Vrye wil

[Henry]

Dis doodreg, Willem. Adam en Eva was ook die eerste en laaste mense op aarde wat vrye wil gehad het.....

Ek probeer verstaan wat jy hier sê, maar kom nie reg nie. As ek 'n besluit neem, is dit ek, of nie? Ek sit nou hier besig met werk en so nou en dan loer ek gou op die forum in. Daar is vanmiddag rugby en ek moet 'n besluit neem. Gaan ek dit kyk of gaan ek daardie uur en 'n half met my Bybel by God deurbring. Dis 'n besluit wat EK moet neem. Wat gaan ek doen?

Gaan ek die besluit neem nav vroeëre invloede in my lewe? Baie beslis. Nee wat dit raak nou te ingewikkeld.

Of bedoel jy dalk besluite wat heidene moet neem nadat hulle die evangelie gehoor het?

[CFJ]

Ek probeer verstaan wat jy hier sê, maar kom nie reg nie. As ek 'n besluit neem, is dit ek, of nie? Ek sit nou hier besig met werk en so nou en dan loer ek gou op die forum in. Daar is vanmiddag rugby en ek moet 'n besluit neem. Gaan ek dit kyk of gaan ek daardie uur en 'n half met my Bybel by God deurbring. Dis 'n besluit wat EK moet neem. Wat gaan ek doen?

Gaan ek die besluit neem nav vroeëre invloede in my lewe? Baie beslis. Nee wat dit raak nou te ingewikkeld.

Of bedoel jy dalk besluite wat heidene moet neem nadat hulle die evangelie gehoor het?

Henry,

Ek wil nie namens Lanie antwoord nie, maar sal graag iets wil sê soos ek dit verstaan. Die verskil tussen vry genade en vry wil, is dat vry genade aanvoer die mens se keuses is beperk, teenoor vry wil wat die beperktheid se grense veel vêrder neem. Tog kan geen mens wat in vry wil glo, aanvoer dat vry wil mens onbeperkte keuses gee nie. Kan mens kies wanneer jy gebore word, kan mens kies wie jou pa of ma is, kan mens kies hoe slim jy is, kan mens kies hoe ryk jy is, kan mens kies lank jy gaan lewe, kan mens kies om nooit te sondig nie, ensovoorts?? Dis oor hierdie rede dat die terminologie van vry wil (m.a.w. dit impliseer 'n onbelemmerde determinasie by die mens, terwyl slegs God so vryheid kan hê), my so pla, want dit impliseer iets wat nie kan bestaan nie.

'n Pa of ma wat omgee vir 'n kind, sal so kind nie onbepaald aan hul eie keuses oorlaat nie en kan weens hul liefde vir hul kind, so kind dwing om sekere lewensbelangrike dinge te doen, as hul enigsins verantwoordelik in hul liefde is. Liefde sonder gesag is nie meer liefde nie en God se liefde kom nie sonder gesag en dissipline nie. Die Here dwing ons ook of kan ons ook dwing, om lewensbelangrike dinge te doen, soos om tot redding te kom (sodat my huis kan vol word) en daar is 'n gelykenis wat Jesus self vertel het, wat dit goed illustreer...

En toe een van die wat saam aan tafel was, dit hoor, sê hy vir Hom: Salig is hy wat brood eet in die koninkryk van God. Maar Hy antwoord hom: ‘n Sekere man het ‘n groot maaltyd gegee en baie mense uitgenooi. En op die uur van die maaltyd het hy sy dienskneg uitgestuur om vir die genooides te sê: Kom, want alles is nou gereed. En hulle het hul almal eenparig begin verontskuldig. Die eerste het vir hom gesê: Ek het ‘n stuk grond gekoop en ek moet noodsaaklik uitgaan om daarna te kyk. Ek vra u, verskoon my tog. En ‘n ander een het gesê: Ek het vyf paar osse gekoop en gaan hulle probeer. Ek vra u, verskoon my tog. En ‘n ander een het gesê: Ek het ‘n vrou getrou en daarom kan ek nie kom nie. En daardie dienskneg het gekom en dié dinge aan sy heer vertel. Toe het die eienaar van die huis kwaad geword en vir sy dienskneg gesê: Gaan gou uit in die strate en die gangetjies van die stad en bring die armes en verminktes en kreupeles en blindes hier in. En die dienskneg het gesê: Meneer, wat u beveel het, is gedoen, en daar is nog plek. Toe sê die heer vir die dienskneg: Gaan uit op die paaie en na die lanings en dwing hulle om in te kom, sodat my huis vol kan word. Want ek sê vir julle dat nie een van daardie manne wat genooi is, my maaltyd sal smaak nie.
(Luk 14:15-24 AOV)

Dis in hierdie gelykenis duidelik dat vry wil nie op eie krag enigsins redding kan bewerk nie en veral nie redding wil bewerk nie. Vers 24 sê dat nie een van daardie manne wat genooi is, my maaltyd sal smaak nie. Mens kan net sowel sê, dat die hele mensdom genooi is en ongelukkig kon hulle dit nie vermag om op te daag nie, want vry wil alleen is nie die manier om dit te doen nie. As God mens nie deur omstandighede bring tot redding nie, soos hier staan, 'Gaan gou uit in die strate en die gangetjies van die stad en bring die armes en verminktes en kreupeles en blindes hier in', kan mens dit nie self kies nie! Hier staan nie gee hulle 'n keuse nie, bring hulle en dwing hulle, is wat ek in hierdie gelykenis lees. Die wat net op keuse moes kom, het nie een gekom nie, want daar staan, 'hulle het hul almal eenparig begin verontskuldig'.

Om dit in die praktyk te kan verstaan, sou ek reken God skep die omstandighede (om arm, vermink, kreupel en blind te wees) waarin jy Hom kies en daardeur bring Hy mense na Hom toe. Daar is mense wat nooit in sulke omstandighede in gedring word nie en as die mens nie in die regte omstandighede is nie, maak die mens van nature nooit belsuite wat God behaag nie. Dit gaan sekerlik oor keuses, maar ons omstandighede bepaal ons keuses. Ons hoor baie, die mense kry nog nie swaar genoeg, om God se hand raak te sien nie, hulle leef nog te lekker. Ek kan God vandag net dank at Hy my laat swaarkry het, want eers toe kon ek keuses maak wat Hom behaag, voor dit het ek in naïwiteit voortgeploeter. Miskien is dit hier waar mense verby mekaar praat...

[Henry]

Henry,

Ek wil nie namens Lanie antwoord nie, maar sal graag iets wil sê soos ek dit verstaan. Die verskil tussen vry genade en vry wil, is dat vry genade aanvoer die mens se keuses is beperk, teenoor vry wil wat die beperktheid se grense veel vêrder neem. Tog kan geen mens wat in vry wil glo, aanvoer dat vry wil mens onbeperkte keuses gee nie. Kan mens kies wanneer jy gebore word, kan mens kies wie jou pa of ma is, kan mens kies hoe slim jy is, kan mens kies hoe ryk jy is, kan mens kies lank jy gaan lewe, kan mens kies om nooit te sondig nie, ensovoorts?? Dis oor hierdie rede dat die terminologie van vry wil (m.a.w. dit impliseer 'n onbelemmerde determinasie by die mens, terwyl slegs God so vryheid kan hê), my so pla, want dit impliseer iets wat nie kan bestaan nie.

'n Pa of ma wat omgee vir 'n kind, sal so kind nie onbepaald aan hul eie keuses oorlaat nie en kan weens hul liefde vir hul kind, so kind dwing om sekere lewensbelangrike dinge te doen, as hul enigsins verantwoordelik in hul liefde is. Liefde sonder gesag is nie meer liefde nie en God se liefde kom nie sonder gesag en dissipline nie. Die Here dwing ons ook of kan ons ook dwing, om lewensbelangrike dinge te doen, soos om tot redding te kom (sodat my huis kan vol word) en daar is 'n gelykenis wat Jesus self vertel het, wat dit goed illustreer...

En toe een van die wat saam aan tafel was, dit hoor, sê hy vir Hom: Salig is hy wat brood eet in die koninkryk van God. Maar Hy antwoord hom: ‘n Sekere man het ‘n groot maaltyd gegee en baie mense uitgenooi. En op die uur van die maaltyd het hy sy dienskneg uitgestuur om vir die genooides te sê: Kom, want alles is nou gereed. En hulle het hul almal eenparig begin verontskuldig. Die eerste het vir hom gesê: Ek het ‘n stuk grond gekoop en ek moet noodsaaklik uitgaan om daarna te kyk. Ek vra u, verskoon my tog. En ‘n ander een het gesê: Ek het vyf paar osse gekoop en gaan hulle probeer. Ek vra u, verskoon my tog. En ‘n ander een het gesê: Ek het ‘n vrou getrou en daarom kan ek nie kom nie. En daardie dienskneg het gekom en dié dinge aan sy heer vertel. Toe het die eienaar van die huis kwaad geword en vir sy dienskneg gesê: Gaan gou uit in die strate en die gangetjies van die stad en bring die armes en verminktes en kreupeles en blindes hier in. En die dienskneg het gesê: Meneer, wat u beveel het, is gedoen, en daar is nog plek. Toe sê die heer vir die dienskneg: Gaan uit op die paaie en na die lanings en dwing hulle om in te kom, sodat my huis vol kan word. Want ek sê vir julle dat nie een van daardie manne wat genooi is, my maaltyd sal smaak nie.
(Luk 14:15-24 AOV)

Dis in hierdie gelykenis duidelik dat vry wil nie op eie krag enigsins redding kan bewerk nie en veral nie redding wil bewerk nie. Vers 24 sê dat nie een van daardie manne wat genooi is, my maaltyd sal smaak nie. Mens kan net sowel sê, dat die hele mensdom genooi is en ongelukkig kon hulle dit nie vermag om op te daag nie, want vry wil alleen is nie die manier om dit te doen nie. As God mens nie bring tot redding nie, soos hier staan, 'Gaan gou uit in die strate en die gangetjies van die stad en bring die armes en verminktes en kreupeles en blindes hier in'. Hier staan nie gee hulle 'n keuse nie, bring hulle en dwing hulle, is wat ek in hierdie gelykenis lees. Die wat net op keuse moes kom, het nie een gekom nie, want daar staan, 'hulle het hul almal eenparig begin verontskuldig'.

Hierdie ouens het tog ook gekies. Die eerste klomp het gekies om nie op die uitnodiging te reageer nie. Waarvan is die klomp wat gedwing is, 'n tipe of voorbeeld. Ek moet erken dat ek dit nie eintlik bestudeer het nie.

(Tit 2:11) Want die reddende genade van God het aan alle mense verskyn

Beteken dit dat mens nou nie meer hoef te evangeliseer nie, wat God sal self sien en kom klaar? Hy sal self sorg dat die klomp wat Hy uitverkies het in die hemel kom? Of is dit 'n verkoopsman se stats? Hoe meer mense hy bel, hoe meer afsprake kry hy. Hoe meer afsprake hy kry, hoe meer verkoop hy. Verkondig die evangelie aan 100 en hoop 10 val daarvoor? Waarom moeite doen in die hoop dat jy miskien die ouens wat uitverkies is, sal "raakpreek"? Hoe kan jy dit doen as jy weet dat die Almagtige teen jou en nie saam met jou nie werk? Hoe nou?

Ek het steeds 'n keuse om te doen wat ek wil. Ek kan gaan moor en verkrag, maar ek doen dit nie. Waarom nie? Ek het tog 'n wil. Ek is nie 'n robot nie.

[Philip dT]

Die Griekse woord hier is:

anagkazô:

1) to necessitate, compel, drive to, constrain
1a) by force, threats, etc.
1b) by permission, entreaties, etc.
1c) by other means

In Afrikaans is dit om "aan te dring by" hulle om te kom - sien Nuwe Vertaling. Let wel, dit beteken nie "gee hulle geen keuse nie."

[CFJ]

Hierdie ouens het tog ook gekies. Die eerste klomp het gekies om nie op die uitnodiging te reageer nie. Waarvan is die klomp wat gedwing is, 'n tipe of voorbeeld. Ek moet erken dat ek dit nie eintlik bestudeer het nie.

(Tit 2:11) Want die reddende genade van God het aan alle mense verskyn

Beteken dit dat mens nou nie meer hoef te evangeliseer nie, wat God sal self sien en kom klaar? Hy sal self sorg dat die klomp wat Hy uitverkies het in die hemel kom? Of is dit 'n verkoopsman se stats? Hoe meer mense hy bel, hoe meer afsprake kry hy. Hoe meer afsprake hy kry, hoe meer verkoop hy. Verkondig die evangelie aan 100 en hoop 10 val daarvoor? Waarom moeite doen in die hoop dat jy miskien die ouens wat uitverkies is, sal "raakpreek"? Hoe kan jy dit doen as jy weet dat die Almagtige teen jou en nie saam met jou nie werk? Hoe nou?

Henry,

Die uitverkiesingsleer sê juis daar moet ge-evangeliseer word, want hoe weet jy wanneer een sal geluk om God te vind? Soos jy nie weet wat die weg van die wind is, of hoe die gebeente in die skoot van ‘n swangere is nie, net so weet jy nie die werk van God wat alles doen nie. Saai jou saad in die môre, en laat teen die aand jou hand nie rus nie; want jy weet nooit watter een sal geluk nie, hierdie of daardie, en of altwee saam goed sal wees nie.
(Pred 11:5-6 AOV)

Ons weet nie die werk wat God alles doen nie. Hy gebruik ons egter, wanneer Hy alles doen. Daar is niks wat ek en jy uit onsself kan doen, om God te behaag nie, ons het Christus nodig. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.
(Joh 15:5 AOV)

Ek het steeds 'n keuse om te doen wat ek wil. Ek kan gaan moor en verkrag, maar ek doen dit nie. Waarom nie? Ek het tog 'n wil. Ek is nie 'n robot nie.

Ons het almal keuses, maar ons keuses is beperk en jy kan nie regtig doen net wat jy wil nie. Het jy gekies hoe en toe jy gebore moes word? Het jy vêrder gekies hoe slim jy moet wees en hoe sterk jy wil wees? Kan jy regtig kies wie jy wil vermoor en wanneer jy dit wil doen, dink jy nie God kan jou keuses dalk in die wiele ry nie? Jy kan sekerlik kies, maar die uitkoms van jou keuses is nie in jou eie hande nie en dan is daar dinge wat mens nie eers kan oorweeg om te kies nie, soos jou eie geboorte. Hoekom dink jy noem God die wedergeboorte 'n geestelike geboorte? Jy dink nie dalk daar is 'n verband nie? As jy nie jou fisiese geboorte kan kies nie, hoe kan jy jou eie wedergeboorte kies?

Die uitverkiesingsleer het vir my 'n geheimenis van hoe God werk, wat ek verseker nie verstaan nie, maar ek aanvaar dit, want God sê dis hoe Hy werk. Hy weet wat Hy doen, ek sal nie graag my eie Maker wil bevraagteken nie. Wee hom wat met sy Formeerder twis—’n potskerf by erdepotskerwe! Sal dan die klei sê aan die wat dit vorm: Wat maak jy? Of jou werk sê: Hy het geen hande nie! Wee hom wat vir die vader sê: Waarom verwek u? en vir die vrou: Waarom het u weë? So sê die HERE, die Heilige van Israel en sy Formeerder: Vra My aangaande die toekomstige dinge; vertrou my seuns en die werk van my hande aan My toe!
(Jes 45:9-11 AOV)

[CFJ]

Die Griekse woord hier is:

anagkazô:

1) to necessitate, compel, drive to, constrain
1a) by force, threats, etc.
1b) by permission, entreaties, etc.
1c) by other means

In Afrikaans is dit om "aan te dring by" hulle om te kom - sien Nuwe Vertaling. Let wel, dit beteken nie "gee hulle geen keuse nie."

Hi Philip,

Ek stem saam, dit gaan verseker oor 'n keuse, maar ek glo daardie gelykenis dui dat dit die omstandighede is wat ons keuses dring. Ons is nie heeltemal aan onsself oorgelaat nie, want anders sal ons nooit die keuses maak, wat God verheerlik nie.

[Philip dT]

Ek dink tog die kern van die evangelie lê juis daarin dat God met ons in 'n persoonlike, wederkerige verhouding toetree waarin ons nie slegs marionette is nie. Die kuns van God se genade en die wonder van sy skepping lê juis daarin dat hy 'n entiteit kon maak wat nie bloot reageer "as you pull the strings" nie. Lg. is meer binne die kader van menslike maaksels. Mense kon nog nie regkry om "artificial intelligence" te maak nie. Die menslike wil en vermoë om keuses te maak, onderstreep juis God se grootheid en Sy onpeilbare genade teenoor die mens. Die mens se keuse of wil, plaas hom op geen manier binne 'n posisie waarin hy sy redding kan verdien nie, en die mens se wil op sigself veg ook nie teen God se genade nie, want dit is juis God se genade dat die mens hoegenaamd kan keuses maak - God is die skepper van die mens se wil.

Daarom kan mens ook die Heilige Gees blus of bedroef. Die Gees se werk is nie deterministies fatalisties met die mens nie, op dieselfde manier as wat ek as man nie my vrou se keuse om met my te trou pre-determineer nie. As my toekomstige vrou geen keuse het om met my te trou nie, en ek sou die vermoë hê om haar keuse vooraf te programmeer dat sy gaan "ja" sê as ek haar vra om met my te trou, en sy sê dan ja, beteken haar ja eintlik niks nie. Die wonder van die huwelik is juis dat elkeen kies om die ander lief te hê en hulleself lewenslank daartoe verbind. Ware liefde het ook die risiko dat die ander party teen jou kan kies. Die verhouding tussen man en vrou is egter bloot 'n afskynsel van ons verhouding met God, maar werk op dieselfde beginsel.

Daarom kan 'n gelowige ook heeltemal uit die genade van God val en sy rug op God draai nadat hy gered was (Heb 6). En juis dit onderstreep die genade en liefde van God, dat ons nie soos die oosterse godsdienste glo, slagoffers is van die predestinasie van die noodlot nie.

[CFJ]

Daarom kan mens ook die Heilige Gees blus of bedroef. Die Gees se werk is nie deterministies fatalisties met die mens nie, op dieselfde manier as wat ek as man nie my vrou se keuse om met my te trou pre-determineer nie. As my toekomstige vrou geen keuse het om met my te trou nie, en ek sou die vermoë hê om haar keuse vooraf te programmeer dat sy gaan "ja" sê as ek haar vra om met my te trou, en sy sê dan ja, beteken haar ja eintlik niks nie. Die wonder van die huwelik is juis dat elkeen kies om die ander lief te hê en hulleself lewenslank daartoe verbind. Ware liefde het ook die risiko dat die ander party teen jou kan kies. Die verhouding tussen man en vrou is egter bloot 'n afskynsel van ons verhouding met God, maar werk op dieselfde beginsel.

Hi Philip,

Ek is bly jy gebruik juis hierdie voorbeeld. Watter keuse werk in die mens, wanneer soos hulle sê, daar 'chemie' tussen 'n man en 'n vrou is, wat inderwaarheid verhoudings aan die gang sit? Wie werk daardie proses, hoekom sou 'n man net met een uit 'n duisend vrouens hierdie 'chemie' ervaar? As die 'chemie' daar is, eers dan word keuses gemaak, nie voor dit nie. Of laat ek dit so stel, as die keuses voor die 'chemie' kom, dan is die natuurlike proses versteur deur die keuses, maar die veronderstelling is dat die 'chemie' voor die keuses sou kom, of het ek dit nou verkeerd?

Dieselfde geheimenis lê in die liefdesverhouding wat met God begin en die keuses wat ons maak glo ek, is ondergeskik daaraan. Ek is oortuig dat ons keuses ondergeskik aan bepaalde geheimenisse in hierdie lewe inwerk en nie andersom nie. Tog maak ons keuses, maar ek dink mens kan keuses te vêr neem, sou mens redding daardeur bewerk en ook redding daardeur kan kanselleer. Dit is 'n balans wat ons almal seker probeer uitredeneer, maar ek dink ons sukkel nogal daarmee...

Daarom kan 'n gelowige ook heeltemal uit die genade van God val en sy rug op God draai nadat hy gered was (Heb 6). En juis dit onderstreep die genade en liefde van God, dat ons nie soos die oosterse godsdienste glo, slagoffers is van die predestinasie van die noodlot nie.

Hmmm, ander lekker gesprek vir 'n ander draad, want hierdie een gaan ontspoor as ons eers hier vashaak...

Ek dink tog Hebreërs 6 wys aan die einde van daardie hele argument, dat ons volkome geloofsekerheid kan hê, wanneer die skrywer daardie hele beredenering so aandui en selfs vêrder gaan daarmee in vêrdere hoofstukke,

Want toe God aan Abraham die belofte gegee het, het Hy, omdat Hy by geen meerdere kon sweer nie, by Homself gesweer en gesê: Voorwaar, Ek sal jou ryklik seën en jou grootliks vermeerder. En so het hy die belofte verkry nadat hy geduldig gewag het. Want mense sweer by een wat meer is, en die eed van bevestiging is vir hulle die einde van alle teëspraak. Daarom het God, omdat Hy nog kragtiger aan die erfgename van die belofte die onveranderlikheid van sy raad wou toon, dit met ‘n eed gewaarborg; sodat ons deur twee onveranderlike dinge, waarin dit onmoontlik is dat God sou lieg, kragtige bemoediging kan hê, ons wat ontvlug het, om vas te hou aan die hoop wat voorlê; en ons het dit as ‘n anker van die siel wat veilig en vas is en ingaan tot binnekant die voorhangsel waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig.
(Heb 6:13-20 AOV)

[Philip dT]

Hallo Ferdi.

Ja, die "chemie" tussen man en vrou kan ook 'n misleidende ding wees, want by baie paartjies is daar vreeslik baie "chemie" en verliefdheid, maar dit beteken nie noodwendig hulle is vir mekaar bedoel nie, of trou noodwendig nie. Dit is ook nie die "chemie" wat die huwelik later aan die gang hou nie. Trouens, ek dink juis dat een van die vernaamste redes waarom so baie mense skei, is omdat huwelikspare dikwels hulle sekerheid bou op een of ander gevoel. Ware liefde tussen man en vrou is 'n commitment voor God en sy gemeente en aan mekaar.

Net so dink ek kan mens ook as jong Christen baie euforiese ervarings hê of baie emosies beleef, en ook die besondere werk van die Heilige Gees op kennelike manier beleef, maar dit is nie dit wat jou sekerheid bied wanneer die papaja die waaierband tref nie, maar dat ons in geloof vashou aan Christus se soenverdienste en God se Woord wat vas staan. Dit is ook waarvan Hebreërs praat in hierdie teks wat jy aangehaal het: God se eed, sy werk, die Persoon en integriteit van Sy Seun. Ons hou daaraan vas in die geloof.

Geloofsekerheid kan nie los gemaak word van ons keuse om dit wat God in sy Woord belowe in geloof aan te gryp nie. Sommige mense kies om dit nie meer aan te gryp nie, maar eerder om te swig voor die groepsdruk van die liberale wêreld, en gee so hulle geloof op. Ek ken sulke mense...

[CFJ]

Hi Philip,

Ek is net gou so bietjie van ons gesprek af, maar het iets op die hart wat as ek nie nou vra nie, gaan vergeet daarvan. As vry wil die gelykmakende faktor is wat elke mens het om God te kan kies, sodat God se regverdigheid hierdeur betoon kan word aan alle mense, hoekom is omstandighede so onredelik, verskillend en uiteenlopend ongelyk?

Die rede hoekom ek hierdie vraag vra, is omdat die uitverkiesing as 'n onredelike uitgangspunt beskou word en tog is dit in elk geval onredelik, as mense se omstandighede nie dieselfde is nie, om elke mens 'n gelyke kans te gee om te kan kies. As ons werklik die reddingsleer volgens menslike standaarde as regverdig wil rig, dan moet alles gelyk wees, sou ons menslike verstand dit logies regverdig wil verklaar. Tog is omstandighede een van die onregverdigste elemente in ons bestaan en steeds styg God se vry genade vêr bo omstandighede uit, waar vry wil ondergeskik aan ons omstandighede moet wees, want omstandighede bepaal meesal ons keuses.

[Ta-An]

Ferdi, oorlat G_d ons soos klei gemaak het, en as hy nie van die klei hou nie, dit kan stukkend maak ..... en die klei nie die Pottebakker mag vra hoekom nie...

[Henry]

hoekom is omstandighede so onredelik, verskillend en uiteenlopend ongelyk?

Want satan is die god van hierdie wêreld en hy steel, slag en verwoes.

[Lanie]

Ferdi, oorlat G_d ons soos klei gemaak het, en as hy nie van die klei hou nie, dit kan stukkend maak ..... en die klei nie die Pottebakker mag vra hoekom nie...

Maar ons wil vra hoekom Hy sommige klei weggooi en ander nie?

[Lanie]

Want satan is die god van hierdie wêreld en hy steel, slag en verwoes.

Wie is die Almagtige Een? God of satan?

[Lanie]

Ek probeer verstaan wat jy hier sê, maar kom nie reg nie. As ek 'n besluit neem, is dit ek, of nie? Ek sit nou hier besig met werk en so nou en dan loer ek gou op die forum in. Daar is vanmiddag rugby en ek moet 'n besluit neem. Gaan ek dit kyk of gaan ek daardie uur en 'n half met my Bybel by God deurbring. Dis 'n besluit wat EK moet neem. Wat gaan ek doen?

Gaan ek die besluit neem nav vroeëre invloede in my lewe? Baie beslis. Nee wat dit raak nou te ingewikkeld.

Of bedoel jy dalk besluite wat heidene moet neem nadat hulle die evangelie gehoor het?

Ek verstaan nie wat jy nie verstaan nie, boeta. Voor die sondeval het Adam en Eva die keuse gehad om getrou te bly aan God of ongehoorsaam te wees. Hulle het teen God gekies. Na die sondeval was die ganse mensdom in sonde verval. Ons het nie 'n keuse wie ons is nie. Ons is in sonde gebore, almal van ons is verlore, sondig, boos. Maar agv die genade van God en op grond van die verlossingswerk van Jesus Christus kom doen het, het sommiges die Ewige Lewe. Voor jy gered word is jy oorgelaat aan jou sondige geaardheid maar na jou redding het jy keuses oor hoe jy gaan lewe. Dis mos nie so ingewikkeld nie, is dit?