Efësiers 4:5

[Ta-An]

Efesiërs 4:5 een Here, een geloof een doop,

Wat beteken die woordjie 'een' ??

Beteken 'een', die numeriese nommer een?
Beteken 'een', die konsep van eenheid?

Ek sal graag hoor wat julle sê voor die 'n 'doop draad' word

Oops ek sien nou dit dalk kan kruis met David se doop draad ...maar eers wil ek net weet wat is "een"

[Mari van der LInde]

Kyk ook na 1 Korinthiers 12: 1 - 31 - Dieselfde beginsel net verder verduidelik.
Ons is van een liggaam... alle gelowiges in God (gered deur Christus).
Verskillende kerke (gemeentes)... verskillende bevolkings groepe, maar steeds een liggaam..

Dws eenheid in geloof, maar verskeidenheid in funksie... elk van ons het 'n funksie, elke kerk het 'n funksie, soos die arm en been verskillende funksies het. Tog bid ons tot een God - een Vader, een Seun (Jesus), en een Heilige Gees.
Elke kerk of gemeente het nie 'n ander God waartoe hy bid nie.

In Efes 4:5 word ook nie verwys na die doop, as die water doop nie, maar die doop van die Heilige Gees. Die eenheids gedagte word hier herhaal soos wat dit begin is in 1 Kor 12.. soos bo verduidelik. .

[David2]

Dit gaan oor eenheid. Maar let op: eenheid is nie 2 nie. Eenheid is een. Ons maak te maklik verskoning vir die verdeeldheid in die kerk op aarde en noem dit mooi naampies soos "verskeidenheid" of wat ookal. Goed en wel. kerke kan verskillende "kulture" hê wat saamgaan met kulturele verskille tussen nasies en in die opsig is verskeidenheid moontlik. Maar die eenheid van Ef.4 gaan oor een boodskap, een Christus, een geloof en een doop. Hierdie goed kan nie twee of drie of tien wees en dan nog steeds "een" wees nie.