PDA

View Full Version : Bespreking Moenie oordeel nie?



Son of the South
Feb 8th 2009, 08:25 AM
Die nuwe mantra van Christenskap lite is mos:


Moenie oordeel nie, sodat julle nie geoordeel word nie.

(Mat 7:1)
Hoe s julle moet ons hierdie gedeelte verstaan?

MercyChild
Feb 8th 2009, 08:35 AM
My kennis is nie nog nie opgewasse om vrae oor die Bybel te beantwoord nie, maar ek het 'n opinie, as dit saak maak?

Vers twee lees verder.........Want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.

Ek dink dit is Jesus se verwagtinge dat ons nie ander moet oordeel nie, maak nie saak wat of wie hulle is en waarvandaan hulle mag kom nie, want ons weet nie altyd wat in hulle harte en lewens omgaan nie. Ek dink dat wanneer ons ander oordeel, mag ons ook op die oordeelsdag geoordeel word deur God.

Daar is ook 'n skrif wat s, wat jy saai sal jy maai. Ek dink die skrifte loop moontlik hand aan hand. Wat jy saai sal jy maai, goed of sleg, dit sal een of ander tyd in jou lewe opkom.........so ek dink dit werk dieselfde met moenie oordeel nie, sodat ander jou nie oordeel nie.............en die maat waarmee ons meet sal ons mee gemeet word...... Ek hoop ek maak effens sin?:blush:

Lanie
Feb 8th 2009, 09:30 AM
In Johannes 7:24 staan daar nou weer - "Moenie oordeel volgens wat julle sien nie, maar oordeel 'n regverdige oordeel."

Jesus is gekant daarteen dat ons mekaar oordeel met 'n eiegeregtige uitkyk. Jy kan nie vingerwys na iemand as jou eie lewe deurspek is van sonde nie. (Die splinter en die balk). 'n Oorkritiese, veroordelende, eiegeregtige manier van iemand teregwys is die tipe oordeel waarna verwys word in Mattheus 7:1.

Maar soos Hy in Joh. 7:24 s, Hy verwag nogsteeds van Sy kinders om hulle geestelike onderskeidingsvermo wat hulle van die Heilige Gees ontvang of hulle kennis wat hulle uit die Woord ontvang te gebruik om op 'n regverdige wyse iemand tereg te wys indien die situasie dit vereis.

protea
Feb 8th 2009, 09:43 AM
Daar is 2 begrippe hier betrokke nl BEoordeeling en VER oordeling.
Die BEoordeling is n opdrag van die Here om alles te toets aan Sy Woord. Die gawe van onderskeiding kom hier sterk na vore .
Met VERoordeling kom daar n baie sterk stuk negatiwiteit na vore. Jy 'judge' m.a.w. met die oordeel waarmee jy oordeel word in die Bybel belowe sal jy geoordeel word. Jy probeer regter speel en meng in met God se sake.

MercyChild
Feb 8th 2009, 09:47 AM
Met VERoordeling kom daar n baie sterk stuk negatiwiteit na vore. Jy 'judge' m.a.w. met die oordeel waarmee jy oordeel word in die Bybel belowe sal jy geoordeel word. Jy probeer regter speel en meng in met God se sake.

Nou ja, dit maak mos vir my ook perfekte sin!;)

Son of the South
Feb 8th 2009, 10:00 AM
Vers twee lees verder.........Want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.

Ek dink dit is Jesus se verwagtinge dat ons nie ander moet oordeel nie, maak nie saak wat of wie hulle is en waarvandaan hulle mag kom nie, want ons weet nie altyd wat in hulle harte en lewens omgaan nie. Ek dink dat wanneer ons ander oordeel, mag ons ook op die oordeelsdag geoordeel word deur God.

Daar is ook 'n skrif wat s, wat jy saai sal jy maai. Ek dink die skrifte loop moontlik hand aan hand. Wat jy saai sal jy maai, goed of sleg, dit sal een of ander tyd in jou lewe opkom.........so ek dink dit werk dieselfde met moenie oordeel nie, sodat ander jou nie oordeel nie.............en die maat waarmee ons meet sal ons mee gemeet word...... Ek dink jy is heeltemal in die kol, MercyChild. Hier is 'n belangrike ding wat Jesus vir ons leer. Maar, dalk het ons hier nog net een kant van die muntstuk? Ek vra die vraag na aanleiding van 'n gesprek wat ek ander dag met 'n NGK dominee gevoer het (en met wie ek heeltemal verskil, maar meer daaroor later). Toe kry ek gister 'n stukkie hieroor wat ek van Truth to Tell (http://www.truthtotell.co.za/) ontvang het (vir die outjies wat nog nie weet nie, dis die mense wat David Pawson se materiaal versprei):


For example, John 3:16 used to be the most popular Bible verse among both believers and unbelievers; today Matthew 7:1 is hands-down the top favourite amongst unbelievers: Do not judge, so that you will not be judged. Ironically, Christians interpret this verse just as badly as non-Christians and treat it as if its got nothing to do with the rest of the what the Bible says about us needing to discriminate and make strong moral judgments (more on how Matt 7:1 makes sense in a future issue).
So the joke is that very many Christians, who totally misunderstand the verse, are constantly put into checkmate by unbelievers, who use it as their magic bullet in every argument!
As ons kyk na die konteks (Jesus se bergpredikasie) dan dink ek daar is nog 'n veel ryker boodskap vir ons. Kom ons lees net die volgende verse ook:


En waarom sien jy die splinter in die oog van jou broeder, maar die balk in jou eie oog merk jy nie op nie? Of hoe sal jy vir jou broeder s: Laat my toe om die splinter uit jou oog uit te haal, en kyk, in jou eie oog is die balk! Geveinsde, haal eers die balk uit jou oog uit, en dan sal jy goed sien om die splinter uit die oog van jou broeder uit te haal.

(Mat 7:3-5)
Dieselfde ding gebeur maklik hier: dat ons net die voor die hand liggende ding sien en dan Jesus se volle boodskap mis. Almal sien die: "Haal die balk uit jou eie oog uit" gedeelte, maar sien julle die: "SODAT jy goed kan sien om die splinter uit jou broer se oog uit te haal". As ek dan mag parafraseer om die ander kant van die munt uit te lig: "Haal die splinter uit jou broer se oog uit en om seker te maak dat jy die taak deeglik doen, haal eers die balk uit jou eie oog uit."

Terug na die oorspronklike vraag: Wat is die volle boodskap van Moenie oordeel nie vir ons?

MercyChild
Feb 8th 2009, 10:23 AM
Al wat ek nog hieruit kan sin maak is soos Protea reeds ges het, ons kan onsself nie in God se plek wil stel nie deur te oordeel nie.

As ek kan dink aan 'n oordeel wat ek gelees het in die Bybel, dink ek dit is min of meer wat die Fariseers en die skrifgeleerdes met Jesus gedoen het, hulle het gedink hulle ken die Bybel so goed, dat hulle altyd gedink het hulle oordeel is reg, sonder dat hulle werklik die groter prentjie raakgesien het, en verby hulle eie hoogmoed gekyk. So ek dink wat ek probeer s is dat dit selfs in die kerk partymaal so gaan.

Die Woorde "moenie oordeel nie" is 'n bevel van Jesus, en dus 'n opdrag!

Ek dink tog soos Lanie soos reeds genoem het, dat wanneer ons as gelowige 'n ander gelowige sien sondig, moet ons hom nie oordeel nie, maar met liefde benader en met liefde vermaan. Vermaning is tog nie oordeel nie..:rolleyes:, maar die waarheid uitwys. Ek is ook van opinie, dat voordat jy dit doen, eers oor die saak moet bid, en God se leiding moet vra in die saak, en in jou hart sal jy weet of jy die persoon moet nader al dan nie..

Of daar nog 'n boodkap in die woorde weg gebre is, weet ek nie...:blush:

Son of the South
Feb 8th 2009, 03:51 PM
Daar is 2 begrippe hier betrokke nl BEoordeeling en VER oordeling.
Die BEoordeling is n opdrag van die Here om alles te toets aan Sy Woord. Die gawe van onderskeiding kom hier sterk na vore .
Met VERoordeling kom daar n baie sterk stuk negatiwiteit na vore. Jy 'judge' m.a.w. met die oordeel waarmee jy oordeel word in die Bybel belowe sal jy geoordeel word. Jy probeer regter speel en meng in met God se sake.Protea, daai VERoordeel vs. BEoordeel was PRESIES my eerste reaksie gewees, maar wat doen jy met:


En julle moet nie oordeel nie, dan sal julle nooit geoordeel word nie. Julle moet nie veroordeel nie, dan sal julle nooit veroordeel word nie. Spreek vry, en julle sal vrygespreek word.

(Luk 6:37)
:hmm: En in die Engels dieselfde:

Judge not, and ye shall not be judged: condemn not, and ye shall not be condemned: forgive, and ye shall be forgiven:

(Luk 6:37)
Maar wag, hier in Lukas is iets wat die saak vir my so bietjie toelig. :idea: Die voorafgaande gedeelte kom uit by:


Wees dan barmhartig, soos julle Vader ook barmhartig is.

(Luk 6:36)
En dan volg vers 37: Moenie oordeel nie.

Lanie en MercyChild, lyk my julle het die ding klaar gesnap. Die gevaar is dat ons sal ophou vermaan, omdat ons 'nie mag oordeel nie'. Dit is nie wat Jesus vir ons kom leer het nie. Die 'moenie oordeel nie' praat van IN LIEFDE optree. Dit is DAARDIE SELFDE LIEFDE wat God laat s het dat Hy ons nie langer in ons sonde verstrengel sal laat nie, maar dat Hy sy Seun gegee het dat ons vry kan kom van die sonde. Die gedeelte beteken NIE dat ek moet stilbly en toekyk hoe sonde my naaste se lewe verwoes NIE! (Want DAN haat ek hom mos!)

Ongelukkig haak mense so vas by die 'moenie ooreel nie', dat hulle nie verder lees nie tot by:


Want dit is nie n goeie boom wat slegte vrugte dra nie, en ook nie n slegte boom wat goeie vrugte dra nie. Want elke boom word geken aan sy eie vrugte. Van dorings pluk n mens tog nie vye nie, en n mens sny ook nie druiwe van n doringbos nie. Die goeie mens bring uit die goeie skat van sy hart te voorskyn wat goed is; en die slegte mens bring uit die slegte skat van sy hart te voorskyn wat sleg is; want uit die oorvloed van die hart spreek sy mond.

(Luk 6:43-45)
Mens raak soms so ontmagtig met die 'moenie oordeel nie' storie, dat jy nou so katvoet begin loop dat jy nie meer durf waag om 'n ding op die naam te noem en jou nie meer uitspreek wanneer jy jou moes uitspreek nie. Onthou, Jesus het IN DIESELFDE ASEM ook ges dat 'n boom geken sal word aan sy vrugte.

En my kinders, moet ek ophou om hulle te tugtig? Oe, jy mag tog net nie oordeel nie. As jy jou kind straf, dan het jy mos GEOORDEEL, want jy s mos vir hom: "Jy is nou verkeerd, my kind!" Jy is tog so veroordelend, tog so WETTIES; shame, arme kind. Nee, ek is 'n ouer wat my plig om my kind op te voed, soos in die Bybel aan ons gegee, ter harte neem. Ek het hom te lief om te staan en toekyk hoe hy met 'n verkeerde paadjie langs stap. En die Kerk dan?

Willem
Feb 8th 2009, 11:04 PM
Dankie julle, so leer ons mos saam en is ons kerk :hug:

Ek het ook soo Mercy gedink, tot ek protea se stuk gelees het, :idea: eerste liggie ; toe weer by Mercy :idea: met vermaan ( sorry Lanie jy was te slim vir die moee brein ) en SOS dankie dat jy ons herinner om verder voor en na vers ok te lees. soms vergeet ek dit as ek hastigerig raak:(

Lanie
Feb 9th 2009, 04:04 AM
( sorry Lanie jy was te slim vir die moee brein

:confused Ag nee, Willem. Ek probeer dit dan so eenvoudig moontlik skryf soos ek dit verstaan. Hier is al klaar genoeg slim mense wat mens partykeer confuse. :lol:

Phil Fourie
Feb 9th 2009, 05:37 AM
Die kern tot die verstaan van die teksgedeelte is soos met enige ander teksgedeelte............Lees verder

Want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.
Matteus 7:2

Ek kan nie met 'n sigaret in die hand vir iemand anders se om te rook is sonde nie, want met dieselfde maat waarmee ek oordeel sal vir my geoordeel word.

As ons oordeel, laat dit 'n regverdige oordeel wees ;)

Gene
Feb 9th 2009, 01:06 PM
Phil

Vir my lyk dit of hier twee begrippe is wat jy met mekaar in verband bring. Om te "practice what you preach" is een begrip. M.a.w. om seker te maak dat jy eers die balk uit jou eie oog gehaal het voordat jy die splinter in jou broer se oog uithaal. Om te oordeel, is vir my 'n totaal ander begrip.

Die teks onder bespreking se duidelik "MOENIE OOREEL NIE......." Dit se nie "jy kan maar oordeel, maar dan moet jy regverdig oordeel" nie. Moenie oordeel nie, beteken vir my net dit - moet glad nie oordeel nie, punt! Die vraag is nou, wat bedoel die Here met die woord oordeel? Oordeel is teen die persoon gerig, en word op uiterlike omstandighede gedoen. Ons maak maklik gevolgtrekkings op grond van wat ons sien en hoor, en hang 'n etiket om 'n persoon se nek, wat dikwels ongegrond is, omdat ons nie die ware omstandighede ken nie. Veral persone wat anders as ons dink, redeneer en doen, word so geoordeel. Maar wie is ons om so persoon te oordeel? Wie van ons ken daardie persoon se hart? God alleen kan dit doen, want Hy beskik oor al die feite. Die teks se dus, "Moet glad nie iemand anders oordeel nie, want jy moet onthou, as jy dit doen, dan sal jy ook deur God op dieselfde wyse geoordeel word - op grond van die uiterlike en nie die innerlike nie..."

Ons "oordeel" moet op die sonde gerig wees, nie op die persoon nie. Om bv te se dat egbreuk sonde is en om 'n persoon wat daarmee volhou, in liefde te vermaan, is myns insiens nie oordeel nie, want dit gaan nie oor die persoon nie, maar oor die sonde.

Aan die einde gaan alles oor ons gesindheid. Oordeel se, "ek is beter as daardie persoon, want hy doen dit of dat.." (Soos die Fariseer wat saam met die tollenaar gebid het) Maar om in liefde teen 'n persoon se sonde beswaar te maak, terwyl jy nooit vergeet dat jy self nie werklik beter is nie, is 'n Bybelse beginsel.

Dit is maar hoe ek dit sien

MercyChild
Feb 9th 2009, 01:20 PM
Phil

Vir my lyk dit of hier twee begrippe is wat jy met mekaar in verband bring. Om te "practice what you preach" is een begrip. M.a.w. om seker te maak dat jy eers die balk uit jou eie oog gehaal het voordat jy die splinter in jou broer se oog uithaal. Om te oordeel, is vir my 'n totaal ander begrip.

Die teks onder bespreking se duidelik "MOENIE OOREEL NIE......." Dit se nie "jy kan maar oordeel, maar dan moet jy regverdig oordeel" nie. Moenie oordeel nie, beteken vir my net dit - moet glad nie oordeel nie, punt! Die vraag is nou, wat bedoel die Here met die woord oordeel? Oordeel is teen die persoon gerig, en word op uiterlike omstandighede gedoen. Ons maak maklik gevolgtrekkings op grond van wat ons sien en hoor, en hang 'n etiket om 'n persoon se nek, wat dikwels ongegrond is, omdat ons nie die ware omstandighede ken nie. Veral persone wat anders as ons dink, redeneer en doen, word so geoordeel. Maar wie is ons om so persoon te oordeel? Wie van ons ken daardie persoon se hart? God alleen kan dit doen, want Hy beskik oor al die feite. Die teks se dus, "Moet glad nie iemand anders oordeel nie, want jy moet onthou, as jy dit doen, dan sal jy ook deur God op dieselfde wyse geoordeel word - op grond van die uiterlike en nie die innerlike nie..."

Ons "oordeel" moet op die sonde gerig wees, nie op die persoon nie. Om bv te se dat egbreuk sonde is en om 'n persoon wat daarmee volhou, in liefde te vermaan, is myns insiens nie oordeel nie, want dit gaan nie oor die persoon nie, maar oor die sonde.

Aan die einde gaan alles oor ons gesindheid. Oordeel se, "ek is beter as daardie persoon, want hy doen dit of dat.." (Soos die Fariseer wat saam met die tollenaar gebid het) Maar om in liefde teen 'n persoon se sonde beswaar te maak, terwyl jy nooit vergeet dat jy self nie werklik beter is nie, is 'n Bybelse beginsel.

Dit is maar hoe ek dit sien

Ditto.................:agree:

Lanie
Feb 9th 2009, 01:37 PM
Gene, ek stem heeltemal saam met jou maar ek wonder net waar pas Joh. 7:24 dan in?

Gene
Feb 13th 2009, 10:41 AM
Gene, ek stem heeltemal saam met jou maar ek wonder net waar pas Joh. 7:24 dan in?
Hi Lanie

Johannes 7:24 praat nie oor oordeel nie, ten minste nie in die sin waarin ons dit bespreek nie. Die Fariseers was ontsteld omdat Jesus iemand op die sabbat gesond gemaak het, en Jesus redeneer met hulle daaroor. Hy se dan vir hulle met hierdie teks eintlik: "Dink eers na en maak seker van julle feite voordat julle gevolgtrekkings maak. Wees regverdig wanneer julle gevolgtrekkings wil maak, moet dit nie net doen op grond van wat julle sien nie..." Hy gee geensins hiermee vir hulle toestemming om mense te oordeel, solank dit net regeverdig is nie.

Ek weet ons mag nie hier Brits praat nie, maar die amplified Bible stel dit vir my baie mooi: "Be honest in your judgement and do not decide at a glance (superficially and by appearences); but judge fairly and righteously"

Nicolaas
Feb 16th 2009, 04:07 AM
In 1 Kor 5:9-13 staan daar: "9 In die vorige brief het ek aan julle geskryf om nie met mense om te gaan wat in onsedelikheid leef nie. 10 Daarmee het ek glad nie die onsedelikes of die geldgieriges, bedriers of afgodsdienaars van hierdie wreld bedoel nie, want om hulle te vermy, sou julle uit die wreld moes padgee. 11 Wat ek geskryf het, was dat julle nie moet omgaan met iemand wat homself 'n gelowige noem, maar wat onsedelik of geldgierig of 'n afgodsdienaar of kwaadprater of dronkaard of bedrier is nie. Met so iemand moet julle nie eens saam eet nie. 12-13 Per slot van rekening is dit nie vir my om oor mense buite die gemeente te oordeel nie. God sal oor hulle oordeel. Maar julle moet oor julle eie mense oordeel: Verwyder die slegte mens onder julle uit!

Nicolaas
Feb 16th 2009, 04:25 AM
Ek dink altyd s daaroor: As jy 'n verkeersoortreding begaan, is dit die verkeersman wat jou vang en selfs vir jou 'n boetekaartjie uitskryf. Maar die verkeersman is net die wetstoepasser, hy maak nie self die wette nie; hy besluit nie na eie goeddunke wat die spoedgrens behoort te wees nie. Hy pas net die wet toe. Hy is nie die regter nie. Hy is nie die een wat besluit die spoedgrens moet 60km per uur wees nie, maar as jy die spoedgrens oorskry dan is hy die een wat jou aanspreek en selfs beboet. Hy dink ook nie self die gepaste boete uit nie. Hy beboet net soos daar vir hom voorgeskryf is.

Ons moet ook oordeel soos 'n verkeersman en nie soos 'n regter nie. Daar is net Een Regter. Ons moet Sy wet toepas. Ons moet nie self sit en wette maak asof ons ook regters is nie.

Jy kan s: "geen onsedelikes of afgodsdienaars of egbrekers of mense wat homoseksualiteit beoefen of diewe of geldgieriges of dronkaards of kwaadpraters of bedriers sal deel kry aan die koninkryk van God nie," want dit staan in die Bybel. (1Kor 6:9-10) Dit is nie jou eie oordeel nie, dit is God se oordeel wat in Sy Woord staan.

Jy doen verkeerd as jy s: "Mans wat oorringe dra gaan hel toe" of "vrouens wat hulle laat tatoeer behoort aan die duiwel," want al hou baie gelowiges persoonlik nie van laasgenoemde nie, is dit nie God se oordeel nie. Dit staan nie in Sy Woord nie en ons kan nie ons eie oordeel fel nie, ander verhef ons onsself tot regters - en dit beteken ons probeer God se plek inneem, want Hy alleen is die regter.

marline
Feb 16th 2009, 04:47 AM
Jy kan s: "geen onsedelikes of afgodsdienaars of egbrekers of mense wat homoseksualiteit beoefen of diewe of geldgieriges of dronkaards of kwaadpraters of bedriers sal deel kry aan die koninkryk van God nie," want dit staan in die Bybel. (1Kor 6:9-10) Dit is nie jou eie oordeel nie, dit is God se oordeel wat in Sy Woord staan.


Hi Nico, Jy kan saam met hierdie teks ook kyk na Titus 3:9 -11.

Lanie
Feb 16th 2009, 06:48 AM
Nicolaas....

12/10 vir hierdie 2 plasings van jou.... Duideliker kan dit nie uitgespel word nie......

Willem
Feb 16th 2009, 01:42 PM
In 1 Kor 5:9-13 staan daar: "9 In die vorige brief het ek aan julle geskryf om nie met mense om te gaan wat in onsedelikheid leef nie. 10 Daarmee het ek glad nie die onsedelikes of die geldgieriges, bedriers of afgodsdienaars van hierdie wreld bedoel nie, want om hulle te vermy, sou julle uit die wreld moes padgee. 11 Wat ek geskryf het, was dat julle nie moet omgaan met iemand wat homself 'n gelowige noem, maar wat onsedelik of geldgierig of 'n afgodsdienaar of kwaadprater of dronkaard of bedrier is nie. Met so iemand moet julle nie eens saam eet nie. 12-13 Per slot van rekening is dit nie vir my om oor mense buite die gemeente te oordeel nie. God sal oor hulle oordeel. Maar julle moet oor julle eie mense oordeel: Verwyder die slegte mens onder julle uit!

Dus meer om die wolf in skaapsklere te sien en uit die "kudde" te hou deur van hom weg te bly?

Volg ook om die bybel aan te haal oor dit wat Woord se sonde is, die wet sal self in hulle harte veroordeel, my werk is om lief te he en waarheid te verkondig. Wat ek nie gebore in staat is nie, maar wel deur Christus en God se genade wat vir my genoeg is.

Nicolaas
Feb 16th 2009, 05:04 PM
Hallo Julle!

Jy is reg Marlene: Titus 3:9 -11 bevestig dit: "Met iemand wat na twee vermanings nog skeuring veroorsaak, moet jy niks te doen h nie, omdat jy weet dat so n man op die verkeerde pad is."

Dankie vir daardie vrygewige puntetelling, Lanie! Jy laat my sommer bemoedig voel..

Mooi dag!