Kompromieë

[Lanie]

Ons leef in 'n siek wêreld waar ons aanmekaar gebombardeer word met sonde en versoeking. Ek sit nou al 'n rukkie en dink aan hoe ons, en veral ons kinders gekondisioneer word om maar by die wêreld in te val en gewoond te raak aan dinge wat aanvaarbaar is vir die sondige wêreld maar wat onaanvaarbaar is vir God. En aan al die kompromieë wat ons daagliks aangaan.... en goeters stilweg goedkeur omdat ons dit nie hard en duidelik afkeur nie en wat eintlik niks bydra tot ons heiligmaking nie... inteendeel dink ek dit verhinder dit....

Kom ek gee voorbeelde....

Hoeveel van ons kyk 7de Laan? Wat gebeur op 7de Laan? Die jongmense kan nie kuier sonder om te drink nie, en dis amper elke aand se storie. Wat doen hulle na werk? Gaan drink 'n dop by O'Malleys.... Daar is 'n oor en weer gevryery, egbreek, onderduimsheid, leuens, ongehoorsame kinders wat sonder respek met hulle ouers praat, onsedelikheid. Nou wil ek 'n eerlike vraag vra. As ek dit kyk, en ek laat toe dat my kinders dit kyk, keur ek dit dan goed? Ek dink nogals so.... Nou die aand verneuk 'n man sy vrou en soen sy skelmpie al te vurig.... my oudste is vreeslik bekommerd dat sy vrou daar gaan inloop.... wat sê kleinsus? Maak toe die deur!!! Ek is baie ongewild op die oomblik maar die TV is nou af half 7 op 'n weeksaand.....

En as ek my dominee kan aanhaal, ons luister te lekker na al die mooi christelike kontemporêre liedjies.... maar dieselfde persoon wat sing "ons Koning kom" sing kom kielie my in die donker liedjies.... sal iemand wat waarlik heilig wil lewe sulke liedjies sing.... dalk moet ons mooi dink wie ons ondersteun, want ek het 'n vermoede die wêreld daarbuite maak lekker geld uit ons onder 'n valse christelike baadjie... ek wonder maar net.....

En so kan ek aangaan.... tydskrifte..... en ek praat nie net van die Huisgenoot se geskinder nie.... ek kan nie eers meer 'n christelike vroue tydskrif koop nie want daar is wraggies waar nou die dag 'n artikel in van 'n rugbyspeler wat glo God het hom deur sy operasie bewaar nadat hy met boegoe water van TB Joshua gesalf is.....

Ek vra regtig 'n eerlike vraag.... as ek hierdie goed kyk, luister, lees en ondersteun, keur ek dit tog goed... of is daar iemand wat voel ek ruk die dam onder die eend uit?

[Phil Fourie]

Nee as jy dit kyk dan keur jy dit goed. Ons lag saam as mense op TV grappies maak van voorhuwelikse seks, dis sonde, besef jy nie jy lag saam vir goed waar voor Jesus moes sterf nie?

Opvallend, wanneer 'n sanger se loopbaan afplat en hy nie meer so goed verkoop soos voorheen nie, wat is die eerste ding wat hulle doen? Maak 'n gospel CD

[Lanie]

Opvallend, wanneer 'n sanger se loopbaan afplat en hy nie meer so goed verkoop soos voorheen nie, wat is die eerste ding wat hulle doen? Maak 'n gospel CD

Ja, en wat hoor jy by mense? So en so het tot bekering gekom, hy't 'n gospel CD uitgbring....Ga!!!! Van wanneer af qualify 'n gospel cd jou vir die Ewige Lewe? Mense laat my lag....... as jy gaan kyk sal jy aan baie van die kunstenaars se lewens niks verander sien nie, dit sit nog steeds en drink sy bottel rum terwyl hy optree... Dit gaan net oor geld, dis al..... maar die mense val daarvoor......

[Die Filadelfieer]

Jitte, lyk my ek moet weer vir 'n slag 7de laan kyk !
Waar kry die mense tyd vir al daardie manewales binne 'n halfuur ?

Wat my huis betref, moes ek ook maar die lessie leer met ons eersteling, dat dit wat al vir ons grootmense aanvaarbaar is en waarvoor ons al afgestomp geraak het, 'n groot impak op 'n verstandjie het wat alles as nuut ervaar. Ek besef terdeê ek sal hom nooit kan weghou of totaal kan afskerm van hierdie bose aanslagte nie (want wat is dit andersins ?), maar ek en sy mamma gaan ook nou nie toelaat dat hy alles kyk wat opgedis word op TV nie.....in die woorde van my laaitie, nou twee jaar oud : EEEEUUW !

[Lanie]

Maar eerlikwaar nou Fila... Is dit nog enigsens enige iets op televisie wat die moeite werd is om te kyk wat die Here se goedkeuring wegdra? Ek dink baie probleme sal minder ernstig word as ons ons tv's met 'n krieketkolf bykom.....

[Phil Fourie]

Lanie

Jy sal niks armer wees as jy nie meer 'n TV het nie, inteendeel, jy en jou hele gesin sal soveel ryker wees. Julle verhoudings sal verbeter, jou kinders se kreatiwiteit sal verbeter, julle geestelike lewens sal verbeter want jy spandeer jou tyd nou op dinge wat saakmaak en die riool van die wêreld word nie meer in jou oë en ore afgeforseer nie.

[Lanie]

Dis nie vir my wat jy moet oortuig nie....

[Die Filadelfieer]

Maar eerlikwaar nou Fila... Is dit nog enigsens enige iets op televisie wat die moeite werd is om te kyk wat die Here se goedkeuring wegdra? Ek dink baie probleme sal minder ernstig word as ons ons tv's met 'n krieketkolf bykom.....

Die vraag is, wat sal ons in die "aanvaarbare" kategorie plaas ? Daar is wel so nou en dan 'n interesante ding op TV, of 'n oulike film wat nie noodwendig 'n Christelike tema hoef te hê nie, maar dit is min en ver weg uitmekaar uit.

As ons eerlik is met mekaar, dan gaan ons agterkom dat ons amper verleer het om sonder 'n TV oor die weg te kom, of selfs die kiddies sonder ene groot te maak. My kind het self sy gunsteling flieke, so jonk soos wat hy is, wat hy verseker gaan mis as dit nie meer daar is nie. Dalk moet ons saam aan 'n strategie werk om die TV in ons huise uit te fasseer, of ten minste die impak daarvan te versag ?

[Lanie]

In die Bybel staan daar as jou oog jou laat struikel, haal hom uit...... ek dink as mens die stap neem om die tv heeltemal te verwyder gaan dit dalk vir so 2 weke swaar wees en dan sal almal aangepas wees en die ding nie eers mis nie. Die groot vraag is nou net of die manne sonder hulle sport gaan oorleef.....

[Tonton]

...Ek vra regtig 'n eerlike vraag.... as ek hierdie goed kyk, luister, lees en ondersteun, keur ek dit tog goed... of is daar iemand wat voel ek ruk die dam onder die eend uit?

Ek dink Lanie is in die kol hier.

Satan slaap (ook) nie - hy is gedurig aan die werk met 'n strategie om ons sag te maak vir sonde. Die hulpmiddels (moderne tegnologie) maak dit moontlik vir hom om sy veldtog te eskaleer.

Ek glo werklik dat dit juis deur hierdie kompromieë is dat die antichris vastrapplek sal kry.

Die goeie nuus is dat hierdie versnelling in die werk van die bose ook 'n versnelling in die koms van- en oorwinning oor die antichris veronderstel.

Ons moet ons kinders bedag hou op die misleidings van Satan.

Ons moet vir hulle skriftuurlik sensitief maak daarop dat die wêreld se gedrag ongoddelik is.

Anton

[protea]

Een van my eie dogters kyk so baie TV (terwyl sy sit en werk) dat dit vir ons grens aan verslawing. Dit veroorsaak dat jy so gewoond raak aan die wêreld se lawaai dat jy Jesus se 'stem in die aandwind' nie meer KAN hoor nie. Daarom bid ons dat sy so n walging sal ontwikkel vir die wêreldse media . Die Illuminatie besit so n hoë persentasie van die bestaande wêreldse media en daarom bepaal HULLE wat jy kyk en na luister. En so subtiel- subtiel kom die vyand en trek jou weg van Jesus af.

[Ta-An]

Ek kyk net Noot vi noot op 'n Vrydagaand...
Maar daardie Absa advertensie maak my siek !!
"Ek is jammer"

[Lanie]

Hi An, het Brent nie ook iets wat jy wens vannie tafel wil afval nie?.....

[Johnny]

Na maande se gesukkel...en gebed is ons verlos van die TV. Ek self het nooit baie gekyk nie. Dit was 'n storie om ontslae te raak van "7de Laan" in ons huis. Uiteindelik het die Here ook daar ingegryp. Laat ek gou 'n kort storie vertel. Ek weet Valentyn's dag is okkulties, maar so 2 jaar gelede dog ek ek sal maar ook soos die wêreld romaties wees op daardie aand. Ek maak kos, tafel met kerse ens. Ons sit toe aan en net toe ons begin eet, hoor ons die wysie van 7de Laan in die ander vertrek. Soos mes sit ek toe alleen by die kerslig en my vrou en dogter is soos 'n pyl uit 'n boog "next door".

Gelukkig is dit vandag anders. So by the way, wie stel belang om my sateliet skottel en dekodeerder te koop....! Die goed gaar stof op in die garage.

[Lanie]

Soos ek sê, ek is baie onpopulêr op die oomblik in my eie huis. Selfs pappa wat konsuis nie 7de Laan kyk nie sal mos vir my vra.... "Wat het wie nou alweer op die forum gesê oor 7de Laan?" So asof ek nie vir myself kan dink nie...