God se apteek.

[Die Filadelfieer]

Besef ons altyd hoe God met Sy skepping vir ons wil sorg ? Ek het al baie gewonder hoeveel van ons siekttes en kwale eerder met ons lewenstyl te doen het as ander faktore. Mens kry deesdae 'n pilletjie vir alles, meestal chemies van aard en met een of ander newe-effek, maar wat van natuurlike alternatiewe ?

Van my gunstelinge wat ek al raak gelees het, met skakels na artikels oor waarvoor elkeen help. (Die lys van kwale wat hierdie produkte reg dokter is verstommend ! ) :

Vis olies

Knoffel

Aloe Vera

Kaneel

Rooi wyn ( spesiaal vir die kapenaars ! )

Natuurlike anti-inflamatoriese kosse

Bogenoemde bronne is baie beperk en bespreek slegs kortliks en eenvoudig elke item, maar verdere navorsing kan erg fasinerend raak. As 'n voorbeeld dien knoffel as 'n natuurlike anti-biotika, maar selfs meer interesant bou die liggaam geen weerstand teen dit op soos wat gebeur met chemiese variante nie !

Weet julle van nog sulke kosse of kossoorte ? Boere rate wat werk ? Deel bietjie !

[protea]

Daar is n draad oor Boererate erens op die forum wat goed hierby aansluit. Ek wil n paar noem.

Rooipeper: Het n kragtige anti-suur werking vir mense wat sukkel met sooibrand. Vul lee kapsules daarmee en drink dit so of meng dit met heuning, en sluk so n mespuntjie af met koue water.

Papaja: Het n ontgiftigings meganisme in gevalle waar jy bv by n funksie voedselvergiftiging opgedoen het. n Paar boere het hulle lewens hieraan te danke nadat hulle op die Nampo Oesdag vergiftiging op getel het. Moontlik vis of hoender? Tot die pitte kan jy afsluk met water en eet soveel daarvan as wat jy kan inkry.

Brandewyn vir sonbrand. Ja, lag maar! As jy te snoep was met die son, smeer na jy gebad het n hand vol brandewyn op die gebrande dele. Smeer maar mildelik en die volgende dag is jy nie eers rooi nie! Ons het dit met suiwer alkohol probeer en dit het nie gewerk nie. So daar moet iets in die druif wees wat helend is.

Borrie(tumeric) soos hierbo ook van gepraat is goed vir rumatiek of stywe gewrigte waar anti-inflamatoriese werking vereis word. Sluk met water af of sit dit ook in lee kapsules en drink dit so.

[Son of the South]

Niemand het nog die voor-die-hand-liggende suurlemoen genoem nie? Suurlemoensap is 'n goeie bron van vitamien C en bevat boonop die ensieme wat jy nodig het om suur in die liggaam te kan hanteer. Drink soggens die sap van 'n halwe suurlemoen met 'n lekker groot glas water om jig tëe te werk. (Jig is daai inflammasie wat mense wat te veel wildsbiltong eet kry. )

Maak 'n warm drankie met 'n beker water, suurlemoensap en heuning om griep en verkoue hok te slaan.

[Ta-An]

SoS, mens meng heuning met gemmer en suurlemoen sap in 'n beker warm water Heerlik!! Net so voor slapenstyd

[Francois Marais]

In plaas van strepsil vir keel seer suig 'n stukkie gemmer. Heuning op oop wonde help om letsel minder te maak en is ook 'n helper om (sukkel ek met die Afrikaans vanoggend) genesing aan te help.
Ook 'n bietjie heuning in plaas van suiker, kan net beter wees...

[Son of the South]

Sonskyn!

Mense soos ek wat heeltemal te veel tyd in die kantoor spandeer, se Vitamien D vlakke raak hier aan die einde van die winter maar laag. Dit kan 'n mens se gesondheid 'n lelike knou gee en 'n mens moet onthou om 'n bietjie uit te kom en 'n bietjie in die son te kom.

[protea]

Nog iets oor sonskyn: Sonlig bevorder ook die afskeiding van seratonien in die brein wat n natuurlike antidepressant is.

Blaasontsteking: Drink Cranberry sap of Cranberry Complex. Die werking van Cranberries is: Dit verhoed dat die kiem wat blaasontsteking veroorsaak , aanhegting aan die blaaswand kan kry.

[Philip dT]

Dankie Fila. Oulike links.

[Son of the South]

Nog iets oor sonskyn: Sonlig bevorder ook die afskeiding van seratonien in die brein wat n natuurlike antidepressant is.

Blaasontsteking: Drink Cranberry sap of Cranberry Complex. Die werking van Cranberries is: Dit verhoed dat die kiem wat blaasontsteking veroorsaak , aanhegting aan die blaaswand kan kry.

Cranberry sap of eintlik appelsap help glo om nierstene af te breek.

[protea]

Son, Cranberries is n bessiesoort. Hoe bring jy die appelsap by die Cranberries uit?

[Die Filadelfieer]

Son, Cranberries is n bessiesoort. Hoe bring jy die appelsap by die Cranberries uit?

Dorpsjapies !

[Son of the South]

***Sug*** Hoe sê hulle, 'n halwe begrip het 'n hele woord nodig (of so iets).

Die lang weergawe vir die met 'n halwe begrip:
Cranberrie sap (terwyl jy nou van Cranberries praat) help ook vir nierstene. Maar, die eintlike ding om te gebruik vir nierstene is eerder appelsap. Dit werk nóg beter vir nierstene as cranberriesap. En as jy my nie glo nie, "Let Google be your friend"...

Capish?

[Die Filadelfieer]

***Sug*** Hoe sê hulle, 'n halwe begrip het 'n hele woord nodig (of so iets).

Die lang weergawe vir die met 'n halwe begrip:
Cranberrie sap (terwyl jy nou van Cranberries praat) help ook vir nierstene. Maar, die eintlike ding om te gebruik vir nierstene is eerder appelsap. Dit werk nóg beter vir nierstene as cranberriesap. En as jy my nie glo nie, "Let Google be your friend"...

Capish?

Ook maar goed ek het jou nie gevra wie jy sonskyn noem nie ...............

Sonskyn!

[Die Filadelfieer]

In plaas van strepsil vir keel seer suig 'n stukkie gemmer. Heuning op oop wonde help om letsel minder te maak en is ook 'n helper om (sukkel ek met die Afrikaans vanoggend) genesing aan te help.
Ook 'n bietjie heuning in plaas van suiker, kan net beter wees...

Heuning is 'n wonderlike ding. As ek dit reg verstaan is daar heuning in die grafkamers van 'n farao gevind wat nog eetbaar was... m.a.w. onder die regte omstandighede word dit nie sleg (vrot) nie !

Dit is ook anti-bakterieel en bevat anti-oksodante. (skakel)

[Ta-An]

Nou goed, luister mooi

Gebruik gemaalde sesame saad, en meng met heuning en pypkaneel,,,, en eet dit sommer met 'n teelepel

Dit help dat jou klere weer mooi pas