PDA

View Full Version : Fetjies en kabouters



Gene
Oct 8th 2007, 08:13 AM
Ek wil graag iets vra wat my nogal pla die afgelope tyd, miskien het iemand meer inligting hieroor.

Ek is nogal iemand wat voel dat 'n mens nie "die duiwel agter elke bos" moet gaan soek nie, want as jy 'n kind van die Here is, en in regtig 'n verhouding met Hom staan, is daar nie veel wat verkeerd kan gaan nie. Maar 'n mens moet ook nie jou o sluit vir alles nie.

Ek het onlangs op 'n DVD die alleraakligste goed gehoor oor beeldjies van fetjies en kabouters, dat dit duiwels is en dat 'n mens nie sulke goed in jou huis mag h nie. Eers het ek my nie werklik daaraan gesteur nie, maar dis asof die onderwerp elke dan en wan opduik. (Die Here praat mos maar soms so met 'n mens) Sien, my vrou versamel beeldjies van fetjies en kabouters al vir baie jare en sy het 'n pragtige versameling, waarop sy nie bietjie trots is nie!

Is daar dalk iemand wat eerstehandse inligting hieroor het? Is daar werklik iets verkeerd daarmee? Indien wel, sal ek graag meer detail wil h.

Groetnis!

Eugene

Phil Fourie
Oct 8th 2007, 08:37 AM
Eugene

Dit is nou 'n moeilike situasie.

Eerstens, jy weet nie waarvandaan daardie beeldjies kom en wat die doel is waarvoor dit gemaak is nie.

Kom ek praat sommer so oor iets wat nie heeltemal feetjies en sulke dinge is nie. Hier gaan ek dit nou sekere hoor van party mense, but here goes.

Afrika maskers byvoorbeeld.

Baie van daardie maskers is gemaak met net 1 doel. Voorvadergeeste. Hierdie goed word gemaak en dan in baie gevalle "gesen" deur 'n Sangoma. Daar word magte en kragte aan hierdie maskers gekoppel wat jy beslus nie in jou huis wil h nie, hierdie maskers is deel van 'n kultuur wat vieslik beinvloed word deur hulle gelowe en veral die geloof in voorvadergeeste wat niks anders as demone is nie, dus as jy so 'n "gesende" ding in jou huis toelaat, maak jy 'n deur oop in jou huis vir demoniese aktiwiteite. Probleem is weer in die geval, jy weet nie waar daardie ding vandaan kom nie en die beste is om dan maar eerder geen van hierdie maskers in jou huis in te bring nie.

Ek was al na mense se huise waar hulle my gevra het wat ek van sekere beeldjies en goed dink, ek vra dan vir die Here dat Hy my o sal open en as dit sleg is, s ek hulle moet dit maar eerder verwyder. Dit is nie my huis nie, ek het geen reg om daardie goed te verwyder nie, slegs die persoon wie se huis dit is het die reg om dit te doen. Ek kan vir julle dalk ander dag 'n storie vertel van 'n laaitie wat my hulp gevra het met van hierdie kaarte waarmee hulle so speel.

Nou ek weet nie of jy dit van toepassing wil maak op die feetjies en goed nie, hier sal jy voorwaar die Here moet vra om dit vir jou uit te wys. Ek persoonlik sal nie sulke goed in my huis aanhou nie.

Moeilik ek weet, veral oordat dit jou vrou se versameling is.

Jammer ek is so reguit hieroor.

Groete
Phil

Gene
Oct 8th 2007, 09:00 AM
Phil

Ja, ek weet waarvan jy praat. Maar weet jy, ek het nog altyd gevoel dat as 'n mens regtig 'n sterk verhouding met die Here het, en jy sulke goed (selfs Afrika maskers) vir die regte redes aanhou, kan daardie kragte en magte niks beteken nie. Ons God is tog sterker as enige afgod! Paulus skryf in 1 Korintirs 8:4 oor die eet van vleis wat aan afgode geoffer is : Wat nou betref die eet van vleis wat aan n afgod geoffer is: ons weet dat daar geen afgod in die hele wreld is wat iets beteken nie, en dat daar ook geen God is nie, behalwe Een. 5En al is daar ook sogenaamde gode, of dit in die hemel en of dit op die aarde is, soos daar trouens baie is wat "God" en baie wat "Here" genoem word, 6is daar nogtans vir ons net een God: die Vader, uit wie alles is en vir wie ons lewe; en net een Here: Jesus Christus, deur wie alles bestaan en deur wie ons lewe..... Kan 'n mens dit nie ook hier van toepassing maak nie?

Nogtans sal ek nie graag iets wil aanhou terwyl ek weet dat daar sulke goed aan gekoppel is nie. Maar 'n mens kan ook nie van al jou besittings ontslae raak net omdat daar 'n moontlikheid bestaan nie. Ek het al gehoor dat sataniste dikwels juweliersware op 'n manier "vevloek" of dat daar onder die lagie goud of silwer iets geskryf word wat nie met die blote oog waarneembaar is nie. Beteken dit nou dat 'n christen van ALLE juwele ontslae moet raak net vir ingeval een van jou juwele dalk in daardie kategorie val?

Hoor jy wat ek s? Dis waarom ek ges het ek voel 'n mens moenie die baba saam met die badwater uitgooi en dinge soek waar dit nie is nie. Maar ek sal graag wil weet waar die besware oor feetjies en kabouters spesifiek vandaan kom, want dan kan 'n mens 'n ingeligte besluit neem.

Phil Fourie
Oct 8th 2007, 09:26 AM
Eugene

Dit is hoekom ek s dit reg sal wees om jou vraag na God te neem en vir Hom vra om vir jou enige slegte dinge hieromtrent te openbaar, as Hy wel vir nou slegte goed in die feetjies openbaar, dan moet jy besluit hoe jy daarmee te werk gaan. Onthou ook net hierdie vers:

mense wat al ken hulle die verordening van God goed, dat die wat sulke dinge doen, die dood verdien di dinge nie alleen self doen nie, maar ook hulle goedkeuring skenk aan die wat dit doen.
Rom 1:32

My vraag is nou net of mens nie deur jou blind te hou teen dit wat God jou openbaar het (in die geval die praktyke wat saam met die beelde gaan), jou goedkeuring verleen aan diegene wat duistere praktyke aan hierdie beelde gekoppel het nie.

Ook rakende jou voorbeeld van die afgodsoffers. Ander gode bestaan nie, dus praat Paulus hier van die vleis eet wat daarvoor bestem was, dit was dus bestem vir niks nie, maar nou moet ons onsself ook vra of hierdie beeldjies wel 'n "niks" aan dit gekoppel het en of dit nie juis oorspronklik gemaak is met die doel om bindings van die Satan daarop te plaas nie.

Maar na dit als ges wil ek weer noem dat ek oortuig is dat dit 'n saak is wat jy voor God moet bring en Sy leiding in die verband vra.

Groete
Phil

Gene
Oct 8th 2007, 09:36 AM
Eugene

Maar na dit als ges wil ek weer noem dat ek oortuig is dat dit 'n saak is wat jy voor God moet bring en Sy leiding in die verband vra.

Phil

Dankie vir jou terugvoer, aan die einde van die dag is dit tog maar waar 'n mens antwoorde kry. Maar weet jy, as ek mooi dink daaroor, dan het ek al reeds 'n antwoord gekry (dalk wou ek dit nie raaksien nie). Die blote feit dat ek nie vrede hireoor kan kry nie, spreek boekdele. Ek glo 'n mens moet wegbly van grys gebiede en as daar twyfel is, los dit uit!

Sen

Eugene

Phil Fourie
Oct 8th 2007, 09:38 AM
En nou moet jy dit net so ook gaan noem aan vroulief:rofl:

Sjoe, dit gaan seker nie 'n maklike enetjie wees nie:rolleyes:

Gene
Oct 8th 2007, 09:45 AM
Weet jy, ek is nogal bevoorreg. Sy is nie net my vrou nie - ook my "sussie in Christus" Ons dink baie eenders. En om die waarheid te s, dit was sy wat voorgestel het dat ek die onderwerp hier aanroer.

CFJ
Oct 8th 2007, 09:49 AM
Ek wil graag iets vra wat my nogal pla die afgelope tyd, miskien het iemand meer inligting hieroor.

Ek is nogal iemand wat voel dat 'n mens nie "die duiwel agter elke bos" moet gaan soek nie, want as jy 'n kind van die Here is, en in regtig 'n verhouding met Hom staan, is daar nie veel wat verkeerd kan gaan nie. Maar 'n mens moet ook nie jou o sluit vir alles nie.

Ek het onlangs op 'n DVD die alleraakligste goed gehoor oor beeldjies van fetjies en kabouters, dat dit duiwels is en dat 'n mens nie sulke goed in jou huis mag h nie. Eers het ek my nie werklik daaraan gesteur nie, maar dis asof die onderwerp elke dan en wan opduik. (Die Here praat mos maar soms so met 'n mens) Sien, my vrou versamel beeldjies van fetjies en kabouters al vir baie jare en sy het 'n pragtige versameling, waarop sy nie bietjie trots is nie!

Is daar dalk iemand wat eerstehandse inligting hieroor het? Is daar werklik iets verkeerd daarmee? Indien wel, sal ek graag meer detail wil h.

Groetnis!

Eugene

Gene,

Dit is soos Kersvader, dit kan inderwaarheid nie direk mens se saligheid affekteer nie, maar miskien is dit in dinge soos hierdie, waar een van die moeilikste beginsels in die Christendom relevant raak, ons vryheid in Christus.

In mens se eie dorp waar baie jou ken, sal dit nogal vreemd lyk as jy gereeld in 'n kroeg gesien word. Net so vreemd sal dit lyk as mense jou daar in die rooilig area moet sien. Dit kan natuurlik 'n totaal ander beginsel wees as jy jouself tydelik in 'n plek soos Alaska bevind en dit so uitloop dat jy in jou bediening in 'n kroeg of 'n rooilig area beland. Jou vryheid in Christus legitimeer dit, maar jy kan jou vryheid misbruik en die Here se koninkryk skade aandoen, sou dit in jou eie dorp wees. Hierdie vryheid kan maklik skynheilig wees, maar dit is maar 'n toets dat mens altyd versigtig en opreg moet wees op dieselfde tyd.

Feetjies en sulke dinge kan op dieselfde neerkom. As jy 'n vrou bedien wat fortuin vertel en wat tien teen een ook sulke beeldjies kan versamel, dan spreek dit vanself hoe versigtig en opreg jou bediening gaan wees, afhangende die omstandighede. Ek het al 'n goeie artikel oor hierdie onderwerp gelees en sal kyk of mens dit kan opspoor en die skakel hier plaas.

Phil Fourie
Oct 8th 2007, 09:51 AM
Weet jy, ek is nogal bevoorreg. Sy is nie net my vrou nie - ook my "sussie in Christus" Ons dink baie eenders. En om die waarheid te s, dit was sy wat voorgestel het dat ek die onderwerp hier aanroer.

Voorwaar 'n gelukkige man jy n.

Jou vrou klink vir my na 'n Spreuke 31 vrou;)

Bet. Die hart van haar man vertrou op haar, en aan wins sal dit hom nie ontbreek nie.
Spr 31:11

Gimel. Sy doen aan hom goed, en nie kwaad nie, al die dae van haar lewe.
Spr 31:12:saint:

Noen. Haar man is bekend in die poorte as hy saam met die oudstes van die land sit.
Spr 31:23:D (Jy sit mos hier by die poorte en gesels saam met ons;))

Pe. Haar mond maak sy oop met wysheid, en vriendelike onderrigting is op haar tong.
Spr 31:26

Kof. Haar seuns tree op en noem haar gelukkig, haar man ook, en hy prys haar:
Spr 31:28

Dit is die maatstaf waaraan ek 'n toekomstig huweliksmaat vir my sal meet. Ek soek 'n Spreuke 31 vrou:cry:

Groete
Phil:cool:

Die Filadelfieer
Oct 8th 2007, 10:15 AM
Ons glo almal aan die onderskeid van geeste as 'n geestelike gawe. Ek dink dat , as 'n Christen, jy jouself kan beroep hierop met vrae soos hierdie.
Die vraag is natuurlik ook of hierdie beeldjies 'n oog is wat uitgeruk moet word, of 'n hand wat afgekap moet word.
As dit pla, dan is daar moontlik 'n goeie rede daarvoor......



(NS : Ek dink ek het ook daardie DVD gekyk, en ek stem verseker nie saam met alles wat die man kwytraak nie. Sy eksegese van "h nie" met betrekking tot die Wet is toetentaal verkeerd....dit is glad nie wat in die oorspronklike Hebreeus staan nie.)

CobusF
Oct 9th 2007, 11:20 AM
Sekere goed is duidelik boos (soos die maskers vir voorvaderaanbidding of die "geliefde" Budha beeldjies wat baie mense so graag oorsee koop). Ander goed is egter weer heel onskuldig, maar word wel deur sekere mense uitgebuit. Hier tel kabouters en feetjies bv. vir my. As jy niks daarby bedoel nie, is dit tog OK. As daar mense is wat werklik glo sulke goed bestaan en is deel van Gaya (die aard-god) se koninkryk, is dit tog duidelik verkeerd. Daar is tog mense wat in die Bybel vleis ge-offer het vir afgode, en Jesus het bepaal dat dit nie eens verkeerd is om daarvan te eet nie!

My dogtertjie het 'n Bionicle figuur gehad toe sy 5 was (dis basies 'n figuur wat jy self uit stukke bou en eintlik baie goeie speelgoed is). Deel van die bemarking was 'n film oor die figure, wat iewers op 'n eiland bly soos tipiese eiland primitiewe volk. Volgens die Christelike voorbereidingskool se juffrou, was die goed uit die bose en sou dit allerhande bindings te weeg bring. Ons het aan my dogtertjie ons siening verduidelik en haar die keuse gestel. Sy het besluit om dit weg te gooi (al was dit haar beste speelding)! Vir haar eie geloof en gehoorsaamheid het dit baie beteken, al het ek niks daarmee fout gevind nie.

Gene
Oct 9th 2007, 11:57 AM
Hi Cobus

Ek stem nogal saam met jou. As 'n mens iets met die regte gesindheid besit, en jy leef in 'n verhouding met die Here, behoort dit nie 'n probleem te wees nie, mits dit nie iets is wat jy voor jou siel weet, het 'n bose konnotasie (soos budha beeldjies). Maar 'n mens wil tog nie graag iets behou as dit jou onrustig maak, of as daar twyfel is nie.

Paulus skryf dat hy liewer sonder 'n oog of hand die ewige lewe wil ingaan, as met al sy ledemate die verderf in. Ek weet hy praat eintlik van 'n heel ander situasie, maar persoonlik voel ek om dit ook hier van toepassing te maak. Ek raak liewer ontslae van iets waaroor ek nie 100% vrede het nie. Dis in elke geval aardse goed wat ek eendag gaan moet agterlaat... (En soos jy s, 'n mens se geloof kan net daarby baat)

CFJ
Oct 9th 2007, 03:36 PM
Gene,

Iets wat myself al geruime tyd pla, is van die produkte wat ons vervaardig. Ek het groot geword in Owamboland in die ou SWA en die kavango kerfkuns was ons huis vol gewees, veral die beelde wat hulle maak. Na die beste van my wete is hierdie beelde 'n konnektasie met die voorvaders en ons het ontwerpe wat van hierdie beelde in het, in van hierdie produkte. Omdat mens nie pertinent die sonde daarin kan sien nie, los mens dit maar... en tog pla dit my al 'n hele paar jaar, veral met hierdie gedeelte in gedagte...


2Tim 2:20-21 Maar in n groot huis is daar nie alleen voorwerpe van goud en silwer nie, maar ook van hout en erdewerk; en sommige tot eer, maar ander tot oneer. (21) As iemand hom dus hiervan deeglik reinig, sal hy n voorwerp tot eer wees, geheilig en bruikbaar vir die Here, toeberei vir elke goeie werk.
Hierdie produkte verkoop ook nie eintlik goed nie en dit is miskien tyd dat ek bloot doen wat die Woord my wys. Omdat jyself twyfel en ek ook al vir geruime tyd hieroor twyfel, het daar skielik net 'n lig vir my opgegaan hieroor...

Yolande~
Oct 19th 2007, 11:35 AM
Gene

CFJ het nogals 'n goeie punt gemaak met betrekking tot you vryheid in Christus. Die bybel se in Romeine 8v2 "Want die wet van die Gees van die lewe in Christus Jesus het my vrygemaak van die wet van die sonde en die dood". Jy is dus nou nie meer onder 'n wet van reels en regulasies in Christus nie, maar onder 'n nuwe wet, die engels noem dit mooi 'the law of life in Christ Jesus'.

So, ek herinner jou dus hiermee, die wet waaronder jy is, en daardie wet is dat Sy Gees jou sal lei, dat dit geskryf is in jou hart, en dat jy Hom moet erken in alles, en Hy sal jou pad gelykmaak. So my antwoord dus : bid daaroor, dra dit op aan Hom, vra Hom om jou te wys as jy hierdie goed moet uitgooi of nie, en wees gehoorsaam hoe Hy jou lei :spin:

Met betrekking tot die bestaan van feetjies en kabouters...ek wil jou vra om asseblief te lees wat ek geskryf het onder die draad 'Verborge geheimenisse...'. Ek kan ook ter byvoeging vir jou noem dat die okkultiese boeke wat ek gelees het wel daaroor praat en dat New Agers gewoonlik almal daaraan glo en hulle ook dikwels self sien en beleef.

Hoop dit help.

Liefde

Gene
Oct 19th 2007, 12:49 PM
Gene

CFJ het nogals 'n goeie punt gemaak met betrekking tot you vryheid in Christus. Die bybel se in Romeine 8v2 "Want die wet van die Gees van die lewe in Christus Jesus het my vrygemaak van die wet van die sonde en die dood". Jy is dus nou nie meer onder 'n wet van reels en regulasies in Christus nie, maar onder 'n nuwe wet, die engels noem dit mooi 'the law of life in Christ Jesus'.

So, ek herinner jou dus hiermee, die wet waaronder jy is, en daardie wet is dat Sy Gees jou sal lei, dat dit geskryf is in jou hart, en dat jy Hom moet erken in alles, en Hy sal jou pad gelykmaak. So my antwoord dus : bid daaroor, dra dit op aan Hom, vra Hom om jou te wys as jy hierdie goed moet uitgooi of nie, en wees gehoorsaam hoe Hy jou lei :spin:

Met betrekking tot die bestaan van feetjies en kabouters...ek wil jou vra om asseblief te lees wat ek geskryf het onder die draad 'Verborge geheimenisse...'. Ek kan ook ter byvoeging vir jou noem dat die okkultiese boeke wat ek gelees het wel daaroor praat en dat New Agers gewoonlik almal daaraan glo en hulle ook dikwels self sien en beleef.

Kaalvoetkind,

Dankie vir jou bydrae. Ek het lankal reeds presies gedoen wat jy voorstel, en ek het volkome vrede met my besluit. Dis maar aan die einde van die dag net by Hom waar ons regtig leiding en antwoorde op ons vrae kan kry. Ek weet dit lankal, en dis maar net weer eens aan my bewys.

Terloops, nie ek of my vrou glo (of het ooit geglo) aan die bestaan van goed soos feetjies en kabouters nie. Dit is vir ons niks anders as mooi ornamente nie.

Groetnis!

Eugene

Ta-An
Oct 19th 2007, 06:52 PM
Eugene, dit gaan alles oor die oopmaak van deure in 'n mens se geestes-lewe :D

Ek weet nie wat die Afrikaanse woord vir 'deception' is nie ...:blush:,,, maar dit sou nie 'deception' wees as dit met die etiket daarvan rondloop nie ,,Dwaling klink of dit kan pas..... Die persoon wat 'n dwaal leer onderskryf sal dit nooit self as 'n dwaal leer herken nie. Ja, feetjies lyk mooi, en ons kinder sprokies was vol daarvan, maar nou ja.....

Ek sien bv. net vandag 'n advertensie oor kinderpartytjies.... met drake!! Liewe land, drake !!! Maar as kinders op jong ouderdom blootgestel word aan drake, is die drake van die Sataniese realm vir hulle geen gevaar teken nie, maar eerder 'n 'uitnodiging' :help:

chisel
Oct 21st 2007, 07:18 AM
Ek wil graag iets vra wat my nogal pla die afgelope tyd, miskien het iemand meer inligting hieroor.

Ek is nogal iemand wat voel dat 'n mens nie "die duiwel agter elke bos" moet gaan soek nie, want as jy 'n kind van die Here is, en in regtig 'n verhouding met Hom staan, is daar nie veel wat verkeerd kan gaan nie. Maar 'n mens moet ook nie jou o sluit vir alles nie.

Ek het onlangs op 'n DVD die alleraakligste goed gehoor oor beeldjies van fetjies en kabouters, dat dit duiwels is en dat 'n mens nie sulke goed in jou huis mag h nie. Eers het ek my nie werklik daaraan gesteur nie, maar dis asof die onderwerp elke dan en wan opduik. (Die Here praat mos maar soms so met 'n mens) Sien, my vrou versamel beeldjies van fetjies en kabouters al vir baie jare en sy het 'n pragtige versameling, waarop sy nie bietjie trots is nie!

Is daar dalk iemand wat eerstehandse inligting hieroor het? Is daar werklik iets verkeerd daarmee? Indien wel, sal ek graag meer detail wil h.

Groetnis!

Eugene

Gene,

Waarom wys jy nie vir Jesus die beeldtjies en goeitjies nie? Nooi Hom om saam met jou te stap, en dan gee jy Hom 'n toer van die beeldjies. As Jesus nie 'n probleem daarmee het nie, dan hoef jy ook nie :)

Toe ek in die Israel Visie was, het ek geleer hoedat kersbome en dies meer 'n baalse ding is... My vrou is baie lief vir die kersfees ding. Sy versier elke kersfees ons huis met klokkies en en liggies wat 'carols' speel en die plastiese kersboompie word noukeurig versier en allerhande miniatuur geskenkies en dinge. Ek dink nie daar is 'n mens op aarde wat nie 'n soort kinderlike ongewondenheid het omtrent kersfees nie.
In elk geval...Een dag, kom ek by die huis na werk, en sy het begin om die kersboom te versier, heel opgewonde vra sy my of die boom vir my mooi lyk. Ek raak toe woedend en s vir haar dit baal goeters wat op 'n heidense fees gebasseer en dat ek niks met dit te doen wil h nie. Ek ken al die toepaslike bybelversies oor die onderwerp en gee haar 'n goeie Jesaja styl waarskuwing.
Sy was sigbaar hartgebroke en het begin om die boom af te slaan, en ek was baie trots op myself dat ek opgestaan het vir dit wat REG was. "Ek is 'n goeie Jisraeliet!", het ek myself sommer namens God op die skouer geklop.

Maar daardie aand, sit en dink ek, en ek wonder toe wat God sou dink van wat hier gebeur het, want vir net 'n oomblik was ek trots op myself, maar daardie trots het vinnig plek gemaak vir 'n enorme 'slegvoel'.

Ek dog toe, hoe sou Jesus na die hele ding kyk, en toe besef ek. Jesus kyk na my vroutjie se sorgvuldige versiering van die boom in 'n ander lig. Sy het 'n kinderlike blydskap in haar hart: dit is die tyd wat Jesus gebore is, met die 'Joseph, Mary en baby Jesus' in die krip, tyd om saam met die familie tyd te spandeer, om die kindertjies se blye gesiggies te sien wanneer hulle hul geskenke oopmaak. ens. ens.

My vrou het beslis nie daardie kersboom opgerig tot eer van baal nie, baal was glad nie eers in haar gedagtes nie, en wat maak dit saak as Jesus eintlik volgens die skriftuurlike bewyse in Maart of April of September gebore is?

Ek het Jesus genooi na my huis toe, en Hy het heeltemal anders na die kersfees dinge gekyk as ek.
Dalk sal Jesus anders kyk na die feetjies en dwergies, ek weet nie, maar nooi Hom op 'n toer en vra Hom....

Daar is 'n versie wat s, "Onthou My in alles wat jy doen, en Ek sal jou die regte pad wys"

Phil Fourie
Oct 21st 2007, 02:20 PM
Vim

Baie dankie vir hierdie plasing van jou, dit gee bietjie perspektief ook. Ek wil ook maar net s, ek het nie probleme met die kersboom en al daai dinge nie, ek vra ook eers vir Jesus om Sy goedkeuring oor dinge te plaas, as Hy gelukkig is daarmee, is ek ook.:)

Groete
Phil

NS! Afrika maskers is nogsteeds uit by my, Jesus het net te veel keer al vir my die gruwelike dinge agter hierdie goed gewys.;)

Cornelia Russell
Apr 9th 2009, 10:10 PM
Hello Gene, ek het rond gekrap en hierdie oer oue draadwerk ontdek van feetjies en goetertjies en dit het my laat dink aan 'n keer wat daar 'n groot egiptiese kat op die voorstoep gesit en uit staar het, by die huis waar ek 'n kamer gehuur het...of altans nog steeds huur. ek het aan die eienaar van die huis probeer verduidelik dat die kat "bad news" is maar die man (nog in die wereld op daardie staduim) wou of kon dit net nie insien nie, "maar dit is net hier af in die straat by 'n concrete plek gemaak" was sy redenasie en ek kon dit soortvan insien. maar my gees was nogtans onrustig, ek het die Here gevra om dit aan my te verduidelik en dit was Sy awesome andwoord: as jy by die gang afstap en jy sien 'n deur, gaan jy uit nuuskierigheid daar deur loop. as jy by voorbeeld 'n blompot daar sien staan gaan jy nie daardie begeerte kry om daar deur te gaan nie, wel, want dit is nie 'n deur nie!! maar vir die bose magte is 'n deur soos wat ek en jy dit ken nie 'n natuurlike deur nie maar simbole en vorms soos byvoorbeeld 'n feetjie of egiptiese kat. as 'n satanis 'n pentigram teken uit watse pen, potlood of inselation tape ookal sal die simbool vir daardie magte 'n deur wees. wat doen jy as pa om jou kinders te beskerm teen gevaar. jy vertel hulle met outoriteit dat hulle nie daar mee moet peuter nie, en dit is hoekom God ons leer dat sulke goed vekeerd is. dis om ons te beskerm! daardie goed is geestelike deure.:amen:

Gene
Apr 11th 2009, 08:20 AM
..... en dit is hoekom God ons leer dat sulke goed vekeerd is. dis om ons te beskerm! daardie goed is geestelike deure.:amen:
Hi Cornelia

Ek waardeer jou antwoord, baie dankie. Wat jy se, maak geweldig baie sin. Maar iets pla my steeds. jy se o.a. "...dis hoekom God ons leer dat sulke goed verkeerd is...." En dit is my probleem. As God dit vir my leer, dan is daar geen kwessie nie, maar op grond waarvan word daar gese dat God vir ons leer dat feetjies en kabouters verkeerd is? Is dit nie maar net mense se menings nie? Hang dit nie af van wat ek daarmee maak, of wat ek daarin sien nie?

Feetjies en kabouters herrinner my aan my sorgvrye kinderdae. Dit het hoegnaamd GEEN bose implikasie by my nie. Dit is pragtige, onskuldige goedjies wat deel vorm van 'n droomwereld waar ek as kind gereeld vertoef het. Is dit regtig vir my verkeerd om sulke goedjies te he?

Het 1 Korintiers 8 nie betrekking hierop ook nie? Paulus skryf daar oor die eet van vleis wat aan afgode geoffer is. Hy se dat hy geen probleem het om sulke vleis te eet nie, want vir hom bestaan die afgode nie. Vir hom is daar maar net een God. So wat hy eet of nie eet nie, maak geen verskil nie. Kan ek nie dieselfde se oor bv feetjies en kabouters nie? Dit het vir my geen bose beteknis nie, want vir my is daar net een God en een Here! In my huis is Hy Koning, en die bose het geen plek in my huis of houvas op my nie. Maak hierdie goed in my huis werklik 'n verskil? (Natuurlik verstaan ek ook wat Paulus verder in die gedeelte se, naamlik dat my optrede nie vir iemand anders, wat anders oortuig is, 'n struikelblok mag wees nie, maar dit is 'n ander onderwerp)

paidforinfull
Apr 11th 2009, 11:46 AM
Hi Gene - toe ek uit die okkulte gekom het was ek aangeraai om alle okkultiese simbole/parephenalia/boeke ens. te vernietig. Daar was o.a. 'n paar baie duur en kosbare items waarvan ek nie wou ontslae raak nie, maar my gees wou nie rustig raak totdat ek dit gedoen het nie. Ek was volkome bevry en verlos NADAT ek van alles ontslae geraak het. Sommige goed was nou sekerlik opsigself nie demonies nie (soos bv. 'n silwer 'chalice' wat ek gebruik het om met die 'water elementals' te werk), maar wat wel verkeerd was was die betekenis wat daardie items vir my gehad het. Dit het 'oop deure' in my verstand gemaak waardeur die duiwel my kon aanval.

Nou ja: feetjies en kaboutertjies (en meerminne, liewe heksies, unicorns ens) is natuurlik maar net verbeeldingsgoedjies (oulik, mooi, cute, ens. ens.). Sekerlik nou nie 'evil' opsigself nie, en beslis nie santans-simbole soos pentagramme nie, maar ag, hoekom nou dan ook gaan staan en moeilikheid soek? Die duiwel werk mos so met enigiets - gee eers die mooi, fluffy goedjies, en dan word dit deur die jare al hoe boser. Dit gebeur met musiek, films, boeke, ens. ens. Die feetjies en kaboutertjies van 'n eeu terug het nou al gelei na bose demoniese gedrogte waarmee kinders vandag speel. Ag, dis maar net verbeeldings-goed, wat is nou daarmee verkeerd? :hmm:

Ek dink die antwoord is dat dit niks met God te doen het nie, en ons moet maar liewers ons tyd en energie gebruik om op Hom te konsentreer.

My dogter en ek het al baie hieroor gesels. Sy was alreeds 13 toe ek 'n Christen geword het, en ek het haar natuurlik met al hierdie verbeeldings-goeters grootgemaak. Haar huis is tot vandag nog vol feetjies-beelde, unicorns, ens. ens. Dit herhinner haar aan haar 'kinderdae', en, soos ek dit sien hou dit haar beslis terug om haar hele lewe ten volle aan God te wy. Sy is 'n Christen, maar Jesus is beslis nie 'Lord of her life' nie. Sy weier botweg om te sny met daardie goed wat so 'n houvas op haar het. Dis dan tog so 'cute'. (Die ergste is dat ek weet dis my skuld: dis hoe ek haar grootgemaak het. Ek bid baie.)

God wil he ons moet alles in ons lewens aan hom toewy (ons handel en wandel; ons huise, ens.) - kan mens dit werklik met feetjies en kaboutertjies doen?