Gebede vir 'n vriend...

[CFJ]

'n Vriend van my hier in Oudtshoorn, se enigste seun het homself vanoggend gehang en op so wyse selfmoord gepleeg. Ek gaan maar nie name noem nie en wil net vra dat julle vir hierdie seun se ouers en suster en ander naasbestaandes sal bid, want daar is seker nie 'n groter skok as dit nie (bid vir Ferdi se vriend, want die Here weet wie dit is). Baie keer voel ander en veral ouers skuldig as so-iets gebeur en presies wat al die detail is weet niemand seker nie, maar gebede vir sulkes is al wat die detail gaan opklaar...

[Johnny]

Ek dink om dit te verstaan, of selfs te probeer verstaan moet 'n mens weet met wat daai persoon geworstel het in sy lewe. Dit moet so erg wees dat daar vir hom geen ander uitkoms was nie, en tog as iemand dalk net Jesus met hom gedeel het kon dit soveel anders gewees het.

God ken ook sy hart en weet wat sy wroeging was, en Hy is die een wat gebroke harte kan heel maak, en vir die wat agter bly glo ek sal daar 'n dieper boodskap in wees, want God verander alle slegte dinge in goeie dinge. Ons kan net bid vir genade, troos en leiding vir hierdie gesin, en dat God Homself ook deur hierdie gebeurtenis sal openbaar.

[Ta-An]

Hoe kan 'n ouer dit oorleef

[CFJ]

Hoe kan 'n ouer dit oorleef

Toe ek dit vanoggend hoor Anneke, het ek presies dieselfde gesit en dink en het spontaan net hierdie draad oopgemaak..., want ek het nog nie eers die moed gehad om hulle te skakel nie. Ek dink mense gaan hulle vandag oorval en dit sal beter wees as mens dit later doen, as alles so effens rustiger geword het.

[Son of the South]

Hoe kan 'n ouer dit oorleef

Ai toggie, toggie, tog. Met die afstaan van 'n kind aan die dood is dit reeds erg. Met iets soos die is daar boonop nog soveel vrae om mee te worstel. Sterkte vir hulle en mag hulle vrede vind.

[protea]

Vader, ons plaas 'Ferdie se vriend' en sy familie in U liefdevolle arms. U ken hulle smart wat woorde nie kan beskryf nie omdat U self n Seun aan die dood afgestaan het. Omvou hulle met U vertroostende liefde en gee hulle krag om weer sin in die lewe te ervaar. In Jesus se Naam, AMEN