Die naam van Jesus

[Ta-An]

Phil, sou Vader gesê het: Sy Naam is Yeshua. Hoeveel mense sou hulle kinders so noem? Sou dieselfde 'confusion" nie nogsteeds geheers het nie? Die Skrif in Jes 9:5 Want 'n Kind is vir ons gebore, 'n Seun is aan ons gegee; en die heerskappy is op sy skouer, en Hy word genoem: Wonderbaar, Raadsman, Sterke God, Ewige Vader, Vredevors--
beskryf Sy karakter

Sê dit hier "Jesus"

[Phil Fourie]

Is dit die volle openbaring van Christus Anneke? NEE

[Ta-An]

Beantwoord asb die vraag wat ek in 'n vorige pos gevra het dankie

[Phil Fourie]

Anneke

Ek glo nie jou vraag het betrekking op die bespreking hier nie, oftewel, ek kan nie sien hoe dit het nie?????? Die feit van die saak is, sy naam is aan ons geopenbaar in die Nuwe Testament. Daar was ander Jesus'e ook gewees, dit is nie van toepassing nie. Joshua kom ook vanuit Yeshua, so daardie naam het ook bestaan en is gebruik al voor Jesus se geboorte.

[Die Filadelfieer]

Dit verander egter nie die feit dat Sy naam in sy moedertaal Yehoshuah (of Yeshua of Y’shuah) is nie.

As David argumenteer dat Josef en Maria Griekssprekende Jode was, en dat hulle in opdrag van die Engel Hom Iesous genoem het, en die Aramees sprekende Jode sy naam dus ‘terugvertaal’ het na Yehoshuah, sou my oortuiging dat Sy regte naam Yehoshuah is, verkeerd wees.

JPR,
Jesus se "moedertaal" soos jy dit stel, was nie Hebreeus gewees nie, dit was heel moontlik Aramees. Die algemene geskrewe taal was egter Grieks gewees, en is die hoof rede hoekom die Nuwe Testament in Grieks geskryf was. Jou stelling oor terugvertaling is dus heeltemal korrek, behalwe dat jou gebruik van die naam "Yehoshuah" niks anders as juis so 'n tergvertaling is nie.
Die punt is eintlik baie eenvoudig : NERENS in die ganse Hebreeuse Geskrifte van die Ou Testament kom die naam " Yehoshuah" voor nie. Nie eers een keer nie.

Paidforinfull vat die hele kwessie meer raak as wat ek dit kan doen, mens kan gerus haar pos weer gaan lees : Die Seun van God se Bloed is vir ons sondes gestort, en DIT is wat ons red, nie die uitspreek van 'n naam, of selfs 'n Naam nie. So iets wys reguit terug na mistieke Kabalistiese ritueele en gelowe toe.

[Die Filadelfieer]

Ek onthou nou net hiervan :

Mat 16:15 Hy sê vir hulle: Maar julle, wie sê julle is Ek?
16 En Simon Petrus antwoord en sê: U is die Christus, die Seun van die lewende God.
17 Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

[CFJ]

Net so klip in die bos, wat betref die taal waarin die Nuwe Testament geskryf was. Jesus self, het Hom aan Johannes op Patmos op eg Griekse wyse voorgestel en Homself ook in die Griekse taal aan Johannes voorgestel... Die bewyse dat die Nuwe Testament in Grieks geskryf was, is so maklik soos om aan mense te wys die hemel is blou. Dit is veral die openbaringe aan Johannes op Patmos, waar Jesus self aandui wie Hy is en ook Sy naam aan Johannes openbaar. Jesus het dit in Grieks openbaar en nie in Hebreeus nie…

Ek is die Alfa en die Oméga, die begin en die einde, die eerste en die laaste. Salig is die wat sy gebooie doen, sodat hulle reg kan hê op die boom van die lewe en ingaan deur die poorte in die stad. Maar buite is die honde en die towenaars en die hoereerders en die moordenaars en die afgodedienaars en elkeen wat leuens liefhet en doen. Ek, Jesus, het my engel gestuur om hierdie dinge aan julle voor die gemeentes te betuig. Ek is die wortel en die geslag van Dawid, die blink môrester.
(Open 22:13-16 AOV)

Alfa en Oméga is die Griekse alfabet en Jesus gebruik dit vele kere in Openbaring om Homself te verklaar, oor wie Hy is. Hy stel Hom ook voor in Grieks, Hyself sê in vers 16 van Openbaring 22, Ek, Jesus (Iēsous).

Strongs
G2424
Ἰησοῦς
Iēsous
ee-ay-sooce'
Of Hebrew origin [H3091]; Jesus (that is, Jehoshua), the name of our Lord and two (three) other Israelites: - Jesus.

'Iēsous' word deurgaans in die Nuwe Testament gebruik. Kyk ook spesifiek aan wie Paulus se briewe gerig was, dit was hoofsaaklik aan Grieke wat Paulus geskrywe het.

King James Concordance
G2424
Ἰησοῦς
Iēsous
Total KJV Occurrences: 977
jesus, 967
jesus’, 10

Hoe sou mens weet of die Nuwe Testament in Grieks geskrywe was en hoe sou mens sekerheid kon hê? Daar is sekerlik geen beter bevestiging as die Bybel self nie. Matthéüs het sekerlik nie aan ‘n Joodse gehoor geskrywe, toe hy Hebreeus moes uitlê nie…

Kyk, die maagd sal swanger word en ‘n seun baar, en hulle sal Hom Emmánuel noem, dit is, as dit vertaal word: God met ons.
(Mat 1:23 AOV)

Hulle sal Hom Emmánuel noem en hy gee ook die betekenis as dit vertaal sou moes word. Hoekom moes Matthéüs dit vertaal? Dit was omdat sy gehoor aan wie hy geskryf het, Grieke was en nie Hebreeus of Aramees kon verstaan nie. Lukas wat die skrywer van die boek Lukas en ook Handelinge was, rig sy skrywe aan Theófilus, ‘n hoogeerwaarde Griek wat ‘n gesagsposisie beklee het.

Aangesien baie onderneem het om ‘n verhaal op te stel oor die dinge wat onder ons al vervul is, soos hulle wat van die begin af ooggetuies en dienaars van die Woord was, dit aan ons oorgelewer het, het ek ook dit goedgedink, hooggeagte Theófilus, nadat ek van voor af alles noukeurig ondersoek het, om dit in volgorde aan u te skrywe, sodat u met volle sekerheid kan weet die dinge waaromtrent u onderrig is.
(Luk 1:1-4 AOV)

Die eerste verhaal, Theófilus, het ek opgestel oor alles wat Jesus begin doen en leer het tot op die dag dat Hy opgeneem is, nadat Hy aan die apostels wat Hy uitverkies het, deur die Heilige Gees bevele gegee het;
(Hand 1:1-2 AOV)

Op verskeie plekke het Lukas Hebreeuse gebruike verduidelik, want die gehoor aan wie geskryf was, was nie bekend met hierdie gebruike nie. Hy skryf op een so geval…

En die fees van die ongesuurde brode, wat pasga genoem word, was naby.
(Luk 22:1 AOV)

Dit spreek eintlik vanself dat woordeboeke van die oorspronlike tale waarin die Bybel geskryf was, ook gesag aan Grieks en Aramees gee, wat opsigself aandui dat Jesus Christus in die taal bedien word van hulle wat bedien moet word. Ek glo egter nie JPR is verkeerd om in Hebreeus die Here te verheerlik nie, maar dit gaan oor wat Hy kom doen het vir ons en Die Filadelfieer se klem op paidforinfull se plasing som dit op, soos ekself dit verstaan.

Paidforinfull vat die hele kwessie meer raak as wat ek dit kan doen, mens kan gerus haar pos weer gaan lees : Die Seun van God se Bloed is vir ons sondes gestort, en DIT is wat ons red, nie die uitspreek van 'n naam, of selfs 'n Naam nie. So iets wys reguit terug na mistieke Kabalistiese ritueele en gelowe toe.

[Phil Fourie]

Fila

Dankie vir jou insette hier, dit is vir my baie goeie plasings

[Phil Fourie]

'n Stukkie ekstra inligting vir die wat sou belangstel:

Ipsissima Vox. One position is that the Gospels have only the “voice” of Jesus –
i.e., the essence of what He said, but not His very words. Several reasons support the
ipsissima vox position.
(1) The strongest support contends that Jesus probably gave most of His
teachings in Aramaic, because that was the dominant public language of first-century
Israel.6 The Gospel writers wrote in Greek, meaning that most, if not all, of Jesus’
teachings recorded there is a translation, not His very words.
In response to such reasoning, the flat assertion must be that no one in modern
times knows with certainty what language Jesus spoke most of the time. That
information is not available in modern times, but archeological and other types of
studies make a strong case to support His extensive use of Greek.7 The area where
Jesus taught was actually trilingual, with Hebrew, Aramaic, and Greek languages
sharing equally in usage. In NT times the influence of Hellenism on Israel was
profound. The Jewish institution of the Sanhedrin had a Greek name (derived from
the Greek noun sunedrion, synedrion). Some scholars now hold that Greek was the
primary language spoken in Israel by Jesus. They point to such things as “the role of
Greek as the lingua franca of the Roman Empire, the linguistic and cultural
character of lower Galilee during the first century, the linguistic fact that the NT has
been transmitted in Greek from its earliest documents, a diversity op epigraphic
evidence, significant literary evidence, and several significant contexts in the
Gospels.”8
The exclusive use of the Greek OT in Scripture citations found in the Epistle of the
Hebrews, a document either originating from or addressed to Hebrew Christians in
Israel, is another indication of Greek’s widespread use in first-century Palestine. The
use by Jesus Himself of mostly LXX sources in His quoting of the OT furnishes further
evidence to this effect. Andrew and Philip, two of Jesus’ twelve apostles, had Greek
names.9 Their encounter with a certain Greek person in John 12:20-22 is clear
indication of their use of Greek. Peter, leader of the Twelve, had Hebrew and
Aramaic names (“Simon” and “Cephas”), but he also had a Greek name, Peter.
Most probably he spoke Greek in preaching the sermon in Acts 2 and ministering to
the household of Cornelius (Acts 10). He also wrote two epistles in Greek. In the
Greek text of Matt 16:18, Jesus plays on the difference between two Greek words,
petrov (petros) and petra (petra), a distinction that Hebrew or Aramaic is unable
to make. Jesus must have used Greek in speaking with the Syrophoenician woman
who was a Greek (Mark 7:26), the Roman centurion (Matt 8:13), and Pilate
(Matthew 27; Mark 15; Luke 23; John 18). Also, Stephen (Acts 7) and James (Acts
15) quote from the Greek OT. Furthermore, Jesus’ extensive use of synonyms in John
21 is additional validation for His use of Greek. He has two words for “love,” two
words for “know,” three words for “sheep,” and two words for “feed.”10 Distinction
between such synonyms is impossible to make in either Hebrew or Aramaic.
Thus, the argument that the Greek Gospels’ quotations are a translation from the
Aramaic that Jesus spoke is without merit.
Prof. Robert L. Thomas
The
Rationality, Meaningfulness, and Precision of Scripture gepubliseer in The Master’s
Seminary Journal 15/2 (Fall 2004) 175-207

[chisel]

Ek was betrokke gewees in 'n soort Heilige Name sekte, en kan daarvan getuig dat om 'n kwessie te maak van God se regte Naam, bevat geen heil nie. Inteendeel, dit is van die duiwel.

Hoekom sê ek so?

Ek sit nog met al die bybels wat ek destyds bymekaar gemaak het, as gevolg van hierdie lering.

As mens die Heilige Name leer aanhang, gaan jy die gewone bybel wat op jou bedkassie lê ten dele moet wantrou. JPR (en nee ek pik nie op jou nie) het dit mooi gedemonstreer, deur te noem dat name 6000 keer verkeerd vertaal is.

Die oomblik as mens dit glo is die logiese gevolg, "As die vertalers die Name verander het, wat nog het hulle verander"? Naderhand verander mens se fokus en jy soek nie meer na die koninkryk van God nie, maar jy soek na die beste suiwerste, akkuraatste Bybel.
Die letters en die taal word belangriker as die boodskap daaragter.

Dit is om hierdie rede dat ek nou met 'n paar Bybels sit, want op 'n tyd het ek so gesoek na die suiwerste vertaling, en glo my sommige van hierdie 'suiwer' Bybels is so onleesbaar dat mens skaars 'n versie daarvan kan lees sonder om kop te krap. Sodoende het die satan daarin geslaag om die eenvoudige verlossings boodskap te vertroebel.

Ek kan dan ook uit my eie ondervinding sê dat om te karring oor die Heilige Name gaan op die ou end minder oor Goddelike eerbetoning en meer oor die eie "ek". Dit is presies dieselfde dryfkrag wat agter enige wettisisme sit. As ek hierdie en hierdie dinge DOEN dan wys ek vir God watse getroue volgeling ek is, en dan wys ek vir ander gelowiges watse getroue volgeling ek is.

Verder kan ek ook uit my eie ondervinding sê dat om vir "Joshua", "Jehoshua", "Yashua", "Yeshua" of "YaHWeHshua" te bid is vreemd en het geen nut vir 'n mens nie. God is soewerein en Hy doen wat Hy wil, wanneer Hy wil. God se krag word nie oopgesluit deur sekere dade of deur sekere woorde nie, maar deur Hy wat werk en genade betoon.

So het die kosbare reddingsboodskap gekom aan die wat God se Naam glad nie geken het nie, terwyl die uitverkorenes aan wie God Homself in Sinai openbaar het, hulle is verhard:

Want terwyl ek rondgegaan en julle heiligdomme aanskou het, het ek ook ‘n altaar gevind waarop geskrywe is: Aan ‘n onbekende God. Hom dan wat julle vereer sonder om Hom te ken, verkondig ek aan julle. Die God wat die wêreld gemaak het en alles wat daarin is, Hy wat Here van hemel en aarde is, woon nie in tempels met hande gemaak nie. Ook word Hy nie deur mensehande gedien asof Hy aan iets behoefte het nie, omdat Hy self aan almal lewe en asem en alles gee.
(Act 17:23-25)

Ek het onlangs 'n dokumentêre rolprent gesien van 'n uiters gewelddadig stam in Suid Amerika (die Waodani) en hoe hulle deur sendelinge tot bekering gekom het. Die krag van God kan mens sien in hoe hul harte verander het. Dié mense se wilde bloeddorstige harte is vervang met harte vol van die vrede van Christus. Nie omdat hulle al die formules reg gekry het en al die regte geluide gemaak het nie, maar omdat die krag van God hul van sonde oortuig het, en die bloed van Jesus hulle gered het. Met hul primitiewe siening van God en hul eenvoudige vertroue op die persoon genaamd "Jesus" het hulle saligheid ontvang.

Waar daar 'n kwessie van die Name gemaak word, het ek die teenoorgestelde gesien en beleef. Trotsheid en 'n getwis oor dit wat nie belangrik is nie.

Daar was 'n tyd gewees dat ek vir meer as 'n maand glad nie gebid het nie, omdat ek nie seker was watter naam ek moet gebruik nie. Niks is vir die duiwel beter as dit nie.

[JPR]

Die naam van Die Vader is meer as 6000 keer uit die Afrikaanse geskrifte wat uit Hebreeus oorvertaal is, verwyder. (Uit die reaksie wat ek kry, blyk dit dat min van julle dit besef het) Wat met Jesus se naam gebeur het, is nie so duidelik nie. Ek aanvaar die naam wat Sy moeder Hom, in opdrag van die Engel gegee het, was Yehoshuah en nie Jesus nie. Dit kon volgens baie van julle Iesous gewees het, maar ek is daarvan nie oortuig nie. (Die feit dat dit eerstens in Grieks opgeskryf was, is vir my irrelevant en nie van toepassing op die gesprek nie)
Ek het deur die Heilige Gees baie van die karakter van die Vader geleer, sonder dat ek eenkeer Sy Naam in die Bybel raakgelees het. (Want dit staan nie meer daar nie) Ek is deur die Heilige Gees "in Christus" gelei, sonder dat ek ooit oor Sy naam bekommerd was. Dit is maar onlangs wat ek die belang van Sy naam so bietjie begin verstaan. (lees asb weer die rede elders - ek glo dit het verrrykende gevolge vir gelowiges) Die redes wat julle aanvoer waarom ek nie daaroor bekommerd hoef te wees nie, was nooit vir my tersprake nie. Dit mag dalk kom.

[paidforinfull]

Nog iets:

Ek het al persoonlik gesien hoe mense verlos word van bose magte deur die Naam van Jesus!

Hier is 'n voorbeeld:

Een Sondagoggend na die diens in ons gemeente in Pretoria (dis nou jare terug) het ons pastoor openbaring gekry dat iemand in die gemeente verlossing nodig het (die eerste en laaste keer wat ek hom ooit so iets hoor se het van die kansel af). Daar kom toe 'n hele paar mense vorentoe vir gebed. Hy bid toe so op die ry af vir hulle, maar toe hy by die laate persoon, 'n jong vrou en 'n jong Christen (een van my vriendinne) kom slaat sy soos 'n os neer. Sy kry toe vreeslike stuiptrekkings en skree vieslike dinge in 'n diep mansstem. Sy was so sterk dat vier mans (twee was polisie-stoeiers) haar skaars kon vashou. Ek is nie bang vir 'n duiwel nie maar daardie oggend was ek witgeskrik! Die pastoor en my man het toe in die Naam van Jesus (nie in Hebreus of Aramees of so iets nie) die bose mag/te beveel om te wyk. Na 'n ruk is die ding toe daar weg.

Sy was so slap en pap dat hulle haar behoorlik uit die kerk uit moes dra. Natuurlik kon sy niks onthou van wat gebeur het nie. Daarna het sy toe ook gebieg oor dinge wat niemand (nie eers haar man) van geweet het nie. Sy is tot vandag toe vry en aan die brand en aan die gang vir die Here. Haar lewe het regtig daarna omgedraai.

Ek kan vele ander voorbeelde ook gee indien nodig - en elke keer het ons die Naam van Jesus gebruik.

Nou wil ek weet - as die Naam van Jesus dan verkeerd is, hoekom submit die demone dan as mens hulle in Jesus se Naam beveel om te wyk? Enigiemand wat in die verlossings-bediening staan ken die krag van Sy Naam, want dit is die Naam wat die Seun van God voorstel. (Ek hoop ek het dit reg verduidelik.)

[CFJ]

paidforinfull,

Nog iets wat my ook opval, is die laster van God se name in Hollywood films. Oor een ding kan mens geen twyfel hê nie... en dit is, dat Hollywood die ideale podium is, waar satan 'n hou kan inkry om God te laster en ek wil my verstout om te sê, dat vele goddelose praktyke in ons dag, juis aan Hollywood en verwante mediums se bestaan te danke is. Dit is net interessant, dat satan nie God se name in die Hebreeuse taal laster nie, maar in die Engelse taal...

Hoekom sou dit só wees, want hy wat satan is, het die perfekte geleentheid om dit te doen soos hy dit goed vind om te doen?

[Die Filadelfieer]

Chisel,
Jy skep 'n prentjie met jou laaste pos wat ek nou eers in heelwat mense wat ek persoonlik ken raaksien. So hard soos wat dit mag klink dink ek jy slaan die spyker op die kop : 'n Getwis oor name bring twyfel, en sulke gevalle kan aan niemand anders as die ou satan toegeskryf word nie.

[Phil Fourie]

Die naam van Die Vader is meer as 6000 keer uit die Afrikaanse geskrifte wat uit Hebreeus oorvertaal is, verwyder. (Uit die reaksie wat ek kry, blyk dit dat min van julle dit besef het) Wat met Jesus se naam gebeur het, is nie so duidelik nie. Ek aanvaar die naam wat Sy moeder Hom, in opdrag van die Engel gegee het, was Yehoshuah en nie Jesus nie. Dit kon volgens baie van julle Iesous gewees het, maar ek is daarvan nie oortuig nie. (Die feit dat dit eerstens in Grieks opgeskryf was, is vir my irrelevant en nie van toepassing op die gesprek nie)
Ek het deur die Heilige Gees baie van die karakter van die Vader geleer, sonder dat ek eenkeer Sy Naam in die Bybel raakgelees het. (Want dit staan nie meer daar nie) Ek is deur die Heilige Gees "in Christus" gelei, sonder dat ek ooit oor Sy naam bekommerd was. Dit is maar onlangs wat ek die belang van Sy naam so bietjie begin verstaan. (lees asb weer die rede elders - ek glo dit het verrrykende gevolge vir gelowiges) Die redes wat julle aanvoer waarom ek nie daaroor bekommerd hoef te wees nie, was nooit vir my tersprake nie. Dit mag dalk kom.

Maar JPR dit is waar jy die fout maak, jy soek buite-Bybelse openbaring terwyl dit nie vir ons beskore is nie, die volledige openbaring is in die Woord van God. En jy wys weereens dat jy eerder sal staatmaak op jou eie afleidings aangande Jesus se naam as op die Heilige Gees geinspireerde openbaring van sy naam.

Sê my JPR, glo jy die Woord van God soos om hom in die oorspronklike tale kry is geinspireerd deur die Heilige Gees en is die absolute Woord van God? Neem in ag, hierdie oorspronklike tale sal wees OT Hebreeus en NT Grieks en ek kan vir jou 'n string mense bring wat wel vertroud is met die tale (beter as ek en jy) wat vir jou sal kom wys dat die vertalings waarmee ons vandag sit redelik akkuraat is.

JPR, is dit nie wat jy besig is om tans hier te doen nie, saai jy nie onder die liggaam van Christus twyfel in God se Woord nie?