Nuwe lede, stel jouself voor

**CFJ** · Sep 12th 2007, 07:27 AM

Originally Posted by oppiweb

Wel sedert ek by die forum angesluit het is dit seker al die vierde of vyfde keer wat ek hier kom draai maak om myself voor te stel.

Ek weet net eenvoudig nie wat om van myself te se nie...ek sou eerder soos Paulus wou kon se dat ek van dag tot dag sterwe sodat Christus in my kan lewe want eintlik is ek minder as niemand nie, maar Hy wat in my woon, Hom van Wie ek getuig, Hy wat my bekwaam gemaak het om hier te mag deelneem....mag dit so wees dat julle Hom in my sal sien. Ongelukkig sterf ek nie heeltemal soos Paulus nie en dan sal julle dalkies die onaagename ware ek ook sien.

Maar, om myself op te som, ek spel vreeslik sleg, is nie goed met tale en woorde nie, ek HAAT godsdienstigheid of godsdiens...die Here wat alles gemaak het en in stand hou deur die Woord van Sy krag het geen mens se dienste nodig nie....daarom het Hy hulle heel laaste gemaak en die vrou is selfs na die mens Adam gemaak sodat daar geen misvestand kan wees nie.

Terwyl ons nou in die Genesis omgewing van die skrif is, ons mense is ook nie beeld draers van God nie...Adam was dit op die dag toe God hom gemaak het....maar na sy wedergeboorte uit die lewe in die dood in, duidelik nie meer na die beeld van God geskape nie. ( Gen. 5:1 en 3 ) So, moet dus nie die beeld van God in my soek nie of my verwyt omdat ek nie meer soos Hy lyk nie.....Hy is sedert my wedergeboorte op 16/12/1984 besig om my te her-skep terug na Sy ewebeeld toe....en Sy tyd is Sy tyd.

Vrede vir julle almal, nie vrede soos die wereld se vrede wens ek julle toe nie, want hier sal daar nooit weer vrede wees nie, want daar was sedert Genesis 3:6 nog nooit....Sy vrede wens ek julle toe en mag Sy vrede in julle harte heers en so bewerkstellig dat julle almal binne Sy volmaakte wil sal wandel! Amen!

Welkom hier Dirk! Jammer dat ek nou eers reageer, maar as mens reeds iemand ontmoet het op 'n ander plek dan vergeet mens soms jou goeie maniere

Moenie bekommerd wees oor die spelling nie, dit kom later self reg, veral as jy soos ek gelukkig is om 'n gratis "spelchecker" van die internet te kan aflaai. Dit werk nogal vir my, mens hoop maar net hulle spel reg.

**CFJ** · Sep 12th 2007, 07:36 AM

Originally Posted by Gene

Hi almal

Ek is sedert 4 Junie 1994 'n wedergebore kind van die Here met 'n duidelike roeping en 'n passie om siele vir God se Koninkryk te wen. (Terloops, ek glo dat ELKE christen daardie roeping het en dat dit die grootste enkele rede is waarom ons op aarde leef.)

Ek woon al 27 jaar in Lichtenburg, in die ou Wes-Transvaal, gelukkig getroud met een kind. Ek glo dat kontak met boeties en sussies in die Here noodsaaklik is vir enige kind van die Here om staande te bly, en om geestelik te groei. Dis die hoofrede waarom ek by hierdie forum, waarvan ek onlangs eers gehoor het, aangesluit het.

EK het grootgeword in die era voor rekenaars, en dus is die elektroniese media vir my nog 'n redelik onbekende veld. Ek is nog lekker dom, maar ek leer elke dag, en is baie opgewonde oor die moontlikhede wat lidmaatskap aan hierdie forum inhou. Ek sien baie uit daarna om julle hier te ontmoet en saam te gesels oor dinge wat saak maak.

Groetnis!

Hallo Gene! Welkom hier en vra maar as daar iets oor die sagteware is. Ek is self ook maar dom met dit, maar het maar so met die tyd 'n ding of twee geleer wat my nou so effe "slimmer" laat voel.

Ek glo en vertrou dat ons die regte omgewing het om mekaar te kan bou in ons enigste hoop, Jesus.

***Phil Fourie*** · Sep 12th 2007, 07:51 AM

Originally Posted by Gene

Hi almal

Ek is sedert 4 Junie 1994 'n wedergebore kind van die Here met 'n duidelike roeping en 'n passie om siele vir God se Koninkryk te wen. (Terloops, ek glo dat ELKE christen daardie roeping het en dat dit die grootste enkele rede is waarom ons op aarde leef.)

Ek woon al 27 jaar in Lichtenburg, in die ou Wes-Transvaal, gelukkig getroud met een kind. Ek glo dat kontak met boeties en sussies in die Here noodsaaklik is vir enige kind van die Here om staande te bly, en om geestelik te groei. Dis die hoofrede waarom ek by hierdie forum, waarvan ek onlangs eers gehoor het, aangesluit het.

EK het grootgeword in die era voor rekenaars, en dus is die elektroniese media vir my nog 'n redelik onbekende veld. Ek is nog lekker dom, maar ek leer elke dag, en is baie opgewonde oor die moontlikhede wat lidmaatskap aan hierdie forum inhou. Ek sien baie uit daarna om julle hier te ontmoet en saam te gesels oor dinge wat saak maak.

Groetnis!

Hi Gene

Baie welkom en ek hoop jy kry sommer baie seën uit hierdie forum. Ek sien uit daarna om met jou hier te gesels en saam met jou deel te hê aan die gemeenskap van die gelowiges.

Groete en baie seën
Phil

**Gideon88** · Sep 12th 2007, 10:14 PM

Hallo almal,

Nuut hier - ook uitgenooi deur Ferdi.
Ek is Gideon Aggenbag, gebore en getoë Namakwalander. Emeritus, 74, springlewendig en gesond,

op kontrakpos wat eindig op 30/4/08. Bedien ook die plaaslike Afrikaanse VGK.

Op 40 tot bekering gekom (alleen in my huis - wys net hoe werk God se Gees!). Op 42 Matie geword, en op 49 predikant.
Goue bruilof gehad in Mei 2007,

maar nie een van ons wil bles raak nie!

Woon nou op Pearston, Oos-Kaap. Klein dorpie - naaste bank, apteek, dokter & hospitaal is 50 km. vêr. Hoofsaaklik boeregemeenskap.

My passie vir die Evangelie nog steeds soos altyd.

Probleme is daar wel, maar God besluit mos wanneer Hy die saad wat gesaai word, gaan laat groei.

Baie lief vir sang en musiek, humor en vernuwing maar ai, die tradisionele groewe is maar moeilik om te oorwin. Maar nouja, hulle sê mos aanhouer wen.

My gunsteling instrumente is kitaar, klavier, orrel, klarinet, Hawaïese kitaar en saksofoon. Ek besit nie 'n klavier nie (daarvoor gaan ek meer as net Sondae kerk-toe!) en kan geen noot lees nie.

Ek het ook 'n passie vir bejaardesorg, en bedien 'n buurgemeente se huis vir bejaardes, ook trauma en verjaarsdae van lidmate oor 70. Ek probeer Jesus teenwoordig maak in my omgang met almal.

Baie dankie, Ferdi, vir die bekendstelling. Dit is nogal 'n sprong vanaf KK. Ek kan sien dis goeie, opbouende geselskap, en baie om te leer. Ek sal baie aande nie hier kan kom kuier nie, maar dit sal wees so dikwels as wat ek kan. Daar is nogal heelwat verpligtings.

Hoop ek was nie té lang-asem nie!

Groetnis.

***Phil Fourie*** · Sep 13th 2007, 05:54 AM

Mag ek sê hallo oom Gideon, want daar is so 50 jaar verskil tussen ons

.

Baie welkom en ek hoop ons kan mekaar hier ook versterk in die geloof en getuig van hoe groot God is en oor hoe goed Hy vir ons is.

Weereens baie welkom en ek sien uit na lekker gesprek met "oom". Jammer, dit is maar 'n respek ding

.

Groete
Phil

**CFJ** · Sep 13th 2007, 06:28 AM

Môre Gideon! Ek is bly jy het ons gekry, na jy eers 'n draai daar op die Engelse forum moes maak.

Iets wat net interessant is, is hoe jy tot bekering gekom het en dat my eie bekering ook alleen in my kamer was.

**oppiweb** · Sep 13th 2007, 07:01 PM

Originally Posted by Gene

Hi almal

Ek is sedert 4 Junie 1994 'n wedergebore kind van die Here met 'n duidelike roeping en 'n passie om siele vir God se Koninkryk te wen. (Terloops, ek glo dat ELKE christen daardie roeping het en dat dit die grootste enkele rede is waarom ons op aarde leef.)

Ek woon al 27 jaar in Lichtenburg, in die ou Wes-Transvaal, gelukkig getroud met een kind. Ek glo dat kontak met boeties en sussies in die Here noodsaaklik is vir enige kind van die Here om staande te bly, en om geestelik te groei. Dis die hoofrede waarom ek by hierdie forum, waarvan ek onlangs eers gehoor het, aangesluit het.

EK het grootgeword in die era voor rekenaars, en dus is die elektroniese media vir my nog 'n redelik onbekende veld. Ek is nog lekker dom, maar ek leer elke dag, en is baie opgewonde oor die moontlikhede wat lidmaatskap aan hierdie forum inhou. Ek sien baie uit daarna om julle hier te ontmoet en saam te gesels oor dinge wat saak maak.

Groetnis!

Baie welkom....ek kan hoor jy is 'n kind van die Here want ek hoor die nuwe lied!

**Gideon88** · Sep 13th 2007, 10:21 PM

Dankie vir die warm ontvangs, ouens. Waardeer dit. En Phil, ek verstaan die "oom", Het nie eintlik daarmee fout nie, al voel ek nognie so nie!

Ferdi, ek het 'n gediggie (my eie), maar ek kan nie die draad kry wat jy oopgemaak en ek gelees het toe ek die eerste maal hier kom rondkyk het nie. Kan jy my reghelp, asseblief?

Sal later begin deelneem aan die gesprekke - bly vir eers toegegooi - moet nou gaan slaap. Lyk na baie interessante drade. Het self ook 'n vraag of twee.

Groetnis en seën.

Gideon.

**CFJ** · Sep 14th 2007, 06:37 AM

Gideon,

Hier is die draad waarvan jy praat. Ek hoop dit is die regte draad, dit handel oor 'n getuienis met jou eie gedigte.

**Fanie van Emmenes** · Nov 5th 2007, 10:51 AM

Ek is so bly dat daar ander van my ouderdom is soos Gideon. Ek het uit die aard van my gebrek aan kennis van die nuwe tegnologie effens gesukkel om hier uit te kom. Ek is 67jaar oud, afgetree en woon op Stellenbosch. Ek het die Here Jesus in 1972 ontmoet as my Saligmaker en is nou nog so vurig vir die Evangelie boodskap van God se reddende ganade in Christus Jesus soos 35jaar gelede. Ek het so effens in die teologie "geswot" en is nou steeds besig met 'n studie vir 'n M-graad oor God en lyding. Ek sie baie daarna uit om van julle almal te leer en saam te groei tot die volle gestalte van Christus.

Fanie

***Phil Fourie*** · Nov 5th 2007, 11:09 AM

Aggenee, nog iemand vir wie ek moet oom sê

Baie welkom (oom) Fanie, baie bly om jou hier te hê en ek hoop en glo ons sal lekker saam in die dieptes van God se Woord kan delf.

Sien uit daarna om te gesels op die forums.

Groete en baie seën
Phil

**CFJ** · Nov 5th 2007, 11:19 AM

Baie welkom hier by ons Fanie. Ons beoog 'n hele paar dinge om in die veld vir die Here te werk en sal nog later die dinge deel met almal wat sou belangstel. Mens hoop en vertrou dat ons mekaar kan bemoedig en mekaar kan bou in ons enigste hoeksteen, Jesus Christus.

**MrT** · Nov 5th 2007, 07:13 PM

Hallo

Ek is Nardus Tredoux en het hierdie hele ding verkeerd om gedoen aangesien ek my voorstelling op die hoof bord gedoen het, nogal in Afrikaans!

Wel ek word die 22ste van die maand 45. Ek is geskei van my eerste vrou en het 'n sestienjarige seun (Jacques) wat ons bly. Ek is in April van die jaar weer getroud met n pragtige vroutjie (Doris) wat twaalf jaar jonger as ek is.

Ek het op 22 Januarie 2002 opnuut die Here gevind nadat ek vir 'n lang ruk afwesig was. Sedertdien was ek maar een van daai lou warm Christene maar in 2007 het ek rerig baie geestelik gegroei en uiteindelik die juk van konserwatisme afgeskud! Prys die Here!

Ek is n rekenmeester en praktiseer in Randburg. Natuurlik die oorsprong van konserwatief wees.

My belangstellings is die internet, sport, motorfietse en fotografie. Gelukkig deel ek en Doris al die belangstellinge behalwe die internet wat sy vervelig vind. Sy verkies om 'n Saterdag die rugby te kyk as om saam met haar vriendinne te shop! What a bargain!

Ons deel ook ons passie vir die Here en snaaks genoeg ons is op dieselfde dag gebore, ek in 1962 en sy in 1974. Ons aanbid tans by die NG Gemeente Wilgespruit wat rerig 'n great gemeente is. Glad nie 'n tradisionele NG gemeente nie. Ons voel tuis daar. Ons behoort ook aan 'n "home cell" wat 11 lede het en een maal 'n week byeen kom.

My persoonlike passie is die sendelinge en is deel van twee ondersteun spanne, een ondersteun 'n vrou in Afghanistan en die ander n gesin in Kenya. Hierdie mense se geloof is vir my absoluut 'n aansporing.

Nou is my vraag, hoe verander ek my usernaam nadat ek oorhaastig was tydens registrasie?

***Phil Fourie*** · Nov 6th 2007, 06:43 AM

Hi Nardus

Baie bly jy is hier, ek het jou ook op jou boo-boo op die Ingelse forum gegroet

.

Wat wil jy hê moet jou username wees, dan kyk ek of ek gou vir jou hom kan verander of laat verander. Ek is seker dit behoort geen probleem te wees nie.

Groetnis
Phil