NG Kerk-lidmate beplan plakkaat-veldtog

[Son of the South]

http://www.volksblad.com/Suid-Afrika...ldtog-20111007

NG Kerk-lidmate beplan plakkaat-veldtog
2011-10-07 22:19

• 

Karen Ebersohn

’n “DRAMATIESE” plakkaat-veldtog deur besorgde lidmate van die NG Kerk word beplan vir die duur van die Algemene Sinode se vergadering wat Maandag in Boksburg begin.
Volksblad verneem die veldtog word ondersteun deur die skrywers en medewerkers van die boekDie Trojaanse Perd in die NG Kerk – die kanker van evolusie en liberalisme wat verlede jaar verskyn het. Die veldtog is om sake waaroor in die boek geskryf is, aan die lig te bring, het een van die beswaardes gesê.
Volksblad het verlede jaar berig die boek is deur ’n groep besorgde lidmate en predikante uit die NG Kerk saamgestel.
Dit handel oor “teologiese veranderings in die kerk en die ingrypende implikasies wat dit het op sake soos die gesag en die gebruik van die Bybel, homoseksualiteit, saambly en die huwelik”.
En ja, die boek is dalk omstrede en sal mense skok, het die skrywers gewaarsku.
Drs. Henrietta Klaasing, met ’n doktorsgraad in teologie, en Hennie Mouton, ’n ingenieur van Pretoria, is die samestellers en medeskrywers.
Mouton het destyds gesê die boek is om NG lidmate te kry om na Bybelse waarhede terug te keer.
“Daar word gekyk na hoe die ommekeer in Skrifbeskouing ook nie Skrifkritiek en Skrifgebruik onaangetas gelaat het nie. Dit het tot gevolg dat Bybelwaarhede soos die opstanding van Christus, Sy maagdelike geboorte, Sy Godheid en selfs Sy plaasvervangende sterwe verloën word.”
Die plakkate vir die veldtog gaan môre reeds aangebring word en gaan in die strate langs die Sinode se kampterrein opgeplak word. Daar gaan plakkate by die ingang en hek wees, is aanVolksblad gesê.
Mouton het gister bevestig die veldtog gaan plaasvind, maar wou nie meer inligting verskaf nie.
Prof. Piet Strauss, uittredende moderator van die NG Kerk, sê om ’n veldtog of betoging te hou is nie die kerk se manier om probleme op te los nie.
“In die kerk hou ons vergaderings en tree in gesprek met mekaar.”
Strauss sê met so veldtog skep die beswaarde lidmate net meer afstand tussen hulle en die Sinode omdat hulle nie deel van die agenda van die Sinode is nie.)Die ander skrywers van die boek is ds. Gideon Aggenbag, ’n emeritus-predikant, mnr. Daniel Louw, ’n ingenieur, ds. Jan Louw, NG predikant op Secunda, dr. Koos Visser, ’n mediese spesialis, en ds. Hanan Viljoen, emeritus-predikant.
Die Sinode duur tot Donderdag.
- Volksblad

[Ta-An]

SoS
Bring die boek waarhede oor die kerk aan die lig... is dit wat die berig sê?

[Die Filadelfieer]

Dalk is dit nodig dat iemand weer iets aan die kerkdeure gaan vasspyker ?

[Son of the South]

SoS
Bring die boek waarhede oor die kerk aan die lig... is dit wat die berig sê?

Ek het self al die boek onder oë gehad. Mens kan maar die 'NG' op die voorblad doodtrek en maar net praat van die Trojaanse Perd in die kerk. Enige kerkganger kan maar oplet na die gevaarligte wat flikker in die kerk, want die kerk is diep in die moeilikheid. Ja Fila, dit is soos jy sê nodig dat iemand weer iets aan die kerkdeure gaan vasspyker: Bekeer julle, of dra die gevolge.

[Johnny]

Die tema van Pastoor Roelof se boodskap gisteroggend was as volg:

"Afgod met die naam jesus"

Dit was 'n baie ernstige boodskap.

2 Korinthiers 11:4 "Want as iemand kom en ‘n ander Jesus verkondig as wat ons verkondig het, of as julle ‘n ander gees ontvang as wat julle ontvang het, of ‘n ander evangelie as wat julle aangeneem het, laat julle jul dit goed geval."

1.) 'n jesus voor wie jy nie die knie hoef te buig nie.
2.) 'n jesus wat vir jou en jou lewens standaard moet buig.
3.) 'n jesus wat goedkoop is.
4.) 'n jesus wat jou nie kan red nie.

Die jesus wat in die kerk vandag is is nie meer die Jesus van die Bybele nie.

[Ta-An]

SoS is die boek by CUM beskikbaar?

[Die Filadelfieer]

SoS is die boek by CUM beskikbaar?

Jy kan hom hier bestel :

http://www.glodiebybel.co.za/index.p...e-ng-kerk.html

[Son of the South]

Jy kan hom hier bestel :

http://www.glodiebybel.co.za/index.p...e-ng-kerk.html

Dankie vir die skakel, Fila. Verder af op daardie bladsy word kortliks inligting gegee oor die strekking van die boek.

[Ta-An]

Daar is so baie lees-stof ek weet nie of ek ooit sal opvang nie, en ek moet op 'n leer klim om alles te verstaan,,, al is dit in maklike Afrikaans geskrywe,,,,

[Ta-An]

Jy kan hom hier bestel :

http://www.glodiebybel.co.za/index.p...e-ng-kerk.html

Dankie Fila!!! Nou net iemand kry om vir my te lees en die verkorte weergawe te gee....
Ek het 'n Bibliotekaresse as vriendin

[CFJ]

Die ander skrywers van die boek is ds. Gideon Aggenbag, ’n emeritus-predikant,

Hy was hier in 2007/2008 'n redelike aktiewe deelnemer op Lighuis. Hierdie Trojaanse perdjie in die NGK is eintlik soos jy tereg sê SoS, in die hele Kerk besig om lekker rond te galop...

[Die Filadelfieer]

Hy was hier in 2007/2008 'n redelike aktiewe deelnemer op Lighuis. Hierdie Trojaanse perdjie in die NGK is eintlik soos jy tereg sê SoS, in die hele Kerk besig om lekker rond te galop...

Wat vertel jy my nou ? Ek het m.a.w. land en sand met dominee Gideon gesels destyds, en nooit besef wie hy eintlik is nie..... my maggies !

[CFJ]

Wat vertel jy my nou ? Ek het m.a.w. land en sand met dominee Gideon gesels destyds, en nooit besef wie hy eintlik is nie..... my maggies !

Ek het al 'n keer of twee gewonder of mens hom nie moet vra om weer so prekie of twee hier te kom afsteek nie, want ek het so half en half 'n idee hoekom hy nie meer deelneem nie en daardie 'hoekom' is nie meer van toepassing nie...

[Ta-An]

Kan iemand in snelskrif Afrikaans vir my verduidelik of dit wat besig is om te gebeur, die wegval voor die einde uitbeeld, en of ons almelewe verkeerd geleer was

[Son of the South]

Kan iemand in snelskrif Afrikaans vir my verduidelik of dit wat besig is om te gebeur, die wegval voor die einde uitbeeld, en of ons almelewe verkeerd geleer was

Die ou vyand is al lankal besig om die gesag van die Bybel te ondermyn, maar dit is tog asof dit in 'n kort tydjie nou baie erg geword het. As mens nie meer die Bybel as God se Woord beskou nie, kan jy net sowel enige iets glo en dit is presies wat besig is om oraloor in die kerk sigbaar te word.