PDA

View Full Version : Die fokus op Christus gedurende Kersfees



Phil Fourie
Nov 28th 2007, 08:02 AM
Ek plaas hierdie onder Vrae en Menings oor die Bybel juis dat ons dit uit 'n Bybelse perspektief bespreek.

Wat doen jy en jou gesin hierdie Kersfees om die fokus op Christus te hou en nie op die kommersialiteit van die wÍreld nie?

MrT
Nov 29th 2007, 08:52 PM
Ons familie worstel al laaaaaaaaaank met die probleem. Ons het Laaannnk gelede die huis opgemaak en n kersboom gehad. Dit het verdwyn in ons huis. Die jaar het ons ook besluit om nie vir mekaar "kers geskenke" te gee nie. Ons gee sommer deurlopend in die jaar vir mekaar n ietsie.

Ons sal die voorreg he om die 25ste Des in Namibia te wees. Ons sal die dag Jesus se geboorte gedenk, nie sy geboorte dag nie. Ons gaan in die woestyn inry, en Praise en Worship en mekaar bedien. Ons sal ook nagmaal gebruik want dis tog die enigste opdrag wat Jesus ons gegee het om ter sy nagedagtenis te doen.

Sien nogal uit na 'n "anderse" Kersfees!

Tonton
Nov 30th 2007, 06:10 AM
Ons familie worstel al laaaaaaaaaank met die probleem. Ons het Laaannnk gelede die huis opgemaak en n kersboom gehad. Dit het verdwyn in ons huis. Die jaar het ons ook besluit om nie vir mekaar "kers geskenke" te gee nie. Ons gee sommer deurlopend in die jaar vir mekaar n ietsie.

Ons sal die voorreg he om die 25ste Des in Namibia te wees. Ons sal die dag Jesus se geboorte gedenk, nie sy geboorte dag nie. Ons gaan in die woestyn inry, en Praise en Worship en mekaar bedien. Ons sal ook nagmaal gebruik want dis tog die enigste opdrag wat Jesus ons gegee het om ter sy nagedagtenis te doen.

Sien nogal uit na 'n "anderse" Kersfees!

WOW, dankie hiervoor. Ons worstel ook al lank hiermee. die boom is ook al etlike jare kontensieus in ons huis, en het verlede jaar (wonder bo wonder) nie sy verskyning gemaak nie. Ons worstel met (a) die wete dat Christus waarskynlik in September gebore is, (b) waarskynlik nie op 'n heidense vakansiedag (terugkeer van son op 25 Des [in Noordelike halfond, natuurlik]) gebore is nie, en (c) die verwagting van ons kinders om spesiaal te voel op die "dag van geskenke".

Ons het eers die dag as Christusfees gefier, maar ek was steeds ongemaklik, want dit versterk steeds die misleiding oor die dag en sy oorsprong.

Ek hou baie van die nagmaal plan, en stem 100% saam - dit is die enigste opdrag wat Jesus ons gegee het om ter sy nagedagtenis te doen. Ons sal ook so maak - erens op 'n stil plek, seker in die berge.

Dankie weer hiervoor!
Anton

Phil Fourie
Nov 30th 2007, 06:16 AM
Dankie Nardus en Anton, ek hou baie van julle idees.

Ek gaan saam met vriende weg die 21ste tot die 28ste Desember hierdie jaar. Ek dink ek moet myself maar eerder bietjie gaan afsonder as die ander mense kersfees vier. Ek sien nou nogals uit daarna

David2
Nov 30th 2007, 02:45 PM
Julle ouens praat so reg na my hart. Behalwe die afgodiese oorsprong van die boom en die datum is daar ook die feit dat ons geen opdrag het om Christsus se geboorte op watter dag ookal te vier nie. Dit sal seker nie teen mens gehou word as jy dit vrywillig wil doen nie, maar dit kan nie deel van ons geloofsisteem wees nie omdat ons geen so 'n opdrag het nie en ook nie 'n voorbeeld waar iemand dit gedoen het nie.

Groete
David

Antonvs
Dec 6th 2007, 08:16 AM
Kersfees / Paasfees ons as Christene moet die feesgeleenthede waarde en smaak gee.

Wat 'n wonderlike tyd om nie te kibbel/ dwars te trek/ ander probeer wees nie/ "more holy than thou" te wees. . . maar eerder 'n geleentheid te sien om die evangelie aan mense te bedien.

Ek is al deur daardie ding -- van geen-kersboom tot 'n ses voet kersboom - ek dink dis meer belangrik vir God hoe ek hierdie kersfees my werknemers (wat kersfees wel vier) behandel en deeglik te vergoed vir hulle jaar se werk. Ek dink dis meer belangrik hoe ek met hierdie mense te praat oor die werklike goeie nuus. Hoe ek hulle behandel wat wel kersbome het, of dalk nie een het nie of dalk nie een kan bekostig nie. Is dit nie beter om dalk wel geskenke te koop vir mense wat nie familie is nie - met 'n kaartjie waarop jy hulle die REDE VIR JESUS SE GEBOORTE verduidelik eerder as om jou menings (en protes) op hulle af te dwing. . .

So is ons van "Baalfees" na Christus fees - en ons huis lyk soos 'n lughawe se aanloopbaan . . die kinders is opgewonde, en ek hoop mense kom in my huis (vrolik versier) ek hoop ons drink koffie en praat oor die Here. Ek hoop so langs die kersboom met geskenke (uit genade) kan ek met iemand die Gospel deel as hy nie Jesus ken nie of dalk net perspektief gee oor WAAROM JESUS AARDE TOE KOM GEKOM HET.

Tog, wil ek julle wat anders kies, nie julle geweetes skade doen nie. . . so doen wat jou gewete jou van oortuig. . . maar hou dit vir jouself "and don't make a big deal out of it." Wees lief vir hulle wat anders kies . . .meeste mense buig nie voor hulle kersbome nie, meeste mense vir nie 'n "Baalfees" nie . . .maar vir meeste mense weet hulle daar is iets te make met 'n baba Jesus en Herders . . . kom ons help hulle verstaan eerder as om die Fees af teskaf.

PS: Vandag is ons gemeente uitgenooi om 'n kersprogram by die plaaslike Boediste tempel (Grootste in die area) te gaan aanbied -toemaar self ook uit die veld geslaan. So verseker ek jou my pastoor het die evangelie reguit en duidelik daar gepreek hy draai nie doekies om as dit my siele kom. Kom ek gestel ek protesteer teen kersfees -Wat sou ons vir daardie arme Boediste gese het "loop trap . . . ons gemeente maak ons nie deel aan "Baalfeeste" nie. . .sorry maar kom gerus terug Sondag vir ons ere-dienste"

Voorstel: Kom ons kloof hare oor die manier hoe Predikers / Gemeentes/ Teologiese skole met God se Woord werk (af te water /kritiseer/ twyfel) eerder as om hare te kloof oor 'n kersboom.

Phil Fourie
Dec 6th 2007, 08:55 AM
Anton, baie dankie vir hierdie wonderlike perspektief wat jy sopas hier gebring het. Dit was vir my werkilik wyse woorde.

Tonton
Dec 6th 2007, 10:19 AM
Voorstel: Kom ons kloof hare oor die manier hoe Predikers / Gemeentes/ Teologiese skole met God se Woord werk (af te water /kritiseer/ twyfel) eerder as om hare te kloof oor 'n kersboom.

Anton (vS)

Hierdie vers is vir my toepaslik hier:

Rom 14:6 Hy wat die dag waarneem, neem dit waar tot eer van die Here; en hy wat die dag nie waarneem nie, neem dit nie waar nie tot eer van die Here; en wie eet, eet tot eer van die Here, want hy dank God; en wie nie eet nie, eet nie tot eer van die Here, en hy dank God.

Ek oordeel nie die persone wat wel Kersfees hou nie, maar ek neem nie die dag waar nie - tot eer van die Here.

Groete,
Anton (G)

David2
Dec 7th 2007, 04:50 AM
Anton
Natuurlik is jy reg. Die bedoeling is nooit om iemand te oordeel nie. Nie by een van die besprekings wat ons hier het nie. Vir my gaan dit daaroor om tradisies te identifiseer wat nie Bybelse krag agter dit het nie. Ek wil 'n fundamentele Bybelgelowige wees. My kerk is die Bybel en die God en Verlosser wat alleen daarin geopenbaar word.

Son of the South
Nov 9th 2008, 04:52 AM
Terwyl ons dan nou nie-Bybelse feeste onderhou, wil ek graag aan die hand doen dat ons van nou af Ramedan ook vier. Dink net, dan kan ons sommer van die ekstra spekkies wat ons oor kerstyd aangesit het verloor en dink net hoeveel mense sal ons sommer dan met die evangelie kan bereik. :rofl:

OK, grappies op 'n stokkie. Ek doen nie Krismis nie. Kortom: dit maak my siek. Ek is baie dankbaar aan my ouers wat my nie grootgemaak het daarmee nie. Vier ek dit nie, omdat my ouers dit nie gevier het nie? Nee, ek vier dit nie, omdat dit nie in my Bybel te vinde is nie. Is ek verbitterd en veroordelend? TUFFIES! Geeneen van die suikerlagies wat enige iemand daaroor strooi het dit nog so ver vir my moontlik gemaak om dit in my keelgat af te kry of dit verteer te kry nie. Ek het eers die "Put Christ back into your Xmas" ding probeer, maar ook dit wou nie kleef nie. Nee wat, cheers Chukkie, gooi maar weg daai kerskaartjie wat jy vir my wou gepos het. Ek kan dit ongelukkig nie aanvaar in die gees waarmee dit gestuur is nie.

Hier (http://www.bibleguidance.co.za/Afrartikels/Kersfees.htm) is 'n artikel van Prof. J.S. Malan wat so bietjie lig werp op die herkoms van Kersfees.

Gene
Nov 10th 2008, 08:13 AM
Ek doen nie Krismis nie. Kortom: dit maak my siek. Ek is baie dankbaar aan my ouers wat my nie grootgemaak het daarmee nie. Vier ek dit nie, omdat my ouers dit nie gevier het nie? Nee, ek vier dit nie, omdat dit nie in my Bybel te vinde is nie. Is ek verbitterd en veroordelend? TUFFIES! Geeneen van die suikerlagies wat enige iemand daaroor strooi het dit nog so ver vir my moontlik gemaak om dit in my keelgat af te kry of dit verteer te kry nie. Ek het eers die "Put Christ back into your Xmas" ding probeer, maar ook dit wou nie kleef nie. Nee wat, cheers Chukkie, gooi maar weg daai kerskaartjie wat jy vir my wou gepos het. Ek kan dit ongelukkig nie aanvaar in die gees waarmee dit gestuur is nie.

Hier (http://www.bibleguidance.co.za/Afrartikels/Kersfees.htm) is 'n artikel van Prof. J.S. Malan wat so bietjie lig werp op die herkoms van Kersfees.

SOS

Mag ek vra hoe bring jy en jou gesin die 25ste Desember deur? Jy se jy vier glad nie Kersfees nie, maar wat doen jy op die vakansiedag? Jy se ook jy vier dit nie omdat dit nie in die Bybel gevind kan word nie. Wat dan van hemelvaart, Goeie Vrydag, Opstandings Sondag ens? Om sulke dae te vier, word ook nie in die Bybel gevind nie. Sou jy se dis verkeerd om 'n dag af te sonder elke jaar om die geboorte van jou Heiland en Verlosser te herdenk?

Maar weet jy, in 'n mate wil ek saam met jou stem. "Krismis" en alles rondom dit, is nie 'n fees vir 'n christen nie. En om nie daaraan deel te neem nie, is ook my gevoel. Maar om Christus se geboorte te herdenk, en Hom op 'n spesiale manier te eer op daardie dag, maak tog ook sin. Ons vier tog mekaar se verjaardae, en gee geskenke en goeie wense. Waarom nie ook aan ons Here nie? Gebruik die dag om op Hom te konsentreer en aan Hom eer te bring, en om in die besonder te dink aan dit wat Hy 2000 jaar gelede vir ons kom doen het. Is dit verkeerd?

Son of the South
Nov 10th 2008, 12:10 PM
SOS

Mag ek vra hoe bring jy en jou gesin die 25ste Desember deur? 1) Jy se jy vier glad nie Kersfees nie, maar wat doen jy op die vakansiedag? Jy se ook jy vier dit nie omdat dit nie in die Bybel gevind kan word nie. Wat dan van hemelvaart, Goeie Vrydag, Opstandings Sondag ens? Om sulke dae te vier, word ook nie in die Bybel gevind nie. Sou jy se dis verkeerd om 'n dag af te sonder elke jaar om die geboorte van jou Heiland en Verlosser te herdenk? 2)

Maar weet jy, in 'n mate wil ek saam met jou stem. "Krismis" en alles rondom dit, is nie 'n fees vir 'n christen nie. En om nie daaraan deel te neem nie, is ook my gevoel. Maar om Christus se geboorte te herdenk, en Hom op 'n spesiale manier te eer op daardie dag, maak tog ook sin. Ons vier tog mekaar se verjaardae, en gee geskenke en goeie wense. Waarom nie ook aan ons Here nie? Gebruik die dag om op Hom te konsentreer en aan Hom eer te bring, en om in die besonder te dink aan dit wat Hy 2000 jaar gelede vir ons kom doen het. Is dit verkeerd? 3) Gene,

1) Dit is vir ons familietyd. Niks 'soeperspiritjil' nie. 'n Lekker ete, soos byvoorbeeld koue vleise en slaaie, is gewoonlik deel daarvan. Ek vermy gewoonlik die kerkdiens so ver ek kan sonder om aanstoot te gee. Iemand het op 'n keer vir my gesÍ dat die idee van 'n kerkdiens is dat God moet opdaag. Ek sukkel om die teenwoordigheid van die Here te ervaar in sulke 'geleentheids' dieste soos die Kersdiens en middernagdiens. Hierdie voel vir my altyd soos 'n seremonie wat maar net waargeneem word. Die prediker bring nie (nog nooit waarvan ek kan onthou) 'n boodskap van God nie, maar gee altyd 'n preek so droog soos die stof wat hy daarvan afgeblaas het toe hy dit van sy rak af gehaal het.

Definitief geen Kersboom, geen Kersvader, geen nagemaakte sneeu en geen geskenke. Ek sing 'Stille Nag' uit volle bors saam want ek stem saam met die woorde, maar nie 'Jingle Bells' wat net 'n ydele herhaling van woorde is nie.

2) Ek vier beslis ook nie Halloween, Easter of Valentynsdag nie. (O ja, ook nie Ramedaan nie. ;)) Ek vier dit nie omdat dit heidens in herkoms is. Om 'n fundamentalis te wees beteken vir my om terug te keer na die basiese geestelike waarheid van elke ding. As mens die suikerlagies van tradisie klaar weggestroop het van hierdie geleenthede, dan bly daar geen geestelike basis oor nie. Terloops, my kinders weet 'paaseiers' is 'n vloekwoord in ons huis, maar smul tog alte graag aan malva-eiers.

Enige ander geleenthede wat ek kan vier met 'n skoon gewete en met opregtheid in my hart, sal ek.

3) Gene, ek haal een van die vorige plasings aan; ek self kon dit nie beter gestel het nie:

Hierdie vers is vir my toepaslik hier:

Rom 14:6 Hy wat die dag waarneem, neem dit waar tot eer van die Here; en hy wat die dag nie waarneem nie, neem dit nie waar nie tot eer van die Here; en wie eet, eet tot eer van die Here, want hy dank God; en wie nie eet nie, eet nie tot eer van die Here, en hy dank God.

Ek oordeel nie die persone wat wel Kersfees hou nie, maar ek neem nie die dag waar nie - tot eer van die Here.

Gene
Nov 10th 2008, 12:53 PM
SOS

Ek het jou aanvanklik verkeerd verstaan, maar ek is met jou, al die pad.

Groetnis!

Lanie
Nov 10th 2008, 05:34 PM
Anton se siening is die enigste waarmee ek my op hier draad kan vereenselwig.

Julle - het julle al kinderogies sien blink as hulle 'n volle versierde kersboom sien met mooi opgemaakte persentjies daaronder? Wat is enigsens boos of heidens daaraan, veral as hulle van kleins af geleer word hoekom ons as gesin kersfees vier? Ek wil vir julle sÍ dat kerstyd my gunsteling tyd van die hele jaar is. Ek voel sommer lekker as ek kersbome en versierings sien opskiet en oral kersmusiek soos Stille Nag en "Little drummer boy" hoor want dis vir my 'n sigbare herhinnering aan die wonderlikste gebeurtenis in ons mensdom se bestaan. So what, wat die wÍreld daarvan maak, ek weet wat dit vir ons beteken en waaraan dit ons herhinner!

Ek kan goed verstaan dat daar christene is wat weier om deel te neem aan die gekomersialiseerde tradisies wat met feesdae soos kersfees en paasfees gepaardgaan, maar ek voel ook dat hoewel hierdie feesdae erg gesekuleer geword het daar geen rede is hoekom ek en my gesin dit nie kan vier as die gedenkdag van Jesus se geboorte nie. Ek, as christen het meer om te vier op hierdie feesdae as enige iemand anders. Jesus is gebore om ons te bevry van ons sondelas en om ons verhouding met ons Vader te herstel Ek neem ook eerder ter wille van my kinders 'n gebalanseerde benadering tot kersfees en gebruik die geleentheid om die ware betekenis van kersfees vir ons as christene by hulle tuis te bring. Daar is baie maniere om dit te doen.... een van die pastore in ons gemeenskap laat byvoorbeeld sy kinders kos en speelgoed koop en neem dit vir minderbevoorregte kindertjies. Ek hou nogal van Mari se idee van die vrugte van die gees op versierings....

Ek weet baie van julle verskil van my, hierdie is sleg my beskeie siening. Ek glo nie dis 'n harekloof-issue wat enigsens vir ons Here belangrik is nie. Doen soos jy gelei voel.

Gene
Nov 11th 2008, 09:35 AM
Lanie

Ek stem grotendeels saam met jou. Kersfees is 'n magiese tyd vir kinders. Self het ek so grootgeword en het ek my kind ook so grootgemaak - met 'n kersboom, liggies en geskenke. Maar hierdie goed kan en mag nooit die ware rede vir Kersfees oorskadu nie. En ongelukkig gaan Christus dikwels verlore tussen die liggies en geskenke. Vra maar jou kind waarvan hy/sy die heel meeste hou met Kersfees. Wat is vir hom/haar die belangrikste? Dit sal feitlik ALTYD die geskenke en die liggies wees. Al word hulle van kleins af geleer waaroor Kersfees gaan, en al ken hulle die Kersverhaal, is dit nie wat hulle regtig onthou, of waarna hulle uitsien nie. En vir my is dit die gevaar. Die klem is nie altyd op Christus nie. Maar dit sal afhang van gesin tot gesin, en van die wyse waarop Kersfees gevier en deurgebring word.

Die ander ding is natuurlik dat die kersboom en liggies 'n definitiewe heidense konnotasie het. Nou skryf Paulus in Romeine 14:14 Ek weet en is oortuig in die Here Jesus dat niks op sigself onrein is nie, maar hy wat reken dat iets onrein is, vir hom is dit onrein. Dus 'n besluit wat elke ou vir homself moet neem, solank 'n mens net vrede het daaroor. Persoonlik sien ek dit in dit in dieselfde lig as "christelike rock" musiek. Die feit dat 'n mens dit 'n christelike kleur gee deur christelike woorde daarvoor te skryf, maak dit nie vir my meer aanvaarbaar nie. Net so voel ek dat om 'n heidense voorwerp soos 'n kersboom christelik in te kleur, niks verander daaraan nie. Maar dit is en bly my persoonlike mening.

Nietemin, jy is heelteml reg as jy se dat dit nie 'n wesentlike kwessie is nie, en uiteindelik bly Romeine 14:6 wat hierbo ook genoem is, hier van krag: "Hy wat die dag waarneem, neem dit waar tot eer van die Here; en hy wat die dag nie waarneem nie, neem dit nie waar nie tot eer van die Here; en wie eet, eet tot eer van die Here, want hy dank God; en wie nie eet nie, eet nie tot eer van die Here, en hy dank God."

MercyChild
Nov 11th 2008, 11:21 AM
Sjoe mense, ek het nooit geweet dat kersfees so bedrieglik kon wees nie. Ek het grootgeword met kersbome, en geskenke, maar ek regtig nooit aan kersfees gedink soos wat julle dit bespreek het nie.

Anton ek het van jou antwoord gehou!

Nou ja, ek spandeer my kersfees heel op my eie in 'n vreemde land. Dus kan ek regtig die tyd neem op die 25ste om met God tyd te spandeer, en werklik vir Hom dankbaarheid in gebed deur te bring, dat Hy Sy enigste Seun gestuur het, sodat ek 'n lewe in oorvloed kan geniet. Ek gaan die dag deurbring in gebed, en het nie geskenke nodig nie, want om Jesus as geskenk in my lewe te he, is veel meer as wat ek ooit mag nodig he. JESUS HET AAN MY 'N NUWE LEWE GESKENK!!!!!!!!!:pp:rofl:

protea
Nov 13th 2008, 03:01 PM
O Linda!
dis die kragtigste getuienis denkbaar! Wat jy hierbo geskryf het is die Evangelie in n neutedop. En as jy Kersdag eensaam voel , kom kuier saam op die forum. Ons geselskap is net n 'knoppiedruk' ver!:hug: Lawjoeverylots!

MercyChild
Nov 15th 2008, 03:07 PM
Protea, ek gaan beslis jou raad neem, en gaan natuurlik op die net wees om te kuier, ek is 'n vrou en vrouens hou mos van geselskap so af en toe!:lol:

protea
Nov 15th 2008, 07:18 PM
Protea, ek gaan beslis jou raad neem, en gaan natuurlik op die net wees om te kuier, ek is 'n vrou en vrouens hou mos van geselskap so af en toe!:lol:

...beslis nie net 'af en toe nie' ,maar 'ewig en altyd'!!!:hug:

MercyChild
Nov 15th 2008, 08:40 PM
...beslis nie net 'af en toe nie' ,maar 'ewig en altyd'!!!:hug:

Ja, ja dankie vir die regstelling, so waar gese!:rofl:

Willem
Nov 16th 2008, 10:24 PM
Dankie ouens ( boetas en sussies beide):hug::pray:

Julle het my nuwe oe gegee vir Kersfees en ek dink die nagmaal en kersboom wat gaan is goed wat ons beslis oor gaan praat en , met genade en leiding van bo ook kan instel om Hom te gedenk en aan Hom te dink..

Ons is in die wereld maar nie van die wereld nie en miskien kan die afsonder manier getuig vir iemand dat daar ander manier is as wereld se pad wat net na een plek lei..

Sonia Smit
Nov 17th 2008, 10:08 AM
Op dit 24ste woon ek en my man saam met my ma, pa en boetie die ere diens by - waartydens ons gewoonlik 'n normale diens het, worship en praise, nagmaal geniet en nog worship en praise tot 12 uur. Wanneer dit 12 uur is spreek ons gewoonlik seŽnwense oor mekaar uit, dan gaan ons huis toe. Op die 25ste kom ons almal bymekaar (my sussies en swaer en my oom-hulle) en kry die kiddies hulle geskenke, ons koop glad nie vir mekaar geskenke nie, en ons geniet die dag as 'n familie saam. Ons glo maar nog aan die varkbout, slaai en trifle tradisie, bly maar die lekkerste!

Ons het die klein probleempie dat nie almal in ons naaste familie wedergebore is nie, daarom gaan nie almal saam kerk toe op die 24ste nie. Ons respekteer mekaar in hierdie opsig, want my pa het ons volgens die woord groot gemaak, maar party verkies om dit te vermy al ken hulle die waarheid. Ons het geleer om nie aan hulle te "karring" (soos hulle dit noem) nie. Sad but true!

Willem
Nov 18th 2008, 09:25 PM
Ons het geleer om nie aan hulle te "karring" (soos hulle dit noem) nie. Sad but true!

Sonia,

ek het geleer om nie te karring nie, maar God te vra om te karring!:rofl::pp

So ruk terug in tydskrif van pastoor gelees wat in winkel voorgekeer was en gevra was om help want dis hopeloos en al wat hy kon onthou was 'n seen....wat vra dat Here Sy gesig na jou sal draai, dat Hy Sy aangesig oor jou sal laat skyn en dat Hy jou sal dra? Dink dis 'n Aaronietiese seen? Die ou het net dit nodig gehad en ek glo die Heilige Gees het hom gelei om dit vir hom te bid.

Maar dink daaraan, jy vra Ons Vader om asb jou geliefde te seen, om spesifiek in hulle lewe belang te neem en in hulle te werk. As hulle nie wil he ek moet torring nie dan vra ek my Hemelse Vader om te "torring" daar en ............. as ek dit in Jesus se naam vra sal ek dit kry... God self sal werk maak van jou geliefdes se hart :rofl::pp:rofl::pp:pray::pray: hulle wil nie he ons moet torring nie! Ons wil nie he hulle moet hel toe gaan nie en ons het 'n unfair advantage. 'n Hemelse Vader wat gebede verhoor:pray::pray: en Hy wil he dat ALMAL gered sal word.:pp:pp:pp:pp

Smuggler
Nov 27th 2008, 07:44 PM
Kerstyd is vir my en my gesin baie geseŽnd.

Ons doen niks van die "mens uitgedinkte" en "on-aanvaarbaar vir God" kerfees tradisies en geroesmoes nie.;)

Ons het nÍrens enige skrif wat jou sÍ om geboortes te herdenk nie . . Slegs die heidene in die Bybel het dit gedoen en elke keer was daar rampspoedige gevolge :eek:
(Gen 40:20 ; Job 1:4 ; Mat 14:6 ens.)


Ons is geroep om heilig (afgesonderd) te lewe en Christus se STERWE te gedenk.:idea:

Ons as gesin gebruik die tyd om lekker deeglik te besin oor die afgelope jaar deur te vas en intens vir God Sy "jaarverslag" te vra van my/ons lewens. :pray:

O ja, ons loop 'n pad met Hemel Vader deur die jaar, maar dit gaan baie keer maar rof en die pas is redelik "gejaagd" en jou stilte tyd "sukkel" maar soms . . .

Weet julle hoe "great" voel jy as jy die jaar "skoongemaak" het voor God en as gesin teenoor mekaar ? Ouens, dis die beste terapie vir enige mens en gesin ! :amen:
Dit is dan ok die tyd waar ek vind jy sommer lekker "gevoed" word en weer krag kry vir die nuwe jaar.

Ek kan dit STERK aanbeveel !:yes:
:agree:

Etienne Marais
Jul 10th 2009, 02:07 PM
Ek stem saam Kersfees gaan daaroor om die geboorte van Jesus te vier. Mense glo in goed soos Vaderkersfees maar Kersfees gaan eintlik daaroor om die geboorte van Jesus te vier.