cure-real
Results 1 to 4 of 4

Thread: Die sewe gemeentes van Openbaring

  1. #1

    Die sewe gemeentes van Openbaring

    Hoe verstaan jy die uitleg van hierdie kerke waaraan Jesus, met Johannes wat moes dikteer, elkeen 'n brief geskryf het ?

    Die gemeentes het natuurlik almal bestaan, so daar is 'n baie duidelike letterlik-historiese element agter die briewe, maar wat moet die briewe vir ons huidiglik leer ?

    Daar is 'n algemene opvatting dat hierdie briewe na verskillende tydgleuwe in die Christen-kerk se geskiedenis wys, en dat ons nou in die "laudesiese-tydperk" , of die sogenaamde "lou-kerk-era" is. ( As voorbeeld )

    Nog 'n opvatting s dat hierdie briewe eerder na verskillende kondisies verwys wat op dieselfde tyd in verskillende gemeentes kan bestaan, of selfs in dieselfde gemeente oor verskillende tye kan heers.

    Hoe verstaan jy dit ? Kan al bogenoemde ook reg wees ?



  2. #2

    Re: Die sewe gemeentes van Openbaring

    Ons leef definitief in die despensasie van die kerk van die Laodisense. As ons na die kerk vandag kyk dan bevat hy al die eienskappe. Ek hoef nie eers te verduidelkik wat elke vers beteken nie, want dit is PRESIES hoe die kerk vandag is. "Lou, sonder Goddelike liefde of liefde vir die waarheid, geld en vermaaklikheid gedrewe."

    Rev 3:14 En skryf aan die engel van die gemeente van die Laodicense: Dt s die Amen, die getroue en waaragtige Getuie, die begin van die skepping van God:
    Rev 3:15 Ek ken jou werke, dat jy nie koud is en ook nie warm nie. Was jy tog maar koud of warm!
    Rev 3:16 Maar nou, omdat jy lou is en nie koud of warm nie, sal Ek jou uit my mond spuug.
    Rev 3:17 Want jy s: Ek is ryk en het verryk geword en het aan niks gebrek nie; en jy weet nie dat dit jy is wat ellendig en beklaenswaardig en arm en blind en naak is nie.
    Rev 3:18 Ek raai jou aan om van My te koop goud wat deur vuur gelouter is, sodat jy kan ryk word; en wit klere, dat jy jou kan aantrek en die skande van jou naaktheid nie openbaar word nie; en salf om jou o te salf, sodat jy kan sien.
    Rev 3:19 Almal wat Ek liefhet, bestraf en tugtig Ek. Wees dan ywerig en bekeer jou.
    Rev 3:20 Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.
    Rev 3:21 Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het.
    Rev 3:22 Wie n oor het, laat hom hoor wat die Gees aan die gemeentes s.

  3. #3
    Join Date
    Oct 2007
    Location
    Newcastle, KwaZulu-Natal, South Africa
    Posts
    1,500

    Re: Die sewe gemeentes van Openbaring

    Ek stem saam dat die eienskappe van vandag se kerke baie sterk by Laodicense teenwoordig is. Ek sien ook dat die sewe algemeen aanvaarde tydperke van kerkgeskiedenis taamlik duidelik en ook kronologies met hierdie sewe gemeentes in verband gebring kan word. Tog moet ons daarop let dat dit net 'n "toepassing" van die waarheid in die sewe briewe kan wees en sekerlik nie 'n "interpretasie" nie. Daar is nogal 'n groot verskil tussen interpretasie en toepassing. As ons die briewe interpreteer gaan ons eenvoudig af op die fundamentele grammaties-historiese feite wat in die briewe self voorkom en in die konteks en ons bring dan die oorspronklike bedoeling en boodskap so na vore. Dit spreek vanself dat daar niks maar niks in die briewe self voorkom om vir ons te s dat dit eintlik sketse van die sewe tydperke van die geskiedenis van die kerk moet wees nie.

    Ons moet dus maar liewer versigtig wees en in ons interpretasie van die Bybel bly by die feite wat in die Bybel self aangegee word en nie enige afleidings of opinies daarby inbring wanneer ons interpreteer nie. Wanneer ons kom by die toepassing, dan gaan dit oor die omgewing waar hierdie basiese "interpretasie" wel met vrug gebruik kan word en watter boodskap dit in 'n verskeidenheid van omstandighede kan h. Ek sal die sewe tydperke van kerkgeskiedenis dus maar liewer beskou as 'n toepassing en nie as die een enkele oorspronklike betekenis van die briewe nie.

  4. #4

    Re: Die sewe gemeentes van Openbaring

    Hallo, Die Filadelfier

    Buiten vir die historiese bestaan van die gemeentes, moet 'n mens nie die simboliese betekenis van die feit dat dit sewe gemeentes was uit die oog verloor nie. Dit is interessant om te sien dat van die Paulus-gemeentes nie genoem word nie. Meeste kommentare op my boekrak, beweer dat die syfer sewe, die boodskap aan die spesifieke gemeentes ook universeel maak. Dus sewe is die heilige getal van God en die sewe gemeentes dui dus op die algemene heilige kerk.

    Groete

    Elimelek

Thread Information

Users Browsing this Thread

There are currently 1 users browsing this thread. (0 members and 1 guests)

Similar Threads

  1. Die sewe wette van Noag
    By Philip dT in forum Gesprek oor die Eindtye en Aktuele sake
    Replies: 19
    Last Post: Oct 12th 2009, 03:23 PM
  2. Inligting Openbaring
    By marline in forum Vrae en menings oor die Bybel
    Replies: 9
    Last Post: Feb 2nd 2009, 05:39 AM
  3. Inligting Die A-Z van Openbaring
    By Lanie in forum Alles en nog wat
    Replies: 17
    Last Post: Nov 4th 2008, 04:51 PM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •