Die werke van die liggaam

[Die Filadelfieer]

Rom 8:13

want as julle na die vlees lewe, sal julle sterwe, maar as julle deur die Gees die werke van die liggaam doodmaak, sal julle lewe.

Wat presies is "die werke van die liggaam" ? Is dit bloot 'n lewe wat nie die juk van 'n wettiese lewe afgeskud het en in die volle vryheid van Christus lewe nie, of is daar nog steeds 'n lys van "moets en moenies" wat gevolg moet word om 'n vleeslike lewe te verander en die werke van die liggaam dood te maak ?

[Johnny]

[SIZE=3][COLOR=#008080][SIZE=3][COLOR=#008080]


Wat presies is "die werke van die liggaam" ? Is dit bloot 'n lewe wat nie die juk van 'n wettiese lewe afgeskud het en in die volle vryheid van Christus lewe nie, of is daar nog steeds 'n lys van "moets en moenies" wat gevolg moet word om 'n vleeslike lewe te verander en die werke van die liggaam dood te maak ?

Ek sien BARNES verwys terug na die vers:

Rom 7:23 maar ek sien ‘n ander wet in my lede wat stryd voer teen die wet van my gemoed en my gevange neem onder die wet van die sonde wat in my lede is.

Ek dink dit is goed om Romeine 7 saam met Romeine 8 te bestudeer. Ek dink die "vleeslike" is een van die grootste struikelblokke vir 'n kind van die Here. Vir my is dit!
Daar is egter ook mense (kinders van die Here) wat dink jy kan alles in die lewe doen.......jy moet dit net nie geniet nie, dan is dit nie sonde nie. Ek weet nie of dit waar is nie.

[CFJ]

Wat presies is "die werke van die liggaam" ?

En die werke van die vlees is openbaar, naamlik owerspel, hoerery, onreinheid, ongebondenheid; afgodery, towery, vyandskap, twis, jaloersheid, toornigheid, naywer, tweedrag, partyskap; afguns, moord, dronkenskap, brassery en dergelike dinge, waarvan ek julle vooraf sê, soos ek al vroeër gesê het, dat die wat sulke dinge doen, die koninkryk van God nie sal beërwe nie.
(Gal 5:19-21 AOV)

Hierdie dinge woon in ons vlees...

Maar nou is dit nie meer ek wat dit doen nie, maar die sonde wat in my woon. Want ek weet dat in my, dit wil sê in my vlees, niks goeds woon nie; want om te wil, is by my aanwesig, maar om goed te doen, dit vind ek nie.
(Rom 7:17-18 AOV)

Is dit bloot 'n lewe wat nie die juk van 'n wettiese lewe afgeskud het en in die volle vryheid van Christus lewe nie, of is daar nog steeds 'n lys van "moets en moenies" wat gevolg moet word om 'n vleeslike lewe te verander en die werke van die liggaam dood te maak ?

Ek dink hierdie is 'n goeie vraag wat jy vra Fila, want baie wil weet wat hulle moet doen om werklik vry in Christus te kan wees en almal sukkel hiermee. Ons weet wat ons moet doen en doen dit bloot nie, party meer en ander minder, maar niemand doen dit konstant nie. As jou baas heeltyd in jou kantoor gaan sit, gaan jy gegewe wie jou baas is, sou mens so iemand as baie dinamies voorhou, heeltyd jou beste gee. Gegewe wie jyself is, sou mens die meerderheid van werknemers as voorbeeld kan gebruik wat maar 'n kans hier en daar of baie gaan neem wat nie altyd met werk te doen het nie.

As mens heeltyd aan Jesus vashou in geloof, sal jy heeltyd sondeloos kan lewe en ongeloof is eintlik soos ek verstaan die enigste sonde wat ons nou doen. Sodra jy Jesus los, begin die moeilikheid...

[Johnny]

CFJ ek stem saam met jou.

Mat 26:41 Waak en bid, dat julle nie in versoeking kom nie. Die gees is wel gewillig, maar die vlees is swak.

Joh 3:6 Wat uit die vlees gebore is, is vlees; en wat uit die Gees gebore is, is gees.

1Co 5:5 om so iemand aan die Satan oor te lewer tot verderf van die vlees, sodat die gees gered kan word in die dag van die Here Jesus.

2Co 7:1 Terwyl ons dan hierdie beloftes het, geliefdes, laat ons ons van alle besoedeling van die vlees en die gees reinig, en laat ons die heiligmaking in die vrees van God volbring.

Gal 3:3 Is julle so onverstandig? Nadat julle met die Gees begin het, eindig julle nou met die vlees?

Gal 5:16 Maar ek sê: Wandel deur die Gees, dan sal julle nooit die begeerlikheid van die vlees volbring nie;

Gal 5:17 want die vlees begeer teen die Gees, en die Gees teen die vlees; en hulle staan teenoor mekaar, sodat julle nie kan doen wat julle wil nie

.

[Die Filadelfieer]

en ongeloof is eintlik soos ek verstaan die enigste sonde wat ons nou doen. ...

Hierdie is eintlik 'n groot en baie belangrike punt hierdie Ferdi. Is dit die antwoord op die vraag "wat is sonde ? " of vereenvoudig ek nou dinge ?

Anders gestel, en as ek jou nou reg verstaan, kan 'n mens dus sê dat sonde mens uit die hemel uit hou, maar die enigste sonde wat jou wel uit die hemel gaan hou is ongeloof in Christus...... so wat is die definisie van sonde : ongeloof in Christus.

[Johnny]

Hierdie is eintlik 'n groot en baie belangrike punt hierdie Ferdi. Is dit die antwoord op die vraag "wat is sonde ? " of vereenvoudig ek nou dinge ?

Anders gestel, en as ek jou nou reg verstaan, kan 'n mens dus sê dat sonde mens uit die hemel uit hou, maar die enigste sonde wat jou wel uit die hemel gaan hou is ongeloof in Christus...... so wat is die definisie van sonde : ongeloof in Christus.

Punt 1: As ek dus na die stelling kyk dan gaan baba's hemel toe aangesien hulle nog nie gesondig het nie. (In sonde gebore en nie met sonde gebore nie).
Punt 2: Hulle kan ook nog nie in Christus glo nie, dus gaan hulle hemel toe. want hulle "ongeloof" kan hulle nie uit die hemel hou nie.

[CFJ]

Hierdie is eintlik 'n groot en baie belangrike punt hierdie Ferdi. Is dit die antwoord op die vraag "wat is sonde ? " of vereenvoudig ek nou dinge ?

Anders gestel, en as ek jou nou reg verstaan, kan 'n mens dus sê dat sonde mens uit die hemel uit hou, maar die enigste sonde wat jou wel uit die hemel gaan hou is ongeloof in Christus...... so wat is die definisie van sonde : ongeloof in Christus.

Soos ek verstaan Fila is dit presies soos jy hier aandui...

[Kalahari]

Die belangrike punt vir my is dat ons die werke van die vlees doodmaak deur die Gees wat in ons woon. Sonder die Gees kan ons die werke van die vlees nie doodmaak nie, want wat die vlees bedink is die dood. Dit is net die Gees wat lewe gee. Dit getuig net weer van God se genade.

Groete
Kalahari

[David2]

Deur God se genade is ons losgemaak van die ou mens van sonde. Iemand wat by die kruis was (en nog steeds is) en saam met Christus gesterwe het, word nie deur God gereken dat die werke van die ou mens nog steeds aan hom toegeskryf moet word nie. Hy het gesterwe en sy ware lewe is saam met Christus verborge in God (Kol. 3:1-3). So 'n mens weet reeds wat die uitspraak gaan wees wanneer hy in die hemel aankom: "Geheilig in Christus want die ou werke van die vlees behoort nie meer aan hom nie". Heiligmaking is dus nie soos wat baie mense dink om die ou mens op te voed en om hom sonder sonde te kry nie, maar eerder om die ou mens as dood te AG of te REKEN. Skuif hom op die agtergrond. Dit is nie meer jy daardie nie. Moet nie vir die ou mens kos gee nie. Reken dat jy 'n nuwe skepsel in Christus is.

Die werke van die vlees is nog steeds daar, maar word nie meer op ons rekord geplaas nie. Hierdie feit is juis die massiewe groot bevryding van die kind van God. Vrygekoop van die sonde! Beteken dit nou dat hy onverskillig staan teenoor die sonde? Nee, dit is juis andersom. Die volkome bevryding van die las van die sonde bring die gees van oorwinning tuis in mens se lewe. Oorwinning bring tog sekerlik nie oorgawe nie, maar blydskap vir die nuutgevonde waarheid van volkome heiligheid in Christus. Die werke van die vlees word dus nou nie meer beveg op die vlak van die vlees waar ek my ou mens beskou as iets wat ek moet heilig nie. Nee, daardie ou mens is sover dit my aangaan dood en kom nie meer op my rekening nie. Ek verskuif my denke na dit wat in die Gees en in die hemel is en so oorwin of versmoor ek eintlik die werke van die vlees.

[CFJ]

Die belangrike punt vir my is dat ons die werke van die vlees doodmaak deur die Gees wat in ons woon. Sonder die Gees kan ons die werke van die vlees nie doodmaak nie, want wat die vlees bedink is die dood. Dit is net die Gees wat lewe gee. Dit getuig net weer van God se genade.

Groete
Kalahari

Hierdie presiese konsep van werke van die vlees, glo ek persoonlik word in sekere kringe verkeerdelik as demone in gelowiges hanteer wat gebind moet word en so word 'n baie eenvoudige beginsel gekompliseer, sodat die mens nie meer self met die werke van die vlees moet afreken nie, maar na 'iemand' moet gaan om die demone uit te dryf. Baie subtiel...

[Kalahari]

Ferdi

Ek dink die belangrike is dat ons slegs die werke van die vlees kan oorwin deur die Gees. Dit is nie iets waaroor ek self besluit nie, ek kan dit net doen as die Gees in my is en my daarnatoe beweeg. Sonder die Gees is die werke van die vlees "reg".

Ek persoonlik glo nie in die uitdryf van demone in gelowiges nie. Die mens self kan nie die werke van die vlees oorwin sonder die Gees in jou nie en dit verkry ons net by die kruis en ons wedergeboorte wat aan ons geskenk word uit God se genade.

Ek dink baie gelowiges dink dat hulle alleen staan in die proses van heiligmaking. Ons word alleen getoets om te sien of ons volhard in ons geloof of nie. Dit is egter nie waar nie, ons kan dit net bereik met die hulp van die Gees wat Hy ook bewerkstellig. Niks kan ons skei van die liefde van God en Sy genade nie.

Groete
Kalahari

[David2]

Die Bybel maak helder en duidelik op so baie bladsye 'n appel op die mens om die werke van die vlees deur die geloof en deur die werk van Christus aan die kruis dood te maak. Ek sou dus saamstem dat dit die genadegawe van God is wat instaatstel en in die posisie plaas waar vlees en die sonde kan oorwin deur sy genade, maar dit verg nog steeds 'n positiewe wilsbesluit van die mens dat hy dit gaan en wil doen. In Kol. 3 word ons opgeroep om te dink aan die hemel en nie wat op die aarde is nie. Ons is dus nie net geprogrameer om vanself ons denke in die hemel te hê nie. Daar is talle werdergebore kinders van die Here wat aards en vleeslik is in hulle denke en optrede. Dit is natuurlik nie nodig vir 'n Christen om so te wees nie. Hy beskik oor al die toerusting en genadegawes van God se Gees om die stryd teen die vlees te wen. Hy beskik ook oor die volle wapenrusting van Ef. 6 waarmee hy hom kan verdedig teen die aanvalle van die bose en die wêreld. Maar dit is weereens nie 'n vanselfsprekende voorafbepaalde gegewenheid dat dit sommer net gaan gebeur nie. Die Christen moet geleer word en opgeroep word om hierdie wapens op te neem en te gebruik.