Tiendes

[chisel]

JPR, baie mooi saamgevat, jammer dat baie die eenvoudige opdragte van die Here en die Bybel wil "complicated" maak.

Vir my beteken "tiende"......tiende! Vir my beteken "bekeer jou".....bekeer jou, vir my beteken "laat jou doop".....laat jou doop. Is dit so moeilik om te verstaan?

Matteus 13:23 En by wie op die goeie grond gesaai is—dit is hy wat die woord hoor en verstaan, wat dan ook vrug dra en oplewer: die een honderd,die ander sestig—, die ander dertigvoudig.

Matteus 13:51 Jesus sê vir hulle: Het julle ál hierdie dinge verstaan? Hulle antwoord Hom: Ja, Here!

Matteus 15:10 En Hy het die skare na Hom geroep en vir hulle gesê: Luister en verstaan!

En waar mense nie kon verstaan nie, het Jesus ander metodes gebruik.

Matteus 13:13 Daarom spreek Ek tot hulle deur gelykenisse, omdat hulle, terwyl hulle sien, nie sien nie, en terwyl hulle hoor, nie hoor of verstaan nie.

Die Here wou nie die Woord moeilik maak om te verstaan nie. Ongelukkig gaan baie....die meerderhied mense dit eers verstaan, soos ook in die dae van Noag.

Matteus 24:38 Want net soos hulle was in die dae voor die sondvloed toe hulle geëet en gedrink het, getrou en in die huwelik uitgegee het, tot op die dag dat Noag in die ark gegaan het,
Matteus 24:39 en dit nie verstaan het voordat die sondvloed gekom en almal weggevoer het nie, so sal ook die koms van die Seun van die mens wees.

Ons lewe in 'n tyd net soos in die dae van Noag.

Die Israel Visie gebruik ook graag daardie gedeelte om hulleself te verhef en mense wat op gronde van skrif met hulle verskil as blindes en dowes af te maak.
Pasop vir eie-geregtigheid.

Joh 9:41 Jesus antwoord hulle: As julle blind was, sou julle geen sonde hê nie; maar nou sê julle: Ons sien! Daarom bly julle sonde.

Dit sou werklik vervrissend wees as jy vir 'n slag feite na die tafel sal bring in stede van hierdie passief-aggresiewe skimp-plasings, ja? Ek is meer as bereid om my posisie te verander as daar op 'n volwasse wyse aan my gewys kan word dat hoe ek die bybel verstaan verkeerd is. Sulke soort plasings bereik niks stigtends nie, en help beslis nie jou saak nie.

[Philip dT]

JPR, Chisel, ens.

Ek dink die deurslaggewende faktor oor hoe mens oor tiendes dink, het te doen met hoe mens die Ou Testamentiese wet verstaan. Christus het die wet vervul / be-eindig / voltooi (plerô-o) [Mat 5:17] - vroeër al hier bespreek. Ons is nou nou meer onder die OT wet nie. Daar word ook nêrens 'n prinsipiële onderskeid getref tussen die 10 gebooie en die res van die wet nie. Fila is reg, op watter gronde sou mens vashou aan 'n letterlike 10'e gebod, maar die Levitikus-gebooie en offerwette nalaat? Sou dit nie wees om die OT na die letter te lees nie (waarteen Paulus in 2 Kor 3 waarsku)?

JPR, ek sou graag ook jou reaksie wou hoor op my artikels oor wet en tiendes.

Groete

[chisel]

Hallo Philip,

Dit is verseker waar en daar is nie wedersydse ekslusiwiteit tussen ons benaderings nie:

a) Ons is nie meer onder die Wet nie, daarom is dit verkeerd om mense te leer om hierdie wet na te kom.
b) Tiendes soos dit vandag verstaan word, bestaan nie in die Ou of Nuwe Testament nie. Daarom is dit verkeerd om mense te leer om hierdie wet na te kom.

Groete

chisel

[Johnny]

Chisel,

Dit is wat ek glo. Jy hoef nie saam te stem nie. Dit is my opinie en ek volstaan daarby. Ek probeer jou geensins beinvloed of dwing om ook 10% te betaal nie. Miskien betaal jy niks....dan is dit ook jou baby. Ek voel gemaklik daarmee. As ek 50% wil betaal...let it be. As jy niks wil betaal nie....so be it. Ek doen dit al 10 jaar en jou plasings...hoe lank en uitgerek ookal sal my nie van siening laat verander nie.

Los dit nou maar daar.

[chisel]

Chisel,

Dit is wat ek glo. Jy hoef nie saam te stem nie. Dit is my opinie en ek volstaan daarby. Ek probeer jou geensins beinvloed of dwing om ook 10% te betaal nie. Miskien betaal jy niks....dan is dit ook jou baby. Ek voel gemaklik daarmee. As ek 50% wil betaal...let it be. As jy niks wil betaal nie....so be it. Ek doen dit al 10 jaar en jou plasings...hoe lank en uitgerek ookal sal my nie van siening laat verander nie.

Los dit nou maar daar.

Johnny,

Hierdie is beslis nie die eerste keer dat jy 'n plasing maak waarin jy na 'n goddelike opdrag verwys, en wanneer mens vra na die bewyse, dan skielik swaai jy om en sê, "Wel, dit is wat ek glo en ek volstaan daarby en jy kan glo wat jy wil" nie. Skielik wil jy dan nie meer deelneem nie en dan distansieer jy jouself kwansuis van die gesprek.

Ek vermoed dat jy nie die gewoonte wat jy nou al tien jaar doen, skriftuurlik kan verdedig nie, en daarom is jou plasings meerendeels substansieloos en subjektief, maar jy is nie bereid om dit te erken nie.

Besef jy dat deur dit te doen, versterk jy my vertroue in die feit dat tiendes 'n onbybelse konsep is?
Deur die swak manier waarop jy die saak beredeneer (ek is eerlik as ek dit sê) versterk jy my wantroue in jou siening...

Ek dink ook dat jy dalk moet besluit of jy nou wil deelneem of nie. Om jou opinie te lig en dan te sê dat jy klaar is, help niks en skep 'n indruk dat jy jou sê wil sê maar dat jy nie enige teenkanting wil hê nie.

[Ta-An]

Mense, kom ons hou die gesprek kalm

Beste om te deel met tiendes ..... Soek die Here se aangesig, en vra Hom, reguit wat dit is wat Hy van jou verwag om te doen, eerder as om dit 'n wet te maak wat jy op andere afdwing... dan is jy self verantwoordelik oor of jy kan 'hoor' en of jy 'gehoorsaam' gaan wees aan dit wat jy hoor...

Hy mag dalk stil wees, omdat Hy reeds gesê het wat Hy van jou verwag, Hy mag dalk jou antwoord met wat jy nie verwag nie....

[Francois Marais]

Ek sien ek het verkeerd gesê die post wat ek gemaak het op die eerste bladsy. Jammer daaroor. Wat ek moes sê is sit by Vader se voete. Open die gehoor toestel en LUISTER na wat VADER vir jou sê.

Dit wat in die woord staan is genoeg vir my om my te maak luister. Die Bybel is toe deur die Heilige Gees "inspired"

[Johnny]

Hierdie is beslis nie die eerste keer dat jy 'n plasing maak waarin jy na 'n goddelike opdrag verwys

Ek hoef nie aan jou te bewys of dit 'n goddelike opdrag is of nie. Die feit van die saak is dat EK dit beskou as 'n GODDELIKE opdrag. En weereens, jy voel anders oor die saak en dit is jou keuse. EK het mos al 10 jaar gelede die saak met die Here uitgemaak oor wat ek moet doen.

Ek vermoed dat jy nie die gewoonte wat jy nou al tien jaar doen

Dit is immers 'n goeie gewoonte....maar dit is meer as dit...dit is 'n LIEFDESSAAK!

Besef jy dat deur dit te doen, versterk jy my vertroue in die feit dat tiendes 'n onbybelse konsep is

Dit was jou eie gevoel vanaf jou eerste plasing....ek het niks daarmee te doen nie.

versterk jy my wantroue in jou siening...

Gaan nie eendag aan jou verantwoording doen nie....

skep 'n indruk dat jy jou sê wil sê maar dat jy nie enige teenkanting wil hê nie.

...het laaaaaaaaaankal my sê...gesê. Hoef nie my standpunt verder te verdedig nie. Jy wil my swaai en jy kom agter dat jy dit nie gaan regkry nie...sorry. Jy gaan my ook nie verder opsweep en onstel om dinge kwyt te raak wat my weer in die moeilikheid gaan bring op die forum nie.

[Die Filadelfieer]

Dit is immers 'n goeie gewoonte....maar dit is meer as dit...dit is 'n LIEFDESSAAK!

Johnny,
Wat myself betref verander jou bogenoemde sinnetjie die prentjie heeltemal. As jy, uit liefde uit, en nie as gevolg van een of ander wet nie, genoop voel om geld te gee sodat daar, as voorbeeld, evangelisasie in jou gemeente gedoen kan word, is dit heeltemal 'n ander saak. Dan "hoef" dit ook nie 'n tiende te wees nie ....dit kan wees net wat jy wil hê dit moet wees....selfs 'n helfte !

[Roelof]

Dis met belangstelling dat ek die draad volg.

As voorbeeld kan ek noem dat NG Moreletta 50% van al hulle inkomste weg gee, dws buite hulle eie kerk spandeer

Vir my is die "bottomline":

1. Christus het beslis ook geld nodig vir Sy Koninkrykwerk hier op aarde
2. Armes en weduwees moet gehelp word
3. Sendelinge en Evangelisasie het ook geld nodig
4. Kerke het geld nodig vir instandhouding, salarisse, sending, barmhartigheidswerk ens.
5. Maatskaplike werkers organisasies het geld nodig
6. Die Bybelgenootskap en die Gideons het geld nodig vir Bybel-verspreiding
7. Gee so veel as moontlik van jou inskomste vir die organisasies met 'n blye hart en met LIEFDE, die Here sien dit raak en sien jou hart
8. Moenie iets terug verwag as jy gee nie, tensy jy aan Voorspoedsteologie glo (ek glo nie)
9. Hoeveel jy gee is 'n saak tussen jou en die Here
10. Behalwe jou geld moet jy nog ook jou TYD gee

[chisel]

Roelof,

Dit is verseker so dat daar baie nood in die wêreld is en dat ons as Christene moet sorg vir mekaar. Dit is nie waarteen ek stry nie, maar teen menslike leerstellings wat as Goddelike leerstellings aangebied word. Robin Hood het gesteel en dit vir die armes gegee. Ons as Christene kan nie 'n Robin Hood styl moraliteit beoefen waar enige iets reg is, solank die uitkoms goed is nie.
Ons as Christene behoort 'n goeie eerlike wandel te handhaaf, en nie te sê, "The end justifies the means" nie.

Op die ou end is leuens leuens en bedrog is bedrog en diefstal is diefstal, of daar sekere goed daaruit kom is irrelevant, en dit is my punt. Hitler se bedoelinge was ook op die ou end goed gewees, maar mens kan nie net na bedoelinge of selfs eind resultate kyk nie.

Die onderwerp van die draad(soos ek dit verstaan) is of daar 'n gebod t.o.v. tiendes is, en dit glo ek is redelik deeglik bewys dat dit nie so is nie.

Wat met tiendes of enige ander maatskaplike gawe gebeur, is nie op hierdie draad van toepassing nie, maar wel of dit 'n wet is of nie.

So ek kan my posisie as volg opsom:

Moet ons tiendes betaal. Nee.
Mag ons tiendes betaal. Ja
Behoort ons te gee soveel ons kan. Beslis!

Maak dit sin?

Groete

chisel

[chisel]

Ek hoef nie aan jou te bewys of dit 'n goddelike opdrag is of nie. Die feit van die saak is dat EK dit beskou as 'n GODDELIKE opdrag. En weereens, jy voel anders oor die saak en dit is jou keuse. EK het mos al 10 jaar gelede die saak met die Here uitgemaak oor wat ek moet doen.

Ja, Johhny jy hoef seker nie jou saak te bewys nie, maar mens wonder darem wat die punt dan van 'n gesprek soos hierdie is, as jy jou saak wil stel maar dit nie wil staaf nie.

Verder is dit ook so dat JY sekerlik enige iets as 'n Goddelike opdrag kan beskou wat jy wil, maar dit maak dit beslis nie so nie. As jy wil hê dit moet binne jou eie wêreldjie 'n Goddelike opdrag wees, fine, maar ek dink die draad moet gaan oor werklikhede en nie persoonlike doktrines nie.

As jy nou besluit het dat tiendes 'n persoonlike en liefdes saak is, dan is daar geen probleem nie, en dit druis glad nie met hoe ek die saak vanuit die Bybel sien nie. As iets immers 'n persoonlike- en liefdes saak is, dan is dit nie 'n absolute wet nie.

Tog vermoed ek (uit wat ek tot dusver uit die draad gemerk het) dat jy heel moontlik weer van standpunt sal verander en weer sal aandring dat hierdie nie jou persoonlike liefdes saak is nie, maar iets wat Christene moreel verplig is om te doen.

[Johnny]

Dit lyk darem of ons na 'n punt toe beweeg. Roelof vat dit ook mooi saam, alhoewel ek net met een punt van hom verskil.

Behalwe jou geld moet jy nog ook jou TYD gee

Deu 10:14 Kyk, aan die HERE jou God behoort die hemel, ook die hoogste hemel, die aarde en alles wat daarin is.

Hoe ons dus omgaan met God se "eiendom" of "besittings" ....en ja, dit sluit jou geld in, moet ons maar versigtig wees. Hou dit maar in gedagte.

Dit is nie waarteen ek stry nie, maar teen menslike leerstellings wat as Goddelike leerstellings aangebied word. Robin Hood het gesteel en dit vir die armes gegee. Ons as Christene kan nie 'n Robin Hood styl moraliteit beoefen waar enige iets reg is, solank die uitkoms goed is nie.

As daar christinne is wat dit doen, dan het hulle 'n probleem. Waar, hoe en van wie ons eintlik steel....is God self, want soos ek reeds gewys het: "Alles behoort aan Hom".

[Die Filadelfieer]

Hoe ons dus omgaan met God se "eiendom" of "besittings" ....en ja, dit sluit jou geld in, moet ons maar versigtig wees. Hou dit maar in gedagte.

Wat sal die gevolg wees as ons nie "versigtig" is nie Johnny ?

[Johnny]

Wat sal die gevolg wees as ons nie "versigtig" is nie Johnny ?

God gaan rekenskap van ons eis...en ja, van my ook.

(Mat 12:36) Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.
(Act 19:40) Want ons loop gevaar om oor die oproer van vandag aangeklaag te word, aangesien daar geen grond is waarop ons sal kan rekenskap gee van hierdie oploop nie.
(Rom 14:12) So sal elkeen van ons dan vir homself aan God rekenskap gee.
(Heb 13:17) Wees gehoorsaam aan julle voorgangers en onderdanig, want hulle waak vir julle siele as diegene wat rekenskap moet gee, sodat hulle dit met blydskap kan doen en nie al sugtende nie; want dit is vir julle nie nuttig nie.
(1Pe 3:15) Maar heilig die Here God in julle harte en wees altyd bereid om verantwoording te doen aan elkeen wat van julle rekenskap eis omtrent die hoop wat in julle is, met sagmoedigheid en vrees;
(1Pe 4:5) Hulle sal rekenskap gee aan Hom wat gereed staan om die lewende en die dode te oordeel.