Ongelowige Bybelverklaarders

[chisel]

Hallo Julle,

Iets wat my altyd opval oor hierdie soort organisasie is hoe hulle aan die een kant die Bybel se gesag bevraagteken, maar tog staatmaak op die geloofwaardigheid van die Bybel om geloofwaardigheid aan hul organisasie te verleen.

Aan die een kant word gesê, "Eerstens, is die Bybel 'n doodgewone menslike boek. Dis 'n kultuurproduk wat op 'n bepaalde plek en onder 'n bepaalde groep mense tot stand gekom het. Dit bevat geen bo-aardse openbaring nie."

Maar as mens op die voorblad van hul webtuiste kyk, sien mens die volgende, "Die webbladsy van die Nuwe Hervorming Netwerk is ’n ruimte waar mense toon hoe hulle die nuwere inligting oor die heelal, die aarde en lewe op aarde integreer met die nuwere inligting oor die Bybel, Jesus van Nasaret, die Christelike godsdiens en ander godsdienste. Kortliks gestel — dis ’n ruimte vir mense wat nie sku is om oor hulle soeke na sin te praat nie. Ons aanvaar dat ons almal pelgrims is wat besig is om ons eie lewensreis te voltooi. Pelgrims word dikwels gedwing om by ’n oase aan te doen om asem te skep, hulle dors te les en ook ’n gesprek of twee aan te knoop voordat hulle die reis voortsit. Hierdie webbladsy is bedoel om so ’n oase te wees."

Hierdie lyk vir my teenstrydig. Waarom is dit nodig om ons insigte met nuwe idees oor die bybel te integreer as die bybel maar net 'n doodgwone boek is.

As dit die geval was, kan mens sekerlik "bybel" met enige doodgewone boek vervang in die inleiding van hulle webtuiste. Maar die vraag is, wie sou 'n nuwe religie ernstig opneem as hulle inleiding lees:

"Nuwe Hervorming Netwerk is ’n ruimte waar mense toon hoe hulle die nuwere inligting oor die heelal, die aarde en lewe op aarde integreer met die nuwere inligting oor Jock of the Bushveld"

OF

"Nuwe Hervorming Netwerk is ’n ruimte waar mense toon hoe hulle die nuwere inligting oor die heelal, die aarde en lewe op aarde integreer met die nuwere inligting oor Harry Potter and the Philosopher's Stone"

Sekerlik as mens kyk na die prominente posisie wat die Bybel op die Nuwe Hervorming webtuiste beklee is die Bybel nie sommer net 'n boek nie.

Iets ander wat ek interessant vind is dat Sakkie die mens reduseer tot net 'n spesie, wat miljoene jare terug per ongeluk verskyn het, en miljoene jare vorentoe nie meer sal bestaan nie. Die probleem met hierdie soort siening is dat die enigste logiese gevolg daarvan, nihilisme is. Hoe bring mens dit inlyn met die stelling in hul lys van waardes dat, "Ons waardeer die uniekheid, eiewaarde, gelykheid en potensiaal van elke individu. Ons erken die inherente vermoë van individue om te groei en om groter hoogtes te bereik deur met mekaar saam te werk."

Waarom moet one elke individu se eiewaarde vier, as die mensdom as 'n geheel eintlik geen objektiewe waarde het nie; As die mensdom maar net 'n kosmiese ongeluk is.

Sekerlik sal Sakkie sê, "Elke mens maak sy eie lewe waardevol", maar dit sou maar net die kunsmatigheid van so 'n waarde onderstreep. As elke stukkie papier sy eie waarde kan bepaal sal elke stukkie papier sekerlik 'n R 200.00 noot wou wees, en gevolglik sou niks enige waarde hê nie.
Hierdie is myns insiens 'n onoorbrugbare probleem vir die postmoderne sekulêre wereldbeeld. "How to have your cake and eat it".
Hoe om die mens tot 'n chemiese frats te reduseer, maar tog jou menslikheid te behou.

Die sekulêre wereld se beste antwoord is, "Don't worry be happy".

http://www.humanism.org.uk/_uploads/...us-dawkins.jpg

[CFJ]

Gits Morné, mens lees nie elke dag so kragtige stukkie leesstof nie, soveel so dat ek dit weer en weer moet lees, want veral die argument oor die Bybel is werklik iets om saam met jou te neem! Dit laat my dink aan ateïste wat hul lewe lank in stryd met 'n dooie 'god' is en eintlik maar daardeur bewys dat God lewe! Dit help nie mens reduseer die Bybel se gesag om niks tot minder as niks te wees nie en dan is al waarmee jy jouself besig hou die Bybel nie en dat sulke mense selfs doktorsgrade verwerf oor hierdie net nog 'n boek nie. Waarvoor?

Hulle hou hulle dus besig met niks...

Mens moet seker maar besef dat so dwase lewensuitkyk net waar kan wees, as satan jou sinne verblind!

[Die Filadelfieer]

Dit gaan `n toenemend ongemaklike situasie tydens eredienste skep wanneer predikante die geloofsbelydenis resiteer en ingeligte lidmate reeds weet dat Jesus nie die Seun van God was nie, nie uit ‘n maagd gebore is nie, nie ter helle neergedaal het nie, nie uit die dood opgestaan het nie en beslis nie opgevaar na die hemel nie. Hy sal gevolglik ook nie daarvandaan kan terugkeer nie.

Ai tog.
Wat gaan ons maak sonder hierdie ingeligte lidmate ? Wie is hulle en hoekom help hulle nie die dominee reg nie ?

Skrywes soos hierdie gaan gewoonlik gepaard met een of ander komplekse godsbegrip en/of 'n nog meer komplekse geloofsbelydenis, net om te wys dat die persoon darem nie heeltemal godeloos geraak het nie, net om darem nog sy plek in die kerbank te regverdig, en vreeslik beterweterig tydens tee en koek na die diens vir die mense te vertel waar en hoe die dominee in sy preek gefouteer het.

Vir die man sal ek graag wil vra : Wat is die punt ? Jy glo nie in Christus nie, jy glo nie wat in die Bybel staan nie, so hoekom nog daaroor wroeg ? Hoekom nog mense na jou vlak toe aftrek ? Los die theatrics en gaan aan met jou lewe. Skryf 'n stukkie oor hoe jy jou geloof verloor het, pos dit op jou gunsteling webtuiste, en skud jou kop bejammerenswaardig vir die dommies wat nog glo aan 'n maagdelike geboorte, 'n kruisiging en 'n opstanding, en dat Jesus Christus die Seun van God is.
Ons is ok, ek belowe.

[protea]

Ferdi, is dit nou Sakkie van die DVD en CD bedieninge in die bo-kaap??

Nee Ta - An , dis JANNIE Spangenberg wat die bediening van CD's en DVD's het en hy is gou om te verklaar dat hy en Sakkie GLAD nie familie is nie!

[Ta-An]

Nee Ta - An , dis JANNIE Spangenberg wat die bediening van CD's en DVD's het en hy is gou om te verklaar dat hy en Sakkie GLAD nie familie is nie!

Baie dankie.... ek het darm gewonder hoor ;o

[RR van Wyk]

Ek dink dit is 'n goeie ding hierdie. Dit mag dalk nou snaaks klink, maar dit is die rigting waarin die wêreld beweeg. Dit is noodsaaklik en onvermydelik. Dit is waar die kaf van die koring geskei gaan word..

Die aanmerking wat gemaak is dat Jesus nie eens slawerny verwerp het nie, is vir my amuserend!! Waarom sou Hy dit doen??
Slawerny was 'n baie goeie stelsel. Mense het gewerk vir kos, skuiling en sekeruteit. Werk was verskaf aan die armer deel van samelewing wat andersins sou sterf, of gevangene van ander lande deur oorlogvoering, ens, wat andersens doodgemaak sou word. Waarteen Jesus wel was, is 'n eienaar van so slaaf wat onredelik was, of 'n slaaf wat nie sy beste gee nie. Dit is ongelukkig weer die mens wat dit soos gewoonlik bederf het deur mense te misbruik...

Ek twyfel sterk dat 'n wetenskaplike instaat is om te snap. Die rede hoekom ateiste voorkom om meer eties en moreel te wees is omdat geleerde mense meer gaan vir die wetenskaplike verklaring vir alles wat bestaan. 'n geleerde samelewing is toevallig ook meer eties met sterker moraal(maar dit is BLITSVINNIG besig om te verander...)

[CFJ]

Daar is 'n DVD beskikbaar wat die Gideons Internasionaal uitgereik het oor mense wat op 'n baie groot kongres so onlangs soos 2008 getuig het hoe net 'n Gideons Bybel hulle na die Here gelei het. Van Joodse Rabbi's tot harde kriminele, ernstige psigiatriese gevalle, ateïste, ego-vrate, Moslems, Hindoe's, prostitute, dwelmverslaafdes, weggooi kinders en die ander, getuig hoe hulle meesal die klein sak-Bybeltjie net iewers oopgemaak het en hoe in 'n oomblik by meeste van hulle, God lewe in hul dooie lewens gespreek het. Nie een van hulle se lewe was daarna dieselfde nie en elke een het vrede, geluk, heil, geregtigheid en sin gevind by Jesus Christus. Hoe verklaar hierdie ongelowige Bybelverklaarders sulke verhale en meesal buitengewone aangrypende verhale?

God lewe mense, kom ons getuig daarvan!

Op die 30ste Junie tydens ons jaarlikse middeljaar vakansie, vind ek uit dat my eie mense my bankrot steel. Gelukkig was nie een van hulle naby dat ek my swak sou gedra nie (ek was nogal ontsteld), dankie die Here daarvoor dat hulle met 'n week vakansie was. Daardie aand bemoedig die Here my dat ek Hom kan herhinner aan Sy beloftes van geregtigheid, toe ek spontaan by Jesaja 62 eindig. Hy belowe in dieselfde stuk dat Hy nie weer sal toelaat dat iemand by my sal steel nie. Of iemand weer by my sal steel weet ek nie, maar dit was genoeg om my perfekte vrede te gee ongeag die ongelooflike groot bedrae wat net weg is. Dit is wat Hy aan my gesê het...

o Jerusalem, Ek het wagte op jou mure uitgesit wat gedurigdeur die hele dag en die hele nag nie sal swyg nie (die oom en tannie wat die stelery gesien het, het nie geswyg nie en was wagte op my mure). o Julle wat die HERE herinner aan sy beloftes—moenie rus nie en laat Hom nie met rus nie, totdat Hy Jerusalem bevestig en maak tot ‘n lof op aarde! Die HERE het gesweer by sy regterhand en by sy magtige arm: Waarlik, Ek sal jou koring nie meer gee dat jou vyande dit eet nie, en uitlanders sal jou mos nie drink waarvoor jy gewerk het nie. Maar hulle wat dit insamel, sal dit eet en die HERE prys; en hulle wat dit oes, sal dit drink in my heilige voorhowe. (die wat werk en die oes insamel, sal dit eet en ek kon reeds aan al die getroue mense by my 'n goeie verhoging gee, wat net nooit voorheen moontlik was nie)
(Jes 62:6-9)

Ek word een aand so 2uur redelik ontsteld wakker, na die hoeveelste persoon by my kom getuig dat hy ook gesien het dat iets omtrent sekere van my mense ongeruimd moes wees, maar hy het nooit vêrder gedink as bloot wat hy gesien het nie. Sulke getuienisse ontstel mens, veral as jy sien hoe arrogant en blatant 'n dief kan wees. Die hoofrolspeler het so 3 jaar by my gewerk en terwyl ek wakker word met die man in my gedagtes, wys die Here my terselfdertyd dat ek Jesaja 20 moet lees. Ek het gewonder hoekom wys Hy my nie 'n enkele vers, soos Hy al so baiemaal gedoen het nie, maar duidelik het ek verstaan ek moet die hele Jesaja 20 lees en daar staan,

In die jaar toe die tartan na Asdod gekom het, toe Sargon, die koning van Assirië, hom gestuur het, en hy teen Asdod geveg en dit ingeneem het; in dié tyd het die HERE deur die diens van Jesaja, die seun van Amos, gespreek en gesê: Gaan gord die haarmantel van jou heupe af los, en trek jou skoene van jou voete af. Hy het toe so gedoen en naak en kaalvoet geloop. Daarop het die HERE gesê: Soos my kneg Jesaja naak en kaalvoet geloop het, drie jaar lank, as teken en sinnebeeld met betrekking tot Egipte en Kus, so sal die koning van Assirië die gevangenes van Egipte en die ballinge van Kus wegdrywe, jonk en oud, naak en kaalvoet en ontbloot aan die agterdele—’n smaad vir Egipte. (vir 3 jaar het hierdie spesifieke man my naak uitgetrek saam met sy makkers en die bevestiging dat hulle almal Kussiete of dan nou ooreenstemmend naby aan Kussiete is, was net 'n bevestiging dat die Here self geregtigheid bewerk en dit gaan bloot oor wat hulle gedoen het, nie dat ek hulle spesifiek koppel aan Kussiet nie, want dit is maar hoe die Here baie spesifiek dinge bevestig) En hulle sal verslae wees en beskaamd staan vanweë Kus, hulle toeverlaat, en vanweë Egipte, hulle trots (hierdie selfde man staan al reeds beskaamd, na hy een van my getroue werkers gesoebat het vir geld en hy het nou geen heenkome nie). En die inwoners van hierdie kusland sal in dié dag sê: Kyk, só gaan dit met ons toeverlaat waarheen ons gevlug het om hulp, om gered te word van die koning van Assirië—hoe sal óns dan ontvlug?
(Jes 20:1-6)

Dit is vir myself prakties en vele gelowiges getuig presies dieselfde en hierdie dinge gebeur week na week, soms dag na dag en met tye minder, maar dit gebeur net eenvoudig te veel dat dit elke keer as toevallig getipeer kan word. Een wat die Here beleef, kan nie anders as om Sy lewende krag te aanskou nie. Moet mens jouself oortuig dat alles net in jou verbeelding is?

[Die Filadelfieer]

You must spread some Reputation around before giving it to CFJ again.

sê maar net ...........


Ja Ferdi, die ongeregtigheid is wyd versprei in hierdie landjie van ons. n my geweste het daar amper 2500 vierkante kilometer se weiding en plase afgebrand in die laaste 24 ure, bykans alles as gevolg van kwaadwillige brandstigting. As mens nie die Here aan jou sy het in sulke tye nie, dan het jy niks niks nie.

[Ta-An]

Mnr CFJ

Hulle sê die arm van die gereg is lank,,,,, MAAR ek sê vir jou: Die Here se arm is langer.

En mag die Here aan jou terug gee wat hierdie spinkane van jou oes gevreet het