PDA

View Full Version : Bespreking Christelik gebaseerde onderwys ?



Die Filadelfieer
Feb 25th 2009, 10:47 AM
Hoe voel Lighuisers hieroor ? Is die SA onderwysstelsel genoegsaam vir ons kinders ? Is dit goed of sleg vir hulle ? Wat dink julle van Christelik gebasseerde onderwys, soos wat 'n paar privaatskole bied ?

CFJ
Feb 25th 2009, 11:15 AM
Ek het nie gestem nie, omdat ek glo elkeen se spesifieke omstandighede sal op meriete hanteer moet word. Aan die een kant kan God sulke omstandighede skep, waar 'n kind werklik blootgestel is, sodat die ouerlike plig teenoor so kind onder die soeklig kan kom. Ek glo dat daar geen sterker orde as die krag in die huwelik is en wat daarmee saamgaan nie. Ouers wat dit besef, hoef vir niks anders te stuit nie, al is die węreld hoe boos en hoe kontra-produktief vir die geloofslewe in Christus. Moses was byvoorbeeld grootgemaak in heidense omstandighede en heidense leringe was al wat hy heeltyd moes trotseer.

Aan die anderkant maak dit sin, dat 'n ouer tog volle verantwoordelikheid vir 'n kind se opvoeding moet neem en die reël is seker om alles so suiwer moontlik te probeer hou tydens die opvoedingsproses.

Ek dink net dit gaan oor die verantwoordelikheid wat die ouer self moet opneem, wat baie maal aan ander instellings gelaat word en dit is waar die probleem ontstaan. Die probleem is nie altyd of noodwendig waar die kinders hulself bevind nie, maar of die ouer se invloed in so kind se lewe geld. God het vir 'n ouer hierdie invloed gegee en niks kan standhou teen dit nie, mits 'n ouer dit met beide hande aangryp nie.

Lanie
Feb 25th 2009, 01:16 PM
My dogtertjies is in 'n staatskool met 'n sterk christelike karakter (volgens die skool self.... ek ondersoek nog wat hulle definisie van 'n sterk christelike karakter is.) Ek stem saam met Ferdi. Persoonlik voel ek dat indien ek my opdrag van en belofte aan God ordentlik nakom en my kinders opvoed en onderrig in Sy Woord en Waarheid en hulle paraat grootmaak, hulle staande sal kan bly in die węreld maak nie saak in watter skool hulle is nie. Natuurlik wil mens net die beste vir jou kinders hę en sorg dat hulle alles maklik sal hę en beskermd sal grootword sonder enige negatiewe invloed van die węreld, maar op die ou einde benadeel mens hulle wanneer jy hulle in 'n kokon probeer grootmaak. Op die ou einde gaan hulle gekonfronteer word met die węreld en dan moet hulle tweetjie hulle man (oeps... vrou) kan staan. :)

Die Filadelfieer
Feb 25th 2009, 01:25 PM
My dogtertjies is in 'n staatskool met 'n sterk christelike karakter ....

Lanie,

Ek gaan later meer volledig reageer op jou en Ferdi se skrywes, maar eers dit : Daar bestaan nie so 'n kreatuur soos jy hier noem nie !
Vir dit om die waarheid te wees moet :
- Die skool ander handboeke as die res van die staatskole gebruik,
- Die leerplan anders wees as die res van die land se staatskole,
- Die staat verander na 'n entiteit met 'n sterk Christelike karakter.

As daardie pragtige dogtertjies van jou se skool aan bogenoemde drie punte voldoen is die skoolhoof inderdaad reg om so 'n stelling te maak.................anders jok hy vir jou !

Lanie
Feb 25th 2009, 01:59 PM
Ek sę jou mos ek ondersoek nog die geldigheid van die stelling...;) Ons moes hierdie saak vir onsself uitmaak, Fila. Dis goed en wel om te sę jy kan nie 'n prys koppel aan jou kinders se opvoeding, geestelik of akademies nie, maar die realiteit is dat almal nie privaatskool-fooie kan bekostig nie. Ons moes toe vir onsself sę "hoekom gaan ons kinders skool toe?" En ons antwoord was om akademies onderrig te word en toegerus te word sodat hulle eendag suksesvolle volwassenes in die beroepswęreld kan wees en op hulle eie voete kan staan. Hulle christelike opvoeding is hulle ouers se plig. Ongelukkig kom die meerderheid ouers nie daardie verantwoordelikheid na nie.

Wat die leerplan betref... jy sal my nie glo nie.... of nee, jy sal seker, maar daar het al klaar bietjie evolusieleer na vore gekom in my graad tweetjie se skoolwerk. So, toe moes ek met haar gaan sit en verduidelik dat sy soms goed gaan leer by die skool wat teenstrydig is met wat ons, wat glo dat Jesus ons Verlosser is, glo. (En toe kom ek agter ek en Pappa verskil so bietjie oor die skepping & evolusie... en toe dreig ek hom met 'n trippie Potchefstroom toe sodat een van my maters hom kan educate! :lol:)

Die Filadelfieer
Feb 25th 2009, 02:43 PM
Lanie,
Ons moet 'n onderskeid maak tussen Christelike opvoeding, wat jou kind veronderstel is om by die huis te ontvang, en Christelike onderrig, wat meer van 'n skolastiese begrip is. Hier is 'n oulike skakel (http://www.vcho.co.za/kgsm/Geref_opv.htm)ter agtergrond vir die gesprek.

CFJ
Feb 25th 2009, 03:12 PM
Fila,

As ek myself miskien net duideliker kan maak, sou ek wou byvoeg dat ek glo die reël behoort sovęr moontlik "home schooling" (huis-skole) te wees, maar as dit nie kan wees nie, hoef mens weens die beginsel van die kragtige band en orde in die huwelik, nie bekommerd te wees nie. God kan kinders behoed en bewaar in gevalle waar kinders weens omstandighede nie in huis-skole kan wees nie.

Lanie
Feb 25th 2009, 03:20 PM
Dankie vir die skakel... Dit is verseker die ideaal. :saint:

marline
Feb 26th 2009, 06:50 AM
BEELD
Vat terug dié poppe!
Feb 24 2009 07:55:47:270PM - (SA)


Alet Rademeyer
Gautengse skole is vir die vierde agtereenvolgende jaar gefrustreerd met leerlingondersteuningsmateriaal wat hulle nie kan gebruik óf bestel het nie.

Die jongste omstrede produk is poppe met geslagsdele vir die grondslagfase (gr. 1 – gr. 3).

Dié poppe is deel van “onderwyshulpmiddels” vir skole waarvoor die Gautengse onderwysdepartement bykans R80 miljoen vir 2008-’09 begroot het.

Skole vaar teen die maatskappy EduSolutions uit wat dit by hulle aflewer.

Heelparty skole het die grootskaalse vermorsing van geld op boeke en materiaal wat hulle nie nodig het nie, verskeie kere reeds onder Beeld se aandag gebring.

Van hulle het al byvoorbeeld kitare en melodikas gekry, terwyl die skool nie musiek aanbied nie.

In ’n peiling wat in 2007 gedoen is, het minstens 88 skole hul misnoeë oor die produkte uitgespreek.

Me. Nanagolo Leopeng, direkteur: kommunikasie by die Gautengse onderwysdepartement, het gister gesę ’n tweeledige benadering word gebruik in die verkryging van hulpbronne vir die grondslagfase wat as die Quids-Up (Quality Improvement, Development, Support and Upliftment Programme) bekend staan.

Skole kan self die hulpbronne bestel wat hulle by uitstallings oor leerlingondersteuningsmateriaal sien en waarvoor hulle riglyne kry.

Die tweede proses behels “nasionale verkryging” van hulpbronne wat aan “nasionale riglyne” voldoen en by skole afgelewer word.

Die poppe is van dié hulpbronne wat gemik is op die “unieke leerbehoeftes van gr. 0-leerlinge”.

Volgens Leopeng kies amptenare in die departement dié hulpbronne nasionaal op grond waarvan skole weer hul keuse maak.

Luidens ’n verklaring bepaal EduSolutions nie die prys nie.

“Die katalogusse word ook deur die departement en uitgewers voorberei. Die departement evalueer die lys van verskaffers van hulpbronne nasionaal.

“EduSolutions bekom dan die beste gehalte hulpbronne teen die beste pryse vanaf die goedgekeurde lyste.

“Waar die departement nie riglyne verskaf nie, kry EduSolutions kwotasies wat hul in staat stel om die beste hulpbronne teen die beste pryse te bekom.”

Dít is egter waar die kloutjie nie by die oor kom nie, het die DA en die VF+ gister gesę.

Mnre. Jaco Mulder, VF+-lid, en David Quail, DA-lid in die Gautengse wetgewer, meen die departement moet bekend maak wié die amptenare in die departement is wat die kies van hulpbronne doen.

Ondersoek moet ook gedoen word om vas te stel of daar enige onbehoorlike samewerking tussen departementele en EduSolutions-werknemers is.

“Ons vra die afgelope vyf jaar vir ’n forensiese oudit rondom EduSolutions en sy kontrak met die departement.

“Ons vra dit nou weer,” het Quail gesę.

Die departement het vroeër aangekondig dat sy kontrak met EduSolutions “hersien” sou word nadat dit in 2007-’08 verstryk het.

Leopeng het gister gesę ’n tenderproses het in Februarie/Maart verlede jaar plaasgevind en EduSolutions het as die beste maatskappy na vore getree.

Mnr. Moosa Ntimba, woordvoerder van EduSolutions, het beklemtoon dat die maatskappy niks met die seleksie van hulpbronne of verskaffers te doen het nie en dat hul rol uitsluitlik die verkryging en verspreiding daarvan is.

Die Filadelfieer
Feb 26th 2009, 07:00 AM
Marline,
Ek en my vrou praat gister oor hierdie poppies met die geslagsdele wat vir graad 0 kindertjies gebruik word. Nou, my vrou is eintlik 'n baie rustige mens wat nooit lelik praat nie, maar sy het baie onomwonde verklaar dat sy persoonlik skool toe sal gaan om die persoon wat met hierdie poppies vir haar seuntjie allerhande dinge wil leer spesiaal te gaan %*#&sem.

Ek het dit vrek snaaks op daardie oomblik gevind, maar eintlik is dit vrek hartseer. Kinders onder 10 jaar oud is al seksueel aktief in ons skole, daar word spesiaal gekleurde kondome uitgedeel om die kinders se belangstelling te prikkel en ter aanmoediging om dit te gebruik, swangerskappe, verkragtings, seksueel oordraagbare siektes....dit is alles 'n realiteit in ons kinders se lewens, en nieteenstaande hiervan kan die "powers that be" nie gou genoeg vir die kleuters vertel van seks nie. Ek dink die kloutjie kan baie maklik by die oor gebring word, of hoe ?

marline
Feb 26th 2009, 08:54 AM
Nou, my vrou is eintlik 'n baie rustige mens wat nooit lelik praat nie, maar sy het baie onomwonde verklaar dat sy persoonlik skool toe sal gaan om die persoon wat met hierdie poppies vir haar seuntjie allerhande dinge wil leer spesiaal te gaan %*#&sem.


Weet jy Fila, ek voel mos dieselfde. Gelukkig het ek nie meer kinders op skool nie, en het (miskien ook gelukkig?) nie kleinkinders nie. Maar hierdie het my werklik geskok. Die arme onskuldige kindertjies, om aan sulke dinge onderwerp te word.
Die spreekwoord sę nie verniet vroeg ryp vroeg vrot!!

Die Filadelfieer
Feb 27th 2009, 06:17 AM
Dit is al amper weer skoolvakansie, en nog steeds sit daar skole sonder handboeke. (http://jv.news24.com/Beeld/Suid-Afrika/0,,3-975_2476911,00.html)

Hoe ernstig kan hierdie ouens oor jou kind se opvoeding wees, Christelik of te nie ?

RR van Wyk
Feb 27th 2009, 06:48 AM
Ek worstel vanoggend self oor hierdie kwessie van Christenlose onderwys in ons land, nadat ek die nuus gekyk het. Hulle reken geweld neem toe in skole.
Gaan ons rondstaan en wag vir die regering om iets daaraan te doen of gaan ons ons eie breinkrag insspan om die toekoms van ons kinders te verseker?
Ek glo nie dit is genoeg om net jou kind christelik groot te maak nie. Ons verantwoordelikheid strek verder as dit. Wat van jou kind se maatjie wat uit 'n gebroke huis uitkom? Wat kan ons as samelewing doen om seker te maak daardie kind word gelei in die regte rigting en dat hy nie liefde en aanvaarding op die vekeerde plek gaan soek nie?
Wat my pla is, hoe meer ons as cristenne onnself van die węreld af ontrek, ophou om ons menings te lig en ophou om 'n hand uit te strek na die struikelaar, hoe meer onchristellik gaan die węreld word. Dan is ons diegene wat aan die kortste end gaan trek, ons gaan van alle kante af deur die goddeloses veroordeel word, omdat ons nie deur ware christenskap en kammeraadskap in Jesus die voorbeeld stel wat ons veronderstel is om te doen.
Waar los dit ons kinders dan....

CFJ
Feb 27th 2009, 07:16 AM
Ek worstel vanoggend self oor hierdie kwessie van Christenlose onderwys in ons land, nadat ek die nuus gekyk het. Hulle reken geweld neem toe in skole.
Gaan ons rondstaan en wag vir die regering om iets daaraan te doen of gaan ons ons eie breinkrag insspan om die toekoms van ons kinders te verseker?
Ek glo nie dit is genoeg om net jou kind christelik groot te maak nie. Ons verantwoordelikheid strek verder as dit. Wat van jou kind se maatjie wat uit 'n gebroke huis uitkom? Wat kan ons as samelewing doen om seker te maak daardie kind word gelei in die regte rigting en dat hy nie liefde en aanvaarding op die vekeerde plek gaan soek nie?
Wat my pla is, hoe meer ons as cristenne onnself van die węreld af ontrek, ophou om ons menings te lig en ophou om 'n hand uit te strek na die struikelaar, hoe meer onchristellik gaan die węreld word. Dan is ons diegene wat aan die kortste end gaan trek, ons gaan van alle kante af deur die goddeloses veroordeel word, omdat ons nie deur ware christenskap en kammeraadskap in Jesus die voorbeeld stel wat ons veronderstel is om te doen.
Waar los dit ons kinders dan....

RR,

Ek dink dit is nodig om hierdie plasing van jou 2 keer te lees, want jy raak iets hier aan wat baie vergeet. Soms vergeet Christene dit nie, maar "if you talk the talk, you need to walk the walk too". Die kinders van die Here is juis daar om 'n praktiese verskil te kom maak aan soveel moontlike mense se lewens.

Die Filadelfieer
Feb 27th 2009, 08:02 AM
Ek worstel vanoggend self oor hierdie kwessie van Christenlose onderwys in ons land, nadat ek die nuus gekyk het. Hulle reken geweld neem toe in skole.
Gaan ons rondstaan en wag vir die regering om iets daaraan te doen of gaan ons ons eie breinkrag insspan om die toekoms van ons kinders te verseker?
Ek glo nie dit is genoeg om net jou kind christelik groot te maak nie. Ons verantwoordelikheid strek verder as dit. Wat van jou kind se maatjie wat uit 'n gebroke huis uitkom? Wat kan ons as samelewing doen om seker te maak daardie kind word gelei in die regte rigting en dat hy nie liefde en aanvaarding op die vekeerde plek gaan soek nie?
Wat my pla is, hoe meer ons as cristenne onnself van die węreld af ontrek, ophou om ons menings te lig en ophou om 'n hand uit te strek na die struikelaar, hoe meer onchristellik gaan die węreld word. Dan is ons diegene wat aan die kortste end gaan trek, ons gaan van alle kante af deur die goddeloses veroordeel word, omdat ons nie deur ware christenskap en kammeraadskap in Jesus die voorbeeld stel wat ons veronderstel is om te doen.
Waar los dit ons kinders dan....

RR,
Hierdie pos van jou is werklik uitstekend.
Die vraag wat ek vir jou en die ander deelnemers wil vra, is wat ons dan prakties te doen staan ter ondersteuning van jou gedagte.

Ter voorbeeld van hoe die realiteit daarna uitsien wil ek graag 'n voorbeeld gebruik uit my eie dorpie uit. Hier is die wonderlikste Gereformeerd-Christen gebaseerde skool so entjie van my werk af. Begeesterde skoolhoof en onderwysers soos nęrens anders in die dorp nie. Die ouers van die kinders sal ek vir jou in 'n skare uitken : Dit is die ouers wat betrokke is by hulle kinders, wat belangstel in hulle lewens.
Hoeveelheid kinders in die skool : 27.

Nou DIT, is niks anders as 'n skreiende skande nie.

Ferdi, ek hoor wat jy sę van ouers se pligte ensovoorts, maar die realiteit is dat die oorgrote hoeveelheid ouers net doodeenvoudig nie omgee oor wat hulle kinders leer deur die dag nie, en self heeltemal onkundig is om probleme in die leerplanne raak te sien en teë te werk. Ek praat ook nie net van evolusielëer nie. Die idee van God word heeltemal verwring in kinders se breine vanaf 'n baie jong ouderdom af, seksonderig neem die plek in van geletterheidsonderig, politieke ideologië is die nuwe Bybelonderig, ensovoorts ensovoorts.

As julle dink ek oordryf, gaan gesels gerus met universiteitsdosente wat met eerstejaars sit wat nie kan lees of skryf nie. Hoekom is dit ?

'n Rede mag dalk wees omdat nie een van die uikomste van OBE die vermoë is om te lees of te skryf is nie.

Ek het al voor groepe mense gestaan en hierdie dinge aan hulle probeer verduidelik, met voorbeelde uit die handboeke uit hulle kinders se skooltasse, en die skok in die mammas en pappas se oë gesien, maar Maandag is Pietie en Sannie weer terug by dieselfde skool met dieselfde vergiftigde lëerplanne, en dan wonder ek onwilekeurig hoe groot die Liggaam van Christus nou eintlik is, en waar mens vinnig 'n klomp meulstene in die hande gaan kry :


Mat 18:6 maar elkeen wat een van hierdie kleintjies wat in My glo, laat struikel, dit is vir hom beter dat 'n meulsteen aan sy nek gehang word en hy wegsink in die diepte van die see.
Mark 9:42 En elkeen wat een van hierdie kleintjies wat in My glo, laat struikel, dit is beter vir hom as 'n meulsteen om sy nek gehang en hy in die see gegooi word.
Luk 17:2 Dit is beter vir hom as 'n meulsteen aan sy nek gehang en hy in die see gegooi word, as dat hy een van hierdie kleintjies sou laat struikel.


Matteus, Markus en Lukas het dit goed gedink om hierdie woorde van Christus neer te pen. Beteken dit dalk dat dit 'n baie belangrike uitspraak is hierdie ?




(Jammer as ek emosioneel klink, maar kinders se saligheid was nog altyd vir my 'n issue. :blush: )

RR van Wyk
Feb 27th 2009, 08:35 AM
Soos ons almal weet raak dit baie moeiliker as dit by die praktiese implimentering van 'n plan of idiee kom.
Om die handboekke van skole te verander gaan nie oornag gebeur nie. ons gaan beslis ook baie teenstand daarteen kry.

Ek glo daarin om te begin by klein treetjies vorentoe voordat ons begin hardloop. My grootste probleem op die oomblik is die liefdeloosheid en geweld wat onder skoolkinders toeneem.
Daar is gewoonlik in 'n skool klein "organisasies" of "belangstellings" (weet nie lekker hoe om dit te definieer) soos byvoorbeeld die leerlingraad, of enige sportgroep.

Hoekom kan daar ook nie soos 'n "christenraad" binne die skool gestig word? Beheer deur kinders, oorgesien deur 'n onderwyser en kerkverteenwoordiger.
Ten doel om Jesus se gebod naamlik liefde vir jou God en liefde vir jou naaste te implimenteer, om 'n rolmodel vir hulle medeskoliere te wees, bloot net deur liefde, respek en goeie dade. Om medeskoliere wat struikel op te help en aanmoediging te gee om posetief te bly.
Hierop kan die ouers dan ook meer betrokke raak en dalk later 'n ding of twee by die kinders leer!
Goed soos gereelde bybelstudie kan dan ook geimplimenteer word.

Ek dink die posetiewwe impak wat so iets kan hę is vanselfsprekend. 'n mens kan nog baie hierby voeg.
As die onderwysdepartement die resultate vir hulself sien, het ons 'n voet om op te staan vir die res.
Wat dink julle, sal so iets werk?

Lanie
Feb 27th 2009, 08:49 AM
Die vraag wat ek vir jou en die ander deelnemers wil vra, is wat ons dan prakties te doen staan ter ondersteuning van jou gedagte.

Ter voorbeeld van hoe die realiteit daarna uitsien wil ek graag 'n voorbeeld gebruik uit my eie dorpie uit. Hier is die wonderlikste Gereformeerd-Christen gebaseerde skool so entjie van my werk af. Begeesterde skoolhoof en onderwysers soos nęrens anders in die dorp nie. Die ouers van die kinders sal ek vir jou in 'n skare uitken : Dit is die ouers wat betrokke is by hulle kinders, wat belangstel in hulle lewens.
Hoeveelheid kinders in die skool : 27.

Nou DIT, is niks anders as 'n skreiende skande nie.

Ferdi, ek hoor wat jy sę van ouers se pligte ensovoorts, maar die realiteit is dat die oorgrote hoeveelheid ouers net doodeenvoudig nie omgee oor wat hulle kinders leer deur die dag nie, en self heeltemal onkundig is om probleme in die leerplanne raak te sien en teë te werk. Ek praat ook nie net van evolusielëer nie. Die idee van God word heeltemal verwring in kinders se breine vanaf 'n baie jong ouderdom af, seksonderig neem die plek in van geletterheidsonderig, politieke ideologië is die nuwe Bybelonderig, ensovoorts ensovoorts....


...Ek het al voor groepe mense gestaan en hierdie dinge aan hulle probeer verduidelik, met voorbeelde uit die handboeke uit hulle kinders se skooltasse, en die skok in die mammas en pappas se oë gesien, maar Maandag is Pietie en Sannie weer terug by dieselfde skool met dieselfde vergiftigde lëerplanne, en dan wonder ek onwilekeurig hoe groot die Liggaam van Christus nou eintlik is, en waar mens vinnig 'n klomp meulstene in die hande gaan kry :



Matteus, Markus en Lukas het dit goed gedink om hierdie woorde van Christus neer te pen. Beteken dit dalk dat dit 'n baie belangrike uitspraak is hierdie ?




(Jammer as ek emosioneel klink, maar kinders se saligheid was nog altyd vir my 'n issue. :blush: )

Ek sit hier met 'n baie swaar hart. Ek voel werklik aangekla... en nie noodwendig deur jou nie....:hug:

Sę nou net vir my, wat is die alternatief vir ouers waar pappa en mamma verplig is om te werk om die pot aan die kook te hou en nogsteeds nie die peperduur skoolfonds van die christelike privaatskole kan bekostig nie?

Die Filadelfieer
Feb 27th 2009, 11:04 AM
Ek sit hier met 'n baie swaar hart. Ek voel werklik aangekla... en nie noodwendig deur jou nie....:hug:

Sę nou net vir my, wat is die alternatief vir ouers waar pappa en mamma verplig is om te werk om die pot aan die kook te hou en nogsteeds nie die peperduur skoolfonds van die christelike privaatskole kan bekostig nie?


Lanie, daar is darem ook privaat skole waar die skoolfonds nie R60k-R70k beloop nie. (Wie kan dit in elkgeval bekostig sonder 'n beurs ? )

Hierdie is natuurlik 'n baie moeilike ding, en glad nie so maklik nie soos wat dit klink nie. As voorbeeld is hier by my geen Christelike hoërskool nie....so wat gaan ek maak as my kind klaar is met laerskool ? (Ek is nou al bekommerd daaroor, en hy is nog nie eens twee nie....maagseer enige iemand ? )

So, indien daar dan nie 'n alternatief is nie, moet ons onself eerstens afvrae hoekom daar nie 'n alternatief is nie. Wat sę die kerke hiervan of is hulle gelukkig met die status quo ? Tweedens, wat staan die ouer dan te doen in so 'n geval ?
Ek vermoed indien ons hier koppe bymekaar gaan sit gaan ons dalk met 'n paar baie goeie oplossings vorendag kom. My eerste voorstel sal wees om iemand soos die VCHO (http://www.vcho.co.za/tuis/tuisblad.htm) te nader en uit te vind of daar bykomende literatuur en hulpbronne van hulle kant af is om ouers en kinders te help. Dit gaan natuurlik beteken dat "huiswerk" soos ons dit ken 'n baie meer uitgebreide affęre gaan raak, maar dit gaan ook beteken dat ouers noodwendig meer betrokke gaan wees by hulle kinders se doen en late.

Nog idees van julle kant af ?

Die Filadelfieer
Mar 4th 2009, 06:16 AM
Die swak standaard in SA skole is besig om almal te benadeel.

Volgens hierdie artikel (http://jv.news24.com/Beeld/Suid-Afrika/0,,3-975_2479370,00.html)kan ons massiewe druipsyfers in universiteite verwag hierdie jaar. Ouers het 'n wanvoorstelling van hulle "slim" kinders gekry op grond van matriekuitslae, terwyl die realiteit egter is dat hierdie kinders ongeletterd is op soveel vlakke dat hulle eintlik glad nie universiteit toe behoort te gaan nie.
Verwag maar baie ontwrigtings by hierdie instellings as ontstoke studente dit nie so wil aanvaar nie.

protea
Mar 10th 2009, 01:43 PM
As ek ooit weer tot die aktiewe onderwys moet toetree , sal dit in n Christenskool soos die VCHO wees. As mens net n bloktoetrede tot so n skool kan maak want hoe meer kinders, hoe goedkoper sal die fooie wees.
n Vriendin van my het destyds toe minister Bengu wat op daardie stadium minister van onderwys was en die Kirikulum 2005 ingestel het en bekragtig het, haar doktorsgraad daarop gedoen en na Bengu toe gegaan met die bewyse dat die stelsel o.a. in Kanada en Swede geflop het. Sy antw. was : Hy weet, maar daar moet net nie n stelsel wees wat dieselfde is as in die Apartheids tydperk nie..... En die res is geskiedenis..
Die indoktrinering van die klein kind is so subtiel dat die onderwysereres dit baie keer ook maar gelate aanvaar want jy kan tog nie man alleen teen n stelsel wat afgedwing word baklei nie.
In graad 7 bv het die kinders in Eng n begripstoets gekry om se nou maar die 'verb' vas te le. En die begripstoets handel toe oor n Hindoe fees wat in Indie sou plaasvind en die gewoontes en gebruike daarom . Is daar dan geen ander leermateriaal wat gebruik kan word om die betrokke vaslegging te kan doen nie!?!?!? Maar dit word subtiel so in die leerplan ingeskryf. Terwyl in jou privaat/Christenskole kan jy jou eie materiaal kies om jou doel te bereik.
Ek het onlangs gehoor dat daar n privaatskool in Langebaan aan die Weskus begin is en binne n paar maande toe is die skool se getalle oor die 800. Mens kan dalk by hulle gaan kers opsteek en hoor hoe hulle die ding gedoen het.