Is Israel deel van jou gebeds kalender?

[Die Filadelfieer]

[COLOR=blue]......en van wanneer af hou jy van Johan Malan se lering? Ek moet se....jy verbaas my elke dag. Fila....

Johnny, as jy so bietjie terug gaan in die argiewe sal jy sien dat ek nog altyd groot respek vir Johan Malan se leringe het, en baie openlik was daarmee...... op my ou pc was sy webblad my "homepage" gewees ! Ek sal dus graag wil weet waar jy daaraan kom dat ek NIE van sy leringe hou nie ? Kan jy dalk dit met 'n voorbeeld aantoon ?

[Johnny]

Johnny, as jy so bietjie terug gaan in die argiewe sal jy sien dat ek nog altyd groot respek vir Johan Malan se leringe het, en baie openlik was daarmee...... op my ou pc was sy webblad my "homepage" gewees ! Ek sal dus graag wil weet waar jy daaraan kom dat ek NIE van sy leringe hou nie ? Kan jy dalk dit met 'n voorbeeld aantoon ?

Oooo gats.........ek kan nie, maar hy het nogal baie waarhede oor Israel, die Jode, terugkeer van die Jode na HULLE land, misleiding, Siener en so voorts, en so voorts. Hier is 'n skakel na sy nuwe webblad:

http://www.bibleguidance.co.za/

[Die Filadelfieer]

.
Johnny, Jy haal Prof. Malan baie dikwels aan. Ek dink jy sal goed doen om te gaan lees wat hy van die name van Christus en van die Godheid te sê het. As jy die artikels nie kan kry nie, vra net dan plaas ek die links hier.

Die skakels asb David ?

[Johnny]

Die skakels asb David ?

Aaaag..........OK.........as julle dan aandring.

Name van die Here Jesus Christus
Die name van die Here Jesus kan in die volgende vier kategorieë verdeel word:

· Sy eienaam as vleesgeworde Verlosser.

· Die name wat op sy Godheid dui.

· Sy ampsnaam asook die sewe ampte wat Hy beklee.

· Sy beskrywende name.

1. Sy Eienaam
Die naam Jesus (Die Here [Jahweh] is Verlossing; Hebreeus: Jeshua) is deur God self aan sy Seun gegee. ‘n Engel het in ‘n droom aan Josef verskyn en gesê: “Josef, seun van Dawid, wees nie bevrees om Maria, jou vrou, by jou te neem nie, want wat in haar verwek is, is uit die Heilige Gees; en sy sal ‘n seun baar, en jy moet Hom Jesus noem, want dit is Hy wat sy volk van hulle sondes sal verlos” (Matt. 1:20-21).

2. Sy Naam as God

In sy hoedanigheid as God is Jesus gelyk aan en een met die Vader; daarom kon Hy sê: “Ek en die Vader is een” (Joh. 10:30). Aan die dissipels het Hy gesê: “Hy wat My gesien het, het die Vader gesien” (Joh. 14:9).

3. Sy Ampsnaam

Die Here Jesus is ook die Gesalfde [Hebreeus. Mashiach (Messias); Grieks Christos (Christus)] wat vir sy sending na die aarde afgesonder en toegerus is. In ‘n messiaanse profesie stel Jesaja dit só: “Die Gees van die Here HERE [Adonai Jahweh] is op My, omdat die HERE [Jahweh] My gesalf het om die blye boodskap te bring...” (Jes. 61:1).

Verdere studie kan op Prof. Johan Malan se webblad gemaak word.

http://www.bibleguidance.co.za/Afrartikels/Jesus.htm

[Paul Pienaar]

Vanaf Johnny se laaste skrywe waar hy Prof. Malan aanhaal,
net die volgende subtiele foutjie:

"2. Sy Naam as God

In sy hoedanigheid as God is Jesus gelyk aan en een met die Vader; daarom kon Hy sê: “Ek en die Vader is een” (Joh. 10:30). Aan die dissipels het Hy gesê: “Hy wat My gesien het, het die Vader gesien” (Joh. 14:9). "
-Prof. Malan-


VS.


Joh 14:28 Julle het gehoor dat Ek aan julle gesê het: Ek gaan weg en Ek kom weer na julle toe. As julle My liefgehad het, sou julle bly wees dat Ek gesê het: Ek gaan na my Vader, omdat my Vader groter is as Ek.

Dat Jesus Christus een is met die Vader is wel waar, maar om
verder te gaan en te sê dat Jesus Christus gelyk is aan die
Vader, is 'n leuen.

[David2]

Dit is werklik jammer dat hier telkens mense op hierdie forum verskyn wat die basiese grondwaarhede van die Christelike geloof in twyfel trek en dit dan sommer ook leuens noem. Wel as mens 'n grondwaarheid van Jesus Christsus wat net so in die Bybel staan, 'n leuen noem, dan beweeg jy werklik op dun ys. Baie, baie dun ys (as daar ooit nog 'n lagie ys is waarop jy kan loop).

Hebr. 1 leer dat Jesus die aarde geskape het, dat Hy uit Homself die reiniging van ons sondes bewerk het en dat 'n ewige septer van regeermag aan Hom behoort. Hy word ook meer as een keer as God aangespreek. Wat is dit anders as Godgelykheid?

Dan sê Fil. 2:6 dit reguit dat Jesus voor sy vernedering reeds aan God gelyk was. Na die hemelvaart is Hy weer nog hoër verhoog. Fil. 2:9 sê dat Hy 'n naam ontvang het wat bo elke naam is en dat dit heerlikheid aan God die Vader laat toekom het. Weereens, Jesus was minstens aan God gelyk.

Die Ariërs en die Jehovas gebruik Joh. 14:28 om te sê dat Jesus 'n mindere tipe God as die Vader is, maar ek het nie geweet hier is mense in die hoofstroom Christendom wat dit ook doen nie. Nee, soos Filipense dit verduidelik en soos dit hier in Johannes was op die stadium toe Jesus op aarde was, was Hy vir 'n wyle minder as die engele en dus ook minder as God die Vader. Maar Hy was toe juis weer op pad na die Vader om weer sy ewige posisie van Godgelykheid met die Vader in te neem.

Om uit Joh. 14:28 af te lei dat Jesus permanent 'n mindere wese as die Vader was, skep logiese en Skriftuurlike onmoontlikhede. As Hy minder as die Vader was, dan kon Hy mos nie een met die Vader wees nie. Dan beteken dit dat Hy 'n aparte wese van die Vader moes wees om minder as Hy te kon wees. Hierdie siening lei dus uiteindelik ook tot veelgodendom. Die Woord leer dat die Vader en die Seun dieselfde wese en essensie deel (Joh. 1:1,2; 14:9 en 20:28). Ek vra weer: Hoe is dit moontlik om dieselfde wese, essensie en benaming te deel, maar tog 'n mindere wese te wees? Totaal onmoontlik.

[Ta-An]

Dat Jesus Christus een is met die Vader is wel waar, maar om
verder te gaan en te sê dat Jesus Christus gelyk is aan die
Vader, is 'n leuen.

???

Die Vader, het omdat Hy die Seun lief het ALLES in Sy hand gegee......
Johannes 3:35 Die Vader het die Seun lief en het alles in sy hand gegee

Dink jy nie dit stel die Seun aan die Vader gelyk nie....
Ek is besig om iewers 'n ding na te vors..... en kan dit nog nie hier pos nie want ek het nog nie al die Skrif verwysings nie.... maar dit hou verband met Josef en sy Pa wat voor hom kom buig het, en toe buig Josef voor sy Pa...... op dieseflde trant..... Vader en Seun..... maar ek is nog besig....

[Paul Pienaar]

1Co 11:3 Maar ek wil hê dat julle moet weet dat Christus die hoof is van elke man, en die man die hoof van die vrou, en God die hoof van Christus.

1Co 11:12 Want soos die vrou uit die man is, so is ook die man deur middel van die vrou; maar alles is uit God.


David,

Soos jy, 'n Malan is (korrek?) en van jou biologiese vader is,
sy gene deel en een met hom is, maar tog is hy steeds jou meerdere
in die sin dat jy vanuit hom kom, verstaan ek dat Christus een is met
sy Vader, maar tog nie gelyk(dieselfde) is nie en dat beide God is.
Of anders gestel, ek en my pa is beide Pienaars, tog is hy die vader
en ek die seun. Ons is egter beide dieselfde in die sin dat ons Pienaars is.

Verder, kan ek nie sien hoe die risiko geloop kan word om by veelgodendom
uit te kom deur te aanvaar dat Christus nie gelyk is aan Sy Vader
nie. Is Jesus dan nie God en Sy Vader ook God nie? Sou die
aanbidding van die Vader en die Seun, gesien in die lig dat hulle
nie gelyk is nie, maar wel beide God is, vir jou beteken dat dit
veelgodendom is - die aanbidding van die Vader, en Sy Seun?

Ek lei nie permanensie af vanuit Joh 14:28 vers nie. Dit sou dan
teenstrydig wees met ander tekste gedeeltes. Maar nie in die manier
wat jy hier aandui nie. Ek dink eerder aan die volgende gedeelte:

1Co 15:28 En wanneer alles aan Hom onderwerp is, dan sal ook die Seun self Hom onderwerp aan die Een wat alles aan Hom onderwerp het, sodat God alles in almal kan wees.

[Paul Pienaar]

???

Die Vader, het omdat Hy die Seun lief het ALLES in Sy hand gegee......
Johannes 3:35 Die Vader het die Seun lief en het alles in sy hand gegee

Dink jy nie dit stel die Seun aan die Vader gelyk nie....
Ek is besig om iewers 'n ding na te vors..... en kan dit nog nie hier pos nie want ek het nog nie al die Skrif verwysings nie.... maar dit hou verband met Josef en sy Pa wat voor hom kom buig het, en toe buig Josef voor sy Pa...... op dieseflde trant..... Vader en Seun..... maar ek is nog besig....

Ta-an,

Ek dink dit stel die Vader en Sy Seun gelyk in die sin dat
hulle God is. Steeds verstaan ek dat Christus vanuit Sy Vader
kom, wel alles in Sy hand het, soos Sy Vader Hom gegee het,
maar nie gelyk is met die Vader nie. Soos ek in my vorige pos
aan David verduidelik het aan die hand van die pa en seun
voorbeeld wat beide dieselfde van deel, maar nie dieselfde
persone is nie.
Ek's nie seker of dit die oorwegende siening is dat die Vader
en Sy Seun eintlik een wese is nie?

Oor die verhaal van Josef en sy pa sou ek graag wou hoor
wat jy dink. Josef was as die jongste, en uitgewekene, wat nie
eers deur sy broers herken was nie, hul verlosser, nadat hulle
eers baie swaar gekry het. En toe, soos jy geskryf het, buig
selfs sy pa voor hom. Ek sou graag wil weet wie jy dink Josef en
sy pa verteenwoordig.

[David2]

Jou vergelyking tussen "Pienaar" en "God" totaal sinneloos. Dit sê vir my niks nie. As jy die Pienaars as voorbeeld gebruik oor hoe ons God moet verstaan, is jy ver van die merk af. Jy en jou pa is twee aparte persone terwyl die drie-eenheid 'n onskeibare verbond is met verskillende funksies. Daardie "funksies" (by gebrek aan 'n beter woord) dra wel die konsep van die een wat aan die ander onderworpe is, maar die eenheid, wat in jou vergelyking hoegenaamd nie bestaan nie bepaal dat die eenheid essensieel gelyk moet wees.

Man en vrou is in status gelyk voor God, maar in funksie is die man die hoof. Die Vader en die Seun is gelyk en steeds is die Vader die hoof van die Seun.

Feit is, die Bybel sê hulle is gelyk en jy het nie daarop geantwoord nie.

[Ta-An]

Ta-an,


Ek's nie seker of dit die oorwegende siening is dat die Vader
en Sy Seun eintlik een wese is nie?

Nie een 'persoon' nie

Josef was as die jongste,

Eintlik was dit Benjamin

En toe, soos jy geskryf het, buig
selfs sy pa voor hom. Ek sou graag wil weet wie jy dink Josef en
sy pa verteenwoordig.

Vader en Seun...... maar ek werk nog aan die skrifte want dis iets wat ek skielik begin raak lees het...

[Willem]

Johnny,

op jou vraag, ja ek sal vir Israel bid spesifiek, want die Woord se ek sal seen kry en ek sal dit basically eerder soek as die vloek wat ek ook sal kry as ek hulle vervloek. maar mens en ek weet hulle is God se volk... wanneer en hoe stop en begin... afgekap al daai goet... dis nie in my lewe nou so life altering issue nie ...so...

Maar dis nie soseer 'n kalender as 'n dink daaraaan en bid dan issue... ek is nog nie so dissiplined nie... oor die Naam miskien is daar rede dat jy die so moet gebruik en iemand anders dit anders... solank ons dit to eer van die Here doen is altwee ok as ek die "een dag hou en die ander dag nie hou nie , maar albei tot eer van die Here " din g reg verstaan , want ek weet Hy soek wat in harte aangaan...

Miskien is dit spesifiek jou roeping om Jode die evangelie te gaan deel... vir myself weet ek volke maak nie saak nie.. mense is meer my hart... roeping..? dink ek? .... maar seker ons sal mekaar wel eendag in hemel raakloop

Shalom ( dis nou 1 hebreeuse woord wat ek nie kan vertaal nie - God se vrede wat alle verstand te bowe gaan )

[Paul Pienaar]

Jou vergelyking tussen "Pienaar" en "God" totaal sinneloos. Dit sê vir my niks nie. As jy die Pienaars as voorbeeld gebruik oor hoe ons God moet verstaan, is jy ver van die merk af. Jy en jou pa is twee aparte persone terwyl die drie-eenheid 'n onskeibare verbond is met verskillende funksies. Daardie "funksies" (by gebrek aan 'n beter woord) dra wel die konsep van die aan wat aan die ander onderworpe is, maar die eenheid, wat in jou vergelyking hoegenaamd nie bestaan nie bepaal dat die eenheid essensieel gelyk moet wees.

Man en vrou is in status gelyk voor God, maar in funksie is die man die hoof. Die Vader en die Seun is gelyk en steeds is die Vader die hoof van die Seun.

Feit is, die Bybel sê hulle is gelyk en jy het nie daarop geantwoord nie.

David,

Dit verbaas my hoe jy my skrywe mis verstaan. Of dalk is dit doelbewus?
Wat is die doel om dit te bespreek as jy bly verkeerd verstaan en dan op
so 'n verkeerde begrip antwoord? Jy stry met jou eie idee oor wat jy
verkeerdelik dink ek sê.

Jy skryf, "Die Vader en die Seun is gelyk en steeds is die Vader die hoof van die Seun."
Dit is 'n kontradiksie.
Iets kan nie gelyk wees en terselfdertyd hoof wees nie.
Ek sê weer, die Vader is God, Sy Seun is God, maar die Vader is nie gelyk
aan Sy Seun nie. Die Vader is groter.

[David2]

Vir jou is dit 'n kontradiksie. Vir my is dit nie. Ek het die voorbeeld van die huwelik aangehaal. Jy behoort te weet dat man en vrou in status gelyk is en dat die vrou in sekere opsigte selfs die voorrang geniet. Let ook daarop dat die huwelik slegs 'n analogie is en nie die hele verhaal vertel nie. Die eenheid tussen Vader en Seun is baie sterker as die eenheid tussen man en vrou. Dus die gelykheid tussen die twee ook. Verder het jy my nog steeds nie geantwoord op die Bybel se direkte uitspraak dat die Vader en die Seun gelyk is nie.

[Paul Pienaar]

David,

Jy's vroeg op. Ek wou my laaste skrywe gaan edit het om die eerste gedeelte/paragraaf
te gaan uitvee het. Dit was nie nodig om dit te geskryf het nie. Ek vra om verskoning vir die
eerste gedeelte van die plasing. Ek sal dit nou maar so los, sodat dit nie enige verwarring skep
as iemand dan nou hierdie plasing ook lees nie.

David, ek stem saam dat die eenheid tussen Vader en Seun sterker is as die eenheid tussen
man en vrou en dat dit as 'n analogie gebruik word.
En kan egter nie antwoord oor hoe die Vader en Seun gelyk is nie. Ek lees dit net nie so nie.
Wat ek wel lees is dat die Vader alle mag aan Sy Seun gegee het. Christus is dus seker so
magtig soos Sy Vader, en dalk is dat wat party verstaan met "gelyk", tog verstaan ek nie
daarmee dat Christus nou op gelyke voet met Sy vader is nie. Ek verstaan steeds 'n rangorde.
Tog dink ek nie dit impliseer soseer dat Christus in 'n mindere mate God is nie.
.....Een wat alles aan Hom onderwerp het, sodat God alles in almal kan wees.