PDA

View Full Version : Bespreking Jy mag nie moord pleeg nie.



Lanie
Nov 27th 2008, 03:27 PM
Ek lees nou net van julle Glock 19's en nickle-plated-sissy-pistole :lol: en weet dit word aangeskaf vir selfverdediging. Ek en liefie (eintlik meer hy as ek) het al oorweeg om so iets te kry vir selfverdediging maar het net nog nooit tot aksie oorgegaan nie. Ek's nie eintlik geneŽ met 'n vuurwapen in die huis nie (my pa het homself geskiet, so ek het 'n geweldige negatiewe konnektasie aan die goed).



In die Woord staan daar jy mag nie moord pleeg nie

en Jesus sÍ vir ons -

MATTH…‹S 5:39
Maar Ek sÍ vir julle dat julle 'n slegte mens nie moet weerstaan nie; maar as iemand jou op jou regterwang slaan, draai ook die ander een na hom toe.

Nou wonder ekke maar net, gaan ons nie God bedroef as ons iemand uit selfverdediging skiet nie want Hy gee ons tog nÍrens in sy Woord toestemming om dit te doen nie? (of doen Hy?) Ek weet God het baie Sy volk in die ou Testament gehelp en ondersteun in oorloŽ en selfs opdrag gegee om te moor, maar toe kom Jesus en Hy sÍ "draai die ander wang".

Hoe voel julle?

Dave Robb
Nov 27th 2008, 04:10 PM
Hi Lanie

In Luke 22:49 The men who were with Jesus saw what was going to happen. So they asked him, "Lord, should we use our swords to fight?"
These disciples were carrying swords for protection. I believe it is fine for believers to carry a gun for self defence. And for a Christian to be a policeman.
Miskien moet hy eendag a misdadiger skiet om iemand anders se lewe te beskerm!
So I think it's okay to own a gun for self defence.

Lanie
Nov 27th 2008, 04:13 PM
Dankie vir die antwoord Dave, en baie welkom by Lighuis!

MercyChild
Nov 27th 2008, 05:19 PM
Hi Lanie

In Luke 22:49 The men who were with Jesus saw what was going to happen. So they asked him, "Lord, should we use our swords to fight?"
These disciples were carrying swords for protection. I believe it is fine for believers to carry a gun for self defence. And for a Christian to be a policeman.
Miskien moet hy eendag a misdadiger skiet om iemand anders se lewe te beskerm!
So I think it's okay to own a gun for self defence.

Hey Dave Robb

Wat van as jy wel 'n misdadiger geskiet het, wat geen berou getoon het nie, en eers daarna tot bekering gekom het, is dit 'n vergeefbare sonde? Is daar 'n skrif wat dit dalk ook kan bevestig? Weet dis dalk 'n dom vraag, maar wonder net.

Eben
Nov 27th 2008, 06:54 PM
As ek mag in julle sop val. Ek weet nie so mooi of ons vir elke daad wat gepleeg word 'n antwoord of 'n voorskrif in die Woord gaan soek nie. Die Farrisieers van ouds het die wette wat God gegee het so gaan uitbrei en interpreteer dat hulle hulle eie geregtigheid in plaas van God se geregtigheid gevolg het. En ons weet wat die gevolg daarvan was.
Ek dink 'n mens moet die Woord bestudeer en die gees laat groei en ons sal weet hoe om op te tree in elke situasie. Selfs om iemand dood te maak uit selfverdediging is reg indien jou optrede regverdig voor die Here was. Net jy en die Here sal dit weet.
Eben

MercyChild
Nov 27th 2008, 07:02 PM
Hi Eben

Ek is redelik nuut as Christen, verstaan nie die Bybel elke dag nie, het baie vrae, sit in 'n vreemde land waar niemand afrikaans of engels verstaan nie. Daar is net sekere dinge wat ek wil weet, en weet of ek dit moet regstel, hoe ek dit kan regstel en of ek dit kan regstel. Dankie vir jou insae op die saak!:)

Ta-An
Nov 27th 2008, 08:06 PM
Hi Eben

Ek is redelik nuut as Christen, verstaan nie die Bybel elke dag nie, het baie vrae, sit in 'n vreemde land waar niemand afrikaans of engels verstaan nie. Daar is net sekere dinge wat ek wil weet, en weet of ek dit moet regstel, hoe ek dit kan regstel en of ek dit kan regstel. Dankie vir jou insae op die saak!:)Jy mag vra soveel as wat jy wil :idea:
Wat van as jy wel 'n misdadiger geskiet het, wat geen berou getoon het nie, en eers daarna tot bekering gekom het, is dit 'n vergeefbare sonde? Is daar 'n skrif wat dit dalk ook kan bevestig? Weet dis dalk 'n dom vraag, maar wonder net. Linda, dit is wat gebeur wanneer ons voor G_d belydenis doen van ons sonde Jes 1:18 (http://bibledatabase.org/cgi-bin/bib_search/bible.cgi?BIBLE=1&BOOK=23&CHAP=1&SEARCH=jesus%20king%20lord&Read=Read&FIRST=OK&HV=18) Kom nou en laat ons die saak uitmaak, sÍ die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.

MercyChild
Nov 27th 2008, 08:11 PM
Dankie Anneke vir die antwoord op my vraag. Natuurlik gaan ek net volgens die woord.

Eben dankie vir jou eerlikheid, min wat mens dit sien.

Dankie vir die skrif Anneke, dit is een wat ek gaan memoriseer. ;) Ek gaan vannaand nog die saak met die Here in gebed uitmaak!

Son of the South
Nov 29th 2008, 05:16 AM
:pray: Linda, ek dank God vir die vrymaking wat Hy gee wanneer Sy lig van waarheid val op elke stukkie seer.

Ek besit nog nie eers 'n vuurwapen vir selfverdediging nie, so vergewe my as ek uit my beurt uit babbel. Ek het 'n hele tyd terug heelwat rondgelees op die web om ander opinies te kry van of 'n gelowige 'n vuurwapen behoort te besit. Die slotsom waartoe ek gekom het vir myself is JA.

Die redenasie staan op die oomblik so: As jy in 'n situasie kom waar jy 'n vuurwapen te voorskyn bring, moet jy die moed en die oortuiging hÍ om die sneller te trek as dit daarop aankom. As jy huiwerig is, is daar 'n goeie kans dat die vuurwapen van jou afgeneem kan word en dan het jy die situasie heelwat vererger. (Ek het darem al 'n bokkie of twee platgetrek, so ek is vol bravade dat ek teoreties die sneller sal kan trek as ek die dag moet, maar soos ek sÍ, dit is nog nie in die praktyk getoets nie.) Die blote feit dat jy weerbaar is sal meeste misdadigers, wat maar 'n sagte teiken gesoek het, die hasepad laat kies. As jy die boef toelaat om oor jou te loop, dan bou hy selfvertroue op en is die kanse goed dat hy weer iets met 'n volgende slagoffer sal probeer. In daardie 0.001% gevalle waar dit nodig is om 'n lewe te neem, moet jy glo dat jy baie potensiŽle slagoffers 'n klomp leed spaar. Iewers moet dit stop, as die Here bepaal het dat dit by my moet wees, dan moet dit dan nou maar so wees.

As ek my Bybel reg lees, dan is daar meer as een gedeelte wat my oortuig dat God se kinders nie noodwendig ontwapen en weerloos hoef te wees nie.

Lanie
Nov 29th 2008, 05:26 AM
Son of the South,

Dankie, jy maak baie sin. Dis maar iets waaroor ek gewonder het want teoreties gesproke leer die Bybel dat ek nie 'n lewe mag neem nie, maar ek weet ook dat as iemand my kinders se lewens bedreig sal ek defnitief nie twee keer dink om hulle op enige manier moontlik te beskerm nie.

Vrede vir julle. :)

Son of the South
Nov 29th 2008, 07:50 AM
Ek dink om 'n vuurwapen te hÍ en om te leer om dit te gebruik is om goeie voorsorg te tref. Terselfdertyd het ek ook geen illusies daaroor dat dit net God alleen is wat ons kan beskerm nie.

Ek wonder of ek die storie van Dawid en Goliat hier van betrekking mag maak? Aan die een kant het Dawid nie voor Goliat op sy kniŽe gaan val en gesÍ: "Maak maar soos jy wil, die Here sal ons red." nie. Aan die ander kant het hy ook nie gesÍ: "Deur MY kragtige hand en deur die superieure slaankrag van MY kettie sal EK die verlossing bring." nie.

Hier is sommer nog 'n lekker vragie vir 'n teologiese debat: Waarom het Dawid 5 klippies opgetel? As hy dan geweet het God sal hom help, sou een klippie mos genoeg gewees het? Ek dink nie die Here verwag van sy kinders om popo's te wees nie. Jy kan maar voorsorg tref en gesonde verstand ook aan die dag lÍ.

As jy die vuurwapen opleiding deurloop, dan word die kwessie van wanneer om die sneller te trek vanselfsprekend ook aangeraak. Selfverdediging, wanneer jou lewe of die van ander bedreig word, is binne jou reg. Wanneer jy die agressor word, dan is jy buite jou reg en dan is dit moord. En ja definitief, moord is Bybels en moreel verkeerd.

Elke situasie het sy eie veranderlikes, maar die idee is juis om die skelm te laat besin deur vir hom te sÍ en te wys deur jou optrede: "Kyk, dink en bly leef. As jy hier iets probeer, gaan jy bloei, so trap liewer."

God het nie net alleen toestemmend geknik waar sy kinders iemand se lewe moes neem nie, heel dikwels het Hy die opdrag gegee.

Willem
Nov 30th 2008, 09:52 PM
Hey Dave Robb

Wat van as jy wel 'n misdadiger geskiet het, wat geen berou getoon het nie, en eers daarna tot bekering gekom het, is dit 'n vergeefbare sonde? Is daar 'n skrif wat dit dalk ook kan bevestig? Weet dis dalk 'n dom vraag, maar wonder net.

Hi Linda,

Geen dom vrae nie, gehoor, dis hoe ons almaar maar leer:hug:

Die situasie/detail rondom die sonde (doodmaak ) maak nie saak nie, soos Anneke se:
maak die saak uit met die Here, bely dit en dis HISTORY wat God self nie eers sal onthou nie ( anders as ons as Hy vergewe is dit uitgewis en vergeet ; nie soos ons wat oor tien jaar weer daai ou vrot koie karkas opgrawe en wonder hoekom die verhouding skielik so lseg ruik nie:blush:)

En onthou in God se oe is doodmaak en jok dieselfde :o altwee verdien die dood :eek: Nog meer amazing dat Hy dit alles vergeef en vergeet as ons bely en dat Hy Christus daarvoor laat betaal aan die kruis omdat Hy ons ( spesifiek vir jou ook :pp ) so LIEF HET:pp.

Die beste is: Jesus het opgestaan en is Here en Hy kom weer!:amen::thumbsup::agree:

Die Filadelfieer
Dec 1st 2008, 09:59 AM
Lanie,
Selfverdediging en moord is nie sinonieme nie.
Daar is eindelose voorbeelde uit daaglikse Suid-Afrikaanse gebeure, waar daar meer as 50 mense per dag vermoor word, waar 'n vuurwapen 'n persoon of persone se lewens gered het. Die beste voorbeeld waaraan ek nou kan dink is die "st James massacre" waarvan jy hier (http://en.wikipedia.org/wiki/St_James_Church_massacre) meer kan lees.
APLA teroriste het 'n kerk aangeval en net begin skiet. Dit het later aan die lig gekom dat as dit nie was vir 'n ene Charl van Wyk (http://worldnetdaily.com/index.php?fa=PAGE.view&pageId=43502)nie, het die terroriste almal in die kerk dood geskiet. Charl van Wyk het 'n vuurwapen by hom gehad, en kon sy gemeente beskerm daarmee.

Konflik sal altyd deel wees van 'n mens se lewe, of jy nou 'n Christen is of nie. Ons land is statisties die plek in die wÍreld waar jy 'n groter kans op dodelike konflik het as enige ander plek in die wÍreld, ingesluit Irak of enige ander oorlog-geteisterde gebied waar aan jy kan dink. Die vraag is, (en hier kan jy maar jou kinders in jou geestesoog hÍ) hoe jy hierdie tipe konflik gaan hanteer : gaan jy soos 'n skaap na die slagpale gelei word, of gaan jy soos 'n mamma-wolf baklei vir haar kinders se lewens ?

Ek persoonlik dra 'n vuurwapen kerk toe. Weggesteek sodat niemand dit kan sien nie, maar nog steeds daar. Ek eien nie soos baie die rol van "skaapwagter" aan myself toe nie, maar ek wil graag die gemoedrus hÍ dat ek myself en my geliefdes na die beste van my vermoŽ kan beskerm, veral teen mense wat ten doel het om my en familie op die mees gruwelooslikste manier om die lewe te bring.

Elimelek
Dec 7th 2008, 06:31 PM
Beste Lanie

Vergewe my as ek nie die Bybel gebruik as dit by skietgoed kom nie. Die meeste moorde in Suid-Afrika word gepleeg met 'n persoon se eie vuurwapen. Die vuurwapenwet maak dat daar al minder vuurwapens vrylik beskikbaar is. Meeste onwettige wapens word gebruik vir goed soos transito-rooftogte en ander roof verwante aksies. Myns insiens is dit beter om na ander moontlikhede te kyk om iemand skadeloos te stel - minimum geweld. Dit vrywaar jou ook van moontlike vervolging sou jy "per ongeluk" 'n vuurwapen in 'n verkeerde situasie gebruik.

Vriendelike groete
;)

Elimelek

Die Filadelfieer
Dec 8th 2008, 05:47 AM
Die meeste moorde in Suid-Afrika word gepleeg met 'n persoon se eie vuurwapen. Die vuurwapenwet maak dat daar al minder vuurwapens vrylik beskikbaar is.


Eli, ek stem glad nie saam nie. Eerstens, word die meeste moorde nie met vuurwapens gepleeg nie. Tweedens kan bogenoemde slegs waar wees indien "eie vuurwapens" AK47's, AKM's , R4'e , en Z88 dienspistole insluit.
Waar 'n moord met 'n vuurwapen gepleeg word in SA, is dit meestal gesteelde staatstoerusting of onwettige automatiese wapens wat oor die grens gebring is.




Myns insiens is dit beter om na ander moontlikhede te kyk om iemand skadeloos te stel - minimum geweld.

Nee. Dit geld miskien in europese lande waar die ergste konfrontasie 'n effens lastige dronk ou op die sypaaidjie kan wees, maar nie in Suid Afrika nie, en veral nie vir 'n vrou wat haarself moet beskerm nie. Die rŽel is om so vinnig moontlik die aanvaller te neutraliseer en uit die situasie te ontsnap. Nuut-aangepaste selfverdedigingskursusse leer vir die dames om die maksimum hoeveelheid skade in die kortste tyd moontlik toe te pas, slegs om uit die situasie weg te kom. Dit is ook bewys dat vrouens wat terugbaklei het, selfs al is hulle verkrag, sielkundig baie vinniger herstel as waar niks gedoen is nie.

RR van Wyk
Dec 8th 2008, 06:20 AM
Gevalle van geweld en moord neem net toe in Suid Afrika. As ek net stilstaan en toelaat dat 'n skelm met my maak wat hy wil, sien hy wat hy doen is maklik. Naderhand het hy so baie selfvertroue, en begin al meer geweldadig raak.
Ons moet besef dit is oorlog hier. volskaal. gaan ons nog langer toelaat dat hierdie gemors maak wat hulle wil?
Die wat glo dat die land ons kan beskerm(te besig met hulle eie korrupte planne om hul sakke vol te stop) kan maar vergeet daarvan.
Dit is assof ons maar net die ander wang draai met elke plaasaanval/moord...

Andries
Feb 1st 2009, 11:11 PM
Ek sien dit so,as jy moet dan moet jy-jy kan nie anders nie.En as jy nie moes nie dan sou jy nie kon nie as dit nie God se wil was nie.Onthou God het geweet wat gaan jy alls doen, jou lewe was klaar voor jou uit gele voordat jy gebore was.Kyk net na Simson hy was gebore om moord tepleeg om mense uitteroei, dit was sy doen en op die einde het hy self moord gepleeg en God het vir hom die krag op laaste weer gegee om dit te doen.Maar as dit nie jou doen is nie bly liewers werk van suke goed af.Ek persoonlik dink dit is nie goed nie dis miskien net omdat dit nie my doel is nie,maar dis hoekomn mens nie kan oordeel nie want jy weet nie wat sy doen is hier op aarde nie.Dis net my ou meening help my reg as jy dink ek is verkeerd

Van: Andries

Andries
Feb 1st 2009, 11:20 PM
Hi Van Wyk

Ja die land van ons is nie vandie beste nie,maar ons moet probeer ophou om negitiewe goeters op ons land uit te spreek,want wat jy saai sal jy maai.Ons moet net liewers begin bid oor ons land en oor die mense binne die land en oor die leiers wat die land beheer.En nader aan God wandel en beskereming by hom vind.Of wat se jy?

Van: Andries