Kompromieë

[Ta-An]

Hi An, het Brent nie ook iets wat jy wens vannie tafel wil afval nie?.....

Jy sal my nie glo nie, Lanie maar wanneer daardie advertensie opkom, druk ek my ore en my oë toe en sing Soprano op die hoogste toon, en loer op skrefies so tussen my vingers deur om seker te maak die advertensie is verby. Ek wens daar die advertensie val van die trafel af!!

[Lanie]

Jy sal my nie glo nie, Lanie maar wanneer daardie advertensie opkom, druk ek my ore en my oë toe en sing Soprano op die hoogste toon, en loer op skrefies so tussen my vingers deur om seker te maak die advertensie is verby. Ek wens daar die advertensie val van die trafel af!!

[Ta-An]

Sussie, jy lag , maar dit is 'n baie ernstige saak
Ten minste oefen ek my stembande een maal per week

[Lanie]

Ek wens al hierdie sms advertensies wil vannie tafel afval....

I'm a gummy bear, yes I'm a gummy bear......

[Skorsie42]

Hello mense.

Ek is nou maar eens nuut op hierdie forum, of eintlik forums in die geheel. Ja ek is jonk, `n skamele 17 jaar oud. Die ouer generasie het gesê dat kinders gesien moet word en nie gehoor word nie. maar daarmee wil ek stry. Als goed en wel dat julle baie ouer is as ek, en dat ek seker vir julle oom en tannie moet noem, maar ek sal graag my eie insette lewer, en hoe ek dinge beleef. Ja ek is `n Christen, en ek behoort (ongelukkig) aan die NG-kerk.

Hierdie TV-programme waarvan julle so kla, dink julle regtig dat dit so `n groot verskil maak aan die jeug? Ek twyfel, maar ek stry nie dat dit mense `n paar ekstra gedagtes gee nie. Julle kla oor al die immorele dinge wat in vandag se gemeenskappe voorkom, en dat ons wêreld besig is om te verval, as ek dit so kan stel. Julle het seker al opgemerk dat al hoe minder mense kerk toe gaan? En julle wil nou hierdie negatiewe op die 'TV' en selfs die 'Illuminatie' blameer? Net vir die wat nie geweet het nie, die Illuminatie is `n vreedsame groep mense, as hulle nogsteeds bestaan, maar `n deel van die groep het wel geweldadig geword NADAT die Katolieke kerk hulle begin vervolg het, net omdat wetenskap te vinnig vir die geloof gegroei het.

As julle iemand soek om te blameer, blameer die ouer generasies. Blameer die kerk. Blameer jouself. Julle kla oor alles, maar wat doen julle aan die saak? Die grootste probleem met vandag se mense en veral die jeug is dat hulle nie uitsien na die ewige lewe nie, want hulle glo nie daar kan so iets wees nie want hulle onvang geen verlossing op aarde nie. Die Here wil hê ons moet ons tyd op aarde geniet, nie in pyn leef heeltyd nie. Maar die kerke preek nie daarvoor nie, al wat j daar hoor is dat daar vir ons `n lewe wag na die dood. Punt. Ek het `n groot hoeveeleid ateïs vriende, wie se ouers die grooooootste Christene is wat ek amper ken. Waar het die probleem gekom? Ons jeug word onderdruk en word nie gesien as volwasse genoeg nie. Daar word geglo dat ons lewens gereël kan word.

Ons is `n nuwe generasie. Een wat hierdie wêreld wil red.

En ons KAN.

Maar ons kort ondersteuning, leiding en liefde. Nie iemand wat ons om elke hoek en draai afkraak en seermaak nie.

Ons kort aanvaarding.

En dan natuurlik die belangrikste van alz- ons kort `n goeie voorbeeld

Ek probeer julle nie aanval nie, en dit is my eie mening en ook die va my vrinne. Ek probeer julle net patent maak op ons jeug se sienings! en ek het op hierdie forum afgekom terwyl ek besig was om inligting te soek vir my redenaars-stuk hahaha, een van die onderwerpe is kompromie, en nou moet ek `n tema daaruit kry.....sug.....

[Son of the South]

...ek sal graag my eie insette lewer, en hoe ek dinge beleef. Ja ek is `n Christen, en ek behoort (ongelukkig) aan die NG-kerk.

Hi Skorsie42, baie welkom hier by ons. Jy is welkom om so veel te lees as waarvoor jy tyd het en ons sal met graagte hoor hoe jy dinge beleef...net solank jy net nie vir my Oom sê nie, hoor!

Hierdie TV-programme waarvan julle so kla, dink julle regtig dat dit so `n groot verskil maak aan die jeug?

Verseker. Partykeer is die invloed so subtiel dat jy dit nie dadelik agterkom nie. Stelselmatig word sekere idees net so effens gewysig of begin jy twyfel of sekere dinge dan nou regtig so erg is. Amper soos die slang wat in die tuin net 'n vragie vra: "Het God regtig gesê dat jy sal sterf?" Moenie geflous word nie, boosheid is 'n werklikheid. Dan is daar ook programme en /of musiek wat nie so subtiel is nie, maar wat regtig openlik boos is...

Verder, het jy al die Bybel van voor tot agter deurgelees? Het jy nie tyd daarvoor nie? Wel, hoeveel tyd verkwis jy voor die kassie?

Julle het seker al opgemerk dat al hoe minder mense kerk toe gaan?

Daar is verskeie redes daarvoor. Dit kan wees dat die mense meer afvallig raak, maar dit kan ook wees dat die leraars of die kerke meer afvallig raak. Ek kon byvoorbeeld nie die dwalinge in my plaaslike NGK langer sluk nie.

En julle wil nou hierdie negatiewe op die 'TV' en selfs die 'Illuminatie' blameer? Net vir die wat nie geweet het nie, die Illuminatie is `n vreedsame groep mense, as hulle nogsteeds bestaan, maar `n deel van die groep het wel geweldadig geword NADAT die Katolieke kerk hulle begin vervolg het, net omdat wetenskap te vinnig vir die geloof gegroei het.

En die maan is van kaas gemaak...moenie naïef wees nie...hulle dra nie God se belange op die hart nie.

Die grootste probleem met vandag se mense en veral die jeug is dat hulle nie uitsien na die ewige lewe nie, want hulle glo nie daar kan so iets wees nie want hulle onvang geen verlossing op aarde nie. Die Here wil hê ons moet ons tyd op aarde geniet, nie in pyn leef heeltyd nie. Maar die kerke preek nie daarvoor nie, al wat j daar hoor is dat daar vir ons `n lewe wag na die dood. Punt. Ek het `n groot hoeveeleid ateïs vriende, wie se ouers die grooooootste Christene is wat ek amper ken. Waar het die probleem gekom? Ons jeug word onderdruk en word nie gesien as volwasse genoeg nie. Daar word geglo dat ons lewens gereël kan word.

Die evangelie wat die kerke (ons?) vandag uitdra en die evangelie wat Jesus gebring het verskil drasties. Hy het vir mense wat 'n totale mislukking van hulle lewens gemaak het kom vertel dat daar verlossing is. Jy hóéf nie langer verstrengel in sonde te leef nie, maar jy kán 'n goeie lewe lei. Deesdae word mense vertel dat hulle sonde maar OK is, maar daar is nie meer dieselfde evangelie met VERLOSSINGS KRAG nie.

Ons is `n nuwe generasie. Een wat hierdie wêreld wil red.

En ons KAN.

Maar ons kort ondersteuning, leiding en liefde. Nie iemand wat ons om elke hoek en draai afkraak en seermaak nie.

Ons kort aanvaarding.

En dan natuurlik die belangrikste van alz- ons kort `n goeie voorbeeld

AMEN!

[Willem]

Hi Skorsie,

ja jong , jy moet ons ooms verskoon, party van ons ( ek is nou al vier jaar oud ! ) stap nog maar saam waar julle is, maar as ek een ding kan deel...lees die bybel, soveel as wat jy kan ,luister daarna, ( cum het afr in mp3 formaat- dink R150 , kan ook bybel vir selfoon aflaai ens. ) dis waar die regte evangelie is.... baie mense ( ek ingesluit ) gaan baie goed kwytraak en dit goed bedoel, maar ons is net mense en maak droog.. gaan kyk of wat ons se in Bybel ook so staan... ( gaan download e-sword en die bybels en goete wat saam beskikbaar is, dis verniet en as wil kan ek cd sny en vir jou gee - Fourways Randburg areas ) Esword help want jy kan vinnig opsoek op rekenaar en 3 vertalings op een slag langs mekaar lees en sien God se boodskap kom deur --- al vertaal ons sleg.

Bid vir die ou mense , ons harte is harder as julle s'n en verander moeiliker, daar is baie om te verander soos jy sien en weet .... praat met hulle ook, se dat die se en doen nie saam pas nie en a.g.v dit wat julle sien baie ateiste geword het. Dit sal hulle laat wakker skrik!

Dan ook , soek die ouer mense wat praat en doen dieselfde is en wat real is en gaan vra hoe nou ? Daai ooms en tannies ( as hulle vir jou bid is dit awesome! ) SAL help en raad gee.

O een ding, die Here het ons lief en wil die beste vir ons he. MAAR Hy se ook ons sal vervolg word en vir Sy naam ly... MAAR Hy sal ons nooit verlaat nie en ons nooit bo ons vermoeens toets nie. Die slegte rubbish en leuens kom van een plek af....

Weet ek kan nie die wereld verander nie , en daai geval julle ook nie, MAAR jy is op regte pad om Hom wat WEL KANen dit al 2000 + jaar doen te soek en te volg en ons sal sien hoeveel ooms wat by Oom Angus se Mighty Mens was gaan nou uit en die regte ding doen ( wees ook geduldig en bid vir ons, dit het my vier jaar gevat om te kliek wat ek nou weet 8-) ), mense help en dien en voete was en die mense van Jesus vertel en mense help om lewens te red en goed beter te maak. Daar is SO BAIE stukkend en verkeerd om mens dat mens voel dis onmoontlik, MAAR deur Jesus wat ons krag gee IS ons tot alles in staat en nou dat ek verstaan hoe om on geloof te wandel sal ek ook miskien gebruik word om verskil te kan maak tot Sy eer alleen.. hou vas aan daai ons kan wereld verander , hou vas aan Hom en ek glo julle kan en gaan dit doen.

Groete
Willem

[Johnny]

Hi Skorsie,

Ek was vir baie jare betrokke by ons gemeente se jeug. Ek kan die fristrasie in jou plasing hoor. In baie gevalle moet die ouers die skuld kry. Laai hulle kinders by die kerk af en laai hulle weer op, maar hulle is self NOOIT daar nie. Van hulle sit Sondae oggende in die kerk met 'n "babelas" want gister was dit weer groot rugby en braai. Ouers het nie meer 'n saak met hulle kinders nie. My dogter is hierdie jaar grootskool toe. Sy is in graad 8. Ek het sommer met die intrapslag vir die ouervereniging laat weet dat my kind nie betrokke sal raak by valentysndag en halloween nie. Die ouervereniging het my omtrent gekruisig!!!! Ek sien jy se daar word nie meer bekering in kerke gepreek nie. Jy is heeltemal reg. Mense wil nie meer van die kansel af se dat ons sondaars is en gered moet word nie. Daar word eerder vertel watse goeie mens jy is en watse wonderlike dinge op jou wag as jy net "GLO" en Jesus se naam bely. Ek het 'n gesegde wat ek eendag self opgemaak het: "'n Kruis om die nek vat jou nie deur die hemel se hek". Dit het in elk geval 'n status simbool geword. Hoe duurder en mooier die kruis, hoe beter voel ek.

Jy noem dat al hoe minder mense kerk toe gaan.....en jy is reg. Hulle soek sensasie, hulle soek snaakse dinge wat moet gebeur, hulle soek na tekens en wonders. Daar word HERLEWING verkondig, maar watse herlewing is dit? Die bybel voorspel 'n afval van die ware geloof in die laaste dae, 'n vervolging van die ware kerk. Heeltemal in teestelling wat jy op hierdie massa byeenkomste hoor. Ek kry die jeug innig jammer vandag want daar het MIN ware leraars oorgebly wat die Woord reg sny. Die wat wel oorgebly het word gekritiseer omdat hulle kwansuis "TEEN" die stroom is. Uit die oudedoos. God se Woord het egter nie verander nie, maar die mense het. Die voorbeeld wat vir julle gestel word is walglik. Julle moet opkyk na gay leraars, leraars wat saambly voor die huwelik goedkeur. Leraars wat 'n "doppie" saam met die manne op mannekampe vat.

Die aanslag op die jeug vandag deur satan is OORWELDIGIND! Die aanvalle wat julle moet teenstaan op die musiek gebied, movies, internet, facebook, mixit, ens, ens.

Jy kan my webblad besoek as jy kansie kry. Geen "funny" dinge daar nie, net goeie Woordgebaseerde lering.

Ek los jou met 'n paar Skrifgedeeltes:

Psalm 119:9 Bet. Waarmee sal die jongelingsypad suiwer hou? Deur dit te hou na u woord.
Romeine 6:12 Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie.
Romeine 13:14 Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie.
Effesiers 4:22 dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan,
2 Timoteus 2:22 Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit ‘n rein hart aanroep.

2 Timoteus 3:13 Maar goddelose mense en bedrieërs sal voortgaan van kwaad tot erger, hulle wat verlei en verlei word.
2 Timoteus 3:14 Maar bly jy in wat jy geleer het en waarvan jy verseker is, omdat jy weet van wie jy dit geleer het,
2 Timoteus 3:15 en dat jy van kleins af die heiligeSkrifte ken wat jou wys kan maak tot saligheid deur die geloof in Christus Jesus.
2 Timoteus 3:16 Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid,
2 Timoteus 3:17 sodat die mens van God volkome kan wees, vir elke goeie werk volkome toegerus.

Effesiers 4:14 sodat ons nie meer kinders sou wees nie wat soos golwe geslinger en heen en weer gedryf word deur elke wind van lering, deur die bedrieëry van die mense, deur sluheid om listiglik tot dwaling te bring;

STERKTE. Ek bid vir die jeug, want ek het ook 'n dogter wat haar man moet staan in 'n krom en 'n verdraaide geslag!

[RR van Wyk]

Hi Skorsie,

Jy sê ons kla net en doen niks nie.... Jinne wens ek nou ek het geweet WAT om te doen!! Die probleem is 'n mens kan nie jou opinie en geloof op ander afdwing nie... ongelukkig(of gelukkig) is daar nog so iets soos vrye wil, wat mense natuurlik lief is om te misbruik...

Nie eers my Skepper dwing Homself af op mense nie, so wie is ek om dit te doen? En dan is ons Christenstemme soos 'n fluisterstemmetjie teenoor "Satan se media", wat so alledaags en aanvaarbaar raak dat julle jeug nie eers iets snaaks daarin raaksien nie... Wees eerlik... watse kans staan ek teenoor hierdie moderne dinge? Die Jeug sien hulle ouers as dinousorusse wat nie kan byhou met veranderinge nie... Die probleem is, my Skepper verander nie om Homself aan te pas by die wêreld se veranderinge nie, Hy is Gister, Vandag en Môre alteid dieselfde...

Dit is hartseer die rigting waarin die wêreld beweeg... As jy dink jy het goeie raad vir ons dilemma, laat ons hoor, enige raad op hierdie stadium wat prakties uitvoerbaar is is beslis welkom!!

[RR van Wyk]

Al wat ek kan dink aan om 'n verskil te maak in hierdie wêreld, is om alles wat jy doen en sê, dit te doen in liefde en verdraagsaamheid... maar partykeer word selfs dit verwerp...

[Ta-An]

Ai ou Skorsie.....

Jy sê :"Ongelukkig behoort jy aan die NG kerek" maar jy raas met ons omdat ons kla... LOL boetie, vee jou vee, kan ek jou 'n besem in die hand stop ??

Die lewe is nie altyd oor wys my die pad nie, maar oor neem inisiatief hoor by die Here en doen so... Hy is groot Leermeester

[Skorsie42]

Ek het dit nou mos gemis! `n Bietjie goeie geselskap is maar skaars deesdae. Dankie dat julle darm my stuk gelees het, waardeur dit. eerstens wil ek ook net sê- ek is maar 17, amper 18. so ja ek het nog nie baie ervaring in hierdie lewe nie, maar ek kan nou met trots sê dat ek al baie meer dinge in die lewe deurgemaak het as `n normale 18-jarige, en met Sy genade het ek oorleef. en versterk daardeur.

Dit was interessant om julle reaksies te lees. Eerstens wil ek net sê, Ta-An, ek is ongelukkig `n lid van die NG kerk ja, maar net omdat ek nie van hul aanbiedings-wyses hou nie. Dis vir my bietjie TE formeel. En oor die algemeen dink ek al hierdie verskillende kerke is sommer `n nonsens storie....glo ons dan nie almal aan die basiese beginsels van God, die 3-Eenheid, ens nie? en dan het ek nooit gevra dat die pad vir my gewys te word nie. Ek sê maar net ons kort ondersteuning om hom te vind, want soos julle saam met my stem, die wêreld is hard op ons jeug.

Ja ek het E-read gehad, met `n verskeidenheid Boeke, maar my hardeskyf van daardie dae is ook nie meer met my nie, so ek moet dit nog weer aflaai. Wil net met julle deel- het vanaand my pa se bybel gevind wat aan hom gegee is toe hy agt jaar oud was! `n Baie mooi gepresiveerde bybel, met `n egte leer 'omhulsel' wat sy pa nog met die hand vir hom gemaak het. En net vir die wat nou dalk wonder- ja my pa is oorlede.

Son of the South, ek verskil bietjie van jou op die 'Illuminatie' kwessie. Die wat nog daar is, as daar is, kan dalk die wêreld nadelig beïnvloed, maar ek is ongelukkig nie genoeg ingelig om definitief iets daaroor te sê nie, maar ek verstaan wat jy bedoel met die media van vandag. Dit is erg, en ek kan dit sien in die skool vandag. Maar daar is wel ordentlike musiek vandag, musiek wat talle mense dink is onvanpas. Ek is `n groot aanhanger van musiek, dit het my deur moeilike tye gehelp, en ek kan seker so ver gaan om te sê dit voed jou op `n geestelike vlak, wanneer jou siel moeg is of in pyn ens.

En ja ek praat gedurig met ouer mense oor sulke goed, maar dit verbaas my hoeveel hardkoppige ooms en tannies daar buite is wat nie eers na jou volle argument of redenasie wil luister nie. Selfs ons gemeenskap se Christelike leiers, en die dominees, is verskriklik erg. Daar is absoluut geen kans dat hulle verkeerd is, en dat jy reg is nie.

En ek dink nie die probleem lê met die ouers wat nie in die kerk is nie, maar wel daardies wat daar is, en dan maar net die volgende dag/week dieselfde verkeerde dinge doen en nooit verander nie.

Maar ek sal graag nog wil sê, maar moet nou eers gaan. Ons eksamen begin. Skryf môre wiskunde, sug. Sal weer Vrydagaand kom praat, gaan koshuis toe.

Lekker aand! of dag!

[Willem]

Ja ek het E-read gehad, met `n verskeidenheid Boeke, maar my hardeskyf van daardie dae is ook nie meer met my nie, so ek moet dit nog weer aflaai. Wil net met julle deel- het vanaand my pa se bybel gevind wat aan hom gegee is toe hy agt jaar oud was! `n Baie mooi gepresiveerde bybel, met `n egte leer 'omhulsel' wat sy pa nog met die hand vir hom gemaak het. En net vir die wat nou dalk wonder- ja my pa is oorlede.

Laat weet maar as jy nodig het, kan op cd vri jou e-sword met klomp modules ens sit. In Randburg / Fourways area. Sterkte met eksamens en geniet daai bybel.

[DanieB]

: En oor die algemeen dink ek al hierdie verskillende kerke is sommer `n nonsens storie....

Ek is `n groot aanhanger van musiek, dit het my deur moeilike tye gehelp, en ek kan seker so ver gaan om te sê dit voed jou op `n geestelike vlak, wanneer jou siel moeg is of in pyn ens.

En ja ek praat gedurig met ouer mense oor sulke goed, maar dit verbaas my hoeveel hardkoppige ooms en tannies daar buite is wat nie eers na jou volle argument of redenasie wil luister nie. Selfs ons gemeenskap se Christelike leiers, en die dominees, is verskriklik erg. Daar is absoluut geen kans dat hulle verkeerd is, en dat jy reg is nie.

En ek dink nie die probleem lê met die ouers wat nie in die kerk is nie, maar wel daardies wat daar is, en dan maar net die volgende dag/week dieselfde verkeerde dinge doen en nooit verander nie.

Skorsie - jy is 'n jong mens so na my hart. Jy is so reg, al die verskillende Christen denominasies is sommer nonsens. Ek is ook 'n groot aanhanger van musiek, luister vandag baie meer besadigde musiek, maar op skool het almal (groot mense) my laat verstaan my musiek gaan my in die hel laat beland en ek moes LM-radio met 'n oorfoon luister. Ek wil nou nie hierdeur swak musiek goed praat nie, maar wat ek eintlik wil sê is mense wat jou veroordeel oor jou musiek keuse of enige iets waarmee hulle 'n probleem het, maak jou gewoonlik meer vasberade om te bewys dat jy reg is (en hou jou soms so op die verkeerde pad).

My jongste dogter is so oud soos jy, so ek is al lank 'n groot mens, maar ek kan dit tot vandag nie verstaan dat groot mense so vinnig is om te veroordeel en vrese uit te spreek. Daagliks moet ek by my werk hoor hoe bang is hulle as dit of dat gaan gebeur. Hoe die blankes uitgemoor gaan word of wat ook al. Min weet hulle dat vrees 'n teken van ongeloof is. Vrese moenie by ons bestaan nie. Rom.8:28 gee ons die versekering dat alles vir ons ten goede mee werk omdat ons Hom liefhet.

Vir my geslag net die volgende raad: as 'n sanger gospel liedjies sing en dit val in jou smaak, luister en geniet dit sonder om eers te gaan uitvind of hy/sy nie dalk 'n geraamte in die kas het nie. Volgens 2Kor.5:16 sien ons niemand meer na die vlees nie, maar na die gees, m.a.w. soos God na hom/haar kyk - skoon gewas deur Jesus se bloed. Dit is my uitgangs punt in die lewe om na elke mens te sien as iemand wat deur Christus gered is.

[Skorsie42]

Hahahaha eks bly jy dink so DanieB, dankie, maar jy ken nog net die my slegte kant nie haha! my ma sal soms ook verskil van jou mening! haha, ek weet nie of julle net afrikaanse musiek luister nie, en of julle ook Engels luister nie. Maar daar is hierdie een Gospel Band, Casting Crowns. Hulle is van iewers oor die waters. Maar hulle musiek is baie goed, goeie verse en ook nie oorverdowend nie. Daar is veral een liedjie van hulle wat vir my uitstaan. gaan lees gerus die woorde aanlyn.

Tik net in by Google 'what if His people prayed lyrics'- glo my, dis die moeite werd!