Verstaan ons God reg?

[protea]

RR, hoe jy oor God dink en voel is nie noodwendig verkeerd en ons sienings reg nie. Soveel Christenne , soveel sienings oor God want elkeen ervaar Hom op n unieke manier. Is dit nie die rede hoekom dogma in kerke ontstaan het nie? Party het gevoel: ONS het die regte siening oor God en van nou af sien ons God SO in ons denominasie. En die wat nie daarmee verlief wil neem nie , moet nou maar vir hulle n ander kerklike heenkome soek? Ek gooi nie klippe nie ,maar vra net vrae oor sake wat vir my al lankal pla. En nou die groot gevaar: As die dogma groter gesag begin dra in jou denominasie as die Woord van God.... wat dan?

[RR van Wyk]

Dankie Protea, goeie punt. 'n punt waarna mens bietjie dieper kan gaan kyk na. Daardie dogma en verskillende sienings wat jy nom is juis in my mening die rede waarom ons moet vra: "verstaan ons God reg?"

Om 'n voorbeeld te noem, Columbus het geglo, maar het Jesus glad nie verstaan nie. Soveel so dat sy optrede amper die teenoorgestelde was as die van Jesus. Hy het mense gedwing om sy geloof aan te neem waar hy kolonies in Amerika gestig het. Ek glo ons het darrem bietjie vordering gemaak intussen

Ek weet om God beter te verstaan gaan ons nie in die Hemel kry nie. Dit is nie belangrik om jou kop oop te kloof daaroor nie. Mens het net geloof in Hom nodig. Maar dit maak die lewe soveel ryker!