PDA

View Full Version : Tugtiging



Phil Fourie
Sep 11th 2008, 12:14 PM
want die HERE tugtig hom wat Hy liefhet, ja, soos 'n vader die seun in wie hy behae het.
Spreuke 3:12

Ek sal graag wil gesels oor tugtiging. In die tyd waarin ons leef, 'n tydperk wat gekenmerk word deur mense se regte, is hierdie nie meer 'n baie populere handeling nie.

Ek meen, daar word vandag gese dat waar die bekendste vers in die Bybel altyd Joh 3:16 is, het die sekerlik vandag verskuif na:

Moenie oordeel nie, sodat julle nie geoordeel word nie.
Matteus 7:1

So, dit bring my dan by die kern van hierdie draad, moet ons nog diegene vir wie ons liefhet binne die kerk tugtig? Moet ons nog gaan na diegene wat nie meer getrou kerk bywoon nie en hulle vermaan? Het die kerk nog 'n reg om by sy lidmate se deure aan te klop en vir hulle te kom tugtig wanneer hulle in gevaarlike waters begin beweeg?

Tweedens, wat seker eerstens moet wees, wat is tugtiging werklik, wat beteken hierdie woord waarmee ons grootgeword het wanneer die dominee gevra het tydens ons voorstelling: "Onderwerp jy jou aan die kerklike opsig en tug?"

Kom ons ondersoek ware tugtiging, wat dit is en wat die doel daarvan is.

Ek glo baie sterk dat die tugtiging nooit groter kan wees as die persoon wat getugtig word nie, maar dat tugtiging in baie omstandighede van kardinale belang is.

Ek het 'n baie goeie voorbeeld wat ek laters graag hier sal wil deel, maar vir eers sal ek julle gedagtes oor tug wil hoor.

Groete
Phil

Willem
Sep 11th 2008, 08:34 PM
Hi Phil,

ek self is baie bang vir daai versie, maar nie meer soos ek was nie. Eerder nuwe respek gekry omdat ek nou weet God IS!

Ek sal niemand kan oordeel nie , want ek weet hoe sleg my eie
oordeel(judgement) is en verkies dat God my met Sy oordeel wat regverdig is oordeel as die onregverdige bevooroordeelde manier wat ek doen!:eek:

In selfde asem ( bybel is so perfek teenstrydig maar ...perfek aanmekaar gesit as mens die stukkies van die legkaart begin kry om sin te maak, soos dat God sonde haat ; ek! en God my so lief het dat Hy Sy eie enigste
Seun vir my laat sterf het ) kan ek nie meer vir mense wat ek ken support in iets wat nie met bybel strook nie. :pray:glo sal nog genade en "boldness" kry om dit op altwee tye te doen; tydig en ontydig:spin: en ook met vreemdes:blush:

Maar skakel tug nie ook in by die "gemeente/kerk" nie waar ons mekaar moet opbou en reghelp nie? So is tug nie ook uitleef van ons liefde vir mekaar nie, want as ons mekaar nie tug nie en toelaat dat iemand afdwaal, dan kan ons mos nie se dat ons liefhet soos Christus ons liefgehad het nie?

Die kerklike tug dink ek is maar 'n menslike maaksel vir die organisasies, want die tug van broers wat met liefde gedoen word is meer soos die bybel bedoel as die tug van 'n verkose liggaam in 'n denominasie wat 'n funksie verrig.

Phil Fourie
Sep 12th 2008, 06:31 AM
Jy raak die hart van die saak aan hier Willem.

Tug MOET uit liefde geskied, maar die kerk moet ook daardie tug toepas en as ons praat van die kerk, dan praat ons van die liggaam van Christus, m.a.w. jou broers en susters in Christus, dus as daar probleme in jou lewe is, dan moet ek na jou toe kom en met jou daaroor praat. Dit IS in wese dan die kerk wat jou uit liefde tugtig.

Hoe voel jy oor dievolgende teksgedeelte?

En as jou broeder teen jou sondig, gaan bestraf hom tussen jou en hom alleen. As hy na jou luister, dan het jy jou broeder gewin;
maar as hy nie luister nie, neem nog een of twee met jou saam, sodat in die mond van twee of drie getuies elke woord kan vasstaan.
En as hy na hulle nie luister nie, s dit aan die gemeente; en as hy na die gemeente ook nie luister nie, laat hom vir jou wees soos die heiden en die tollenaar.
Voorwaar Ek s vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.
Matt 18:15-18

Gene
Sep 12th 2008, 07:10 AM
Ek dink daar moet onderskeid getref word tussen "vermaning" en "tug" Wanneer iemand in die gemeente die pad byster raak, is dit sy mede-christene se plig om hom te vermaan en op sy fout te wys. Dis tog 'n Bybelse beginsel wat ek nie glo nodig is om hier te bewys nie. Maar wanneer so persoon aanhou om te volhard in daardie sonde, weier om berou te toon en daarvan af te sien, het die kerk geen ander keuse as om so persoon te tug nie. En indien die tugmatreels steeds nie 'n verskil teweegbring nie, dan moet so persoon uit die gemeente verwyder word. Die gedeelte wat Phil aangehaal het uit Matteus 18 is 'n duidelike voorbeeld daarvan.

En natuurlik moet hierdie tug uit liefde gebore wees. Die doel van tug moet nooit "straf" wees nie, want dis nie ons plek om straf uit te deel nie. Maar uit liefde vir daardie broer of suster het ons nie 'n ander keuse nie, as om maatreels toe te pas om so persoon tot inkeer te bring.

Tug het niks met oordeel te doen nie. Matteus 7:16 se: Aan hulle vrugte sal julle hulle ken. 'n Mens pluk tog nie druiwe van dorings of vye van distels nie! Wanneer iemand in sonde volhard, is dit tog duidelik sigbaar vir ander om te sien. Dit beteken nie dat daardie persoon geoordeel word nie, want almal van ons doen tog sonde en niemand kan oor 'n ander oordeel nie. Maar dit beteken nie dat ons nou anderpad moet kyk wanneer iemand die pad byster raak nie....

So ja, ek glo dat tug deel is van kerkwees, en dat geen kerk daarsonder effektief kan funksioneer nie. En die feit dat daar soveel probleme vandag in die kerk is, is miskien juis te wyte daaraan dat die kerklike tug nie meer behoorlik toegepas word nie.

Phil Fourie
Sep 12th 2008, 08:29 AM
Kom ons kyk na die betekenis van die woord tugtig.

As julle die tugtiging verdra, behandel God julle as seuns; want watter seun is daar wat die vader nie tugtig nie?
Hebrers 12:7

Almal wat Ek liefhet, bestraf en tugtig Ek. Wees dan ywerig en bekeer jou.
Openbaring 3:19

paideuo - om 'n kind op te voed, te onderrig, dissiplineer (ook deur straf)

Goed, so tugtiging is primer daar vir onderrig en opleiding :hmm:

Ek het 'n wonderlike voorbeeld van tug.

Vragskepe daar in die ope oseaan is groot en sterk en kan baie storm afweer, maar daar kom tye waar hulle by hawes moet aandok om vrag af te laai en weer vragop te laai. Wanneer dit gebeur is daar 'n middel wat ingespan word om hierdie skepe te help, hierdie middel is die "tug boats" (verskoon, weet nie wat dit in Afrikaans is nie, maar interresant dat die Afrikaanse woord tug vanaf die Engelse woord "tug" afkomstig is ;) ).

Hierdie is nie baie groot bote nie, maar hulle is baie kragtig, dit is hulle werk om die groot vragskepe van die ope oseaan af in te bring om te kom dok, asook om hulle weer uit te vat. Die skepe kom laai vrag af en laai weer vrag op.

Tug binne die kerk werk op baie dieselfde prinsiep. Dit is soms nodig om mense wat vir lank in storms op die ope oseaan van die lewe was, wat skade gelei het daardeur en wat nie meer funksioneer soos hulle moet nie, terug te bring na die hawe (die Woord van God) sodat hulle hul probleme kan kom aflaai en weer geestelike voeding kan kom oplaai vanuit die Woord, sodat hulle weer kan voorgaan in hul bediening. 'n Skip wat homself nie oopstel vir hierdie leiding deur die "tug boat" nie, staan 'n wesenlike kans om op die rotse te loop, net so moet 'n kind van God altyd homself oopstel vir tugtiging in sy lewe deur mense wat vir hom omgee, broers en susters in Christus.

Dit is nie altyd lekker om beheer te moet afstaan en ingetrek te word na die Woord toe nie, ons protesteer baie daarteen, maar soos daardie groot vragskepe, moet ons toelaat dat ons ingebring word deur tug.

Al is die "tug boat" baie kragtig, is hierdie boot nie groter as die vragskip nie, net so is tug in die kind van God se lewe baie kragtig, maar dit kan nooit groter wees as die persoon nie. Wat ek daarmee bedoel is dat ons soms ferm tug moet toepas, maar moet besef dat die siel van die persoon baie meer belangrik is, dus moet tug in liefde toegepas word en deurentyd die geestelike belange van die persoon wat getugtig word op die hart dra.

Hierdie voorbeeld is vir my 'n baie goeie een, want dit kan nog soveel meer aspekte van tug verduidelik, maar vir eers stop ek hier, want ek glo dit bring die idee baie goed oor.

Willem
Sep 14th 2008, 09:43 PM
Hoe voel jy oor dievolgende teksgedeelte?

En as jou broeder teen jou sondig, gaan bestraf hom tussen jou en hom alleen. As hy na jou luister, dan het jy jou broeder gewin;
maar as hy nie luister nie, neem nog een of twee met jou saam, sodat in die mond van twee of drie getuies elke woord kan vasstaan.
En as hy na hulle nie luister nie, s dit aan die gemeente; en as hy na die gemeente ook nie luister nie, laat hom vir jou wees soos die heiden en die tollenaar.
Voorwaar Ek s vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.
Matt 18:15-18

Sjoe! Bestraf spring uit, maar wat beteken dit? Moet ek hom uittrap ? ( dink nie so nie ) Strongs to the rescue :idea: ook iets wat Chuck Missler gese het: dat elke woord in die bybel 'n doel het , so ek wil eerder meer oor die woorde se oorsprong weet as net die vertaling trust, want ek weet dat die 53 en 83 afr vertalings volgens Johan Malan , en wat ek ook getoets het baie verskille en 83 "foute" in het....

elegchō
el-eng'-kho
Of uncertain affinity; to confute, admonish: - convict, convince, tell a fault, rebuke, reprove.
uit die King James Version van e-Sword.
Mat 18:15Moreover if thy brother shall trespass against thee , go and tell him his fault between thee and him alone : if he shall hear thee , thou hast gained thy brother.
So miskien eerder om te gaan praat en te se dat dit wat gebeur het verkeerd was en 'n broer sal luister en dan sal die verhouding weer herstel word? Andersins, mag die Gees ook in hom/haar werk en dit gebruik om verhouding mee te begin, waar oop en eerlike gesprek die basis form?

Dan kom die


Voorwaar Ek s vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.
Matt 18:15-18

en dit val vir my so saam met
Joh 20:22 En nadat Hy dit ges het, blaas Hy op hulle en s vir hulle: Ontvang die Heilige Gees.
Joh 20:23 As julle die mense hulle sondes vergewe, dan word dit hulle vergewe; as julle die mense hulle sondes hou, dan is dit gehou.
dat ek maar net kan dankie se dat God se Gees my sal lei oor die pad, want ek kan maar net dink, nou kalm en rustig met die kinners wat doe-doe hoe moeilik dit vir ons sou wees om regverdig te tug in liefde, en die luister na my of ek of ons :bounce: nie meer belangrik word as om die broer/suster terug te kry op die regte pad nie.

Toe pop e-sword ook op met die van Hoekstra ...
Isa 30:1 Wee die opstandige kinders, spreek die HERE, wat n plan uitvoer, maar dit is nie uit My nie; wat n verbond sluit, en dit is nie uit my Gees nie, om sonde op sonde te stapel;
Isa 30:2 wat gaan om na Egipte af te trek, en hulle raadpleeg my mond nie, om toevlug te soek onder die beskutting van Farao en om te skuil in die skaduwee van Egipte.

en hy se dat ons nie op ander raad as God se raad moet staat maak nie? Dis maar wat ons almal soek en dan vergeet ek soms dat ek direk met God mag en kan praat en vir raad kan vra:spin: en al wat jy dan kan doen is dankie se:pray:

Gelukkig se Spurgeon ook
Mar 4:36 En hulle het die skare verlaat en Hom, net soos Hy was, saamgeneem in die skuit; en daar was ook ander skuitjies by Hom.

wat ek nooit gelees het nie, dit was nie net Jesus en dissipels op boot op see toe Hy golwe bestraf het nie, daar was ander bootjies ook en dan gaan hy aan en se dat solank ons saam met Jesus seil sal ons deur al die see se storms gaan , maar nie vergaan nie , want Jesus is ons admiraal wat sy vloot veilig huistoe sal lei.:pp

Antonvs
Sep 15th 2008, 03:46 AM
Gene se waarneming [So ja, ek glo dat tug deel is van kerkwees, en dat geen kerk daarsonder effektief kan funksioneer nie. En die feit dat daar soveel probleme vandag in die kerk is, is miskien juis te wyte daaraan dat die kerklike tug nie meer behoorlik toegepas word nie.[/quote]


Phil se waarneming [Tug MOET uit liefde geskied, maar die kerk moet ook daardie tug toepas en as ons praat van die kerk, dan praat ons van die liggaam van Christus, m.a.w. jou broers en susters in Christus, dus as daar probleme in jou lewe is, dan moet ek na jou toe kom en met jou daaroor praat. Dit IS in wese dan die kerk wat jou uit liefde tugtig.[/quote]


Willem se waarneming [Maar skakel tug nie ook in by die "gemeente/kerk" nie waar ons mekaar moet opbou en reghelp nie? So is tug nie ook uitleef van ons liefde vir mekaar nie, want as ons mekaar nie tug nie en toelaat dat iemand afdwaal, dan kan ons mos nie se dat ons liefhet soos Christus ons liefgehad het nie?]/quote]


Matt 18 gee vir ons die basis en grondslag vir Tug. Eerstens, die gesag is deur Jesus gegee. Daar is drie stappe, daar is 'n tydperk van geduld en lankmoedigheid (ons jaag nooit deur die 3 stappe nie)

Tweedens, is die doel en uitkoms moet altyd "herstel van die gelowige se verhouding met sy God wees" - of dalk beter vertaal "restoring the erring brother's / sister's fellowship with God"


Storie:

My gemeente het die afgelope 30 ongeveer 135 persone onder Kerklike tug/sensuur geplaas.

Ek gee julle 'n raai hoeveel van daardie mense het nooit weer terug gekom na ons kerk toe nie?

MrT
Sep 15th 2008, 08:19 PM
So ja, ek glo dat tug deel is van kerkwees, en dat geen kerk daarsonder effektief kan funksioneer nie. En die feit dat daar soveel probleme vandag in die kerk is, is miskien juis te wyte daaraan dat die kerklike tug nie meer behoorlik toegepas word nie.

Ek kan nie meer as 100% saamstem nie!