Wie het al die boeke deurgelees?

[Johnny]

Wie het al die boeke van begin tot einde deurgelees......en kan onthou waaroor die hele verhaal gegaan het. Ek moet bieg......ek het ook nog nie een van hulle deur gelees nie.....ook nie die Bybel nie.....en ek kry skaam daaroor! Is dit nie verbasend hoeveel storie boeke, meestal valse stories oor die Bybel lees mense deur nie, maar nie die Bybel self nie? Boeke wat top verkopers by christelike boekwinkels is. Om aan hierdie draad deel te neem sal jy BAIE eerlik met jouself moet wees.

[Francois Marais]

Ek moet nog een boek in die bybel klaar lees, dan het ek al 66 gelees. En in 13 jaar.... Maar ek erken dit maak my skaam om te dink ek het Lord of the Rings al 13 keer gelees! Ek het selfs Stevan Koning se boek Shining deur gelees in twee weke, en so ook meeste van sy ander boeke...

Ek dink dit is satan wat ons so probeer weg van die woord af hou!

[Francois Marais]

O ja... The shack in 2 dae gelees... Bella - my ma hulle se hond - het wel dit in 5 minute deur gewerk (en ek het haar dankie gesê daarvoor)

[Johnny]

O ja... The shack in 2 dae gelees... Bella - my ma hulle se hond - het wel dit in 5 minute deur gewerk (en ek het haar dankie gesê daarvoor)

Slim hond hierdie.

[Son of the South]

Ek het darem al eenkeer die Bybel reg van voor tot agter soos 'n storieboek deurgelees. Toegegee, ek sal dit nooit weer presies so doen nie. Dit het darem te lank geneem om deur die Ou Testament te kom en tot by die Nuwe. Nee, ek sal sterk aanbeveel dat jy 'n leesplan volg om 'n boek in die Ou Testament klaar te lees en dit dan af te wissel met 'n boek in die Nuwe. Die goeie nuus is dat jy dan meer as een keer die Nuwe Testamentiese boeke sal lees, voor jy die Ou Testament heeltemal deur is. Selfs e-Sword kan jou help met 'n leesplan. Beginne net en voer dit deur - die geestelike groei wat jy sal ervaar maak dit heeltemal die moeite werd. Lees wel die boeke as geheel en onthou dat boeke soos 1 Samuel en 2 Samuel eintlik een boek is.

Die enkele grootste verweer teen dwalinge is juis om die Bybel as geheel te lees - nie soos 'n tydskrif hier 'n bietjie en daar 'n bietjie soos jou belangstelling geprikkel word nie, maar die hele Bybel.

O ja, ek het darem so halfpad met die Shack gekom - gereken dit sal 'n goeie ding wees om mense se vrae daaroor te kan beantwoord. Ongelukkig het die winterkoue my toe ingehaal en weens 'n ernstige tekort aan kaggelhout ... kan die mense wat godslasterlike boeke skryf nie asseblief bietjie dikker boeke begin skryf nie?

[Johnny]

kan die mense wat godslasterlike boeke skryf nie asseblief bietjie dikker boeke begin skryf nie?

Miskien skryf hulle al hoe kleiner? Ek wil dit graag doen om die Bybel reg deur te bestudeer. Ons lewe is so gejaag dat dit regtig dissipline kos, veral vir 'n ou soos ek wat gladnie baie hou van lees nie. Ek sal eerder (buiten my Bybelstudie natuurlik) 'n dvd oor die laaste dae of Israel kyk.

[Kalahari]

Ek dink die draad bevestig net hoe belangrik dit is om die Woord van God te bestudeer. Mense is geneig om alle ander boeke en studiehandleidings te bestudeer, maar hulle bestudeer nie die Bybel nie.

Ek glo mens moet eers die Bybel bestudeer voordat jy ander boeke of hulpmiddels begin lees. Jou hulpmiddel kan dalk net die begin van 'n dwaling wees. Sonder 'n grondige kennis van die Bybel in geheel, kan mens nie beoordeel of dit wat jy lees (of kyk) Bybels is of nie.

Ek is gelukkig dat ek die Bybel twee keer in drie jaar deurgelees het. Daarna het ek onderwerpe bestudeer of sekere boeke. Ek maak nou klaar met die Nuwe Testament in die ou vertaling dan begin ek weer voor in die Ou Testament. (het nog nie die Bybel in die ou vertaling deurgelees nie)

Alhoewel ek die Bybel seker al vier tot vyf maal deurgelees het, bly dit belangrik om dit deurentyd te doen en nie vas te hak by net die gedeeltes waarvan jy hou nie.

Groete
Kalahari

[mari]

Op Bybelskool die hele Bybel deurgelees, Genisis tot Openbaring ..... Nuwe Testament al paar keer deur .....

Tonne, tonne ander boeke, STORIES soos the shack ens ... Frank Perelli ( spelling ? ) se boeke verorber ...... lief vir stories gebasseer op Bybel verhale of persone ..... maar onthou darem altyd KONTEKS .... 'n storie is 'n storie .... ens ......

Boeke oor Bybel konsepte met die Bybel self as verwysing altyd .... gooi nie 'n boek weg as daar iets is waarmee ek nie saamstem nie, maar volg darem die Gees in wanner om te stop lees, eenkant toe te gooi en 'n ander oop te maak ..... Strongs gewoonlik naby gehou, maar dis darem deesdae bietjie makliker met e-sword byderhand ........

'n jong pastoor het al tiennertyd vir ons 'n goeie verwysingsraamwerk gegee : ek is mal oor hoender, maar eet nie die bene nie..... haal die kos uit 'n ander skryfsel, maar moet dit nie sommer net afskryf as daar iets onkoubaar in is nie ....... maak net seker dis vars en nie vrot nie ! ......

nie juis lief vir "pienkboekies" nie - daai soort met al die blommetjie antwoorde op die wereld se modder .......

iets wat altyd werk : if all else fail, read the Manual ..... ons lewens Manual is natuurlik die Woord .....


bestudeer op die oomblik ons nuwe baaiks se workshop manuel .....

PS : sorrie Johnny .... kan nie jou poll invul nie .... dis darem bietjie onesided, dan nie ? ......
Bybel deurgelees en baie ander boeke en studiegidse , sendingstories, Bybelromanse ens... ens ..... en net een van die " ander" wat jy lys ......

[Johnny]

PS : sorrie Johnny .... kan nie jou poll invul nie .... dis darem bietjie onesided, dan nie ? ......

Not to worry. Vir een of ander rede het al my "polls" altyd 'n opsie te min vir deelnemers. Pastoor Dries se gisteraand by die biduur: "Ons kan nie verhoed dat voels deur die bome se takke vlieg nie, maar ons kan keer dat hulle daar nes maak".

[mari]

"Ons kan nie verhoed dat voels deur die bome se takke vlieg nie, maar ons kan keer dat hulle daar nes maak".

jy is natuurlik bewus daarvan dat hierdie 'n quote is en nie sy eie nie ....... ?!? .....?

( en in hierdie draad heel buite verband .... but anyway ......... oppas dat die voeels nie die appels bykom nie ...... ..... )

[Johnny]

Dis 'n denne boom....

[trudie]

Ek het die Bybel al paar keer deur gelees.Van die ander boeke net die da vinci code maar dit was net toe dit uitgekom het en voor die fliek gemaak is.Teen die tyd dat almal daaroor begin praat het, was die storie so half al vergeet.

[Johnny]

Ek het die Bybel al paar keer deur gelees.Van die ander boeke net die da vinci code maar dit was net toe dit uitgekom het en voor die fliek gemaak is.Teen die tyd dat almal daaroor begin praat het, was die storie so half al vergeet.

Ek sal moet plan maak anders gaan ek die enigste een wees wat nognie die Bybel deurgelees het nie.

[Willem]

nou dan moet ons prof Horner se bybel lees program begin toepas, 10 stukke op rotasie basis en jy lees nooit weer dieselfde stukke nie ( sal help met die geslagsregisters en so ) Boet se dit bind goed saam soos wat hy nog nie voorheen gesien het nie as jy bv OT en NT en Psalms en Daniel in een sessie doen...

http://www.facebook.com/group.php?gid=46416541831

as dit nie vir die groot rooi afrikaanse kinner bybel was nie ( in kelur nogals !) het ek baie stukke van die bybel net geken uit preek 2 /3 versies op slag 8-(

Toevallig dat so baie van die stukke wat ek gelees het laaste vier of so jaar nuwe testament en spesifiek Efesiers is ? ( die rabbis se glo dat coincidence nie kosher is nie )

So van die draad af, wat leer Efesiers as boek ons? ( help asb ek mis die obvious goet baie keer )

[JPR]

Ek het vir die eerste klompie jare na my wedergeboorte net die Bybel gelees. (Die uitsondering was “he came to set the captives free” wat, die Here wou hê ek op daardie stadium moes lees om my vir ‘n spesefieke situasie voor te berei.

Die afgelope tyd lees ek ook ander heilige geskrifte; Edras, Henog, Makabeers, die wysheid van Salomo en hier en daar ook die “gnostiese” geskrifte.

Sou graag wou weet of iemand saam met my opgewonde hieroor is?