maar Hy maak ook hulle hart gesond. Dié mense wat deur Hom gesond gemaak word, is mense wat van nou af in Hom glo en Hom volg.
Here Jesus, dankie dat U vandag nog mense kan gesond maak. Help my om in U te glo en U te volg, ook al maak U nie altyd alle siekes gesond nie.

Ek is ook op soek na Willem. Willem my broer, is jy nou so kwaad vir my dat jy nie met my wil praat nie. Jy was, nes Lanie, altyd vir my 'n aansporing en toe ek laas weer begin rook het was ek te skaam om julle twee in die gesig te kyk. Wil jy my nie ook maar vergewe nie asb.?

[manieverster]

Ek het nodig om te praat vandag. Die woorde moet vloei en as daar enigiemand is wat wil saampraat dan praat met my asb.

[manieverster]

Bwahahaha!

Hier's hoe dit lyk as protea rook:

Anton

Protea, ek hoop jy neem nie al die geterg ernstig op nie. Jy is baie still en ek hoor niks van jou nie. Wel Anton, hier is hoe Manie lyk as hy tande kners.

[manieverster]

Hi Manie

Ek wil baie graag saam met jou hier inspring........Ek is ook 'n roker vir die afgelope 20 jaar......ja ek het op 'n baie, baie vroee ouderdom begin, maar weet daar is ook 'n tyd om op te hou....Ek het nou al 'n paar dae probeer ophou, maar natuurlik ook sonder sukses. Soms is dit nogal moeilik want ek wil nie hê familie lede moet sien hoe ek sukkel en elke keer maar net terug val nie.......

Een ding wat ek wel weet, is dat ons baie maal 'n verlsawing met soetigheid wil vervang, en ek het deur rehablilitaise sentrums geleer, dat dit juis hierdie soetigheid wat ons so eet is, wat "cravings" vinniger aanbring......Ek weet nie presies hoe dit werk nie, maar het dit voorheen op die proef gestel, en wanneer ek soetigheid vermy, is die lus vir rook al hoe minder. Ek is beslis nie 'n kenner op die gebied van hoe om op te hou rook nie, anders sou ek seker lankal opgehou het.

Ek dink die ding wat dit so moeilik maak om op te hou met rook, is omdat dit sosiaal aanvaarbaar is by ander, en dat mense nie altyd 'n probleem met 'n roker het nie. Wat my wel pla die afgelope tyd, is dat ons liggame aan Christus behoort, en dat ons wel soos ons weet hierdie tempel stelselmatig verwoes......ek weet ook dat ek God moet eer met my liggaam, en daarom is ek ook opsoek na hulp om Hom meer te eer, deur op te hou met rook.........

Dankie vir die draad wat jy oopgemaak het. Daardie link wat Lanie gegee het, is beslis die moeite werd om te volg, ek het ook aan die program deelgeneem, en sommer baie geleer!

MercyChild, Ek het lank laas van jou gehoor en ja, ek het weggehol toe ek weer begin rook het maar nou is ek terug met mening. Hoe gaan dit met die ophou rook aan jou kant? Wil jy nie vir ons kom vertel nie asb.? en vergewe my asb. vir die weghollery?

[Lanie]

Ek dog dis net ons vroumense wat praatsiek is, Manie.... Hoe gaan dit? Moenie stres en dink mense ignoreer jou nie. MC is nie op die oomblik baie op die forum nie agv persoonlike omstandighede en Willem word nie maklik kwaad nie, hy het dalk net nie die draad raakgesien nie, of hy is te besig met die uitverkorenes draad waar ek en Fila hom probeer indoktrineer.....

[Lanie]

O ja, en Protea kan grappe vat. Sy is die hêppie-go-luckyste mens hier.

(Wat bedoel jy met 'n naam soos daai, 'n protea is 'n blommetjie en hier om die forum is nie manlike blommetjies nie - ek hoop...)

[protea]

Protea, ek hoop jy neem nie al die geterg ernstig op nie. Jy is baie still en ek hoor niks van jou nie. Wel Anton, hier is hoe Manie lyk as hy tande kners.

Nee,nee, gelukkig is ek geseen met n humorsin! Ons was net gisteraand by ons bure. En na half ag in die aand skakel ek my 'enjinkie' af. Dis dan my tyd by die Here.
Of jy nou rook , of jy aan kos of dwelms of internet of geld of wat ook al verslaaf is , verslawing is verslawing. En ek het op n tyd die 'wete' gekry dat ek te veel tyd op die internet (alhoewel dit net e posse en Christen forums is) spandeer . En toe het ek n ooreenkoms met die Here gesluit : Na half ag is dit Jesus -tyd! So jy gaan biki sukkel om my op die internet te kry na half ag saans.....

[manieverster]

Hi Manie....

Geluk met jou besluit om op te hou rook. Ek is bevrees ek het nie veel raad om te gee oor hoe ek opgehou het nie. Ek het besluit om op te hou en het opgehou. Al meer as 4 jaar gelede... Ek glo dis net 'n geval van "mind over matter". Maar ek weet in die praktyk is dit nie altyd so maklik nie want dan sou almal so maklik kon ophou, né. Ek het vir 'n paar mense al hierdie link gegee en sal graag wil hê dat jy dit sal uittoets. http://www.settingcaptivesfree.com/home/ Jy kry 'n mentor wat jou daagliks ondersteun wat dieselfde verslawing as jy oorwin het terwyl jy deur 'n bybelstudie-gebasseerde kursus werk. Dit kos 'n bietjie tyd en moeite van jou kant af maar lewer resultate wat die opoffering werd is. Laat weet my asseblief wat jy dink en hoe dit gaan. En ek plaas jou op my gebedslys.... Sterkte!!

Ek blaai so 'n bietjie deur die ouer poste en kom toe af op die een van Lanie. Hennie, jy kan die gerus probeer. Gaan kyk na die web blad en se my wat jy dink. Hier is 'n aanhangsel aangeheg vir julle om te lees oor onttrekking simptome. Die ding wat ek agterkom is dat 'n mens jou fokus moet verskuif. Fokus daarop om elker keer as jy lus raak vir 'n sigaret te bid of die bybel te lees as jy kan. Ons moet nou ons lewenswyse verander. Ek het nog niks van enigiemand gehoor nie so ek neem aan dat julle of laat slaap of dat julle nog op pad is werk toe. Laat ek hoor van julle asb. Ek het dit nodig. Ek sal maar solank bid:
Onse God en Almagtige Vader, in Jesus Naam kom ons vanoggend om u te loof en te prys dat U ons gehelp het to vandag - dag 3. Dankie dat U ons deur hierdie dag sal help en dat U aan ons oorwinning deur Jesus Christus sal gee. Amen

[Lanie]

Ek het nog niks van enigiemand gehoor nie so ek neem aan dat julle of laat slaap of dat julle nog op pad is werk toe. Laat ek hoor van julle asb. Ek het dit nodig.

Is ek nou deurskynend?

[manieverster]

Is ek nou deurskynend?

Askies Lanie, maar ek kyk my oe deur op die e-mails en ek sien niks. Ek weet nie wanneer jou pos deur gekom het nie maar het hom nie gesien nie.Het jy al gesien as 'n hond probeer krap waar hy nie kan bykom nie? Dis hoe ek voel vandag en ek het iemand nodig om te krap. Dis hoekom ek so baie praat. Nou, stuur 'n bietjie vir Willem die kant toe dat ek met hom kan gesels nadat julle hom geindoktrineer het. Ek wil ten hemele skree maar weet nie waaroor nie want ek is nie regtig lus vir 'n sigaret nie , ek dink ek moet 'n draai gaan loop. Sien julle.