PDA

View Full Version : Hoe impakteer jou Christenskap jou lewe



Antonvs
Sep 19th 2008, 07:27 PM
Na aanleiding van Lani se draad oor "Negatiewe Denke" wil ek hieroor uitbrei op 'n ander noot.

Hoe benvloed jou Christenskap jou lewe? Of leef jy as 'n "gesplete persoon" - is jy twee mense in een? Is jy soos Dr. Jekyll en Mr. Hyde.

Vir lank is daar geglo dat Christenskap (geloof) in jou private sfeer van jou lewe tuis hoort, maar enige iets anders in jou publieke sfeer tuis hoort.

Voorbeeld: Mense sal byvoorbeeld beraad oor oplossings vir die armoede probleem in SA. Dan sal iemand noem dat die oplossing hoofsaaklik l in die toepassing van Christen waardes in ALLE sfere van die Lewe - soos byvoorbeeld om jou "tuinier of huishulp" 'n leefbare salaris te betaal.

Mense sal dan skerts - "los jou geloofsake by die huis" - "geloof is 'n private ding en hoort nie in 'publieke' sfere ingebring te word nie.

Of "probeer jy jou geloof op ons afdwing" -die vraag is sal die Christen ("holistiese Christen) antwoord - ek is 'n Christen in geheel, alles wat ek is is Christen, ek dink soos 'n Christen, beoordeel sake soos 'n Christen, leef soos 'n Christen en daarom kan ek nie dit van my menswees skei nie?

Laat jou dink

Ta-An
Sep 19th 2008, 07:32 PM
My geloof laat my soos 'n seer vinger uitsteek :o

Willem
Sep 20th 2008, 10:13 PM
Dis my hoop en my vrees en waaraan ek meeste tyd spandeer:cry:ongelukkig nie in gebed nie, maar met my verstand en gelukkig is ek nou besig met Angus se boek "Is Jesus Enough?" en spreek dit die gebed en tyd met Hom aan in plaas van lees en leer:blush:

As Hy nie genoeg is nie; mors ek my tyd...:eek: MAAR Hy is! Die woord se so en dit is God se Woord en is waar, ek moet dit net aanvaar en onthou:pp

mari
Sep 24th 2008, 08:25 AM
... die negatiewe reaksie op Christenskap in ons allerdaagse omgang met die "wereld" het dalk baie te doen met 'n amperse hoogmoedige "ek is reg, want die Bybel se so" houding van baie vormchristinne.......

die wereld wil jou getuienis sien voor hulle na jou preke gaan luister......... as ons as gelowige Christinne kan leer om eerder in liefde te leef en getuig as in oordeel, sal die wereld ook beter na ons luister....

om Christelikke, Bybelse prinsiepe in besigheid toe te pas is op die ou end baie meer voordelig as om aan wereldse idees toe te gee, want die seen van die Here gaan dan saam met jou doenighede, en die duiwel moet maar skoert........

ons kry dit baie in die workshop dat mense spesifiek na ons toe kom oor ons reputasie vir eerlikheid en reguit openlikheid met bike kliente, 'n bedryf wat maar bekend is vir kansvat...... daar dra ons christen getuienis groot waarde.......

dit is ook nogal snaaks dat "mede" gelowiges meer kritiseerend is oor openlikke Christenskap as die "wereld"..........

groetnis
m

Lanie
Sep 24th 2008, 09:22 AM
Watse impak het my christenskap op my lewe?

Aan die negatiewe kant (en eintlik is dit nie negatief nie - ek's doodseker my Wyse Vader het ook 'n perfekte plan daarmee):

Ek kan nie meer saam met vriende (van wie ek regtig baie hou, mense met pragtige harte) kuier, sonder om vrek ongemaklik te voel nie. Hoekom? Want as daar gebraai word, word daar gedrink. En mens kry mos maar altyd die 2 of 3 ouens wat nie weet wanneer om halt te roep nie. (Gelukkig is my man nie lief vir drank nie) En hoe meer hulle drink, hoe stiller raak Lanie.... en hulle ervaar my as droog/suur/koekerig. Drink ek een glasie wyn saam, en hulle is happy, maar ek voel skuldig, asof ek nie 'n goeie voorbeeld gestel het nie. Nie dat ek voel dis verkeerd om 'n glasie te geniet nie, ag ek weet nie, dalk is dit net weer irrasionele vroulike emosie wat kop uitsteek, maar dis hoe ek voel.:crazy:

Aan die ander kant is daar te veel om op te noem.....

Ek lewe nie meer in vrees nie want ek weet Wie my beskerm...:pp
Ek worry nie meer oor geld of kos of klere of 'n huis nie , want Ek weet Wie voorsien...:pp
Ek oorbeskerm nie my kids nie, want ek weet Wie hou sy oog op hulle...:pp
Ek hanteer krisisse anders want daar is Iemand wat my leiding gee...:pp

Ai, dis nou so lekker om hierdie lys te maak, ek ding ek gaan 'n groot lys maak en dit op my aansteekbord vassit sodat ek elke dag dit kan lees en nog kan byvoeg. Dankie vir die idee, Anton!!! :pp :hug:

Antonvs
Sep 24th 2008, 06:57 PM
Lani en Mari Ek is Baie beindruk met julle terugvoer.

Lani ek kan nie meer met jou saamstem oor die "drank" onder die nasie nie. Ek wil nie snaaks wees nie maar ons facebook kennise in VSA en SA is daar 'n duidelike verskil in die fotos van mense se lewens - drank is hand en sant deel v/d Afrikaner. Ek is jammer om dit te noem - maar die Afrikaner het 'n Drank-gierige nasie geword. Daar is daardie skeiding - "Geloof en Kerk bly by die Huis as ons gaan braai of rugby kyk"

So Lani - as jou vriende jou 'veroordeel' - of jou mede gelowiges jou veroordeel - breek weg daar - hulle is nie jou broeders en susters in Christus nie (al glo hulle hulle is). Moet nooit jou gewete onderdruk nie - as jy nie iets uit 'n rustige gewete doen nie - is dit sonde


Miskien kan Mari en ander ons voorbeelde gee van Christenskap in die Sake wereld

Optimis
Sep 25th 2008, 06:33 AM
So Lani - as jou vriende jou 'veroordeel' - of jou mede gelowiges jou veroordeel - breek weg daar - hulle is nie jou broeders en susters in Christus nie (al glo hulle hulle is). Moet nooit jou gewete onderdruk nie - as jy nie iets uit 'n rustige gewete doen nie - is dit sonde

Lani, ek het weer 'n ander ondervinding,
So jaar terug was ek in 'n soortgelyke situasie.... het lekker uit gevoel want toe drink ek nie meer nie... ja dit was werklik ongemaklik en ja my pelle kon ook maar te ver gaan en nie stop nie ... gewoonlik is dronk mense in elk geval nie in staat om te veroordeel nie!!!
Wat jou gewete aan betref ek is seker dit sal jou baie rustigheid gee as jy intens vir hulle begin bid!!!

Ek was die naweel gelukkig genoeg om saam met dieselfde vriende van 'n jaar terug (wat soo kon "suip) te kuier (tot laat) op koffie en koek....en die HG ..... dit was voorwaar 'n voreg!!! Min van ons sou 'n jaar terug kon glo dat die spesifieke groep mense so sou kon kuier ... sonder drank!!!

MOET NOOIT DIE KRAG VAN GEBED ONDERSKAT NIE!!!!!!!

Lanie
Sep 25th 2008, 06:46 AM
So Lani - as jou vriende jou 'veroordeel' - of jou mede gelowiges jou veroordeel - breek weg daar - hulle is nie jou broeders en susters in Christus nie (al glo hulle hulle is). Moet nooit jou gewete onderdruk nie - as jy nie iets uit 'n rustige gewete doen nie - is dit sonde

Anton, ek voel nie vrede in my hart om weg te breek van hierdie groep mense nie. Dis eintlik meer my man se 4x4, volleyball buddies. Ek hou regtig van almal, maar ek dink van almal is daar een wie sy hart aan die Here oorgegee het. Ek het al baie, met veral die vrouens oor die Here gesels en getuig, ek kan dit nie help nie, my mond borrel meeste van die tyd oor van die Here, want vir my is dit die sinvolste en lekkerste gesprekke wat mens kan voer. Ek is seker God gebruik my daar. Ek moet net leer om dit in gedagte te hou wanneer ek ongemaklik raak met van die manne se drinkery. Dalk verander dit nog en ek moet dalk net leer om geduldig te wag dat God Sy plan werk. ;)

Lanie
Sep 25th 2008, 06:48 AM
Dankie Optimis, vir jou getuienis en jou raad. Ek moet my kop in skaamte sak :blush: as ek s dat ek nog nie vir hulle begin bid het nie. Gaan sommer nou dadelik begin. :hug:

Gene
Sep 25th 2008, 06:52 AM
Laat my toe om na aanleiding van hierdie draad 'n kort persoonlike getuienis met julle te deel. Toe ek in 1995 wedergebore is, het ek in 'n groot firma gewerk - ons departement het bestaan uit 52 mense. Almal sogenaamde "kerkmense" Almal het geweet van my oorgawe want ek het geen geheim daarvan gemaak nie en my lewe het drasties verander. Maar ek het nie daarmee te koop geloop nie omdat ek glo dit skrik mense af. Maar omdat my eie lewe radikaal verander het (Die Here het ALLE aspekte van my lewe oorheers) het dit almal gepla. Ek het gou die bynaam "Pastoor" gekry. En elke keer as ek naby mense kom wat besig was om te gesels, sou iemand 'n opmerking maak soos: "Oppas wat julle se, want die pastoor is hier...." Dan het almal gelag.

Maar dit het gaandeweg begin verander. Ek het begin agtergekom dat mense nie meer in my teenwoordigheid vloek of vuil grappe vertel nie. En elke nou en dan het my deur oopgegaan en iemand sou by my lessenaar kom sit het (soms van diegene van wie ek dit die heel minste sou verwag) en met my begin praat oor die Here. DAN het ek 'n oop deur gehad en so kon ek baie mense help.

Wat ek probeer se, is dat die Here in elke fasset van 'n christen se lewe sigbaar moet wees. Nie net Sondae, of wanneer jy daar onder jou mede-christene is nie. Want deur ons lewens (Let wel, nie noodwendig ons woorde nie) het ons 'n invloed op ander mense se lewens.

Buitendien, as 'n mens werklik wedergebore is, kan jy jouself nie help nie. Dit is onmoontlik om die Here net in sekere kompartemente in te deel...

Antonvs
Sep 25th 2008, 07:56 AM
Julle het goed beantwoord - Gene veral ek deel in presies dieselfde ervaring - "People like to see real Christians" jy sien jy het jouself as 'n ware Christen bewys aan jou oud-kollegas

Lanie, ek weet jy doen wat jou "gewete jou toelaat" - en bly getuig teenoor die mensies. Onthou om nooit, maar nooit iewers of iets te doen wat jou gewete nie 100% in ooreenstemming is nie.

Onthou ook, terwyl jy so getuig oor die Here, dat mense sal saam gesels, maar pasop dat hulle net uiting gee aan hulle "religion" of "kulturele-geloof" nie.

Ons het al diep / baie diep geestelike gesprekke gehad met vriende, en hulle glo in God en sien sy werk in hulle lewe. Tog ontbreek die krag v/d Evangelie op 'n dag tot dag grondslag.

Hierop sal ek jou geen antwoord kan gee hoe mens dit moet hanteer nie - ek weet nie - dis daardie saak van "in die wreld maar nie van die wreld nie"

Sterkte Lanie, en sterkte aan almal wat soos ACCM noem uitstaan soos 'n seer vinger.

Wees die Sout v/d Wreld - dis die naaste aan die Hemel wat hulle ooit gaan kom. En julle as Kinders wat vervolg word - onthou die Wreld is die naaste wat julle aan die Hel sal kom.

simonpetra
Sep 25th 2008, 02:11 PM
Hoe beinvloed Christenwees my lewe?

My doel in die lewe het geskyf van suksesvolle beroepsvrou na soveel mense moontelik saam neem Hemelse ewigheid toe. Ek jaag nie meer om soveel moontelik werk gedoen te kry en altyd `n stap voor te wees nie. Ek probeer nou elke oomblik geniet en elke mens se hart raak sien.

Ek gesels nie meer saam oor die toestand waarin ons land is en hoe "useless" ander mense is nie maar staan op God se woord dat Hy steeds in beheer is en ons almal gelyk is in Sy oe. Ek se dit ook elke geleentheid wat ek kry. Ja, dit maak jou onpopuler en mense tel hul woorde voor jou. Maar die saadjies word gesaai en hulle moet kyk na hoe hulle hul geloof uitleef.

Ek is nie meer so slim, oulik en regverdig in my eie oe nie maar word gereeld deur die HG gewys dat ek soms selfsugtig en hoogdrawend optree. Ek probeer nie meer uit my eie krag en passie die dinge in die wereld reg ruk nie maar vertrou op Die Rots en (probeer) wag vir Sy leiding.

Ek leef in `n wereld wat ander sien as `n droom wereld wat nie die krisisse in die werklikheid wil raaksien en aanvat nie. Maar ek weet dat elke werklike krisis gaan oor iemand se hart en dat die tyd wat ons op aarde is, slegs `n stoffie in ewigheid is. Buitendien, selfs die krississe in die fisiese wereld se antwoord le in die Jesus van die ewigheid.

David2
Sep 25th 2008, 04:42 PM
Ek het een aand laat alleen in my bakkie op 'n grondpad huis-toe gery. Skielik is hier in die lig van die bakkie so 15 tree voor my 'n dronkie in die pad. Dit was te laat en ek het te vinnig gery. Al wat ek kon doen is om die stuurwiel regs te ruk en die man skuins met die kant van die bakkie te tref. Toe ek by hom kom het hy leweloos daar gel. Ek het geweet dat daar huise naby was en blaas op die toeter en roep. Binne 5 min kom daar 'n vrou en meisie aangedraf. Die man begin toe ook wonder bo wonder tekens van lewe te toon en hulle help my om hom op die bakkie te laai.

Op pad hospitaal toe s die vrou vir my ek hoef niks te s nie, sy weet ek glo. Ek was so geskok met die hele gebeure dat ek nie eers een keer aan geloof of Christenskap of iets gedink het tot sy daarvan gepraat het nie. Nee, s sy, hulle bly daar naby aan die pad en baie mense is al daar raakgery, maar gewoonlik ry die mense net aan, s sy. Ek was uit die veld geslaan. Ek het gedink die mense gaan my kwalik neem dat ek die man raakgery het. Ek het verder met haar 'n getuienis gedeel en vir haar 'n traktaatjie gegee.

In hierdie geval dink ek, glo ek dat ek nie eers daaraan gedink het of probeer het om Christen te wees nie, maar die Gees wat in my is het self die werk gedoen.

Ta-An
Sep 25th 2008, 07:04 PM
wat soos ACCM noem uitstaan soos 'n seer vinger.

"Ma, jy is altyd anders, 'almal bly saam', net jy dink dat dit verkeerd is, niemand anders se ouers is so erg eng soos jy nie"


:rolleyes:

Lanie
Sep 26th 2008, 03:29 AM
Ja Ta-An, dis tricky om kinders groot te maak as jy 'n christen is.

Nog 'n ding wat die wreld laat dink jy's 'n "koek" (jammer maar ek kry nie 'n beter woord nie), terwyl jy net christelike waardes het, is kleredrag.

Net verlede jaar moes my dogtertjie daarvan afsien om 'n pom-pom meisie in haar kleuterskoolkonsert te wees, omdat ek nie bereid was om haar halfkaal op 'n verhoog toe te laat nie. Sy het toe 'n ander rol gekry. Op die ou einde was dit toe nie eens nodig dat sy hoef te geskuif het nie, want die onderwyseresse het besluit om die kleredrag meer fatsoenlik te maak as wat die oorspronklike plan was.

My man voel partykeer ek ruk die ysberg onder die pikkewyn uit, bv. my dogtertjies word glad nie toegelaat dat hulle magies mag uitsteek nie. Maar kleredrag is vir my net een van daai dinge waarop 'n christen nie moet "compromise" nie. Dis nie nodig om soos Hestertjie Haarnaald rond te lopp nie, maar dis ook nie nodig om God se tempel goedkoop te maak nie. (Wat is die Afrikaans vir compromise - ek het nie 'n woordeboek nie)

protea
Sep 26th 2008, 07:47 AM
Wie op aarde tog het die lawwe idee gehad om iets soos n 'after party' na n matriekafskeid te wil he?!?! En hoe gaan ek my Christenskap daar vertoon? Ons jongste is ook in Matriek en het n baie oulike en behoudende vriendekring ,maar wou ook nou kwansuis na n OORSLAAP 'afterparty' gaan soos deur hulle gereel . n BAIE rebelse jong man van so 4 jr gelede se matriekklas en sy nuwe vroutjie sou n 'ogie hou'. Die kinders verstaan jou 'versigtigheid' om hulle na so-iets te laat gaan as n mosie van wantroue in hulle as persoon. En in die meeste gevalle is die groep nie n probleem nie, maar die BYKOMMERS wat ongenooid daar opdaag. End van storie: Na baie gebede het alles toe goed afgeloop en ek sien werklik die Here se hand van bewaring daarin.:pray:

Antonvs
Sep 26th 2008, 05:16 PM
Na aanleiding van Protea oor "After Party" -

1. Ek dink dis heel o.k. as daar iets gedoen word wat God eer, soos bv. Kuiertjie by Ma hulle se huis, en ouers en families saamkom en feestelikheid vier. (Hoekom wil kinders nie ouers daar h nie is my vraag)

2. Wat ek wel nooit verstaan dat die wreld altyd aan ons moet dikteer wat 'vermaaklikheid' en 'plesier' oor moet gaan - dis waaneer jy kry dat mense "compromise"- veral as ongenooides daar aankom - as jou kind Bybelse waardes en norme geleer is sal die "ongenooides" definitief nie met die "Christen-nerds" wil uithang.


Mense, ons moet die standaard stel - as daar gekuier word - word daar op ONS standaarde gekuier. As jy nie drank by jou huis wil h nie - en mense wil nie kom nie - GOED SO!

ONS MOET VERSIGTIG WEES OM NIE OP WRELDSE STANDAARDE AF TE SAK NIE EN DAN GLO ONS KAN DIT DOEN AS 'N GELEENTHEID VIR EVANGELISEER.

Ons moet versigtig wees om nie vir goddeloses 'n hawe te skep om uiting te gee aan hulle sondes om te "evangeliseer."

Nou sal julle vir my s maar Jesus het saam met sondaars gekuier van tyd tot tyd. Ja jy's reg - maar Jesus het ALTYD mense uitgeruk uit hulle sondige lewe - daar het hy Saggues aangespreek oor aand ete en so sy sondes aan die lig gebring en nie net "saamgekuier" nie.

Christene wat godeloses gemaklik laat voel om uiting aan hulle sondes te gee is soos 'n Kudu wat vleis eet - iets heeltemal waarvoor nie geskape is nie

David2
Sep 27th 2008, 03:15 AM
Mense, hierdie is 'n lekker moeilike onderwerp waarmee julle nou besig is. Dit is goed en wel om te s:

ONS MOET VERSIGTIG WEES OM NIE OP WRELDSE STANDAARDE AF TE SAKMaar wreldse standaarde is nie so maklik om te definieer nie. Toe ek in die 70's op maties was, was blou jeans vir meisies 'n bose euwel. En nou praat ek nie eers van nou passende blou jeans nie, sommer enige blou jeans. Vandag dra alle meisies dit, insluitende die Christene. In die 70's het meisies wel begin langbroek dra, maar nog tien jaar voor dit was enige langbroek vir 'n vrou 'n "wreldse standaard". En dit was juis ook in die 70's wat vroue op 'n dag begin het om die Bybelse gebod te oortree en kaalkop kerk toe te gaan. Christene het toe ook teen die nuwe tendense wal gegooi, maar uiteindelik die stryd verloor en daarmee saam gegaan. Ds. Jan Hanekom, 'n matie-predikant vir wie ek baie respek gehad het, en Pietie Victor, 'n evangeliese Kaapse predikant wat ook straatwerk gedoen het, het in daardie jare gereeld teen dans en styf passende broeke vir vroue gepreek. Vandag hoor jy dit nie meer nie. Het ons die stryd verloor? Om nie eers van grimering en juweliersware te praat nie. In die 50's en 60's was dit 'n bose euwel vir 'n vrou. Ek weet nie hoe dit nou in die EGK is nie, maar tot 10-15 jaar gelede het hulle nog steeds gepreek teen grimering en juweliersware. Wie gaan nou besluit wanneer ons moet ophou om teen iets te preek en wanneer die wreldse standaard ook 'n Christelike standaard geword het?

protea
Sep 27th 2008, 08:05 AM
David , die rede vir die moeilike draad is na my mening : Geen grys gebied het nog ooit duidelik omheinde grense gehad nie.:idea:

Antonvs
Sep 29th 2008, 12:13 AM
Ek het vir die afgelope paar jaar die geskiedenis en verloop van Christen-Fundamentalisme bestudeer. Ek is eens dat daar op baie gebiede na "legalism" oorgeleun word: jeans, lang hare ens.

Uit die aard van die saak is my argument nie teen hierdie "buite-bybelse" sake nie soos jeans, tatoos en lang hare nie - maar wel die kruks v/d saak - 'moraliteit en etiek'

Handhaaf ons as Christene deurgans 'n hor moraliteit en etiek in alle sfere of nie. So dit gaan meer dan oor die "hart" van die saak nie so seer die daat nie.

Ons moet dalk ook om terug te kom, na 'legalism" of wet-onderhouding. Ek onthou in 70's was lang hare 'n teken van rebellie, net soos ooringe vir mans 'n rebellie teen sosiale beperkinge, nou is 'n tong-ring / naeltjie ring die teken van rebellie - watter ouer gaan gelukkig wees as sy 12 jarige dogtertjie 'n naeltjie ring inskiet - waarom dis uit en uit 'n teken van ouerlike ondermeining.

Lanie
Sep 29th 2008, 01:48 PM
Lanie, ek weet jy doen wat jou "gewete jou toelaat" - en bly getuig teenoor die mensies. Onthou om nooit, maar nooit iewers of iets te doen wat jou gewete nie 100% in ooreenstemming is nie.

Onthou ook, terwyl jy so getuig oor die Here, dat mense sal saam gesels, maar pasop dat hulle net uiting gee aan hulle "religion" of "kulturele-geloof" nie.

Hemeltjie tog, dis moeilik!!!!!! :sad: Ons het die naweek saam met die klomp gaan kamp en dit drink (nee, daar's 'n beter woord maar ek sal uit ordentlikheid dit nie hier gebruik nie) van 7-uur in die oggend regdeur tot 12 -uur as ons gaan slaap. En my man word geterg omdat hy die hele naweek nie 'n druppel alkohol oor sy lippe geneem het nie.

Ek vind dit moeilik om te getuig want met 'n aangeklamde praat die voggies harder as enige iets anders. Dink julle ek moet maar moed opgee.

Ons trek in elk geval aan die einde van die jaar na 'n nuwe dorp waar ek defnitief met die Here gaan "konkel" vir 'n beter vriendekring vir my man. ;)

mari
Sep 29th 2008, 02:40 PM
Ek vind dit moeilik om te getuig want met 'n aangeklamde praat die voggies harder as enige iets anders. Dink julle ek moet maar moed opgee......


Liewe Lanie.... moenie opgee nie, pas net jou strategie aan.......:spin:

.... om te probeer preek vir 'n klomp bierbreins is nutteloos....... jou getuienis in jou optrede spreek egter boekdele en het baie meer inpakt tussen so 'n klomp ( in die biker wereld kan dit maar rof raak, so ekke weet van .... ) .....

.... as die klomp 'n rustigheid en vreugde in jou en jou man waarneem sonder die alomteenwoordige voggies ..... en as jy in liefde vriendelik en rustig kan wees, al spot hulle hoe, en NIE BETERWETERIG / VEROORDELEND optree nie, maat die prentjie van "perfect peace" in die deurmekeer wereld wat hulle in 'n bottel probeer verdrink, kan wees, sal jy verbaas wees om uit te vind wie wonder met begeerte oor jou "andersgeit".... en wie mag in 'n meer nugter oomblik jou kom uitvra... en dan kan jy die preke preek..... in liefde, sonder veroordeling en sonder vrees...........

nugter biker groete
m
;)

Lanie
Sep 29th 2008, 02:55 PM
Mari, jy sal nie weet hoe baie hierdie paar woorde van jou my nou geinspireer het nie.......Baie dankie. :hug: Ek waardeer julle Lighuisers so ongelooflik baie.

Optimis
Sep 29th 2008, 03:36 PM
Lani, lyk my mari het al gesien hoe dit werk!!!

Liewe Lanie.... moenie opgee nie, pas net jou strategie aan.......:spin:


.... as die klomp 'n rustigheid en vreugde in jou en jou man waarneem sonder die alomteenwoordige voggies ../... en wie mag in 'n meer nugter oomblik jou kom uitvra... en dan kan jy die preke preek..... in liefde, sonder veroordeling en sonder vrees...........


;)So asof sy al gesien het wat die langer termyn uitwerking is op 'n klomp drinke broers ha ha ha haa.....

Byt vas die voorbeeld spreek ........ (en onthou die bid)

mari
Sep 29th 2008, 08:32 PM
Lani, lyk my mari het al gesien hoe dit werk!!!
So asof sy al gesien het wat die langer termyn uitwerking is op 'n klomp drinke broers ha ha ha haa.....

Byt vas die voorbeeld spreek ........ (en onthou die bid)


Ja Opti.... ek weet van selwers hoe die " better than thou / baptised in lemonjuice " houding op die langeduur werk......... GLAD NIE !....:rofl:

ek was self daarie stoere kerkdogtertjie wat al wat tatoe is wou bekeer met slim veroordelende preke..... en dit het altyd nerens gekom nie...... nou kuier ek saam met die bikers ( en soms ander weird "arti" karikature wat nie net drank uit 'n bottel inneem nie ) ...... en dis juis met voorbeeld wat ek baie meer regkry as met preek....... as gebore kapenaar kan ek maar nou net nie 'n "geheelonthouer" :o wees nie en geniet 'n glasie wyn saam met braai, maar het juis nie 'n bottel nodig nie :saint: ....... en het geleer hoe om nee te se aan die tergendes wat 'n glas wil vol hou..... en hulle ken my al so.... manlief sal van 6nm tot na middernag met dieselfde blik bier rondkuier en rustig nugter kan huistoe bestuur........

en ja.... gebed is die basis van alles....... Onse Abba Vader bring mense oor jou pad in sekere omstandighede met 'n doel..... soms is jy die enigste getuienis vir iemand wat se oe op 'n ander pad gerig is as jou kerklikke paadjie.... soms ontmoet jy iemand by so 'n kuiery net in die verbygaan, maar die mensekind klim in jou siel in.... soms voel jy selfs God self se begeerte in jou gees om deur die skanse tot daarie mensekind deur te dring......... jy kan die skakel wees wat in gebed ander deure oopmaak vir daardie verlore siel om Lig te vind........ jy kan soms vir dae met iemand se naam of gesig in jou kop rondloop en sommer 'n hele paar gebede opstuur ...... gebed verander sake...... of jy kan net daar in die remoer met 'n glimlag of vriendelike woord 'n saadjie van hoop plant in 'n stukkende siel, wat later kan ontpop in vrymakende geloof...... mens weet nooit, God weet altyd !...........

....... die geheim is om jou anker altyd stewig in Geloof, Hoop en Liefde te hou.... die grootste hiervan.... altyd die Liefde........

groetnis
m

Phil Fourie
Sep 30th 2008, 06:54 AM
Ek wil net hier 'n klip in die bos gooi as ek mag.

Ons hoor so baie keer dat jou lewe moet getuig van jou Christenskap en daarmee stry ek nie per se nie, maar ek het 'n lelike grief daarin as dit vir mense al is wat hulle doen om te getuig. Is dit wat Jesus gese het ons moet doen? Het Hy gese ons moet maar net soos die Boedhis gaan sit en die goeie lewe lei, niks praat nie?

Dit is immers nie wat Christus gese het nie :hmm:

Gene
Sep 30th 2008, 09:03 AM
Ek wil net hier 'n klip in die bos gooi as ek mag.

Ons hoor so baie keer dat jou lewe moet getuig van jou Christenskap en daarmee stry ek nie per se nie, maar ek het 'n lelike grief daarin as dit vir mense al is wat hulle doen om te getuig. Is dit wat Jesus gese het ons moet doen? Het Hy gese ons moet maar net soos die Boedhis gaan sit en die goeie lewe lei, niks praat nie?

Dit is immers nie wat Christus gese het nie :hmm:

Phil

weet jy, ek voel nogal sterk hieroor. Dis nie 'n maklike vraag om te beantwoord nie. Natuurlik moet ons getuig met ons mond ook. Maar die vraag is, wat gaan die grootste impak he? As jy my vorige pos op hierdie draad gaan lees, sal jy sien wat ek bedoel. Ek het al male sonder tal gesien watter skade woorde kan aanrig. En wanneer 'n mens loop en "preek" vir al wat voorkom, het dit dikwels 'n negatiewe effek. Want dit kom voor asof jy ander veroordeel, en asof jy dink jy is beter. So maak mens vyande, en jy trek niemand nader nie. Ek voel baie sterk dat 'n mens EERS deur jou voorbeeld en jou dade moet getuig, en dan, wanneer die geleentheid ryp is, met jou woorde. En soos in my vorige pos genoem, kan ek werklik uit my eie lewe getuig dat dit werk! Want deur jou optrede, deur nie veroordelend voor te kom nie, pla jy mense se gewetens aan, en vroeer of later maak die Here die deur oop om ook met jou woorde te getuig.

Kyk maar hoe het Jesus opgetree. Hoe het Hy Matteus bereik? Deur hom te vermaan en te vertel dat hy op pad hel toe is? Nee, deur onvoorwaardelike liefde. Hoe het hy die vrou wat betrap is dat sy owerspel gepleeg het, bereik? Deur soos die ander mense te veroordeel en te "preek"? Nee, deur onvoorwaardelike liefde. En toe hy vir haar se, "Ek veroordeel jou nie, gaan, maar moenie verder sondig nie..." toe het sy dit ter harte geneem, baie meer as die woorde of die dade van almal wat haar wou stenig.

Nou se ek nie dat 'n mens altyd moet stilbly nie. (2 Thim 4:2 (http://bibledatabase.org/cgi-bin/bib_search/bible.cgi?BIBLE=1&BOOK=55&CHAP=4&SEARCH=jesus king lord&Read=Read&FIRST=OK&HV=2) verkondig die woord; hou aan tydig en ontydig; weerl, bestraf, vermaan in alle lankmoedigheid en lering;) Ons mag nooit skaam wees of bang wees om onverskrokke die Woord te verkondig of te vermaan nie. Maar wat ek probeer se, is, dink voordat jy praat. Dit sal verskil van situasie tot situasie. Om bv met iemand te praat wat aangeklam is, is werklik nutteloos, en jy maak dalk 'n deur toe om op 'n volgende gelentheid tot so persoon deur te dring. Deur stilweg 'n voorbeeld te stel en die liefde van Christus uit te leef, trek jy mense nader en wanneer die tyd ryp is, gaan die deur vir jou oop en kan jy met 'n ontvanklike hart praat....

Dit is hoe ek dit beleef

Phil Fourie
Sep 30th 2008, 11:52 AM
Eugene

Ek stry nie met jou nie, ja, daar is 'n baie prominente plek vir getuienis deur jou leefwyse, maar hoe weet ek of jy as iemand oor ons pad kom of dit nie daardie persoon se laaste dag op aarde is nie? Ek dink dit sal drasties ons sendinginisiatief verander as ons besef dat daar elke dag (is die 150,000 mense, ek is nie seker nie) sterf, hoeveel van hulle maak hul oe oop in die hel?

Ja, ek stem saam, mense moet deur jou leefwyse kan sien dat jy anders is, maar leer ons nie ook uit die Woord dievolgende nie:

En aan sommige wat twyfel, moet julle barmhartigheid bewys;
maar ander moet julle met vrees red deur hulle uit die vuur te ruk; en ook die kleed moet julle haat wat deur sonde bevlek is.
Judas 1:22-23

Ek glo nogals dit is werklik nodig dat ons meer ingestel sal wees op die Heilige Gees en toelaat dat Hy ons gebruik om op die regte tyd op die regte manier te getuig. Dit gaan ook beteken dat jy soms gaan moet hard praat met iemand wat jy sopas ontmoet het, soms gaan dit 'n sagte woord van bemoediging wees, maar praat moet ons regtig praat, ons kan nie net stilbly nie, daar is 'n evangelie, die evangelie van Jesus Christus wat uitgedra moet word in 'n wereld wat nie meer wil hoor nie. As ons net stilbly, wat is ons geloof dan anders as die van die Hindu of die Boedhis? Hulle probeer tog ook rein edele lewenswyses hanhaaf :hmm:

simonpetra
Sep 30th 2008, 12:15 PM
Phil en Gene

Vir my lyk dit asof julle twee metodes van getuig teen mekaar wil meet waar ek glo die twee metodes saam werk. Die Woord se tog dat ons gereed moet wees om te getuig oor die hoop wat ons in ons is.
1 Peter 3:15 (http://bibleresources.bible.com/passagesearchresults.php?passage1=1%20Peter+3:15&version=49)


but sanctify Christ as Lord in your hearts, always being ready to make a defense to everyone who asks you to give an account for the hope that is in you, yet with gentleness and reverence;

Soos ek dit beleef trek jy ( of altans Jesus in jou) mense na jou toe deur dit wat uit jou borrel. En dan getuig jy hoekom jy soveel vreugde en vrede het en wat Jesus in juo lewe gedoen het.

Gene
Sep 30th 2008, 12:22 PM
Phil


Eugene

....hoe weet ek of jy as iemand oor ons pad kom of dit nie daardie persoon se laaste dag op aarde is nie?

Weet jy, ek het nog nooit so daaraan gedink nie. Soos ek se, dis nie 'n maklike vraagstuk nie. Ek dink jy is reg, die sleutel is om jou in elke situasie te laat lei deur die Heilige Gees, om sensitief te wees vir Sy stem, en om gehoorsaam te wees wanneer Hy dit op jou hart le om te praat. Want daar is ongelukkig tye wanneer praat nie die regte ding is om te doen nie, en andersom.

Laat my dink aan 'n verhaal wat ek erens gehoor het van 'n man wat vir jare en jare op Heathrow lughawe mense trompop geloop het en gevra het : Ken jy die Here? Is jou siel gered? En in al daardie jare het niemand hulle ooit aan hom gesteur nie. Maar op sy sterfbed het 'n prediker na hom gekom en vertel dat sy woorde hom jare gelede op sy kniee gedwing het.... al het dit hom girriteer en al het hy nie gereageer nie, het dit hom bygebly, totdat hy later sy saak met die Here uitgemaak het.

Lanie
Sep 30th 2008, 12:24 PM
URL="http://bibleresources.bible.com/passagesearchresults.php?passage1=1%20Peter+3:15&version=49"]1 Peter 3:15[/URL]


but sanctify Christ as Lord in your hearts, always being ready to make a defense to everyone who asks you to give an account for the hope that is in you, yet with gentleness and reverence;

Soos ek dit beleef trek jy ( of altans Jesus in jou) mense na jou toe deur dit wat uit jou borrel. En dan getuig jy hoekom jy soveel vreugde en vrede het en wat Jesus in juo lewe gedoen het.

AMAZING! Dankie vir die skrif. Dit spel dit baie duidelik uit. Sjoe, die inspirasie wat ek uit hierdie draad tap is net ongelooflik....:idea:

Willem
Oct 1st 2008, 10:31 PM
Wie op aarde tog het die lawwe idee gehad om iets soos n 'after party' na n matriekafskeid te wil he?!?! :pray:

My ma - hulle het met ons en my broer en suster tussen die klomp ma's besluit om parties by die huise vir ons te reel en ons het so lekker gedans en gekuier sonder drank en onder toesig en dit geniet.Voordeel as vriende en ouers mekaar ken!:idea:

Hulle uitgangspunt was, hulle sou eerder die parties reel as dat ons iewers heen gaan waar hulle nie die ouers of toesig ken nie en kon dan onder mekaar "skinner"; eintlik tips aangee oor wat hulle in jou kind se lewe sien..:cry::pp:o:blush::bounce::eek::hmm::(:rofl: som dit tieners op?

Lanie
Oct 2nd 2008, 03:49 AM
Willem, jy het :mad: vergeet.........:lol:

Willem
Oct 3rd 2008, 07:08 PM
Willem, jy het :mad: vergeet.........:lol:


ja... die rooi monster, maar dis oor die Here dit genadiglik op laerskool al doodgemaak het , ek dink Hy het geweet daai humeur moet waai anners gaan ek dit nie maak nie:lol::pray:

RR van Wyk
Dec 9th 2008, 07:46 AM
Ek wou nie 'n nuwe draad oopmaak nie, so ek tik maar nou sommer hier!

Ek glo vas dat ons almal as Christenne, wat vra vir beskerming dit in oorvloed ontvang. Ek vra vir beskerming oor my en my mense gereeld en ek glo in hierdie land is dit niks minder as 'n wonderwerk dat ek tot nou toe nog nie by enige insedent van geweld betrokke was nie.

Ek is egter realisties en besef dat ek nie skielik umuun is teen geweld nie. Ek is steeds deel van 'n gebroke wreld....

Mense wat ons ken wat nie werklik glo in God, het die laaste tyd 'n vreeslike aaklige tyd. Alles wat moontlik met 'n mens kan verkeerdloop, gebeur tans met hulle. Gewapende roof by hulle huis, twee motorongelukke in 'n week, amper aangerand deur metropolisie, ens.

Toeval dat dit so goed gaan met my, en so sleg met hulle? Ek twyfel.... ons ry dieselfde paaie, bly in dieselfde woonbuurt, ens....

Ons probeer op 'n baie subtielle manier hulle laat besef dat die Here 'n werklikheid is. Ek dwing nie my geloof op ander af nie, ek besef dit kan die situasie net vererger. Op die einde moet elke persoon die Here self vind en leer ken('n proses wat nooit ophou!)

Dit is dalk bietjie wild om dit so te sien: Laat die Here dit dalk toe, sodat hulle tweekeer dink en Hom in die proses vind? Ons almal weet dat in tye van nood hardloop mense vinnig na Hom!!.Hierdie tydelike swaarkry 'n klein prys om te betaal om 'n ewigheid saam Hom te wees....