PDA

View Full Version : Arbeiders vir die wingerd



Ta-An
Sep 21st 2008, 08:19 PM
Die Matt.20 gedeelte wat gaan oor die arbeiders wat vir die wingerd gehuur word......

Ons kerkdiens het van oggend hieroor gegaan, alles het mooi glad verloop, tot op die samevating ..... die Predikant sę toe : As Christene het ons geen werke nodig om beloning te ontvang nie.... alles is net vir Genade....

Toe val ek amper van die stoel af..... want gaan die gedeelte nie juis oor 'arbeiders' nie.... dit maak nie saak hoe lank mens 'n Christen is nie. solank jy die vrugte dra wat by die bekering pas, en daarby bedoel ek..... wat het jy gedoen vir die bevordering van die koningkryk... dus wys my jou werke waarvoor jy beloning gaan ontvang.... die arbeiders het minstens gaan werk, nie so nie??:o

Of is ek verkeerd ??:hmm:

Gene
Sep 22nd 2008, 07:44 AM
Nee jy is heeltemal reg. Om gered te word, is suiwer genade. Niks wat 'n mens doen, kan enige verskil aan jou redding maak nie. Slegs Jesus se kruisdood kan dit bewerkstellig. Maar om loon te ontvang, is 'n ander saak. As ons nie vrug dra nie, sal ons nie beloon word nie, en andersom.

Johannes 4:36 (http://bibledatabase.org/cgi-bin/bib_search/bible.cgi?BIBLE=1&BOOK=43&CHAP=4&SEARCH=jesus king lord&Read=Read&FIRST=OK&HV=36) En hy wat maai, ontvang loon en vergader vrug vir die ewige lewe, sodat die saaier en die maaier saam bly kan wees.

1 Kor 3:8 (http://bibledatabase.org/cgi-bin/bib_search/bible.cgi?BIBLE=1&BOOK=46&CHAP=3&SEARCH=jesus king lord&Read=Read&FIRST=OK&HV=8) Maar hy wat plant en hy wat natmaak, is een, maar elkeen sal sy eie loon volgens sy eie arbeid ontvang.

Lukas 6:35 (http://bibledatabase.org/cgi-bin/bib_search/bible.cgi?BIBLE=1&BOOK=42&CHAP=6&SEARCH=jesus king lord&Read=Read&FIRST=OK&HV=35) Maar julle moet jul vyande liefhę en goed doen en leen sonder om iets terug te verwag, en julle loon sal groot wees; en julle sal kinders van die Allerhoogste wees;

2 Joh 1:8 (http://bibledatabase.org/cgi-bin/bib_search/bible.cgi?BIBLE=1&BOOK=63&CHAP=1&SEARCH=jesus king lord&Read=Read&FIRST=OK&HV=8) Wees op julle hoede, dat ons nie verloor wat ons deur arbeid verkry het nie, maar 'n volle loon ontvang.

........en vele meer.

1 Korintiers 3:13-15 maak dit ook duidelik dat 'n mens beloon word volgens jou WERKE, en as daar nie werke is nie, sal jy steeds gered word (op grond van God se genade) maar jy sal nie loon ontvang nie :

"...elkeen se werk sal aan die lig kom, want die dag sal dit aanwys, omdat dit deur vuur openbaar gemaak word; en die vuur sal elkeen se werk op die proef stel, hoedanig dit is. 14 As iemand se werk bly staan wat hy daarop gebou het, sal hy loon ontvang; 15 as iemand se werk verbrand word, sal hy skade ly; alhoewel hy self gered sal word, maar soos deur vuur heen."

Ta-An
Sep 22nd 2008, 10:49 AM
Dankie tog Gene :D
Ek was skoon verslae toe ek by die kerk uitloop :o

Die Filadelfieer
Sep 23rd 2008, 08:50 AM
Ek glo ook daar is 'n verskil tussen "redding" en "loon", en dat sommige meer loon as ander gaan ontvang, maar help my 'n bietjie met hierdie ene : WAT is hierdie loon presies ?
Daar word gepraat van sommiges wat as te ware soos brandhout uit die vuur geruk word, wat natuurlik 'n teenpool van die "goeie arbeiders" is, maar presies wat behels hierdie loon in die hiernamaals ?

Ta-An
Sep 23rd 2008, 08:59 AM
Fila, mens lees van "Krone"..... alhoewel hierdie krone ons voor Hom sal neerlę..

2 Thim 4:8 (http://bibledatabase.org/cgi-bin/bib_search/bible.cgi?BIBLE=1&BOOK=55&CHAP=4&SEARCH=jesus%20king%20lord&Read=Read&FIRST=OK&HV=8) Verder is vir my weggelę die kroon van die geregtigheid wat die Here, die regverdige Regter, my in dié dag sal gee; en nie aan my alleen nie, maar ook aan almal wat sy verskyning liefgehad het.

1 Petrus 5:4 (http://bibledatabase.org/cgi-bin/bib_search/bible.cgi?BIBLE=1&BOOK=60&CHAP=5&SEARCH=jesus%20king%20lord&Read=Read&FIRST=OK&HV=4) En wanneer die Opperherder verskyn, sal julle die onverwelklikekroon van heerlikheid ontvang.

Openb 2:10 (http://bibledatabase.org/cgi-bin/bib_search/bible.cgi?BIBLE=1&BOOK=66&CHAP=2&SEARCH=jesus%20king%20lord&Read=Read&FIRST=OK&HV=10) Vrees vir niks wat jy sal ly nie. Kyk, die duiwel gaan sommige van julle in die gevangenis werp, sodat julle op die proef gestel kan word; en julle sal tien dae lank verdrukking hę. Wees getrou tot die dood toe, en Ek sal jou die kroon van die lewe gee.

Openb 3:11 (http://bibledatabase.org/cgi-bin/bib_search/bible.cgi?BIBLE=1&BOOK=66&CHAP=3&SEARCH=jesus%20king%20lord&Read=Read&FIRST=OK&HV=11) Kyk, Ek kom gou! Hou vas wat jy het, sodat niemand jou kroon kan neem nie.

Gene
Sep 23rd 2008, 09:19 AM
Ek glo ook daar is 'n verskil tussen "redding" en "loon", en dat sommige meer loon as ander gaan ontvang, maar help my 'n bietjie met hierdie ene : WAT is hierdie loon presies ?
Daar word gepraat van sommiges wat as te ware soos brandhout uit die vuur geruk word, wat natuurlik 'n teenpool van die "goeie arbeiders" is, maar presies wat behels hierdie loon in die hiernamaals ?

Ek verbeel my ons het al op die forum hieroor gepraat, maar ek kon nie nou so vinnig iets opspoor nie. Ek het 'n boekie gelees wat deur Dr Bruce Wilkenson van "Walk Thru the Bible" geskryf is oor hierdie onderwerp, wat vir my persoonlik die meeste sin maak.

Sy siening is dat ons eendag in die hiernamaals ‘n allesoorheersende behoefte sal hę om te dien. (Hy gebruik verskeie voorbeelde wat ek nie nou oor gaan uitbrei nie) En hy sę dan dat om te heers (“rulership”) is die hoogste vorm van diens. En daarom sę hy dat die loon wat ons eendag sal ontvang, verband hou met “rulership” of “heerskappy” Reeds in Genesis 1 : 28 stel God die mens aan om te heers : En God het hulle geseën, en God het vir hulle gesę: Wees vrugbaar en vermeerder en vul die aarde, onderwerp dit en heers oor die visse van die see en die voëls van die hemel en oor al die diere wat op die aarde kruip.

Ons sal ook eendag heers soos konings. (Openbaring 22:5 En nag sal daar nie wees nie; en hulle het geen lamp of sonlig nodig nie, omdat die Here God hulle verlig; en hulle sal as konings regeer tot in alle ewigheid.” )

Hy gebruik verder die gelykenis van die ponde in Lukas 19 as voorbeeld. Toe die ryk man terugkom, en hy vind dat die een dienskneg vir wie Hy 10 ponde gegee het, nog tien verdien het, sę hy : Mooi so, goeie dienskneg; omdat jy in die minste getrou gewees het, moet jy gesag hę oor tien stede. (Vers 17) En so ook vir die een met vyf ponde : En hy sę ook vir hierdie een: En jy moet wees oor vyf stede. (Vers 19) Hier bring Jesus self die loon in verband met “heerskappy” Iets anders wat op die oog af snaaks klink, is die feit dat die pond wat weggeneem is van die een wat geen opbrengs gehad het nie, juis aan die een met tien ponde gegee word, en nie aan die een met vyf nie. Dit klink half onregverdig dat die Bybel se die wat die minste het, sal verloor wat hulle het terwyl dit aan die wat die meeste het gegee sal word. Maar as hierdie siening van Dr Wilkenson in die kol is, dan maak dit ook sin. Die een met tien ponde het die grootste opbrengs ingebring – hy het bewys dat hy in staat is om oor baie te kan heers, dat hy met die meeste vertrou kan word.

Ook in 1 Timoteus 3 : 2 – 5 sę Paulus dat ‘n ouderling sy eie huis goed moet kan regeer, want na die mate waartoe hy in staat is om sy eie huis te regeer, sal hy ook die gemeente kan regeer (en uiteraard ook in die hiernamaals) Maar as iemand nie weet om sy eie huis te regeer nie, hoe sal hy vir die gemeente van God sorg dra?

Om te regeer, is dus volgens Bruce Wilkenson die loon wat ons eendag sal ontvang.

Ta-An
Sep 23rd 2008, 10:56 AM
Om te regeer, is dus volgens Bruce Wilkenson die loon wat ons eendag sal ontvang.Eendag soos in wanneer Hy weer kom.... dus wat ons sal doen (regeer) / instrukteer teenoor die ongereddes wat deur die verdrukking sal kom..??

David2
Sep 26th 2008, 04:22 AM
En nou gaan ek met niemand stry nie. Ek stem saam dat daar beloning is vir toewyding, geloof gesindheid en arbeid wat in ooreenstemming is met die feite van die evangelie wat ons dien. Maar miskien het ek ook so 'n bietjie begrip vir wat die prediker daar gesę het. Ons moet net onthou dat ons goeie werke word deur God in ons geproduseer en nie deur onsself nie. "Ek leef nie meer nie, maar Christus leef in my" (Gal. 2:20). "Die liefde van Christus dring my" (2 Kor. 5:14). Ons wandel in die goeie werke wat God vir ons voorberei het (Ef. 2:8,9). Dus: elke beloning wat daar ookal mag wees, dit sal uiteindelik deur elke ontvanger as suiwer "genadeloon" ontvang word. Ons lees ook in Op. 4of 5 dat die 24 ouderlinge hulle krone voor die altaar kom neerlę en alle lof alleen aan Christus laat toekom. Wat sę dit? Dit sę dat hulle dit eintlik verstaan as genadeloon wat hulle nie verdien het nie en geen krediet voor aanvaar nie.

Dan is daar ook nog Kolossense 2: "Laat niemand jou kroon beroof nie" Hier is ook weer 'n anderste soort benadering tot die krone. God gee vir jou 'n kroon. Hy is al daar. Hy wag vir jou. So, asseblief, sę die vers, moet nie onbesonne gaan optree en 'n godsdienstige benadering gaan volg wat nie in ooreenstemming is met die evangelie wat vir ons gegee is nie.

Ek weet self nie of ek hierdie goed al heeltemal reg verstaan en dit reg kan uitlę en verkondig nie, maar dit lyk vir my duidelik dat daar wel elemente is wat sę jy moet hardloop en stry vir jou beloning aan die een kant, en aan die ander kant dat dit nie jy is nie, maar God wat in jou werk en dat jy niks gaan verdien nie.

Die Filadelfieer
Sep 26th 2008, 07:26 AM
David,
Ek stem 100% saam met jou, alhoewel jou antwoord nogals 'n kopswaai verg. Mynsinsiens is Ef. 2 die deurslaggewende teks in hierdie verband .

Gene
Sep 26th 2008, 08:20 AM
David

Ek is nie seker of ek jou reg verstaan nie. Dit klink amper asof jy se dat 'n mens (wedergeborene) nie regtig beheer het oor die goeie dade wat hy doen nie - want dit is eintlik die Here wat dit deur hom doen. Ek stem nie hiermee saam nie. Ja, dit is beslis die Here wat jou dring om goeie dinge te doen, want wanneer 'n mens wedergebore is, dan verander Hy jou denke en jou prioriteite. 'n Mens leef dan met die begeerte om Hom te behaag, en dit dring jou om dinge te doen wat Hom behaag. En Hy stel jou ook in staat om dit te doen. Maar dit bly 'n stryd, dit verg steeds geweldig baie opoffering en deursettingsvermoe.

Baie christene slaag nie daarin om 'n lewe te leef wat God behaag nie, baie christene is traag om regtig opofferings te maak. Sulke christene se werke sal verbrand (1 Korintiers 3:13-15) alhoewel hulle steeds gered is. Want redding is iets wat niemand kan verdien nie- dit is suiwer genade. Maar werke is iets anders. Dit kos inspanning. En al is dit God wat jou in staat stel om dit te doen en die begeerte in jou plaas, bly dit 'n stryd. Paulus self skryf: Want die goeie wat ek wil, doen ek nie... (Romeine 7:19)

Omdat werke nie iets is wat sommer vanself kom nie (al is die begeerte en die vermoee daar omdat God dit daar stel) is dit iets wat beloon sal word. En wedergeborenes wat nie die toets slaag nie, sal nie beloning ontvang nie. Maar dit verander steeds niks aan hulle redding nie. So die loon wat ons eendag sal ontvang, sien ek nie as 'n genadegawe nie. Dis iets waarvoor ek gewerk het. En almal sal beslis nie dieselfde loon ontvang nie, dit sal afhang van die mate waarin ek gehoorsaam was en bereid was om die prys te betaal wat die Here van my gevra het. (Daar is 'n legio tekste in die Bybel wat verwys na die loon wat ons vir ons werke sal ontvang.)

Dis my siening.

Groetnis!

protea
Sep 28th 2008, 09:32 AM
Gene , duideliker kan mens dit kwalik stel! Dis hoe ek ook die saak sien. Maar die spreekwoord : Die gees is gewillig, maar die vlees is swak , bly so waar. Altyd het ons n keuse oor ons dade. Die Here is so n 'gentleman' en sal jou nooit forseer om in n rigting te gaan wat jy nie KIES om te gaan nie. En is die lewe nie propvol keuses nie... Dit maak nie saak of jy n wedegebore , geredde ens mens is nie, maar jou dade hang van jou keuses af.