Teologie en dogma

[Phil Fourie]

Vir baie was hierdie naweek weer 'n groot geestelike naweek in ons land, vanoggend lees ek baie, ek wil weet wie wat waar en alles en nog wat. Ja, ek kan lees en ek lees wel baie

Iets wat my al baie lank pla en veral vandag weer pla is stellings wat ek raaklees soos: "Vergeet van die teologie en dogma en volg net vir Jesus". En ek moet vandag hier prontuit sê, hierdie is in my oë 'n sataniese aanslag op die Christelike verstand en veral die Woord van God.

Wat klink na 'n rein en edele gedagte is niks meer as die propaganda van 'n ontluikende kerk wat waarheid as relatief wil verkoop en die absolute waarheid van die Woord van God wil verkleineer. Is ek onredelik in wat ek hier vandag skryf? Ek glo die antwoord sal wel duidelik blyk as ons hierdie twee woorde bietjie ondersoek, teologie en dogma.

Teologie

Teologie bestaan in wese uit twee Griekse woorde, theos en logos. Theos verwys na God en logos is woord, so in wese sê jy dat as iemand moet wegbly van teologie hy weg moet bly van 'n woord van God. Die realiteit is in wese dat die Bybel wel absoluut teologie is, die Bybel is DIE WOORD van GOD.


Indien jy ooit iemand aanraai om weg te bly van teologie, is jy besig om die werk van die satan aan te help deur mens aan te raai om weg te bly van die Woord van God, van die absolute bron van waarheid en daarmee speel jy reguit in die hand van die ontluikende kerk in, jy speel in die hand van 'n post moderne wêreld in waar waarheid relatief is en maak die Bybel oop vir enige menslike interpretasie want niks wat daar binne staan kan vir jou meer absoluut wees nie.

Dogma

Dogma is 'n leerstelling of sisteem van leerstellings wat gesaghebbend en as absoluut waar beskou kan word. Weereens, wat doen ons as ons mense aanraai om nie dogmaties te wees nie? Ons sê dat jy geen leer hoef te beskou as absoluut en gesaghebbend nie, dus hoef jy ook nie die leer van die Bybel te beskou as absoluut en gesaghebbend nie. Die realiteit my vriend is dat die Bybel dogma is, die Bybel is in der waarheid die mees dogmatiese skrywe wat jy in jou lewe sal lees.

Weereens, as ons mense afraai daarvan om hulle lewens in te rig volgens leerstellings, dan raai ons hulle af daarvan om hulle te hou by die Woord van God, want die Woord van God is leerstelling, die Woord van God is absoluut en gesaghebbend, die waarheid is dat die Woord van God die bron van alle absolute waarheid is en die hoogste gesag is aangaande alles.

Laat ons nie in die hand van die satan speel deur sy werk vir hom te doen en die Christen se gesonde verstand wat God hom gegee het te probeer skei van sy geloof nie, maar laat ons die Christen aanmoedig om gesonde leer te ondersoek, hom te verdiep in die skrywes van hulle wat ons vooruitgegaan het, dit altyd te toets aan die absolute gesag, die Woord en sodoende Christenne help opbou wat nie vir jare op melk sal bly nie, maar sal opgroei in die leer van die Woord, bekwaam sal wees in die kerk en bruikbaar sal wees in die hande van 'n almagtige God.

Maar spreek jy wat by die gesonde leer pas.
Titus 2:1

Ek kom terug na 'n uitlating soos: "Vergeet van die teologie en dogma en volg net vir Jesus". As jy vir Jesus wil volg, dan sal jy teologie en dogma deel van jou lewe maak, jy sal 'n passie daarvoor hê om die gesonde leer te bestudeer en jou lewe in te rig volgens daardie morele kode, jy sal strewe na kennis van teologie en ywer om jou lewe so dogmaties korrek moontlik volgens die Woord van God in te rig.

Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak.
Johannes 14:23

Groete
Phil

[mari]

Liewe Phil...

Stadig, boet, stadig ....... as jy gaan kyk hoe Jesus met die "Skrifgeleerdes en Fariseers" ( teoloee en Bybelkundiges van daardie tyd ) tekere gegaan het, sal jy verstaan wat hier bedoel word is wel MENSLIKE teologie en dogma, kopkennis wat NIE op die Lewende Woord geskoei is nie, maar op menslike interpretasies sonder die Gees.....


Mattheus 15

1 Toe kom daar skrifgeleerdes en Fariseërs van Jerusalem na Jesus en sê:
2 Waarom oortree u dissipels die oorlewering van die ou mense? Want hulle was nie hul hande as hulle brood eet nie.
3 Maar Hy antwoord en sê vir hulle: Waarom oortree julle ook die gebod van God ter wille van julle oorlewering?
4 Want God het bevel gegee en gesê: Eer jou vader en moeder; en: Hy wat vader of moeder vloek, moet sekerlik sterwe.
5 Maar julle sê: Elkeen wat aan vader of moeder sê: enige voordeel wat u van my sou kan geniet, is 'n offergawe--dié hoef sy vader of sy moeder glad nie te eer nie.
6 So het julle dan die gebod van God kragteloos gemaak ter wille van julle oorlewering.
7 Geveinsdes, tereg het Jesaja oor julle geprofeteer toe hy gesê het:
8 Hierdie volk nader My met hulle mond en eer My met die lippe, maar hulle hart is ver van My af.
9 Maar tevergeefs vereer hulle My deur leringe te leer wat gebooie van mense is.

10 En Hy het die skare na Hom geroep en vir hulle gesê: Luister en verstaan!
11 Nie wat in die mond ingaan, maak die mens onrein nie; maar wat uit die mond uitgaan, dit maak die mens onrein.
12 Daarop kom sy dissipels nader en sê vir Hom: Weet U dat die Fariseërs, toe hulle die woord hoor, aanstoot geneem het?
13 Maar Hy antwoord en sê: Elke plant wat my hemelse Vader nie geplant het nie, sal ontwortel word.
14 Laat hulle staan; hulle is blinde leiers van blindes. En as 'n blinde 'n ander blinde lei, sal altwee in die sloot val.



2000 jaar gelede het die teologie en dogma van die dag Christus vervloek en aan die kruis gehang...... as ons Woord interpretasie nie in Christus en in Gees is nie, is dit dood - eintlik meer as dood, want dit bring dooie menslike wettiese godsdiens, i.p.v. 'n geloofs verhouding met God, aan die wat dit aanhang ...... dis wat die spreker bedoel......


...
m

[Willem]

Phil.

miskien is die probleem met teologie en dogma dat dit deel geword het van 'n dooie betekenis vir die gewone ou soos ek wat jare lank in die kerk was en elke sondag teologie en dogma gekry het, maar vir iets meer gesoek het... daar is onder die "naam" van christenskap al verskriklike euwels gedoen en persoonlik dink ek dat die prediking die "reserve" van geleerde mense geword het i.p.v mense met 'n lewende verhouding met ons Skepper en Here ( dis nie lekker om dit te moet se nie, maar dis in so baie gevalle wel waar ) is die voorloper van die' " los die teologie en dogma en volg Jesus"

Ek vir een stem 100% saam , en voor jy stik , gee my eerder al die waarheid in die bybel en alles wat Jesus die dissipels geleer het toe Hy gese het ,"gaan , maak dissipels van al die nasies en leer hulle....."

Leer my alles wat die woord leer, maar ek is moeg en sat vir mense se dogma en teologie waar gestry en baklei word oor die of daai... dis soos groot vs klein doop ... wat de ( jammer dat ek omgesukkeld raak ) het dit met saligheid/redding / verlossing / ons Here Jesus uit te waai ? ( ek vertrou dat die Here wel mense sal oortuig oor hoe en wat soos wat Hy besig is om met my te doen ) en tog het ons geskiedenis van baklei en mense uit kerke sit en tug oor sulke twak ( dis net tradisies ) en dis nie wat ek soek nie.

Ek soek die bron; Jesus en 'n lewende verhouding met Hom elke liewe dag en elke oomblik en om mense te kan sien soos Hy dat ek nie eers 'n geknakte riet sal breek nie.... ongelukkig dink ek het ons hierdie ding geskep wat gebou is op mense se goeie voornemens i.p.v God se leiding en ons noem dit godsdiens en dit het sy hele stel reels en teologie en dogma.. meet dit teen wat Woord leer...
Reine en onbesmette godsdiens voor God en die Vader is dít: om wese en weduwees in hulle verdrukking te besoek en jouself vlekkeloos te bewaar van die wêreld.
Ek verstaan dat dit jou bekommer en die emerging kerk is 'n groot probleem, want hulle verdraai waarheid so saggies en effe dat jy skielik sit met iets wat teen Woord praat , maar wat gaan ons verdedig en wat gaan ons verkondig? Teologie en dogma ? woorde wat van 'n ander taal kom en my kop laat draai of die waarheid dat Jesus die Seun van God is en vir ons die prys aan die kruis betaal het en opgestaan het uit die dode en aan God se regterhand sit? het die fokus nie van Jesus af verskuif na die studie van die woord en nie die uitleef van die verhouding en totale afhanklikheid van God nie? Ek weet ek het self in daai slaggat getrap en meer tyd aan boeke lees ( ook gerekende Christelike boeke ) as om stiltetyd te he en die Woord te lees..maar in Sy groot genade het God my gedraai en dit gaan nou beter.

Miskien is dit die ander sy van die munt en kan mens met net ander woordkeuses die dogma en teologie van die Woord aan mense verkondig want die waarheid bly die waarheid en sal in alle ewigheid nie vergaan nie.

O die mense wat so dwaal is wel daar,asook baie wat net vir die experience gaan ens ens. maar ons moet bid dat God hulle harte sal sag maak en dat die saad wel sal groei daar en goeie grond sal vind wat God voorberei het.

Dan is daar ook die mense wat breek en letterlik ophulle kniee val en God om vergifnis smeek en uiteindelik weet dat hulle sondaars is en God werklik is en hulle sal oordeel , maar ook in Sy groot almag en genade die verlossing in Jesus vir ons bewerk het. Een van hulle sal dit alles die moeite werk maak, en ek weet persoonlik van vyf,(persoonlike hoorse tel nie ) daarvoor sal ek Hom loof en aanhou bid vir die res.

en Phil,
As jy vir Jesus wil volg, dan sal jy teologie en dogma deel van jou lewe maak, jy sal 'n passie daarvoor hê om die gesonde leer te bestudeer en jou lewe in te rig volgens daardie morele kode, jy sal strewe na kennis van teologie en ywer om jou lewe so dogmaties korrek moontlik volgens die Woord van God in te rig.

Ek weet wat jy hier bedoel, maar dit kan so maklik vir my beteken dat ek 'n passie vir die kennis moet he i.p.v passie vir God en Sy wil en vir my Verlosser wat die hoogste prys vir my betaal het. Morele kode ; dis nie in die' mens se vermoens om daarvolgens te leef nie, korrek leef , nog minder, het jare lank probeer, eers toe ek vir God oorgegee het want ek kan nie meer nie is ek verlos en het ek ( ha ha ha dis nie ek nie die Jesus en net Hy ) oorwin oor my lewe en wat ek dink en doen.
Miskien probeer die mense net se dat hulle die Woord en die Woord alleen wil leer, Jesus en Hom alleen volg en God alleen aanbid, en as ons dit met ander woordkeuse aan hulle ( en aan my ook asb! ) kan leer of beter nog die vrae uit Woord beantwoord dan gaan ons in liefde en sonder oordeel die waarheid verkondig.

[Elimelek]

Beste Mari en Willem

Ek sou nie graag die stelling oor teologie en dogma aan die duiwel of een van sy trawante wil toeskryf nie, maar andersins is ek geneig om met Phil saam te stem. Ek dink dat die opmerking 'n "sweeping statement" is. Teologie bestaan uit baie aspekte byvoorbeeld, Kerkgeskiedenis, Sendingwetenskap, Nuwe Testamentiese Wetenskap, Ou Testamentiese Wetenskap, Christelike Etiek, Sistematiese Teologie (of Dogmatiek) ensovoorts.

As 'n mens beswaar sou maak teen sommige rigtings in die Sistematiese Teologie, sou ek dit eens wees dat dit beter is om Jesus te volg, maar dan moet jy darem ook sê waarom jy dit sê.

Dogma en leerstellings is sinonieme. Dogma sluit leerstellings soos die Drie-eenheidsleer, die Soenverdienste van Christus ensovoorts in. Om Jesus te volg, is vandag reeds dogma, want hoe doen 'n mens dit? Jy kan tog nie letterlik in die wolke opgaan nie, maar jy kan wel as deel van sy liggaam meer en meer soos Christus word. Om dit te doen het jy die Bybel nodig. Die oomblik wanneer jy oor die Bybel praat, praat jy teologie.

In die vroeë kerk was daar groepe soos die Gnostiek, die Pelagiuste, die Montaniste, die Marcioniste, monofisiete, deiste, wat elkeen 'n ernstige leerdwaling ondersteun het en uit die kerk geweer is. Om die stelling gestand te doen dat teologie en dogma by die deur moet uit en net Jesus gevolg moet word, sal die Moslems, die Jehova-getuies, die Mormone en vele ander godsdienstige groeperings oop arms in die kerk aanvaar moet word. Terwyl sommige mense dit dalk maklik sal doen, sal ander ernstig vassteek. Ironies genoeg, vermoed ek dat die persoon wat die opmerking gemaak het wat Phil aanhaal, een van die eerste sou wees wat beswaar teen sommige van die groepe wat dan onder die Christelike sambreel sou inkom.

Vriendelike groete


Elimelek

[CFJ]

Ek dink hierdie is nou 'n lekker onderwerp om mekaar verkeerd te kan verstaan. Geen mens kan Jesus volg, sonder om teologies te dink of om dogmaties te wees nie. Dit gaan eerder vir my of jou teologie en dogma in eenvoudige terme, praktiese ondervinding of teoretiese kennis is?

Dit is soms wonderlik om net deur kennis iets te kan verstaan, maar as dit al manier is hoe mens dinge gaan verstaan, gaan daar later iets dood. Ek het teologie studeer in my eie tyd en het aanvanklik soos 'n nuwe sikspens gevoel, maar na 2 jaar heeltemal leeg gevoel, omdat ek agtergekom het, kennis persé, glad nie geloof is nie. Inteendeel, kennis wat nie deur 'n praktiese geloofspad kom nie, versmoor later mens se geloof. Die regverdige sal deur die geloof lewe en die teologie en dogma wat deur hierdie pad kom, is lewendig en dra veel vrug. Geloof het die eienaardige eienskap, dat dit soos 'n magneet kennis trek en inderwaarheid kennis wek. Mens kan nie jou geloof behou sonder kennis nie, maar kennis beteken net werklik iets vir mens, as dit deur geloof gekom het. Daar is na die beste van my wete, net een dogma of konstruk in die teologie wat vir elke mense absoluut moet wees... en dit is die kruisboodskap. Slegs die pad van die kruis bring verlossing en kom net as 'n absolute! As dit nie absoluut kom nie, is daar geen wedergeboorte nie, soos in absoluut geen redding nie. Jesus se kruisiging bewerk jou eie kruisiging, om die ou mens te laat sterf, sodat 'n nuwe skepsel gebore kan word. Ek dink hierdie stelling van Paulus wys dit uit, En toe ek by julle gekom het, broeders, het ek nie aan julle die getuienis van God kom verkondig met voortreflikheid van woorde of van wysheid nie, want ek het my voorgeneem om niks anders onder julle te weet nie as Jesus Christus, en Hom as gekruisigde. (1Kor 2:1-2 AOV)

Ken net eers vir Jesus as Verlosser, Here en Leermeester, dan sal die res self volg.

Wat ek persoonlik glo mens versigtig voor moet wees, is om te glo dat teologie en dogma in totaliteit 'n absolute begrip moet wees. Om teologie en dogma te verabsolutiseer, kan futiel en ook fataal wees in mens se persoonlike geloofspad. Jy as persoon moet 'n begrip self kan verstaan en moenie iets slaafs napraat, net omdat jou denominasie so glo nie. Dit beteken in der waarheid niks, as mens nie self dinge ondersoek nie en kan 'n leeftyd neem sonder om selfs die halfpadmerk te haal. Daar is so nou en dan iemand wat hierdie halfpadmerk verbysteek, maar ten volle was nog niemand beskore nie, nie eers Paulus nie. Ek glo Lighuis en ook ander forums, bied 'n beter as normale geleentheid om jouself te toets, nie net wat kennis betref nie, maar veral jou gesindheid om hierdie kennis te deel.

[Phil Fourie]

Ek wil graag weer hier kommentaar lewer as ek mag.

Eli verstaan my hart baie goed hier. Mense wat uitsprake maak soos los die teologie en volg Jesus is besig om emosioneel belaaide opswepingstegnieke te gebruik om die kerk wat heilig moet wees meer aanvaarbaar te probeer maak vir onheilige ongeredde mense.

Ek sê dit reguit hier vandag, vergeet van jou menslike begrippe en kennis, kom tot die ware leer en verdiep en bestudeer dit, dit is die Woord van God, dit is teologie en jou praktiese leef daarvan wys jou dogmatiese bekouing teenoor die Woord. As iemand vandag sit in 'n kerk waar hy 'n valse leer verkondig word, kom uit daar, kom in 'n kerk waar suiwer leer verkondig word. Teologie is nie die kerk se leer nie, dit is die leer van die Woord van God. Verskil ons soms in ons bekouings, ja, maak dit die teologie wat ons ondersoek minder suiwer? Absoluut glad nie, want ons kennis is wel beperk, maar die brond waaruit ons dit put is volmaak.

Wat ons dan bring by kennis. Mense, ons moet versigtig wees, die satan probeer in die tyd waarin ons leef die gelowige skei van sy verstand. Ek maak 'n harde stelling hier vandag, maar hoe meer emosiebelaai jou geloof raak, hoe minder perspektief begin jy kry aangaande suiwer teologie. Ons moet streef na kennis, nie menslike kennis nie, maar geopenbaarde kennis, vrees van die Here is die begin van kennis, 'n heilige respek vir Sy Woord is die basis van kennis, ware kennis, nie menslike kennis nie, maar die geopenbaarde teologie van God self.

Ek sal die gelowige vandag aanraai om op te hou speel in die hand van humanisme en 'n "free for all" godsdiens te probeer skep, dit is wel wat gebeur wanneer jy die deur oopgooi met stellings soos "los die teologie en volg Jesus". Ek weet nie hoe bekend meeste is met geloofstrukture in die wêreld nie, maar ek vat 'n boedhis byvoorbeeld. 'n Boedhis kan die voorbeeld van Jesus volg, daar is vir hom niks verkeerd daarmee nie, so wat maak my as Christen en hom as ongereddene dan anders in ons volg van Christus? Die antwoord is eenvoudig, sy teologie en dogma lyn nie op met die bron van ware teologie en dogma, die Woord van God nie, want die brond van absolute waarheid sê vir ons duidelik daar is net 1 weg na die Vader toe en dit is deur die Seun, dit is absoluut, dit is dogma.

Ek wil tog mense aanraai om julself te verdiep in gooie gesonde leer, om vir 'n oomblik terug te staan van emosie belaaide uitsprake en werklik te fokus op die kern van ons geloof, geopenbaarde kennis van God af.

Mense, daar is niks fout daarmee om te lees nie, daar is niks fout daarmee om Calvyn, Luther, Moody, Spurgeon en vandag mense soos MacArthur, Washer, Piper en Sproul se skrywes te lees nie, daar is waarlik goeie kennis wat suiwer uit die Woord van God uit kom vir ons daarin opgesluit, lees, ken die Woord en beoordeel alles aan die absolute bron van waarheid, die Woord.

Laaste punt, wil jy graag hê iemand moet jou leering van 'n kansel af gee wat geen opleiding in die Woord van God gehad het nie, wat nie in 'n struktuur kan staan wat hom verantwoordbaar hou nie? Ek soek dit glad nie, want dan maak ek die deur oop vir elke Jan rap en sy maat om 'n leering te kom gee en voor ons ons oë kan uitvee, sit ons met 'n dwaling in ons midde. Daar is 'n struktuur bepaal deur die Bybel en dit is gesond dat ons dit sal volg.

Stel in 'n gemeente ouderlinge, opsigters aan wat kan waak oor die leer van daardie kerk, te veel ouderlinge sit vandag in die voorste banke in die kerk en het self nie voldoende kennis van die Woord om die leer daarvan te beskerm nie. Identifiseer 'n man deur God bekwaam gemaak en stel hom aan as leerende ouderling. Beteken dit die verantwoordelikheid t.o.v. leer val van die ander ouderlinge af weg. Glad nie, ons sien dit te veel vandag gebeur, ouderlinge het nie 'n gesonde teologie nie en is aan die einde van die dag nie bruikbaar in die kerk nie. Laastens, beoordeel elke liewe woord wat daardie persoon van die kansel af preek en weeg dit op teen die Woord om hom ook sodoende verantwoordbaar te hou en die duiwel nie vatkans te gee nie. Dit is 'n gesonde struktuur, dit is 'n struktuur wat die gesonde leer beskerm, doen jouself die moeite en gaan kyk of die struktuur in jou gemeente so funksioneer. Indien nie, is die nie vir jou geoorloof om hier daaroor te kom kla nie, dit is jou verantwoordelikheid om dit met die ouderlinge van jou gemeente op te neem en as jy self 'n ouderling is, om self die nodige stappe te neem vir regstelling.

Kom ek daag mense vandag uit, mense wat sê gooi die teologie uit en kom ons volg net Jesus. Gee vir ons a.s.b. die eerste leerstelling in jou gemeente in jou denominasie wat uitgegooi moet word en laat ons dit hier onder mekaar bespreek en beoordeel of dit oplyn met die Woord van God, as dit oplyn, dan kan ons dit nie verwerp nie, maar moet ons dit behou, nie waar nie?

So, wie sal graag die geleentheid wil gebruik om eerste iets te plaas in hierdie lyn, sodat ons kan help om te begin in 'n rigting beweeg wat suiwer Woord is en dan hierdie leerstellings van gemeentes te meet aan die Woord. Ek vra nie gee denominasies nie, ek vra plaas die teologie wat jy 'n probleem mee het.

Groete
Phil

[Phil Fourie]

mari

Ek wil net op iets kommentaar lewer. Dit waaroor Jesus hulle aangevat het was nie oor die Bybel of dan die Ou Testament nie, maar oor die Talmud en die Rabbiniese menslike geskrifte, wat nie teologie is nie. Gaan terug tot die betekenis van teologie, dan sal jy agter kom dit is 'n woord van God, so die Talmud ens is nie 'n woord van God nie, maar menslike geskrifte en is nie teologies van aard nie, want dit bou nie op die Woord nie.

Slegs wanneer iets gefundeer is uit die Woord, dan kan dit gesien word as teologie

Groete
Phil

[Die Filadelfieer]

Slegs wanneer iets gefundeer is uit die Woord, dan kan dit gesien word as teologie

Ek dink hierdie is 'n baie belangrike onderskeid om te maak, alhoewel ek die indruk kry dat baie mense dit nie so verstaan nie ! Matheus 15 is 'n baie goeie voorbeeld hiervan, waar Jesus duidelik OT wette (Eer jou Vader en jou Moeder) teenoor Rabiniese wette ( ritualistiese hande-was voor ete ) stel.

Iets wat ook as uitvloeisel aangespreek kan word is die tendens vir al hoe meer dwaalleringe, juis omrede daar nie genoeg aandag geskenk word (deur Jesus-kinders self !) aan die begrip teologie en kennis daarvan nie.
Juis oor hierdie rede raak dit al hoe belangriker dat ons "wagters op die muur" het wat alarm maak indien iets snaaks sy kop uitsteek, en oor die nodige kennis besit om probleme raak te sien en aan te spreek.
Ek het egter ook al gesien hoe so 'n aksie eerder in 'n tipe hekse-jag kan ontaard, waar mense eerder as dwaalleringe aangeval word, en dit is iets wat mynsinsiens glad nie bydrae tot suiwer Woord- en Evangelieverkondiging nie.

[Paul Pienaar]

Hallo Phil,

Ek heg baie waarde aan die feit dat ek sien jy baie ernstig omgaan met jou geloof.

Jy skryf,
"Mense, daar is niks fout daarmee om te lees nie, daar is niks fout daarmee om Calvyn, Luther, Moody, Spurgeon en vandag mense soos MacArthur, Washer, Piper en Sproul se skrywes te lees nie, daar is waarlik goeie kennis wat suiwer uit die Woord van God uit kom vir ons daarin opgesluit, lees, ken die Woord en beoordeel alles aan die absolute bron van waarheid, die Woord."

Ek stem met jou saam dat daar niks fout is met baie lees nie.
MAAR (en ek is amper half jammer om die die MAAR hier in te bring) van hierdie lesers wat jy hierbo genoem het, het geweldige verdraaide sienings gehad en het dinge geglo wat jou op jou rug sal laat neerslaan van skok.

Hier is 'n paar van slegs Luther se aanhalings. En ek plaas dit ter wille van balans en om die lesers te laat besef dat daar baie baie versigtig te werk gegaan moet word met enige skrywer of prediker.



"Sin cannot tear you away from him [Christ], even though you commit adultery a hundred times a day and commit as many murders."

Ummm....wel...ja......Oooo, nou verstaan ek so 'n paar dinge beter.

"I myself saw and touched at Dessay, a child of this sort, which had no human parents, but had proceeded from the Devil. He was twelve years old, and, in outward form, exactly resembled ordinary children."

En kon die kind BYT !!!

"Many sweat to reconcile St. Paul and St. James, but in vain. 'Faith justifies' and 'faith does not justify' contradict each other flatly. If any one can harmonize them I will give him my doctor's hood and let him call me a fool."

Mens moet 'n dokter wees om met sulke dinge te kan weg kom en steeds as 'n kerk vader gesien te word.

"Reason must be deluded, blinded, and destroyed. Faith must trample underfoot all reason, sense, and understanding, and whatever it sees must be put out of sight and ... know nothing but the word of God."

Wens ek het bogenoemde aanhaling geken toe ek nog op skool was. Dit sou nogal te pas gekom het in wiskunde en wetenskap klas.

"The best way to get rid of the Devil, if you cannot kill it with the words of Holy Scripture, is to rail at and mock him. Music, too, is very good; music is hateful to him, and drives him far away. "

So die Duiwel is dan seker baie ver heen huidiglik met al die gemusiekery van vandag.

"The fact that [the biblical book] Hebrews is not an epistle of St. Paul, or of any other apostle, is proved by what it says in chapter two...."

Komaan.......erken dit.........julle het nog altyd julle bedenkinge gehad oor daai 2de hoofstuk. Het julle nie?!
Wonder wat staan in hoofstuk 2. Wag dat ek gaan lees.


"We should throw the Epistle of James out of this school [the University of Wittenberg]....

Wat het die man nie nog al's weggegooi en weg geredeneer nie?



OK dames............julle kan nou ophou lees. Dit was eers genoeg vir julle.


"Women...have but small and narrow chests, and broad hips, to the end that they should remain at home, sit still, keep house, and bear and bring up children."

Ek het julle gewaarsku


Lees is lekker!

Groete
Paul

[Willem]

Slegs wanneer iets gefundeer is uit die Woord, dan kan dit gesien word as teologie

Groete
Phil

AAAH Phil, miskien moet mens begin om die "trade language" as ek dit so kan noem aan mense te verduidelik en ordentlik te kommunikeer en nie die ou aanname maak ; van hulle moet weet wat teologie beteken omdat ek weet wat teologie beteken. Dis 'n les wat ek nog elke dag leer as ek met nekenaars en mense werk

Teologie vir jou is vir my die absolute waarheid van die Woord. Maar is dit nie deels die probleem nie? Dat ons so slim raak in die Woord en die wetenskap daarvan dat ons dit alles in die taal van die studie van die Woord beskryf en die duiwel so wen nie?

Miskien is daar 'n les vir ons om te leer. Praat in taal wat jou luisteraar kan verstaan en gebruik voorbeelde wat vir hom/haar sin maak in hulle wereld ( dink die Here het reeds al die punte gedek met die gelykenisse, want dit is redelike universele beelde ? )

Wat is dogma dan? Absolute waarhede ? " I am the way and the truth , no-one comes to the father..." hoekom die onderskeid tussen waarheid en waarheid ?

[mari]

mari

Ek wil net op iets kommentaar lewer. Dit waaroor Jesus hulle aangevat het was nie oor die Bybel of dan die Ou Testament nie, maar oor die Talmud en die Rabbiniese menslike geskrifte, wat nie teologie is nie. Gaan terug tot die betekenis van teologie, dan sal jy agter kom dit is 'n woord van God, so die Talmud ens is nie 'n woord van God nie, maar menslike geskrifte en is nie teologies van aard nie, want dit bou nie op die Woord nie.

Slegs wanneer iets gefundeer is uit die Woord, dan kan dit gesien word as teologie

Groete
Phil

dis presies wat bedoel word, Phil...... kerk teologie, kerkleer en kerkdogma wat nie op die Woord gefundeer is nie ...... menslikke teologie ...... en nie die ware soeke na die Waarheid by God self in verhouding met die Lewende Woord nie ........... dis die soort wat moet waai .....

groetnis
m

[Phil Fourie]

dis presies wat bedoel word, Phil...... kerk teologie, kerkleer en kerkdogma wat nie op die Woord gefundeer is nie ...... menslikke teologie ...... en nie die ware soeke na die Waarheid by God self in verhouding met die Lewende Woord nie ........... dis die soort wat moet waai .....

groetnis
m

mari

Please step up to the plate

Daai aantuigings van jou is wat ek jou uitdaag om te plaas, dan ondersoek ons dit, die Woord leer ons dat ons spekulasie moet verwoes, totdat jy wel 'n leer bring vir ondersoek, is dit spekulasie en dien geen doel nie.

Ek wag vir julle problematiese leerstellinngs

Kom ons hou op "kerk leer" altyd so afskied sonder enige geldige punte.

Paul, ek wil tog kommentaar lewer oor Luther, veral Luther en Jakobus, want in die ander uitlatings sien ek nie te veel kommer nie

Luther het wel die boek Jakobus verwerp, sy verlies as jy my vra, jy moet verstaan hoekom hy dit gedoen het. Luther het op daardie stadium in sy lewe gesit met so 'n weersin teen die dwalinge van die RKK dat hy alles wat net na 'n greintjie van geloof deur werke totaal verwerp het en dit het tot gevolg gehad dat hy nooit werklik moeite gedoen het om die boodskap van Jakobus te verstaan nie, wat ek wel met 'n uiteenlopende studie baie goed versoen het met die skrywes van Paulus, maar soos ek sê, dit is a.g.v. sy omstandighede in daardie tyd. Ek het ook al hierdie "knee jerk" reaksies gehad waar ek totaal perspektief verloor het as ek met dwalinge te doen gekry het, reaksies waaroor ek baie spyt vandag is, maar dit my getuienis nou minder geloofwaardig, of die studie wat ek in die Woord insit minder geloofwaardig. Ek bid die Here dat dit nie sal doen nie.


Nog iets, Luther was nie die enigste persoon wat nie oortuig was dat Heb deur Paulus geskryf is nie, daar is vandag baie behoudende manne wat nog dieselfde glo, ek verskil van hulle, maar dit maak nie vir my hulle werk op sekere gebiede van minder belang nie.

Gaan kyk na dit waarvoor God Luther geroep het, gaan kyk na die veld waarop hy gespesialiseer het, hy het wel wonderlike werk vir die Kerk gedoen en ons sal die Here ewig dankbaar bly dat hy 'n man soos Luther gebruik het om Sy kerk uit die RKK nes uit te haal.

Groete
Phil

[Philip dT]

Net eers iets oor die woord "teologie."

Etimologies kom die "teo" wel van die wortel/stam "God" en die "logie" van die wortel/stam "logos," maar "logie" word in standaard konstruksies gebruik soos:

biologie
etimologie
filologie

ens.

Die agtervoegsel "-logie" beteken gewoon "leer aangaande." Daar bestaan daarom iets soos goeie teologie en swak teologie, waar teologie en onwaar teologie. Die woord "teologie" of "godsleer" word bv. ook gebruik om die godsleer van bv. Islam / Hinduïsme te beskryf.

Die woord "teologie" op sigself beteken dus nie inherent "woord van God" nie, maar eerder "leer oor God", "spreke oor God" of "woorde oor God" as jy wil, maar dit is nie 'n akroniem vir "Woord van God" as sou dit inherent direk op die bybel dui nie.

Ek stem egter saam dat jou teologie absoluut suiwer afgelei moet word van die Woord van God, maar ek fundeer dit nie in die etimologie van die woord "teologie" nie, maar eerder in die feit dat ek absolute gesag toeken aan die Woord van God.

Etimologie kan in sekere gevalle 'n misleidende manier wees om betekenis aan 'n woord toe te ken, bv. om te sê "hamartia" (sonde) beten eintlik "om jou doel te mis" soos baie predikante lief is om te preek. Betekenis word eerder bepaal deur die konteks waarin dit gebruik word.

Ook die woord "dogma" word in ander kontekste as Christelike dogma gebruik. Buiten dat jy NG dogma en Adventiste dogma kry, kry jy ook Vrymesselaars-dogma. Albert pike het bv. die boek "Morals and Dogma" geskryf as Vrymesselaars-handleiding.

Buiten dit het alle Christene 'n bepaalde dogma en 'n bepaalde teologie. Sommige s'n mag miskien meer kripties wees as ander.

Eerder as wat ek dus sou wou veg vir woorde soos "teologie" en "dogma" as sodanig, sou ek sê:

1) mens moet kennis hê van die Woord, van God en die werk van die Heilige Gees, maar ook van die werking van die Satan en die bose sisteme in die wêreld en nie oningelig (ignorant) daaroor wees (bv. Ef 1:17).
2) mens moet vashou aan die gesonde leer van die Christus en die apostels en jouself deeglik daaroor kan verantwoord (1 Tim 1:10; 6:3; Titus 1:9; 2:1) - soos dit vervat is in die Bybel. Die Bybel bly egter dooie letter as die Gees nie ons Hermeneut (Interpreteerder/Verklaarder) is nie (bv. Joh 16:13).

Groete
Philip

[protea]

Vir baie was hierdie naweek weer 'n groot geestelike naweek in ons land, vanoggend lees ek baie, ek wil weet wie wat waar en alles en nog wat. Ja, ek kan lees en ek lees wel baie

Iets wat my al baie lank pla en veral vandag weer pla is stellings wat ek raaklees soos: "Vergeet van die teologie en dogma en volg net vir Jesus". En ek moet vandag hier prontuit sê, hierdie is in my oë 'n sataniese aanslag op die Christelike verstand en veral die Woord van God.

Wat klink na 'n rein en edele gedagte is niks meer as die propaganda van 'n ontluikende kerk wat waarheid as relatief wil verkoop en die absolute waarheid van die Woord van God wil verkleineer. Is ek onredelik in wat ek hier vandag skryf? Ek glo die antwoord sal wel duidelik blyk as ons hierdie twee woorde bietjie ondersoek, teologie en dogma.

Teologie

Teologie bestaan in wese uit twee Griekse woorde, theos en logos. Theos verwys na God en logos is woord, so in wese sê jy dat as iemand moet wegbly van teologie hy weg moet bly van 'n woord van God. Die realiteit is in wese dat die Bybel wel absoluut teologie is, die Bybel is DIE WOORD van GOD.


Indien jy ooit iemand aanraai om weg te bly van teologie, is jy besig om die werk van die satan aan te help deur mens aan te raai om weg te bly van die Woord van God, van die absolute bron van waarheid en daarmee speel jy reguit in die hand van die ontluikende kerk in, jy speel in die hand van 'n post moderne wêreld in waar waarheid relatief is en maak die Bybel oop vir enige menslike interpretasie want niks wat daar binne staan kan vir jou meer absoluut wees nie.

Dogma

Dogma is 'n leerstelling of sisteem van leerstellings wat gesaghebbend en as absoluut waar beskou kan word. Weereens, wat doen ons as ons mense aanraai om nie dogmaties te wees nie? Ons sê dat jy geen leer hoef te beskou as absoluut en gesaghebbend nie, dus hoef jy ook nie die leer van die Bybel te beskou as absoluut en gesaghebbend nie. Die realiteit my vriend is dat die Bybel dogma is, die Bybel is in der waarheid die mees dogmatiese skrywe wat jy in jou lewe sal lees.

Weereens, as ons mense afraai daarvan om hulle lewens in te rig volgens leerstellings, dan raai ons hulle af daarvan om hulle te hou by die Woord van God, want die Woord van God is leerstelling, die Woord van God is absoluut en gesaghebbend, die waarheid is dat die Woord van God die bron van alle absolute waarheid is en die hoogste gesag is aangaande alles.

Laat ons nie in die hand van die satan speel deur sy werk vir hom te doen en die Christen se gesonde verstand wat God hom gegee het te probeer skei van sy geloof nie, maar laat ons die Christen aanmoedig om gesonde leer te ondersoek, hom te verdiep in die skrywes van hulle wat ons vooruitgegaan het, dit altyd te toets aan die absolute gesag, die Woord en sodoende Christenne help opbou wat nie vir jare op melk sal bly nie, maar sal opgroei in die leer van die Woord, bekwaam sal wees in die kerk en bruikbaar sal wees in die hande van 'n almagtige God.

Maar spreek jy wat by die gesonde leer pas.
Titus 2:1

Ek kom terug na 'n uitlating soos: "Vergeet van die teologie en dogma en volg net vir Jesus". As jy vir Jesus wil volg, dan sal jy teologie en dogma deel van jou lewe maak, jy sal 'n passie daarvoor hê om die gesonde leer te bestudeer en jou lewe in te rig volgens daardie morele kode, jy sal strewe na kennis van teologie en ywer om jou lewe so dogmaties korrek moontlik volgens die Woord van God in te rig.

Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak.
Johannes 14:23

Groete
Phil

Phil, verwys die term Teologie net na die Christen se God of na die Islam en ander gelowe se God ook? Ek was nog altyd onder die indruk dat die term na N godheid verwys en nie noodwendig na die Christen se God nie.

Ek glo dat die rede hoekom die terminologie 'teologie' en 'dogma' so n negatiewe konnotasie gekry het , die feit is dat vooraanstaande teoloe wereldwyd en ook plaaslik van die pilare waarop die Evangelie gebou is , afgekap het bv wantroue in die maadgelike geboorte van Christus , die opstanding uit die dode ens. As DIT die teologie en dogma is waarna verwys word , vee ek dit ook van die tafel af!

Dogma verstaan ek weer as n MENSLIKE INTERPRETASIE van data en dit waarin ons glo. En hoe meer interpretasies hoe meer onmin! Dink aan die Rooms Katolieke Kerk wat deur die eeue a.g.v. hulle dogmatiese beskouing al hoe verder weg beweeg het van die Evangelie.

Met bo-staande in ag genome, kan ek heeltemal verstaan hoekom mense negatief ingestel is ten opsigte van die begrippe 'teologie' en 'dogma'..

[CFJ]

Net eers iets oor die woord "teologie."

Etimologies kom die "teo" wel van die wortel/stam "God" en die "logie" van die wortel/stam "logos," maar "logie" word in standaard konstruksies gebruik soos:

biologie
etimologie
filologie

ens.

Die agtervoegsel "-logie" beteken gewoon "leer aangaande." Daar bestaan daarom iets soos goeie teologie en swak teologie, waar teologie en onwaar teologie. Die woord "teologie" of "godsleer" word bv. ook gebruik om die godsleer van bv. Islam / Hinduïsme te beskryf.

Die woord "teologie" op sigself beteken dus nie inherent "woord van God" nie, maar eerder "leer oor God", "spreke oor God" of "woorde oor God" as jy wil, maar dit is nie 'n akroniem vir "Woord van God" as sou dit inherent direk op die bybel dui nie.

Ek stem egter saam dat jou teologie absoluut suiwer afgelei moet word van die Woord van God, maar ek fundeer dit nie in die etimologie van die woord "teologie" nie, maar eerder in die feit dat ek absolute gesag toeken aan die Woord van God.

Etimologie kan in sekere gevalle 'n misleidende manier wees om betekenis aan 'n woord toe te ken, bv. om te sê "hamartia" (sonde) beten eintlik "om jou doel te mis" soos baie predikante lief is om te preek. Betekenis word eerder bepaal deur die konteks waarin dit gebruik word.

Ook die woord "dogma" word in ander kontekste as Christelike dogma gebruik. Buiten dat jy NG dogma en Adventiste dogma kry, kry jy ook Vrymesselaars-dogma. Albert pike het bv. die boek "Morals and Dogma" geskryf as Vrymesselaars-handleiding.

Buiten dit het alle Christene 'n bepaalde dogma en 'n bepaalde teologie. Sommige s'n mag miskien meer kripties wees as ander.

Eerder as wat ek dus sou wou veg vir woorde soos "teologie" en "dogma" as sodanig, sou ek sê:

1) mens moet kennis hê van die Woord, van God en die werk van die Heilige Gees, maar ook van die werking van die Satan en die bose sisteme in die wêreld en nie oningelig (ignorant) daaroor wees (bv. Ef 1:17).
2) mens moet vashou aan die gesonde leer van die Christus en die apostels en jouself deeglik daaroor kan verantwoord (1 Tim 1:10; 6:3; Titus 1:9; 2:1) - soos dit vervat is in die Bybel. Die Bybel bly egter dooie letter as die Gees nie ons Hermeneut (Interpreteerder/Verklaarder) is nie (bv. Joh 16:13).

Groete
Philip

Dankie vir die bydrae Philip, dit gee 'n goeie agtergrond om mens se verstaan te help.