PDA

View Full Version : Die Wil van God



Lanie
Oct 15th 2008, 02:16 AM
Anneke het op 'n ander draad vir iemand ges dat nie alles wat gebeur God se wil is nie maar dat Hy dit wel toelaat. Nou wil ek graag weet, hoekom laat God toe dat dinge gebeur wat teen Sy wil is? Het ek 'n valse gerustheid om te glo en vertrou dat niks met my sal gebeur as dit nie God se wil is nie, want Hy laat dan soms dinge buite Sy wil toe? Help my asseblief, ek l wakker hieroor. Ek is iemand wat nodig het om veilig te voel want ek raak totaal en al erg paranois en irrasioneel as ek nie veilig voel nie.

Phil Fourie
Oct 15th 2008, 07:27 AM
Hi Lanie

Persoonlik glo ek dat niks buite die wil van God geskied nie, want ek reken dat as iets buite Sy wil kan geskied, kan iets Hom onverwags vang en dan is Hy nie in beheer nie. Dalk dink ek te menslikerwys, ek wil waarlik nie die Here probeer peil nie, maar ek glo glad nie in toeval nie.

Groete
Phil

NS! Hopelik sal hierdie nie in 'n wille draad ontaard nie, maar ek glo nie in vrye wil nie, ek glo in vrye genade, wat beteken God is in beheer van alles ;)

Gene
Oct 15th 2008, 08:52 AM
Ek glo nie dat alles wat gebeur, God se wil is nie. Ek glo nie siekte, hartseer en swaarkry is altyd Sy wil nie. Ek kan nie glo dat iets soos 9/11 regtig Sy wil was nie…maar Hy is en bly in beheer, en Hy laat sekere dinge toe. Soos Hy toegelaat het dat Job tot die uiterste toe beproef word, al was dit nie Sy wil nie.

Waarom? Ons sal nie op hierdie aarde ooit volledig weet en verstaan waarom Hy toelaat dat negatiewe dinge met ons gebeur nie. Maar eendag sal ons alles verstaan (Sien 1 Kor 13) Maar een ding is seker, ons is NIE gevrywaar van teespoed nie. Slegte dinge gebeur beslis met kinders van die Here ook. Maar ons kan troos vind in die wete dat Hy steeds in beheer is, en dat daar wel ‘n rede is waarom Hy dit toelaat, soos Job, Habakuk, Josef, Paulus en ander in die tronk, Jesus se kruisiging, ens ens ens.

Die ander ding wat mens moet onthou, is om jouself nie blind te staar teen hierdie lewe nie, want dit is en bly maar net ‘n tydelike, gebroke lewe vol negatiewe dinge. Maar ons wat gered is, kan juis daarin jubel en juig, selfs te midde van swaarkry en teespoed, omdat ons weet wat wag na hierdie lewe op ons. En ons hoef juis daarom nooit in vrees te lewe nie.

Ek glo ook nie dit is God se wil dat enige mens verlore moet gaan nie. Die Bybel is duidelik daaroor dat dit Sy wil is dat ALMAL gered moet word. Tog gebeur dit nie...... omdat Hy daardie keuse aan die mens oorlaat.

Sonia Smit
Oct 15th 2008, 09:31 AM
God is 'n Gentleman en sal nooit sy wil op ons afdwing nie, en dis soos Gene s, ons staan partykeer voor keuses, en ons as mens is baie keer geneig om onder God se wil uit te beweeg (bewustelik en onbewustelik) deur die vekeerde keuse te maak en dan brand ons ons vingers. Dan wil ons weet hoekom en waarom, pleks van om self ondersoek in te stel om te kyk waar jy verkeerd gegaan het, en of die besluit wat jy gemaak het God se goedkeuring wegdra. Ek is self hieraan skuldig.

Ons ken nou net ten dele, maar eendag sal ons ten volle ken!

1Co 13:12 "Want nou sien ons deur n spiel in n raaisel, maar eendag van aangesig tot aangesig. Nou ken ek ten dele, maar eendag sal ek ten volle ken, net soos ek ten volle geken is."

Die Filadelfieer
Oct 15th 2008, 09:39 AM
Ek glo ook nie dit is God se wil dat enige mens verlore moet gaan nie. Die Bybel is duidelik daaroor dat dit Sy wil is dat ALMAL gered moet word. Tog gebeur dit nie...... omdat Hy daardie keuse aan die mens oorlaat.

Met alle respek verskil ek van jou op hierdie punt. Die Bybel is baie duidelik dat God reeds voor die Skepping al geweet het wie Sy kinders gaan wees en wie nie. God se Wil is absoluut, wat beteken as Hy jou as Sy kind WIL h, gaan jy Sy kind wees, maak nie saak hoe hard jy daarteen baklei nie.

Onthou, Geloof is ook 'n gawe van God af, net soos enige ander gawe.

Gene
Oct 15th 2008, 10:03 AM
Met alle respek verskil ek van jou op hierdie punt. Die Bybel is baie duidelik dat God reeds voor die Skepping al geweet het wie Sy kinders gaan wees en wie nie. God se Wil is absoluut, wat beteken as Hy jou as Sy kind WIL h, gaan jy Sy kind wees, maak nie saak hoe hard jy daarteen baklei nie.

Onthou, Geloof is ook 'n gawe van God af, net soos enige ander gawe.

Uitverkiesingsleer!!!! Fila, ek is wel deeglik bewus van ons verskille oor hierdie punt. Maar hoe verklaar jy dan 1 Tim 2:3 & 4 "Want dit is goed en aangenaam voor God, ons Verlosser, 4 wat wil h dat alle mense gered word en tot kennis van die waarheid kom"? (daar is ander soortgelyke tekste ook, ek kan net nie nou vinnig daarop afkom nie)

Verder, as jy reg is, wat verhinder my om agteroor te sit en die "lewe te geniet" sonder 'n gedagte aan God? As Hy vooraf bepaal het ek sal verlore gaan, sal dit mos gebeur, en as Hy bepaal het ek gaan gered word, sal dit ook mos gebeur. Waarom moet ek my moeg maak om Hom te dien? Waarom het Jesus ons beveel om die wereld in te gaan en die evangelie te verkondig? As Hy vooraf bepaal het wie word gered en wie nie, watter nut het dit dan?

Kan dit nie wees dat God, omdat Hy alwetend is, vooraf weet hoe sake gaan verloop, of wie Jesus as Verlosser gaan aanneem en wie nie? Maar dat dit nie noodwendig Sy wil is nie?

Die Filadelfieer
Oct 15th 2008, 10:11 AM
Uitverkiesingsleer!!!!

Ja ja, goeie ou uitverkiesing. Ek dink ons het reeds na al hierdie punte gekyk soos in jou pos genoem, so ek gaan nie elkeen individueel bespreek nie. Ek begryp egter nie die weerstand teen hierdie beginsel nie. Soos wat ek dit verstaan is die ler van Goddelike uitverkiesing eintlik niks anders as goeie nuus nie, en net nog 'n teken van God wat altyd in beheer is, ook van wie Sy kinders is, en wie nie.

Lanie
Oct 15th 2008, 10:12 AM
Met alle respek verskil ek van jou op hierdie punt. Die Bybel is baie duidelik dat God reeds voor die Skepping al geweet het wie Sy kinders gaan wees en wie nie. God se Wil is absoluut, wat beteken as Hy jou as Sy kind WIL h, gaan jy Sy kind wees, maak nie saak hoe hard jy daarteen baklei nie.

Onthou, Geloof is ook 'n gawe van God af, net soos enige ander gawe.

Fila, jy moet my nou maar verskoon want ek moet nog baie leer, maar hierdie maak vir my glad nie sin nie. :o Hoekom sal God so wreed wees om mense te skep net sodat hulle hel toe moet gaan. Want as Hy besluit het iemand is nie Sy kind nie is dit mos waarheen die persoon sal moet gaan. Ek is baie jammer maar die stelling van jou maak my sommer baie hartseer waar ek nou hier sit. Ek kan dit nie van my God glo nie. :cry:

Die Filadelfieer
Oct 15th 2008, 10:26 AM
Lanie,
Die Uitverkiesing is een van daardie onderwerpe waaroor mens lank kan gesels, en net so lekker oor kan vas sit. Ek het absolute vrede in my hart dat die verwerping of aangryping van hierdie ler niks met ons saligheid te make het nie, en eintlik maar net op 'n spesifieke verstaan van sekere tekste neerkom.

Om terug te keer na die onderwerp van hierdie draad, wil ek graag twee vrae vra, veral na aanleiding van wat al reeds bespreek is :

Wie het Job se kinders dood gemaak ?
Het hulle dit "verdien" ?

Gene
Oct 15th 2008, 10:37 AM
Die Uitverkiesing is een van daardie onderwerpe waaroor mens lank kan gesels, en net so lekker oor kan vas sit. Ek het absolute vrede in my hart dat die verwerping of aangryping van hierdie ler niks met ons saligheid te make het nie, en eintlik maar net op 'n spesifieke verstaan van sekere tekste neerkom.

Oukei Fila, ek hoor jou. Laat ons nie die draad heeltemal ontspoor met die reeds deurgetrapte onderwerp van die uitverkiesing nie. Die feit is dat jy 100% reg is as jy se dat dit uiteindelik niks aan ons saligheid verander nie. Die "bottom line" is dat ALMAL wat Jesus aanneem as Verlosser en Saligmaker, en op Hom alleen vertrou, gered sal word. En dit is waaraan ek vashou, en dit is wat my dring om die evangelie met mense te deel.


Om terug te keer na die onderwerp van hierdie draad, wil ek graag twee vrae vra, veral na aanleiding van wat al reeds bespreek is :

Wie het Job se kinders dood gemaak ?
Het hulle dit "verdien" ?

Die duiwel het hulle dood veroorsaak, omdat God hom dit toegelaat het. Maar dit was nie God se wil nie, hy het dit net toegelaat. En nee, nie hulle of Job het dit verdien nie. Waarom vra jy?

Die Filadelfieer
Oct 15th 2008, 10:49 AM
Die "bottom line" is dat ALMAL wat Jesus aanneem as Verlosser en Saligmaker, en op Hom alleen vertrou, gered sal word.


Dit is vir my ook die "bottom line" Gene, en iets waaroor ons verseker nie verskil nie, ongeag of mens glo aan predespinsasie of nie.




Die duiwel het hulle dood veroorsaak, omdat God hom dit toegelaat het. Maar dit was nie God se wil nie, hy het dit net toegelaat. En nee, nie hulle of Job het dit verdien nie. Waarom vra jy?


Die rede vir my vrae is eintlik op respons van iets wat Lanie geskryf het, en het mynsinsiens direk betrekking op vrae wat in die openingsplasing en ook daarna gevra is.
Wat met ons gebeur, goed of sleg, het niks te make met "of ons dit verdien of nie" Niemand "verdien" om gered te word nie. Selfs nie eers een nie. (Rom 3:10)

Phil Fourie
Oct 15th 2008, 10:57 AM
Kom ons maak maar eerder nie hierdie 'n uitverkiesingsleer vs vrye keuse draad nie, ek sal myself ook probeer weerhou daarvan :saint: :lol:

Hierdie is een van daardie dinge wat baie moeilik is vir ons om te verstaan weens ons dimensionele beperkinge as mens. Daar is altyd erens 'n demensie wat ons denke beperk, of dit nou tyd is, plek is of watookal, ons moet net altyd onthou dat God verhewe is bo hierdie beperkinge van ons en absoluut los staan van alle vorme van dimensies.;)

Sonia Smit
Oct 15th 2008, 11:16 AM
Die Here het toegelaat dat Satan hulle doodmaak net soos wat die Here toegelaat het dat sy diere omkom en net soos die Here toegelaat het dat Satan Job moet siek maak. Maar ek dink die les wat ons daaruit leer is dat Job God se Naam groot gemaak het deur al sy omstandighede.

Ek weet Job 3 vervloek sy geboorte, maar in Job 4 antwoord Elifas Job deur hom te tugtig in sy moedeloosheid, en tog het die Here Job gese tot sy einde toe, al was sy begin nie so goed nie.

Ek dink ons moet meer kyk uit die les wat geleer word as wat met hom gebeur het, want ons almal het verskillende omstandighede en ons almal gaan deur verskillende moeilikhede waar ons moedeloos is en net wil tou opgooi, maar die Here s ons moet volhard tot die einde toe, en ons moet Hom loof en prys in die tye wat dit goed gaan en in die tye wat dit sleg gaan.

Ek hoop nie ek sit die pot mis nie...

Gene
Oct 15th 2008, 12:50 PM
Sonia, ek dink jy is in die kol met jou plasing. Baie Christene het die persepsie dat die Here hulle sal beskerm en bewaar teen ongeluk en teespoed, en wanneer dinge dan verkeerd gaan, wil hulle dadelik weet: Waarom doen God dit aan my? Wat het ek verkeerd gedoen? Maar die feit is dat die Here nooit belowe het dat ons nie teespoed sal beleef nie. Trouens, as mens deur die geskiedenis kyk, dan sien ons dat volgelinge van die Here soms van die mense was wat die swaarste gekry het.

Maar ons weet dat God niks sal toelaat as dit buite Sy raadsplan is nie, en dat God "alles ten goede laat meewerk vir Sy kinders" wat beteken dat die los drade uiteindelik bymekaar sal kom en dan sal 'n mens verstaan waarom God sekere dinge toegelaat het. My gunsteling Bybelverhaal is die verhaal van Josef. Dink maar hoe verkeerd het dinge in sy lewe geloop. Eers word hy deur sy broers in 'n put gegooi en as slaaf verkoop, weggevoer na 'n vreemde land, ver weg van sy beskermende ouerhuis. Boonop word hy vals beskuldig en beland hy tot in die tronk.... Ek wonder hoeveel keer het hy nie gevoel om te vra "waarom laat God dit toe?" nie. Tog, jare later, wanneer hy as onderkoning voor sy familie staan en hulle red van 'n hongerdood, word God se plan duidelik. In baie gevalle vind mens nooit in hierdie lewe uit wat God se doel was nie, maar eers hierna.

En soos jy se, die kruks van die saak is dat God geloof en geprys moet word omdat Hy God is, omdat Hy ons siele gered het terwyl ons verdien om te sterf. En dit verander nie wanneer ons omstandighede verander nie. Dink maar aan Habakuk wat se: Al sou my hele wereld in duie stort, NOGTANS sal ek jubel in die Here" En aan Job wat sy klere skeur en grond op sy kop gooi as bewys van die smart wat hy beleef. Maar dan se hy ".....Prys die Naam van die Here" So is daar ook Paulus en Silas wat in die tronk beland en wreed gemartel word. Maar in die middel van die nag sing hulle LOFLIEDERE tot eer van God, so hard dat die hele gevangenis dit kan hoor. Ons omstandighede verander NIKS aan God nie en daarom loof ons Hom, selfs wanneer dinge in duie stort om ons. In elk geval verdien ons veel erger as enige iets wat ons op hierdie aarde kan tebeurt val.

mari
Oct 15th 2008, 02:31 PM
Rom 12:2 En word nie aan hierdie wreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.

Rom 12:2 (http://bibledatabase.org/cgi-bin/bib_search/bible.cgi?BIBLE=48&BOOK=45&CHAP=12&SEARCH=jesus king lord&Read=Read&FIRST=OK&HV=2) And be not conformed to this world: but be ye transformed by the renewing of your mind, that ye may prove what is that good, and acceptable, and perfect, will of God.

daar is ook 'n lering wat beweer dat daar verskillende "vlakke" van God se wil is :

Dit is Sy wil dat almal gered moet word ..........
maar dit is ook Sy Wil dat elkeen daardie keuse self moet maak.........

Dit is Sy wil dat elke Christen geseend en voorspoedig sal wees....
maar as regverdige God beperk hy meestal homself tot die geloof wat ons uitleef....... en dit is Sy wil dat dat ons in geloof moet groei en daarom moet daar soms swarigheid oor ons pad kom om ons geloof te oefen ( "beproef" )......

.... soms gebeur dinge wat, hoewel die beproewing self nie God se "perfekte" wil is nie, dit ten goede meewerk in 'n ander aspek van ons lewens...... gestremdheid, kanker, aanranding, moord, verkragting ens........ is defnitief nie Onse Vader se "perfekte" wil vir ons lewens nie, maar Hy kan dit laat meewerk tot iets meer volmaak as wat ons ooit kon droom......

........ ons kan wel in die vertroue staan dat God niks met ons sal laat gebeur wat te veel is vir ons om te hanteer nie - so hoe erger die deurmekaarspul - hoe meer is God se geloof in jou dat jy dit kan deurdruk !!!!!!!.:pp

Elke mensekind in Christus is deur genade "predestined" tot redding, maar dit is elkeen se individuele keuse of ons dit gaan aanvaar of nie.......

:hmm:
m

Phil Fourie
Oct 15th 2008, 02:38 PM
Elke mensekind in Christus is deur genade "predestined" tot redding, maar dit is elkeen se individuele keuse of ons dit gaan aanvaar of nie.......

Hi mari

Sonder dat ons nou van die draad af gaan of dalk weer 'n uitverkiesingsdaard hier het, kan jy dalk vir my verduidelik hoe versoen jy hierdie "predestination" met vrye keuse, want vir my is dit nogals redelik verwarrend en kontrasteer hierdie stelling van jou homself. :hmm:

mari
Oct 15th 2008, 02:49 PM
Hi mari

Sonder dat ons nou van die draad af gaan of dalk weer 'n uitverkiesingsdaard hier het............ :hmm:

.... Hierdie is nie 'n uitverkiesing debat nie, Phil.... kom ons bly by die onderwerp......

mari
Oct 17th 2008, 08:28 AM
Sorrie julle.... wil nou nie almal sommer net stilmaak nie !....

kan ons a.s.b. verder gesels oor die verskillende "vlakke" / "tipes" of hoe mens dit ookal kan noem, van God se wil....... en hoe dit dan beinvoed word deur ons wil.....

as alles vooraf 100% besluit is :
hoekom verander gebed sake....
hoekom het ons geloof nodig om God se seeninge te laat manifesteer......
hoekom vra en vertrou ons vir beskerming.....
Hoekom soek om te vind...
Hoekom vra om te ontvang.....
hoekom enigsins iets in geloof te doen ?.....
ens, ens.....

waar kom " julle het nie want julle vra nie" in ? ....

dankie vir julle input sover.....

:hmm:m

Ps 139 praat van ons "dae" wat vooraf bepaal is, nie elke gebeurtenis nie.....

Die Filadelfieer
Oct 17th 2008, 08:42 AM
Elke mensekind in Christus is deur genade "predestined" tot redding, maar dit is elkeen se individuele keuse of ons dit gaan aanvaar of nie.......


Mari,
Ek is saam met Phil op hierdie ene, bogenoemde maak nie vir my sin nie.

Het die verraaier Judas hierdie keuse gehad ?
Wat van die mense wat nooit die evangelie hoor nie ?

mari
Oct 17th 2008, 09:20 AM
Prins Charles was "predestined" om koning van Engeland te word as sy ma sou sterf of aftree....... dit gaan heel waarskynlik nie gebeur nie, een van sy seuns sal seker die troon oorneem, want hy't nou nie eintlik die die prentjie wat vir hom geteken is, reeds voor sy geboorte, so mooi ingekleur nie.......

:hmm: ... m

Die Filadelfieer
Oct 17th 2008, 09:26 AM
Prins Charles was "predestined" om koning van Engeland te word as sy ma sou sterf of aftree....... dit gaan heel waarskynlik nie gebeur nie, een van sy seuns sal seker die troon oorneem, want hy't nou nie eintlik die die prentjie wat vir hom geteken is, reeds voor sy geboorte, so mooi ingekleur nie.......

:hmm: ... m


Wat het hierdie pos enigsins met die onderwerp ter bespreking te doen ?

Phil Fourie
Oct 17th 2008, 09:49 AM
kan ons a.s.b. verder gesels oor die verskillende "vlakke" / "tipes" of hoe mens dit ookal kan noem, van God se wil....... en hoe dit dan beinvoed word deur ons wil.....

mari

Ek weet nie so lekker hiervan nie, dit kom darm maar baie oor asof God die hele tyd (met respek gese) Sy "mind change", so asof God nou nie eintlik kan besluit wat Hy wil he nie, ek is jammer, maar ek kan nie vereenselwig met so 'n idee van God nie, dit is nie hoe God Homself as die "Ek is" in die Woord openbaar nie :hmm:

Dan as ons reken God se wil kan beinvloed word deur ons wil, dan kom dit vir my baie naby aan manipulasie, baie soos wat die volk gedoen het toe hulle geweet het hulle moet hul lande die 7de jaar laat rus, maar dit toe gaan uithuur het, die resultate was nie so wat wonders vir hulle gewees nie, om die waarheid te se, dit was nogals redelik katastrofies. Ons moet oppas dat ons nie dink ons kan God manipuleer deur ons wil nie, want ons gaan nie goed daarvan afkom nie.

Lanie
Oct 17th 2008, 10:42 AM
Daar is 'n ding wat my nou 'n paar dae lank pla. Dit het gekom na die pos in Roelof se nuusflitse van die sendeling wat in die kop geskiet is.

Ek wil graag 'n vraag stel, en ek het na 'n paar verse in Johannes gaan kyk op my te help om dit wat ek nie verstaan nie te verwoord.



14:13 En wat julle ook al in my Naam mag vra, dit sal Ek doen, sodat die Vader in die Seun verheerlik kan word.


15:16 Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee.


15:7 As julle in My bly en my woorde in julle, sal julle vra net wat julle wil h, en julle sal dit verkry.

My vraag is dit: as jy 'n kind van die Here is, en jy lewe soos wat Hy wil h, maw. jy bly in Hom en Sy woorde in jou en jy vra dat God jou moet beskerm of jou kinders beskerm vra jy iets wat binne God se wil is want dis nie binne sy wil dat ons vermoor of verkrag of aangerand word nie. Ek vra in Sy naam dat ek veilig moet wees, so dan sal ek veilig wees want hoe kan dit Sy naam verheerlik dat ek in die kop geskiet word voor my kinders. (volgens 14:13)

Hoekom staan hierdie beloftes in die Woord, maar dit werk nie so in die praktyk nie?

Ek is jammer as dit dalk klink of ek skoorsoekerig is maar ek soek nie die afgewaterde ou antwoorde van "ons weet nie wat is God se redes op planne nie" of "ons verstaan nie maar eendag sal ons verstaan".

Phil Fourie
Oct 17th 2008, 10:56 AM
Hi Lanie

Ek heg hierby aan 'n Word dokument, dit is nie lank nie, lees dit gou, dalk kan dit jou help met hierdie moeilike, maar baie relevante vraag

Groete
Phil

Gene
Oct 17th 2008, 11:39 AM
Daar is 'n ding wat my nou 'n paar dae lank pla. Dit het gekom na die pos in Roelof se nuusflitse van die sendeling wat in die kop geskiet is.

Ek wil graag 'n vraag stel, en ek het na 'n paar verse in Johannes gaan kyk op my te help om dit wat ek nie verstaan nie te verwoord.

My vraag is dit: as jy 'n kind van die Here is, en jy lewe soos wat Hy wil h, maw. jy bly in Hom en Sy woorde in jou en jy vra dat God jou moet beskerm of jou kinders beskerm vra jy iets wat binne God se wil is want dis nie binne sy wil dat ons vermoor of verkrag of aangerand word nie. Ek vra in Sy naam dat ek veilig moet wees, so dan sal ek veilig wees want hoe kan dit Sy naam verheerlik dat ek in die kop geskiet word voor my kinders. (volgens 14:13)

Hoekom staan hierdie beloftes in die Woord, maar dit werk nie so in die praktyk nie?

Ek is jammer as dit dalk klink of ek skoorsoekerig is maar ek soek nie die afgewaterde ou antwoorde van "ons weet nie wat is God se redes op planne nie" of "ons verstaan nie maar eendag sal ons verstaan".

Mari

Eerstens, wat God se redes is, IS ongelukkig iets wat ons nie in hierdie lewe sal verstaan nie, maar eers hierna. Dit in ongelukkig 'n feit waaraan jy en ek nie kan verander nie, ons moet dit so aanvaar.

Maar jy redeneer vir my verkeerdom. God is nie verplig om enigiets te doen vir ons nie, Hy is niks aan ons verskuldig nie. En Hy beloof nerens dat ons nie teespoed sal beleef nie. (Soos Job en andere) Wanneer ons bid vir onsself en ons families, dan bid ons vir onsself en nie noodwendig tot God se eer nie. Daarom behoort ons ook te bid soos Jesus in Getsemane : "As dit U wil is...." En as dit nie Sy wil is nie, dan aanvaar ons dit en Hy beloof dat ons eendag sal verstaan waarom Sy antwoord NEE was.

Maar wanneer ons bv bid vir 'n siel wat besig is om verlore te gaan, dan hoef ons nie te se "As U wil.." nie, want dit IS God se wil.

Die bottom line is dat God aan ons die ewige lewe skenk suiwer en alleen uit genade, terwyl ons verdien om vir ewig in die hel deur te bring. En dit is genoeg om Hom te loof en prys, en al gee Hy nooit weer aan ons enigiets nie, al beleef ons die ergste teespoed denkbaar op aarde en al verhoor Hy nooit weer een enkele gebed nie, is dit steeds Sy prerogatief, want Hy is God en Hy weet die beste. Ons mag Hom nie bevraagteken nie, net se DANKIE vir dit wat Hy reeds vir ons gedoen het.

En ja, God verander wel van plan as gevolg van gebed. Daar is bewyse in die Bybel, maar ek kon nie nou daarop afkom nie. Ek sal dit aanstaande week hier deurgee as iemand my nie voorspring nie - ek gaan nou eers bietjie weg vir die naweek....

Lanie
Oct 17th 2008, 01:16 PM
Dankie vir die dokument, Phil. Ek het dit 3 keer deurgelees. Askies, ek probeer my nie onnosel hou nie, maar verstaan ek dan reg dat daar 'n moontlikheid is dat dit nie in God se hart vir my is dat ek en my gesin gespaar sal word van die geweld en misdaad in hierdie land nie en dat ek dit daarom nie in Sy woord kan vra nie.

Ek het nou maar vir 'n rukkie eenkant gaan sit en met God gesels oor hierdie gevoelens want ek kry nie 'n antwoord wat my rustigheid en vrede gee nie en ek voel kleingelowig en ek haat dit...:mad: Die antwoord wat ek gekry het is dat ek nie weet hoe ander mense se gebedslewe en verhouding met Hom lyk nie en dat ek my vertroue moet plaas in Sy Woord en my verhouding en gebedslewe met Hom en Sy plan vir my lewe en eerder daarop moet konsentreer. :)

Phil Fourie
Oct 17th 2008, 02:05 PM
Jy is reg Lanie, fokus jy op God en jou verhouding met God, moet nie vra wat jy moet eet of wat jy moet aantrek nie, want ons burgerskap is nie van hier nie, dit is in die hemel. En dit is nie sommer net 'n sedingetjie nie, dit is waarlik waar jou fokus moet wees. God se nerens in Sy Woord dat jy nie hier op aarde in die tydelike deur geweld gaan gaan nie, maar Hy gee jou 'n beter belofte, 'n ewige een. Vertrou op God, Hy sal jou neem waar jy moet wees, al is dit soms nie lekker plekke nie, Hy sal jou deurlei na die ewigheid ;)

mari
Oct 17th 2008, 02:19 PM
mari

Ek weet nie so lekker hiervan nie, dit kom darm maar baie oor asof God die hele tyd (met respek gese) Sy "mind change", so asof God nou nie eintlik kan besluit wat Hy wil he nie, ek is jammer, maar ek kan nie vereenselwig met so 'n idee van God nie, dit is nie hoe God Homself as die "Ek is" in die Woord openbaar nie :hmm:

Dan as ons reken God se wil kan beinvloed word deur ons wil, dan kom dit vir my baie naby aan manipulasie, baie soos wat die volk gedoen het toe hulle geweet het hulle moet hul lande die 7de jaar laat rus, maar dit toe gaan uithuur het, die resultate was nie so wat wonders vir hulle gewees nie, om die waarheid te se, dit was nogals redelik katastrofies. Ons moet oppas dat ons nie dink ons kan God manipuleer deur ons wil nie, want ons gaan nie goed daarvan afkom nie.

Phil...
Jer 29 :11 Want k weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle 'n hoopvolle toekoms te gee.
12 Dan sal julle My aanroep en heengaan en tot My bid, en Ek sal na julle luister.
13 En julle sal My soek en vind as julle na My vra met julle hele hart.
14 En Ek sal My deur julle laat vind, spreek die HERE, en julle lot verander


Is dit dalk deel van God se wil dat Hy Hy wel Sy "plan" kan verander vorgens ons reaksie op Sy Woord.........

dit is maar net een voorbeeld.......

Is dit dalk God se Wil dat ons moet soek en vind - is dit dak Sy wens en nie soseer "manupulasie" nie..... ?

Hoekom se die Skrif ons het nie want ons vra nie....... hoekom staan daar nie dat ons nie het nie want "dis nie Sy wil" nie........ ?

Daarom die vraag of daar dalk verskillende aspekte / vlakke / demensies / soorte ( weet nie wat om dit te noem nie ) van Sy wil kan wees, ja, gegrond op genade, maar nog steeds .......

Dit is Sy wil dat ons geseend moet wees, maar ook Sy wil dat ons moet leer en in geloof groei, en daarom laat Hy teespoed toe ...... die twee staan dalk nie teenoor mekaar nie, maar werk eerder saam in genade ? .......

Hoekom gebied die Skrif oor en oor dat ons moet bid, soek, vra ens,ens...... ??? .......

:confused m