Evolusieleuens in SA-skoolhandboeke

[CFJ]

Hier is 'n artikel (Evolusieleuens in SA-skoolhandboeke) wat mens gerus met erns kan lees en 'n baie belangrike punt om sogenaamd eenheid te bewerk, is om die wetenskap te gebruik hiervoor en baie spesifiek evolusie. Lees gerus hierdie artikel as jy as ouer werklik die waarheid belangrik ag. Hier is so kort uittreksel...

Omdat mense godsdienstig van mekaar verskil, kan hulle nie deur godsdiens saamgesnoer word nie. Die weg na eenheid van ons land se inwoners loop dus deur ‘n terrein waarop, misleidend, geag word almal eendersdenkend is, naamlik die wetenskap. Laasgenoemde word deur die onderwysowerhede geag waardevry en neutraal te wees, maar wat ‘n ernstige mistasting. Godsdiens word gesien as op gevoel te berus en wetenskap op feite en rasionaliteit wat kwansuis dan ook eenders vir alle mense sou wees - nog ‘n verdere stuk misleiding. Die wetenskap kan dus almal saamsnoer ongeag godsdienstige verskille, en hierdie “wetenskap” berus op die evolusieteorie.

[Son of the South]

Uitstekende verwysing, dankie CFJ! Ek is juis met iemand in gesprek en kon die persoon na die artikel verwys vir die regte inligting.

[CFJ]

Uitstekende verwysing, dankie CFJ! Ek is juis met iemand in gesprek en kon die persoon na die artikel verwys vir die regte inligting.

SoS,

Wat my werklik bekommer, is hoe naïef mense is oor die gevaar wat wetenskap as lig vir ons pad en lamp vir ons voet inhou. As mens die lys van veronderstellings en teorieë maar net kon noem wat reeds gefaal het, sal mense werklik 2 keer dink voor hulle bank op die wetenskap. Wat bedoel Jesus as Hy sê dat Hy ons Sy vrede gee, nie die vrede wat die wêreld gee nie? Wat mense nie besef nie, is dat die wetenskap eintlik maar net die mens se beperkte vermoë om dit wat hulle KAN uitvind, soos God dit toelaat, omskryf. Daar was al absolute dinge beweer in die verlede oor sogenaamde uitvindings, net om 10 jaar later as onvoldoende bewys te word. So 10 jaar aan dan word die teendeel weer bewys en so karring die wetenskap aan. Die kosse wat ons eet wat sleg is vir jou, word later uitgevind dit is eintlik goed vir jou, net om weer later as sleg bewys te word. Neem byvoorbeeld botter en margerien as voorbeeld. Die tegnologie of wetenskap het baie dinge kom kompliseer, soos die kwessie rondtom uitlaatgasse van motors, ou bande en vele ander dinge in hierdie bedryf, waar vooruitgang eindig by nuwe probleme, nuwe uitdagings en skade wat nie omgedraai kan word nie of moeilik opgelos kan word. Die aanvanklike vooruitgang bring kopsere en probleme wat later ervaar word as negatief en selfs verdoemend en die kringloop verdiep net en word jaar na jaar erger soos ons aanbeweeg! Mens kan maar net glimlag as nietige mensies hulle so kan aanmatig met die bietjie geleerdheid wat Universiteite regtig bied...

As daar DOKTOR voor iemand se naam staan is dit groter as God, groter as die waarheid..., hoe absurd! As die doktors van die wêreld net hulself kan posisioneer in God se groter plan, sal respek ook meer hul deel raak. Mens kyk byvoorbeeld na 'n ateïs, Piet Croucamp, wat 'n doktor in politieke wetenskappe is en wat hy nie alles sonder agtenswaardigheid kwyt raak nie... (as iets 'n 'wetenskap' is het dit gesag om te manipuleer en te beïndruk en mens wonder maar oor die wetenskaplike verantwoordbaarheid agter baie van hierdie fakulteite op Tersiêre instellings). Paulus het die wat se woord soos kanker voortwoed by die naam genoem, ons moet ook!

[Die Filadelfieer]

Baie goeie skakel, dankie !