PDA

View Full Version : Hoe dissiplineer jy jou kinders?



Lanie
Feb 28th 2009, 05:40 AM
Ek sal graag wil hoor hoe en waarvoor mense hulle kinders dissiplineer. Gebruik jy verskillende dissipline tegnieke vir verskillende oortredings? Wat werk vir verskillende ouderdomme? Hoe voel jy daaroor wanneer ander mense jou kind voor jou teregwys? Het jy al jou stem dik gemaak vir iemand anders se kinders in hulle teenwoordigheid?

Son of the South
Feb 28th 2009, 07:33 AM
Ek sal graag wil hoor hoe en waarvoor mense hulle kinders dissiplineer. Gebruik jy verskillende dissipline tegnieke vir verskillende oortredings? Wat werk vir verskillende ouderdomme? Hoe voel jy daaroor wanneer ander mense jou kind voor jou teregwys? Het jy al jou stem dik gemaak vir iemand anders se kinders in hulle teenwoordigheid?Daar is seker niks so sleg soos wanneer ander mense se kinders by jou huis hulle wangedra en die ouers sit net so sonder om hulle kinders tereg te wys nie. Mens weet nie altyd lekker hoe om dit te hanteer nie. Kyk, as dit nog gaan net oor die ander kind, dan laat begaan mens maar: as sy ouers hom nie kan/wil opvoed nie, dit bly nog uit eindelik hulle verantwoordelikheid.

Sodra 'n ander kind byvoorbeeld myne afknou, dan moet ek maar op my hande sit. My kind moet ook maar leer om verdraagsaam, mededeelsaam, ens. te wees en om self sy sake uit te sorteer. Ek trek die streep by waar my kind erg afgeknou word en die ander kind waarskynlik ouer of groter is en my kind homself nie kan handhaaf en/of verweer nie. Dan sal ek die ander kind aanpraat (of selfs pakslae gee as sy ouers hom in my sorg gelaat het - alhoewel ek nog amper nooit moes nie). Hierdie ander mense se kinders aanpraat ding het al 'n groot ongemaklikheid tussen my en skoonsus gebring, maar iemand moet tog aan my kind se kant wees. As ek nie as ouer vir hom is nie, na wie toe sal hy homself kan wend?

My kinders kry baie min pakslae, maar 'n pak op sy tyd is soos brood en konfyt. Dan speel ons nie, ek voeter hulle hard met 'n paplepel op die boude. Hulle skuif sommer op hulle agterstewetjies op die vloer, want dit BRAND! Sies, jy mishandel die arme bloedjies! Nee, ek kom my plig om hulle op te voed na. As jy tik-tik aan 'n kind, dan pluk jy 'n lat vir jouself en jy maak jou kind opstandig. Min pakslae, op sy tyd en ordentlik uitgevoer is baie meer effektief.

MercyChild
Feb 28th 2009, 10:22 AM
Hi Lanie.......wel ek is kinderloos maar is darem maar vreeslik lief vir kindertjies........ek dink hulle is waaragtig die grootste geskenk wat God aan 'n ouer kan gee...

Ek het eendag 'n storie gehoor van 'n man wat 'n alkolis was en by die gereeld by die kroeg gaan sit het........Deur die sneeu het hy vanaf sy huis kroeg toe geloop en die gereelde bestel......Kort daarna het hy iemand gevoel aan sy broekspyp trek terwyl hy op sy stoel sit en drink. Met sy verbasing toe hy afkyk het hy sy ses jarige seun langs hom sien staan. Hy het aan sy seun gevra "hoe het jy hier gekom" en die ou seuntjie het geantwoord "ek het pappa se voetspore gevolg".

Ek dink wat ek hier wil sÍ is dat ouers hulle kinders se mentor is, en dat hulle doen wat hulle ouers doen. Daardie gesegde van "maak soos ek sÍ, en moet nie maak soos ek maak nie" werk nie altyd nie. Kinders volg beslis hulle ouers se voetspore menigmale....... dus is ek oortuig dat dit nie 'n buitestaanders se plig is om jou kinders straf toe te dien nie....God het immers die kind aan die ouer gegee, met rede.

Daar is seker niks verkeerd as iemand anders jou kind teregwys en rigting en leiding gee nie, soos byvoorbeeld onderwysers,mits dit in die regte gesindheid gedoen word, en dat jy die kind waarlik net wil leer en beskerm, maar ek is van mening dat dit 'n ouer se plig bly, van hoe en waar hy hom wil straf.....

Ek is nie so seker of pakslae altyd werk nie, maar ek dink dat wanneer jy 'n kind met liefde nader, dat jy veel meer met so 'n kind uitgerig kan kry. :rolleyes: Ek is beslis geen kenner op hierdie gebied nie, maar dit is natuurlik hoe ek sou te werk gaan.........

mari
Feb 28th 2009, 06:23 PM
'n interessante en baie belangrike draad, dankie Lanie...


( hiermee 'n paar basis idees, elk kan seker sy eie bespreking bring ) ...


* MercyC raak 'n belangrike punt aan ........... :
woorde help nie soveel as dit nie met voorbeeld gevolg word nie...... " maak soos ek se, moenie maak soos ek maak nie " werk net nie :o....

Min ouers besef dat hulle kleingoed baie beter verstaan wat hulle sien as dit wat hulle hoor..... dink bietjie : dit neem ten minste 2 jaar vir basiese taal om verstaanbaar te raak vir 'n kind, maar van 'n paar weke af neem hulle reeds die gedrag van ouers waar..... hulle eerste kommunikasie is immers gebasseer op die reaksie wat hulle aksies van hul versorges kry - huil bring kos, giggel bring glimlaggies, ens.......


* 'n kind se verstandtjie werk eenvoudig baie beter met aksie / reaksie response as verduideliking / aksie insig ...... 'n kind sal aanhou met 'n optrede totdat die reakie verander van dit waarna hy soek na dit wat hy nie wil he nie....... as huil kos bring, kan tantrums mos lekkergoed bring ens........ as stout wees meer aandag bring as soet wees, sal sy hunkering na aandag die vrees vir straf oorskadu.......



* :kiss: ouers kan hule eie gedrag eerder in ag neem as die woorde of metodes hoe 'n kind in lyn gehou word...... 'n kind reageer baie beter as hy weet ( uit voorbeeld ) hoe om op te tree om die regte response te kry as wat hy na jou dissiplineerende verduideliking kan luister......
bv : :hug: 'n kind behandel sy ma soos sy pa haar behandel en pa soos ma hom hanteer..... respek word in 'n kinderhart aangeleer uit die optrede van volwassenes teenoor mekaar ..... ( dis 'n bespreking op sy eie ! )



..................


ons omstandighede is bietjie anders as die "average" gesin aangesien ons glad nie 'n pak slae kan gebruik nie, en nog minder 'n preek....... ons outjie is hiper intellegent, maar ook hiper sensitief met boonop 'n kommunikasieprobleem ( autime ) ...... elke dag is 'n challenge van moenie doen wat jy nie wil he hy moet na-aap nie....... wys eerder hoe iets gedoen moet word as "nee, los" ens........ maar ek het al gesien dat "normale" kinders ook met bietjie sensitiviteit beter reageer as slegs en alleenlik met 'n "ferm hand" .....


groete
m

Willem
Feb 28th 2009, 07:59 PM
Hi Linda,

ja die voorbeeld... dis soms moeilik, maar laat dit net een keer gebeur waar hulle verkeerde ding by jou leer uit wat jy doen en ke belowe jou, dit spook alewig in jou agterkop as jy rustig is, as jy gejaagd is dan vergeet mens baie keer. Maar die teendeel is ook waar, doen moeite met die regte voorbeelde en geduld en dit verrig wondere.

O en daar kom 'n tyd dat jy die bloedjies wil slaat dat die bloedstrepe oor die boude sit,( selfs al het jy 5 jaar gesukkel en gesweet om pa te word) en dis dan wat jy besef dat jy die volwasse een is en moet verantwoordelik wees en moet nooit slaan omdat jy emosioneel is nie ( miskien hoekom ek persoonlik dink dis beter dat pa's die pak werk moet doen en ma's die trooswerk ), as ons dit as job van pa wees kan sien i.p.v nou gaan ek jou leer. Soms is dit al wat werk en letterlik lewens noodsaaklik om die boodskap dat die kragprop ( met al die kiddie protexctors ens ) nie iets is om mee te speel nie ( taal is nie 'n opsie nie, want dit bestaan nog nie ) of dat skerp goed eina maak ( het maar mes /vurk gevat en in hand/vinger gedruk sodat die ervaring daar is :bounce: - geen vel breek nie, net die ongemak van die eina wat begin was genoeg )

O en my ma het ook in baie wysheid gese, neem die aandag weg van die verkeerde ding en vervang met iets anders. Dit werk BAIE goed tot op sekere stadium ( sien hierbo :rofl::B ) SO as sussa besig is met breekgoed, dan tel ek haar op en sit haar by tydskrifte en wys haar prente.

O en die ding oor kinders wat kuier, wees blatant en se dis die reels van die huis vir die kinders en by-pass die ouers direk met hulle wat daar staan! As hulle ongelukkig is met die reels kan hulle iets se , maar ons is mos maar 'n ordentlike nasie wat nie onmanierlik wil wees nie :lol: en snaaks genoeg die kinders verkies om te weet waar hulle staan en dit gee ook gevoel van sekuriteit vir hulle :idea:

mari
Feb 28th 2009, 08:54 PM
..... die kinders verkies om te weet waar hulle staan en dit gee ook gevoel van sekuriteit vir hulle :idea:

... lyk my Willem praat uit ondervinding......:rolleyes: ..

ja, verseker .... wat gebeur as ander kinders kom kuier, het juis te doen met daardie grense beproef..... kinders voel baie meer gemaklik as hulle weet wat die reels is in 'n vreemde omgewing..... as hulle gedrag toon wat jou geduld beproef, sien dit juis as dit - onsekerheid - en hanteer dit deur rustig te verduidelik hoe dinge hier in hierdie huis werk...... bv, as hulle rondhardloop en jou huis is nie daarvoor ingerig nie, verduidelik dat hulle ornamente gaan breek of op die matte gaan gly ens.... en wys hulle dan waar hulle mag hardloop ( buite ! ) ....

... jou eie kleingoed mag onseker voel in die vreemde omstandighede ( iemand anders in die huis ) en ook julle gewone reels beproef...... dit mag dalk help om voor die besoek 'n geselsie te he en reels neer te le, met alternatiewe waar nodig - help jou kinders om "in beheer" te voel in hulle eie omgewing deur te weet wat mag en wat mag nie , dan voel hulle veilig en sal nie jou teen die mure uit dryf nie ....

groetnis
m

Lanie
Mar 1st 2009, 04:52 AM
Ek is nie so seker of pakslae altyd werk nie, maar ek dink dat wanneer jy 'n kind met liefde nader, dat jy veel meer met so 'n kind uitgerig kan kry. :rolleyes: Ek is beslis geen kenner op hierdie gebied nie, maar dit is natuurlik hoe ek sou te werk gaan.........

Linda, soms is dit nodig om hulle van onder af warm te maak sodat jy die wasaanpaksel uit hulle ore kan kry. :lol:

paidforinfull
Mar 1st 2009, 05:54 AM
Ek sal graag wil hoor hoe en waarvoor mense hulle kinders dissiplineer. Gebruik jy verskillende dissipline tegnieke vir verskillende oortredings? Wat werk vir verskillende ouderdomme? Hoe voel jy daaroor wanneer ander mense jou kind voor jou teregwys? Het jy al jou stem dik gemaak vir iemand anders se kinders in hulle teenwoordigheid?

Haai Lanie - ek glo slegs ouers, onderwysers en aangestelde toesighouers behoort kinders te dissiplineer. Ander mense het geen reg of (hopelik) geen rede om met ander mense se kinders te raas nie.

Ek wil net hier bylas dat ek al met kinders te doene gekry het wat vreeslik ongedissiplineerd was, en dan het ek al vir hulle dinge gese soos 'moenie daaraan raak nie' of 'oppas jy gaan seerkry' of so iets. Met hulle raas? Nooit nie (behalwe in die klas as hulle lawaaierig is, maar dis 'n ander storie).

PS: ek het ook al met ouers gaan praat en hulle gevra om hulle kinders te beheer as hulle hande uitruk. Dit help nogal. (Net jammer dit moet op daardie punt kom - mens sou dink alle ouers het darem 'n bietjie meer breins as om hulle kinders te laat wild raak).

mari
Mar 1st 2009, 05:00 PM
Linda, soms is dit nodig om hulle van onder af warm te maak sodat jy die wasaanpaksel uit hulle ore kan kry. :lol:

Lanie... mag ek vra.... vir watter oorterdings dien jy 'n pak slae toe en hoe ( jy het genoem die paplepel ? :cry: ) ...:)

Die Filadelfieer
Mar 2nd 2009, 06:33 AM
Hierdie (http://jv.news24.com/Rapport/Suid-Afrika/0,,752-2460_2477897,00.html) tannie het duidelik nie kinders nie. As sy gehad het, sou sy nie dinge kwyt geraak het soos " ín Onderwyser wat waardes by kinders wil tuisbring, kan sy boodskap die beste tuisbring deur ín goeie voorbeeld te stel. Dit sluit in om betyds en voorbereid te wees vir klasse. "

Jaaaaa reg tannie. Dit werk miskien vir graad eentjies, maar probeer biejie hierdie manier van "disipline" by tieners dan kyk ons hoe ver jy vorder.

Ek self het absoluut geen probleem met 'n oordentlike pak-slae op sy tyd nie. Ek het wel 'n probleem daarmee as 'n ouer uit woede sy of haar kind slaan. Dit is nie hoekom 'n kind veronderstel is om pak te kry nie. (My eie seuntjie het al 'n paar rapse in sy lewe gehad, van beide mamma en pappa af.) Meeste van die tyd het 'n streng stemtoon presies dieselfde uitwerking as 'n raps op die boud vir hom.

Lanie
Mar 2nd 2009, 07:50 AM
Lanie... mag ek vra.... vir watter oorterdings dien jy 'n pak slae toe en hoe ( jy het genoem die paplepel ? :cry: ) ...:)

Waar noem ek 'n paplepel? :confused

My kinders kry pak wanneer hulle, hulle swak gedra, Mari.... gewoonlik wanneer hulle blatant ongehoorsaam of disrespekvol is, wanneer hulle iets aspris breek (dit gebeur darem nie meer noudat die kleuterfase verby is nie :pp), en wanneer hulle mekaar seermaak. Dis nonsens dat pak slae 'n kind traumatiseer. Dis agv hierdie humanistiese wÍreldse siening dat ons jeug vandag sit waar hulle sit. Geen respek vir hulle ouers of onderwysers nie en deurmekaar met goed is wat mens se hare laat rys. Want die arme bloedjies het ook regte en mag nie so mishandel word nie.. Asseblief!

My dominee het nou die dag iets baie treffends van die kansel afgesÍ... ons leef in 'n tyd van streng kinders en gehoorsame ouers. Ouers laat die kinders toe om te gaan en maak soos hulle wil want hulle soek nie "atmosfeer" in die huis nie......maar.... en hier het ek my Sondagoggend ontbyt weggeskrik.... jy het nie 'n "atmosfeer" in die huis nie... jy't 'n kind in die hel!!!! Daardie preek het my nogals baie gegee om oor introspeksie te hou.

My kinders het altwee baie sterk willetjies en daarom moet hulle, (veral my oudste wat 'n sterk persoonlikheid het wat selfs die kwaaiste volwassene kan ore aansit as sy toegelaat sou word...) weet waar die grense is en dat daar nagevolge gaan wees wanneer hulle daardie grense nie respekteer nie.

Ons slaan nie vir enige ding nie en gebruik ook ander dissipline tegnieke... twee wat baie effektief is, is uitputting en oorkorreksie.... vra maar as julle voorbeelde wil hÍ oor hoe dit toegepas word... dit werk ook soos 'n bom!

mari
Mar 2nd 2009, 10:00 AM
:lol: ...... sorrie Lanie, dis SoS wat gepraat het van die paplepel ....


ekke is glad nie teen 'n pak slae nie ( dis net dat ek dit nie op myne kan gebruik nie, maar dis mos 'n ander storie ) ......

die pastoor by die kerkskool waar ek gewerk het het geglo in " the rod of correction on the seat of understanding ":eek: en dit het gewerk ....

ek vra maar net, want dis goed om rigtyne te kry van ouers wat dit effektief kan toepas .....

jy praat van uitputting en oorkorreksie.... vertel, vertel !!! .....

groete
m

Lanie
Mar 2nd 2009, 11:20 AM
Uitputting is wanneer jou kind sekere gedrag onnatuurlik lank moet herhaal. Later word hulle so moeg daarvoor dat die wangedrag nie meer die moeite werd is nie. Carli kou haar naels tot in die lewe af. Toe verduidelik ons vir haar dat daar slegte kieme onder haar naels is en elke keer wat sy haar naels kou moes sy haar hande was, naels met borseltjie skrop en tande borsel om die kieme dood te maak. Die hele proses is so langdradig en naderhand raak dit vir haar so furstrerend dat sy eerder nie naels kou nie. 'n Ander voorbeeld is as jou kleintjie byt moet hy tien keer vir 5 sekondes hard in 'n handdoek byt.

Oorkorreksie is om die regte gedrag in te oefen. My kinders het selektiewe doofheid ontwikkel wanneer ek hulle roep. Dan moet hulle vir 'n sÍ maar 10 keer agter mekaar na verskillende plekke in die huis gaan en dadelik kom wanneer ek roep.

Die Filadelfieer
Mar 2nd 2009, 11:26 AM
'n Ander voorbeeld is as jou kleintjie byt moet hy tien keer vir 5 sekondes hard in 'n handdoek byt.



...maar oefen dit nie net hulle kakebene om volgende keer harder te byt nie?

Lanie
Mar 2nd 2009, 11:33 AM
:lol: Seker, Fila! (Kyk hoe versigtig is hierdie pappa! ;)) Kleintjies raak gou moeg as hulle dieselfde ding oor en oor en oor en oor en oor moet doen....

Die Filadelfieer
Mar 2nd 2009, 11:43 AM
Ek is met rede versigtig, soos enige iemand wat al raakgebyt is deur 'n stel melktandjies sal getuig ! :D

Lanie
Mar 3rd 2009, 06:29 AM
Ek het vanoggend hierdie juweeltjie ontdek en wil dit graag met almal deel.


Ons behoort alle ouerskapraad te beoordeel aan die hand van hierdie vraag: Baseer jy hierdie raad op die goedheid van die mens of erken jy die verdorwenheid van die mens? Dit verklik of die raad Christelik of humanisties is.

Lanie
Mar 3rd 2009, 06:31 AM
Ek is met rede versigtig, soos enige iemand wat al raakgebyt is deur 'n stel melktandjies sal getuig ! :D

Praat jy! Probeer bietjie 'n baba wat tande sny borsvoed....
Eish! Dit gee nuwe betekenis aan die gesegde "in die leeu se kake"!

marline
Mar 3rd 2009, 09:55 AM
Ek het altyd verwonderd gestaan hoe die ore en boude verbind is. 'n klap op die boude, maak die ore oop!!! :bounce:

Son of the South
Mar 3rd 2009, 12:52 PM
Ek het altyd verwonderd gestaan hoe die ore en boude verbind is. 'n klap op die boude, maak die ore oop!!! :bounce:Diegene wat die paplepel wil kritiseer moet maar eers bietjie kom oplet nadat my kortvolk se agterwereldjies die slag geslat is. Ewe skielik is die oortjies weer mooi oop, die voetjies trap weer mooi in hulle spoortjies, daar word weer met respek met Mamma gepraat en almal is weer alte lieftallig. :hug:

Aan die een kant floreer kinders waar daar duidelike grense is. Aan die ander kant is dit soms nodig om die mat bietjie onder hulle uit te pluk as hulle te manhaftig en voor op die wa raak. :eek:

Son of the South
Mar 3rd 2009, 01:00 PM
Oorkorreksie is om die regte gedrag in te oefen. My kinders het selektiewe doofheid ontwikkel wanneer ek hulle roep. Dan moet hulle vir 'n sÍ maar 10 keer agter mekaar na verskillende plekke in die huis gaan en dadelik kom wanneer ek roep.Sukkel julle ook om die karnallies te leer om asseblief en dankie te sÍ? Ek het grappenderwys my kinders geleer om te sÍ: "Asseblief Mamma, dankie Mamma, ek is lief vir Mamma, Mamma is die beste!" Die idee is dat hulle darem by die asseblief en dankie deel sal uitkom. OK, dit help nog steeds nie altyd nie, maar dit help darem soms. :lol:

Ta-An
Mar 3rd 2009, 05:09 PM
Oor hoe om op byt te reageer : Byt terug :P

Slaan help nie vir almal nie, die wegneem van vryheid en voorregte, werk soos 'n droom :)

protea
Mar 10th 2009, 01:51 PM
Ta-An , dis so waar : Die ontneming van vryhede en voorregte is partykeer n baie beter straf as n pak slae, veral as die kinders eers bietjie groter raak. Ons Mirrelsis kon jy bv nie straf deur die voorreg om televisie te kyk weg te neem nie want sy het in elk geval nie kyk nie. Jy moes die voorreg om saam met Pa te gaan boer wegneem want dit was vir haar n VERSKRIKLIKE straf . So sal die straf van kind tot kind verskil.

Willem
Mar 10th 2009, 08:19 PM
So sal die straf van kind tot kind verskil.

Amen!

Onthou ook net om altyd konsekwent te wees, as dit vandag verkeerd is moet dit altyd verkeerd wees, nie net as ek moeg is nie :B.... daai is soms maar taai om te onthou en dan moet jy ook maar verskoning :blush: :hug: vra en jammer se ...... :lol: die lekker is dat daai jammer en verskoning vra dan die voorbeeld word wat hulle onthou en gebruik :pp

Gene
Mar 13th 2009, 01:54 PM
'n Pak slae is 'n Bybelse beginsel (en opdrag!) So het my ouers my grootgemaak, en hulle ouers voor hulle, en hulle ouers voor hulle, en hulle ouers.....So het Jan van Riebeeck sy kinders grootgemaak, so ook Abraham, Moses, Jakob ens ens. En kyk net watter oulike mense het ons almal nie geword nie! ;) Dis net die afgelope tien - twintig jaar wat dit skeilik "wreed" geword het en die arme bloedjies se selfbeeld afgekraak word, en allerlei alternatiewe strawwe uitgedink word. En kyk net waar is ons vandag. Kyk na die gebrek aan dissipline in skole, dinge soos tiener swangerskappe, dwelms, rook, geweld en wie weet wat nog alles onder jong kinders - dit is alles die vrugte van ouers se onvermoe om dissipline te handhaaf, en 'n goeie pak slae op sy tyd te gee. Dis om van siek te word!

Pak slae help ALTYD! Niemand sal my ooit anders oortuig nie. Ek het dit al male sonder tal gesien. My vrou is al vir jare 'n dagmoeder vir kleuters, en die bloedjies wat met sielkundige metodes grootgemaak word, staan soos 'n seer vinger uit teenoor die outjies wat "getugtig" word op die regte tyd. Net soos die doodstraf 'n uiters effektiewe afskrikmiddel vir misdadigers is, so WERK pak slae ook vir kinders. Kyk maar na die verandering by 'n kind wanneer hy vir weke lank "soek" vir 'n pak slae en dit dan uiteindelik kry. Vir weke daarna weet jy nie van die kind nie, so soet is hy.

Dit gese, moet ek byvoeg dat daar maniere en maniere is om 'n kind te slaan. Dit moet nooit uit woede gedoen word nie, en daardie kind moet verstaan dat sy ouers steeds vir hom lief is, al is dit soms nodig om 'n pak slae te gee. Dit moet altyd konsekwent gedoen word. 'n Kind kan nie vandag vir 'n oortreding geslaan word en more word daardie selfde oortreding oorgesien nie. Dit verwar die kind. En as Pa of Ma gewaarsku het en 'n pak slae belowe het, en die kind luister nie, dan moet dit deurgevoer word. (Ek onthou ek het een aand terwyl ons by vriende gekuier het, vir my 6 jarige dogtertjie 'n pak slae belowe sodra ons tuis kom, maar het teen daardie tyd al lankal vergeet daarvan. Totdat sy my kamer toe roep en bewerig vra: "wanneer gaan pappa my slaan?" dit was sekerlik een van die moeilikste goed wat ek ooit moes doen...)

En dan natuurlik, die heel belangrikste, wat ook hierbo genoem is, stel die voorbeeld! Moet nooit 'n kind straf vir iets wat jy self aan skuldig is nie. Watter boodskap moet die kind daaruit kry?

Son of the South
Mar 1st 2011, 08:36 AM
Gestraf omdat jy jou Bybelse plig nakom? Die Ouer wat nie sy kind leer om gevaar te vermy nie is in my oŽ die liefdelose ene wat gestraf behoort te word.

http://www.volksblad.com/Suid-Afrika/Nuus/Pa-gestraf-oor-lyfstraf-vir-sy-6-jarige-dogter-20110301

Pa gestraf oor lyfstraf vir sy 6-jarige dogter
2011-03-01 05:58

KROONSTAD. – ’n Enkelouer wat sy “ouerlike plig” uitgevoer het deur sy ongehoorsame dogtertjie een hou met ’n lyfband op haar boude te slaan, is gister in die streekhof hier op ’n aanklag van aanranding ’n boete van R1000 of 12 maande tronkstraf opgelÍ.

Streekhoflanddros Hendrik Jonker het diť straf voorwaardelik vir drie jaar opgeskort. Hy het met vonnisoplegging gesÍ in Suid-Afrika kom tugtiging op aanranding neer.

Diť Viljoenskroonse pa (26) het sy dogtertjie (6) herhaaldelik versoek om nie in die straat voor hul huis te speel nie.

Sy het nie geluister nie. Hy het haar later toe met die lyfband een keer op haar boude geslaan.

Die pa het in sy pleitverduideliking wat gister in die hof gelees is, erken hy het sy dogter met die lyfband geslaan.

Mnr. Duraan Fourie, vir die pa, sÍ dit is “tragies” dat ’n ouer voor die hof moet staan, omdat hy/sy ouerlike plig uitvoer en in diť geval dissipline toegepas het.

Boonop wou diť pa sy dogter beskerm het teen ’n gevaar soos om deur ’n motor raakgery te word.

Fourie het in sy betoog ter versagting gesÍ die “sake wat daagliks voor die hof verskyn”, kan juis toegeskryf word aan ’n gebrek aan dissipline – ongedissiplineerde jeugdiges bots daagliks met die gereg.

Streeklanddros Jonker het gesÍ dit is “ongelukkig” so dat vroue gemolesteer en kinders mishandel word.

Daarom is strawwe ingestel om minderjariges teen aanranding te beskerm.

Die landdros sÍ dit is nie vir die hof om ’n mening uit te spreek oor die voor- of nadele van lyfstraf nie.

Die hof moet uitspraak lewer ingevolge landswette waar liggaamlike tugtiging op aanranding neerkom.

Streeklanddros Jonker het hom nietemin uitgespreek oor die gebrek aan tugtiging wat tot dwelm- en drankmisbruik, asook ander oortredings, lei.

“Die meeste oortreders wat in die hof verskyn, is jeugdiges of net nŠ die jeugdige ouderdom.”

Hy het gesÍ om diť pa gevangenisstraf op te lÍ sal “onsinnig” wees.

“Ons weet u het haar nie aangerand soos ons aanranding ken nie,” het hy aan die beskuldigde gesÍ.

Die kind het ’n “week voor of nŠ” die slaanhou met warm water gebrand.

Iemand het die brandwonde, asook die slaanmerke, gesien en afleidings gemaak dat die pa die kind mishandel het.

’n Klag van kindermishandeling is later laat vaar.

Streeklanddros Jonker het gesÍ diť voorval is eintlik net ’n “gewone aanranding” wat nie in die streekhof hoort nie.

Mnr. Rakesh Chitradow het aangekla.

- Volksblad