Tiendes

[Johnny]

Ek sien nog nie 'n "Fees van die takke" daarin nie. Nietemin. Is ek reg as jy verwys na die Loofhuttefees?

http://www.bibleguidance.co.za/Afrar...raelfeeste.htm
Die chronologie van Israel se feeste

Ou Testamentiese Skaduwee

Nuwe Testamentiese Vervulling

Pasga: slag van die Paaslam

Kruisiging van die Lam van God

Fees van die ongesuurde brode

Die begrafnis van Christus

Die eerstelingsgerf as beweegoffer

Die opstanding van Christus as eersteling

Ou Testamentiese Pinksterfees

Nuwe testamentiese Pinksterfees

Tyd vir die insameling van die oes
voordat die oesfees kan aanbreek

Die tyd vir wêreldevangelisasie voordat
die finale oes ingesamel sal word

Basuingeklank as begin van die oesfees

Basuingeklank kondig die wegraping aan

Sewe dae van verootmoediging

Sewe jaar van verdrukking

Die groot versoendag

Die wederkoms van Christus

Die loofhuttefees

Die vrederyk begin


Die loofhuttefees

“Op die vyftiende dag van hierdie sewende maand is dit sewe dae lank die huttefees vir die Here… Sewe dae lank moet julle in hutte woon; almal wat in Israel gebore is moet in hutte woon, sodat julle geslagte kan weet dat Ek die kinders van Israel in hutte laat woon het toe Ek hulle uit Egipteland uitgelei het. Ek is die Here julle God” (Lev. 23:34, 42-43).

Hierdie is ‘n vreugdefees wat ná die finale insameling van die oes gevier word om die Here vir al sy weldade van daardie betrokke jaar te bedank, insluitende die oes wat gemaak is. Tweedens het dié fees ‘n terugwaartse verwysing na die uittog uit Egipte toe die kinders van Israel in hutte in die woestyn gebly het. Ter herinnering hieraan slaap baie mense nou ook in hutte of onder takskerms in hulle tuine en dank die Here dat Hy hulle voorvaders veilig deur die gevaarlike woestyn gelei en na die Beloofde Land gebring het. Derdens het die fees ‘n toekomsgerigtheid deurdat dit duidelik met die koms van die Messias verbind word. Dan sal die oes onder Israel en die nasies ingesamel wees en die Messias op aarde uit Jerusalem regeer.
As gevolg van die sterk Messiasverwagting tydens hierdie fees het Jesus se broers Hom in Johannes 7 versoek om die viering van die huttefees in Jerusalem by te woon en Homself daar as Messias bekend te stel. Daar is baie oor Hom geredeneer, maar die owerstes van die volk het Hom nie as die beloofde Messias aanvaar nie. By sy tweede koms sal hulle dit wél doen. Jesus het na sy hemelvaart en tweede koms verwys toe Hy aan hulle gesê het: “Julle sal My van nou af sekerlik nie sien nie totdat julle sal sê: Geseënd is Hy wat kom in die Naam van die Here!” (Matt. 23:39). Dit is ‘n uitdrukking wat ook in Psalm 118:26 voorkom en deel van die liturgie van die loofhuttefees is. Die rabbi’s sê dit op sonder om te besef dat dit op Jesus se wederkoms betrekking het! Op hierdie fees lees hulle ook Sagaria 14 in die sinagoges voor. Dit handel oor:
· die koms van die Here met al sy heiliges (v. 4-5);
· die koningskap van die Messias (v. 9);
· die verhoging van Jerusalem (v. 8-11);
· die vernietiging van die vyande van Israel (v. 12-15); en
· die verpligte deelname deur ander nasies aan die huttefees in Jerusalem gedurende die Messiasryk (v. 16-18).

In Sagaria 14:16 is daar ‘n duidelike bepaling dat lede van nie-Joodse nasies aan hierdie fees sal deelneem nadat die Messias-Koning van Israel gekom het: “En almal wat oorbly uit al die nasies wat teen Jerusalem aangekom het, sal jaar na jaar optrek om te aanbid voor die Koning, die Here van die leërskare, en om die huttefees te vier.”

[Johnny]

Chisel...dit is duidelik dat ons nie ooreen gaan kom oor 10de nie. Ek dink in elk geval dat dit nie vir God welgevallig is dat ons moet redeneer oor dit wat in elk geval aan HOM behoort nie. As ek en jy vandag moet sterf, dan los ons alles agter. Laat elkeen doen soos hy goeddink en waarvan hy/sy oortuig is deur die Gees wat in julle woon.

Laat ons nie verder argumenteer soos die Romeinse soldate onder aan die kruis oor Jesus se kledingstuk nie, maar dat ons eerder Jesus op die kruis sal raaksien.

Mat 27:35 "En nadat hulle Hom gekruisig het, het hulle sy klere verdeel deur die lot te werp, sodat vervul sou word wat deur die profeet gespreek is: Hulle het my klere onder mekaar verdeel en oor my gewaad die lot gewerp."

[chisel]

Dit is hy daai.

Loofhuttefees = fees van takskuilings

Volgens dit wat jy geplaas het is die vervulling daarvan die koms van die vredesryk en nie om geld aan 'n gemeente te betaal nie.

[chisel]

Chisel...dit is duidelik dat ons nie ooreen gaan kom oor 10de nie. Ek dink in elk geval dat dit nie vir God welgevallig is dat ons moet redeneer oor dit wat in elk geval aan HOM behoort nie.

Ons stry nie oor iets wat God toekom nie, maar of dit wat God toekom na pastore en gemeentes moet gaan.

Ek kan jou presies dieselfde vra. As alles God s'n is, hoekom wil kerke dan 10% daarvan hê? Sien dit klink baie edel as mens sê dat mens aan God moet gee wat Hom toekom. Die vraag is, wie hou hul hand uit om dit wat mense vir God gee te ontvang? God of die kerk?

As ek en jy vandag moet sterf, dan los ons alles agter. Laat elkeen doen soos hy goeddink en waarvan hy/sy oortuig is deur die Gees wat in julle woon.

Hierdie het jy al voorheen gesê, en dan 'n plasing of wat later, kom speel jy speletjies t.o.v. skuldgevoel met stellings soos, "Elkeen gaan wel rekenskap gee".

Snaaks dat die verganklikheid van aardse dinge as motivering gebruik word om mense te kry om te gee, maar die kerk word nie deur hierdie selfde taktiek gemotiveer om op te hou om onbybelse dinge te leer om hierdie aardse, verganklike dinge te bekom nie....

Laat ons nie verder argumenteer soos die Romeinse soldate onder aan die kruis oor Jesus se kledingstuk nie, maar dat ons eerder Jesus op die kruis sal raaksien.

Johnny, as jy nie verder wil praat hieroor nie, doen dan so. Ek voel in my hart dat mense deur hierdie lering misbruik word en ek gaan nie ophou om hierdie doktrine teen te staan nie.

Ek hou niks van struweling en onenigheid nie, maar ek is nie bereid om 'n kompromie t.o.v. waarheid aan te gaan terwille van vrede nie.

Ek het geleer hoe kosbaar die waarheid is.

Die kruis is vir my belangrik, inderdaad, maar ek wonder tog of jy nou op die kruis wil fokus omdat dit werklik vir jou belangrik is, en of jy op die kruis wil fokus omdat jy nie meer die van die onderwerp hou nie?

So: jy is welkom om op te hou deelneem aan hierdie gesprek, maar vir my verander dit niks.

Ek beskou steeds die saak as onopgelos en die volgende vrae as ontbeantwoord. Dis nie dat ek probeer lelik wees nie, maar omdat hierdie vrae vir my die kruks van die kwessie is:

1. Waar is Christene onder die nuwe verbond verplig om enige tiende Wet (hetsy die nuwe of die oue) na te kom?
2. Waar het God die bostaande wysigings tot die Wet aangebring?
3. Waar in die Bybel het predikante die outoriteit gekry om namens God aanspraak te maak op 'n persentasie van Christene se inkomste?

[Johnny]

Chisel, jy kan aannames maak soos jy wil uit AL my plasings, ek gee regtig nie om nie. Ek weet wat ek weet. Dit het my die afgelope 10 jaar GEEN skade berokken om 10% te gee nie.....en dit gaan my GEEN slapelose nagte gee in die toekoms nie.

Jy het my nog nie geantwoord of jy die rugby op DSTV gekyk het nie.

[chisel]

Dit het my die afgelope 10 jaar GEEN skade berokken om 10% te gee nie.....en dit gaan my GEEN slapelose nagte gee in die toekoms nie.

So?

Omdat jy tiendes betaal, maak dit skielik daarvan 'n bybelse waarheid?

En diegene wat deur hierdie lering benadeel word (ek het heelwat bewyse daarvan gelewer in hierdie plasing), verdwyn hulle skielik van die aardbol af?

[chisel]

Johnny,

Volgens dit wat jy geplaas het is die vervulling daarvan die koms van die vredesryk en nie om geld aan 'n gemeente te betaal nie.

Ek wil graag jou opinie rondom hierdie punt weet.

As die fees van takskuilings reeds vervul is met die koms van die vredesryk (soos in die pos #181 wat jy vroeer gemaak het), waarom word Christene dan met Maleagi 3:10 aangekla om tiendes te betaal aan 'n kerk?

[Johnny]

Omdat jy tiendes betaal, maak dit skielik daarvan 'n bybelse waarheid?

Dit hang af of jy die rugby op DSTV gekyk het of nie?

[chisel]

Dit hang af of jy die rugby op DSTV gekyk het of nie?

Erm. Ek stel nie 'n rugby belang nie, Johnny. Gaan jy vrae beantwoord, of nie?

[Johnny]

Erm. Ek stel nie 'n rugby belang nie, Johnny. Gaan jy vrae beantwoord, of nie?

Goed.....ek ook nie....het jy DSTV?

[chisel]

Staak die kinderagtigheid Johnny, toe?

As die onderwerp 'rugby' was en ek 'n veer daarvoor gevoel het, sou ek jou antwoord het, maar nou is die onderwerp tiendes, en jy praat baie, maar sê min.

Ek wil weet (vir die 3de keer):

1. Waar is Christene onder die nuwe verbond verplig om enige tiende Wet (hetsy die nuwe of die oue) na te kom?
2. Waar het God die bostaande wysigings tot die Wet aangebring?
3. Waar in die Bybel het predikante die outoriteit gekry om namens God aanspraak te maak op 'n persentasie van Christene se inkomste?

Dan ook: (vir die 2de keer)
As die fees van takskuilings reeds vervul is met die koms van die vredesryk (soos in die pos #181 wat jy vroeer gemaak het), waarom word Christene dan met Maleagi 3:10 aangekla om tiendes te betaal aan 'n kerk?

[Johnny]

Chisel, jy kan aannames maak soos jy wil uit AL my plasings, ek gee regtig nie om nie. Ek weet wat ek weet. Dit het my die afgelope 10 jaar GEEN skade berokken om 10% te gee nie.....en dit gaan my GEEN slapelose nagte gee in die toekoms nie.

Ek het my se gese. Ek het in elk geval 'n gevoel dat ek weer binnekort "geban" gaan word. So, kry maar iemand anders om jou uitstaande vrae te antwoord. Dalk soek jy SO graag 'n bewys dat jy nie eendag dalkies....net dalkies verkeerd kon gewees het nie.

[chisel]

Ek het my se gese. Ek het in elk geval 'n gevoel dat ek weer binnekort "geban" gaan word.

Is jy nou 'n martelaar omdat jy tiendes betaal? Plaas gou-gou jou bewyse voor hulle jou ban. Moet my nie langer aan 'n lyntjie hou nie, ek wag nou al so lank vir dit.

So, kry maar iemand anders om jou uitstaande vrae te antwoord.

Ek sal moet...

[chisel]

Moderators,

Ek wil asseblief versoek dat Johnny nie verban word totdat hy my vrae beantwoord het nie.

[Die Filadelfieer]

Moderators,

Ek wil asseblief versoek dat Johnny nie verban word totdat hy my vrae beantwoord het nie.

*SUG*

OK, as dit dan nou moet ..................





(DIT was net 'n grappietjie nê, ons moet so nou en dan asem skep en saam lag ook. vir almal ! )