PDA

View Full Version : Het die kerkraad



Francois Marais
Jul 14th 2009, 06:42 PM
Ek was so 15 jaar van my lewe in 'n kerk op die platte land gewees. Was nie so lekker vir 'n jong kind van Christus om daar te wees nie. Elke Oktober het daar 'n oom voor in die kerk 'n "target" gestel van hoefeel geld hulle moes in...

Nou wil ek die vraag stel of van die kerkraad lede van gemeentes nie God raadpleeg wat om te doen nie.
En dink mooi. Ek was op die kerkraad gewees toe ek 18 was (liturgiese raad) Die mense het besluite geneem op 'n ruglyn wat die kerkraad gestel het. En as 'n jonk en jukkerige mannetjie het ek baie pakslae gekry van die kerkraad.

Nou om my vraag weer te stel:
Neem die kerkraad die besluit in jou kerk of God?

Hannelie Pretorius
Jul 15th 2009, 10:11 AM
Ek was so 15 jaar van my lewe in 'n kerk op die platte land gewees. Was nie so lekker vir 'n jong kind van Christus om daar te wees nie. Elke Oktober het daar 'n oom voor in die kerk 'n "target" gestel van hoefeel geld hulle moes in...

Nou wil ek die vraag stel of van die kerkraad lede van gemeentes nie God raadpleeg wat om te doen nie.
En dink mooi. Ek was op die kerkraad gewees toe ek 18 was (liturgiese raad) Die mense het besluite geneem op 'n ruglyn wat die kerkraad gestel het. En as 'n jonk en jukkerige mannetjie het ek baie pakslae gekry van die kerkraad.

Nou om my vraag weer te stel:
Neem die kerkraad die besluit in jou kerk of God?


In ons vorige kerk het God beslis nie die besluite geneem nie en dis hoekom ons daar weg is. God het ons o geopen. Gelukkig in ons huidige kerk is God volkome in beheer.

Tonton
Jul 15th 2009, 01:48 PM
Ons het ook so 'n ervaring gehad (soos Hannelie).

Daar het die kerkraad baklei oor die kleur van matte, het een oom gedreig om sy bydrae terug te hou as hy nie sy sin kry nie, en toe hulle my op die komitee kry om 'n dienskontrak vir die dominees op te stel, en die komitee en die dominees begin stry oor werkure, het ek onttrek (uit die kerkraad).

Anton

Skies, ek klink bitter, maar eintlig is dit groot hartseer...

Gene
Jul 16th 2009, 07:39 AM
Ek was deur die jare op baie kerkrade, en veral na my wedergeboorte het dit my geweldig begin pla.... ek kan eerlikwaar se dat daar weinig plek vir die Here op die meeste van hierdie kerkrade was. En dit werk natuurlik deur na die gemeente - 'n kerk waar die kerkraad nie hulle werk in afhanklikheid van die Here doen nie, is 'n dooie kerk.

Ek dink die probleem kom grotendeels by die mense wat normaalweg tot de kerkraad verkies word. Wanneer vakatures ontstaan, word daar dikwels vooraanstaande en "gewilde" mense gekies - gewoonlik die skoolhoofde, prokureurs, besigheidsmense ens ( dis wat gebeur hier op die platteland in elk geval) Daar word bitter min aandag gegee aan so persoon se geestelike stand. Die gevolg is dat sulke kerkraadslede dikwels net daar is vir die status wat daaraan gekoppel word.

Ek het egter die voorreg om vir die afgelope jaar lid van 'n kerkraad te wees wat werklik die Here vooropstel. Kerkraadslede word ook op 'n heel ander wyse gekies as in meeste ander gemeentes waar ek al gedien het. Wanneer kerkraadslede gekies moet word, word die kerkraad gevra om eers huistoe te gaan en te gaan bid daaroor, voordat iemand genomineer word. As die Here iemand se naam op jou hart le, gaan voer jy eers met daardie persoon 'n gesprek, en stel was wat sy geestelike stand is, en of hy werklik besef wat so posisie behels en of hy bereid sal wees om hom daartoe te verbind. Eers dan word so persoon by die volgende kerkraadsvergadering genomineer, en na intense gebed, word daar gestem..... nodeloos om te se, daar is gewoonlik baie na aan 100% eenstemmighed oor die persone wat verkies word.

CFJ
Jul 16th 2009, 09:06 AM
Ek is bewus van enkele Kerkrade waar God eerste gestel word, maar my eie ondervinding en ook wat mens waarneem, is dat die groot meerderheid amper nie eers God erken in al hulle handelinge en wandelinge nie. Nie een van die gemeentes waaraan ekself behoort het, het God eerste gestel nie. Dit is maar net 'n versiersuikerlagie met godsdiens oor dit geskryf, wat jammer is om te s, maar wat ongelukkig die waarheid is.

lukeskywalker
Jul 16th 2009, 10:18 AM
Dis maar moeilik....na my mening word kerkraadslede ook dikwels verkies sonder dat die lidmate die gewigtigheid van die amp besef.

Dis uiters, uiters, uiters belangrik dat die wil van God in die verband geskied, mens kan nie iemand tot 'n kerkraad verkies as so 'n persoon nie 'n ware gelowige is nie, en dis ongelukkig wat gebeur, en dan is so kerkraad "geinfekteer" (kan nie nou aan 'n beter woord dink nie)

En dis waar al die probleme begin.

Francois Marais
Jul 16th 2009, 11:14 AM
Sjoe. Gene, neem jy die woorde uit my mond uit.

Die Filadelfieer
Jul 16th 2009, 12:10 PM
...... maar my eie ondervinding en ook wat mens waarneem, is dat die groot meerderheid amper nie eers God erken in al hulle handelinge en wandelinge nie......

Ek is op die oomblik 'n kerkraadslid, en kan vir julle s dat dit wat Ferdi hier skryf 100% waar is. Die verval is al so ver dat ek nou die dag beantwoord is nadat ek 'n stuk uit die Bybel op 'n vergadering aangehaal het met 'n "ja, MAAR die kerkorde s ......"
Hoe op dees aarde antwoord mens dit sonder om jou speelgoed uit die kot te gooi ?

Francois Marais
Jul 16th 2009, 01:13 PM
Ek wou al een aand vir 'n ouderling gevra het of hy God ken. Gelukkig het ek my tong bewaar, anders sou ek die kerk op slegter voete verlaat het...

Henry
Jul 16th 2009, 04:55 PM
Ek is op die oomblik 'n kerkraadslid, en kan vir julle s dat dit wat Ferdi hier skryf 100% waar is. Die verval is al so ver dat ek nou die dag beantwoord is nadat ek 'n stuk uit die Bybel op 'n vergadering aangehaal het met 'n "ja, MAAR die kerkorde s ......"
Hoe op dees aarde antwoord mens dit sonder om jou speelgoed uit die kot te gooi ?

Fila, wat ht jy toe gedoen? :saint:

Die Filadelfieer
Jul 17th 2009, 06:02 AM
Fila, wat ht jy toe gedoen? :saint:

Gebid vir rustigheid .......... en dit gekry ! :pp

Ek is op die oomblik erg teleurgesteld/hartseer/whatever oor ons kerkraadkiekiekie, en erg ontseker of ek moet waai of bly.

Paul Pienaar
Jul 17th 2009, 08:26 AM
Ek is op die oomblik 'n kerkraadslid, en kan vir julle s dat dit wat Ferdi hier skryf 100% waar is. Die verval is al so ver dat ek nou die dag beantwoord is nadat ek 'n stuk uit die Bybel op 'n vergadering aangehaal het met 'n "ja, MAAR die kerkorde s ......"
Hoe op dees aarde antwoord mens dit sonder om jou speelgoed uit die kot te gooi ?


Daar is vele ander wat dieselfde ervarings gehad het Fila.

Myne het my my geloof in die "kerk" gekos. Tot so 'n mate dat ek nie meer by 'n gemeente in skakel nie. Hier waar ek bly, is daar net nie 'n alternatief nie. Ongelukkig. Ek word nou gesien as kerkloos, en deur party as 'n randfiguur. Maar dit is ok. Ten minste het ek gesien hoe dit in die binne kringe gaan, en weet nou dat die Woord tweede staan teenoor wat die gemeente se visie, missie, bylaws en what-have-yous is.

Babilon, in my beskeie mening, sluit die christendom amper in sy geheel in.

Tonton
Jul 17th 2009, 12:23 PM
...Ek word nou gesien as kerkloos, en deur party as 'n randfiguur. ...

Ja. En die ironie is dat jy net vry is van lering van mense. Ek bid dat jy egter 'n tuiste vind by ander mense wat in Jesus glo, vry van 'n "kerkorde" van mense.

Anton

Lanie
Jul 17th 2009, 12:47 PM
Sjoe mense.... my hart bloei vir julle. Ek besef nou eers hoe bevoorreg ek is om deel van 'n gemeenskap van gelowiges te wees waar God eerste gestel word. Ja, daar is natuurlik die loues onder ons, soos daar in elke kerk is, maar die kern van die gemeente se fokus en geestlike volwassenheid is op koers. Ek bid dat God vir elkeen van julle 'n geestlike tuiste sal gee waarbinne julle suiwer lering sal ontvang en geestelik sal kan groei. :hug:

marline
Jul 22nd 2009, 05:37 PM
Daar is vele ander wat dieselfde ervarings gehad het Fila.

Myne het my my geloof in die "kerk" gekos. Tot so 'n mate dat ek nie meer by 'n gemeente in skakel nie.

Presies hoekom ek nie in 'n kerk is nie, alhoewel ek by verskeie Bydelstudies betrokke is. Om kerkloos te wees beteken nie vir my om God-loos te wees nie.

lukeskywalker
Jul 22nd 2009, 06:48 PM
Ek hoor wat julle se, maar ons moet tog oppas om nie te bly soek na 'n geestelike tuiste nie, ons is almal deel van die liggaam, en elke persoon het dinge waarmee hy/sy goed EN swak is, en in 'n gemeente kan ons mekaar ondersteun en elkeen se goeie punte kan gebruik word in diens van die koningkryk van God.

Moet dus nie verskoning soek om jou van 'n gemeente te onttrek nie, dalk was dit jou Godgegewe taak om daardie kerkraadslid wat so verkeerd was die regte pad te wys.

Lanie
Jul 23rd 2009, 05:48 AM
Dis vir my werklik hartseer dat "christene" mekaar so seermaak dat daar van ons is wat glad nie meer deel van 'n gemeenskap van gelowiges wil wees nie. Ek wil tog byvoeg - en ek mik dit nie met 'n wysvingertjie na almal hier wat s hulle is kerkloos nie, en ek s glad nie as mens kerkloos is, is jy Godloos nie. Maar die Here Jesus het self die kerk ingestel, en call me crazy, maar ek dink nogals Hy het geweet wat Hy doen. Ek glo werklik dat die dag wanneer mens jou rug op die kerk draai agv seergemaakte gevoelens dan het die satan 'n reuse oorwinnig bereik. Wanneer mens in 'n goeie behoudende kerk is waar jy suiwer lering ontvang is dit vir hom baie moeiliker om jou te mislei. En hy weet dit, daarom sal hy alles in sy vermo doen om mens van die kerk te vervreem.

Ek glo ook die groot rede hoekom daar soveel mense opgegee het op die kerk is omdat die mense wat in die kerk sit, nie weet hoe om verskille en geskille op 'n bybelse manier op te los nie.

Anyway... dis my 2c.

Gene
Jul 23rd 2009, 08:01 AM
Dis vir my werklik hartseer dat "christene" mekaar so seermaak dat daar van ons is wat glad nie meer deel van 'n gemeenskap van gelowiges wil wees nie. Ek wil tog byvoeg - en ek mik dit nie met 'n wysvingertjie na almal hier wat s hulle is kerkloos nie, en ek s glad nie as mens kerkloos is, is jy Godloos nie. Maar die Here Jesus het self die kerk ingestel, en call me crazy, maar ek dink nogals Hy het geweet wat Hy doen. Ek glo werklik dat die dag wanneer mens jou rug op die kerk draai agv seergemaakte gevoelens dan het die satan 'n reuse oorwinnig bereik. Wanneer mens in 'n goeie behoudende kerk is waar jy suiwer lering ontvang is dit vir hom baie moeiliker om jou te mislei. En hy weet dit, daarom sal hy alles in sy vermo doen om mens van die kerk te vervreem.

Ek glo ook die groot rede hoekom daar soveel mense opgegee het op die kerk is omdat die mense wat in die kerk sit, nie weet hoe om verskille en geskille op 'n bybelse manier op te los nie.

Anyway... dis my 2c.

Lanie, hierdie plasing van jou is baie meer werd as 2c.... Ek kan maar net daarop se: AMEN!! Ons moet nooit vereet nie, die duiwel se grootste wapen teen die kerk van die Here is om twis en verdeeldheid te saai. (En kyk maar hoe suksesvol is hy dikwels.)

Die Filadelfieer
Jul 28th 2009, 07:01 AM
Nou ja, my kol is deur die kerk, ek is weg waar ek was en ek ervaar dit meer traumaties as wat ek gedink het dit gaan wees.



Wat dink julle, moet ek my seuntjie 'n doppertjie groot maak ?

Lanie
Jul 28th 2009, 07:39 AM
Jy weet seker wat ek graag sal wil s. ;)

Die Filadelfieer
Jul 28th 2009, 08:49 AM
Jy weet seker wat ek graag sal wil s. ;)


Jip, en dit is 'n definitiewe opsie !
Net ter interesantheid, het jy al na die geskiedenis oor die ontstaan van die kerk waar julle is gekyk ? Indien nie, doen bietjie, daar is 'n van wat dalk bekend gaan klink .........:D

Lanie
Jul 28th 2009, 09:00 AM
Nou't jy die nuuskierige agie in my weer op hol....:lol:

Francois Marais
Jul 28th 2009, 01:16 PM
Ek is tans gelukkig met die kerk wat ek tans in is. Ek weet die pasoor doen niks sonder die HG se woord nie. God word vir elke besluit geraadpleeg en gevra of dit die regte besluit is of nie.

Ek sien hoe die ander kerk wat ek in was stadig maar seker ten gronde gaan (dit het op die punt van bankkortskap 'n ander Ds gekry wat dinge aan die begin omgedraai het) en dit maak regtig seer.

Ek weet nie hoe dinge in die toekoms gaan lyk nie, maar ek hoop dat God sal ingryp en dinge sal verander na baie beter toe as in die verlede.

Ek so ook met die ander kerke wat nie God ken in hulle sake nie, dat God daar sal ingryp en dinge verander!

Tonton
Aug 3rd 2009, 09:19 AM
...Ek sien hoe die ander kerk wat ek in was stadig maar seker ten gronde gaan (dit het op die punt van bankkortskap 'n ander Ds gekry wat dinge aan die begin omgedraai het) en dit maak regtig seer.

Ek weet nie hoe dinge in die toekoms gaan lyk nie, maar ek hoop dat God sal ingryp en dinge sal verander na baie beter toe as in die verlede.

Ek so ook met die ander kerke wat nie God ken in hulle sake nie, dat God daar sal ingryp en dinge verander!

Ja, ek sien dit ook so. 'n Bankrot kerk wat nie Bybel-gefokus is nie, en wat leerstellings van mense bo die Woord stel is dalk beter as een wat finansieel sterk is. Dink net hoe God Israel en Juda gesplit het, en hoeveel jare Israel onder afgode beter gevaaar het as Juda was maar een van die 12 stamme was - maar wat God se Woord gerespekteer het. Ons moet dankbaar wees as ons een van die min is, want duisende verval onder die misleiding van hul leierskap. En elk is self en persoonlik verantwoordelik vir sy eie verval - hy kan niemand blameer nie.

Anton

Jabba
Aug 10th 2009, 03:16 AM
Interresante vraag wat jy vra, maar daar is eintlik net een antwoord.
Ongelukkig bepaal die kerkraad wat in die kerk gebeur. Dis hulle en die Sinode wat besluit waar God en Jesus by ons inpas, en nie ons by Hom nie! Wat 'n treurige lied!
Soveel te meer is ek bly dat jy die vrymoedigheid het om hierdie vraag te vra, want dit beteken jy begin dink! Jy begin uit die kassie uit beweeg wat die 'kerkraad' vir ons stel. Wonderlik!
Weet net hierdie ding...God word nie ingeperk deur mure van 'n kerk nie, ons is die kerk! Ons gewone mense wat elke dag op straat loop, foute maak, terleurstellings het, teleurstellings veroorsaak, gaan le, weer opstaan! Ons is wonderlik!
En so maak ons God wonderlik!
Nie deur elke Sondag teen 'n preekstoel of mure vas te kyk nie, maar om die lewe om ons raak te sien, te beleef, en deur ons lewenswyse ander tot inkeer te bring. Iemand het vir my 'n groot waarheid vertel...onthou, ons ken die bybel, maar die bybel wat baie ander mense om ons lees, is ons!
Dra die woord uit die kerk uit! Hy en ons is nie gebonde nie!:pp
Wees geseend...en dra jou geloof uit!:kiss:

Smuggler
Aug 11th 2009, 08:47 PM
Nou ja, my kol is deur die kerk, ek is weg waar ek was en ek ervaar dit meer traumaties as wat ek gedink het dit gaan wees.


Hallo "oom" Leeu
Ek weet nie of mense altyd besef waardeur jy gaan (ook as man en priester van jou huis) wanneer God jou wys om daai kruk weg te neem uit jou lewe nie. Dis soos jy s: TRAUMATIES :o

My ervaring van dit was in Okt 2004 en ek was vir byna 3 maande daarna in 'n soortvan depressie gewees . . .:cry:

Ek het dan ook soms baie getwyfel of ek nou REGTIG die regte ding gedoen het, maar elke keer het God my dan maar net weer terug gevat en vir my die paadjie gewys wat ek die afgelope jare met die kerk geloop het en hoe die verkeerde suurdeeg in die kerk vir my al meer sigbaar geword het en ook hoe dit tussen my en God kom staan het. Die getuienis van my verhouding met God was ook nie meer aanvaarbaar in die kerk nie en gereeld het ons op kerraadsvergaderings en erediens kommisie vergaderings, koppe gestamp omdat die kerk (die gemeente waar ek was) so mens vriendelik is en God vyandig is.

Fil, 'n woestyn is eintlik 'n goeie plek om te wees . . . Hos 2 leer my dat dit daar is waar God in jou hart sal spreek en as jy sterf (dal van agor) dan sal jy nuwe hoop kry wat sal lei tot 'n dieper en meer intieme verhouding met jou Hemel Vader (v16). Die verhouding verander Baas - klaas verander na iets baie dieper.

Hos 2:14 Daarom, kyk, Ek sal haar lok en haar in die woestyn lei en na haar hart spreek.
Hos 2:15 Dan sal Ek haar daarvandaan haar wingerde gee en die dal Agor tot n deur van hoop, en daar sal sy antwoord gee soos in die dae van haar jeug en soos die dag toe sy uit Egipteland opgetrek het.
Hos 2:16 En in di dag, spreek die HERE, sal jy My noem: My man; en jy sal my nie meer noem: My Bal nie.

Vasbyt Fil ! ons bid vir jou ! :pray:

Vrede-groete
Smuggler

Die Filadelfieer
Aug 12th 2009, 05:59 AM
Dankie vir die bemoedigende woorde Smuggler, ek is baie rustig oor my besluit, maar het 'n paar mense hartseer gemaak met my weggaan, waaroor ek glad nie gelukkig is nie. Het met 'n paar gesels om my probleem te probeer verduidelik, sommige verstaan en ek kan sien hulle is meer rustig, maar ander glad nie. Ai tog.

Smuggler
Aug 12th 2009, 06:33 PM
. . . maar het 'n paar mense hartseer gemaak met my weggaan, waaroor ek glad nie gelukkig is nie. Het met 'n paar gesels om my probleem te probeer verduidelik, sommige verstaan en ek kan sien hulle is meer rustig, maar ander glad nie. Ai tog.

Hallo Fil.

Ek wil nie die Draad ontspoor nie, maar net die volgende:

Ek het baie goeie begrip vir die hartseer gevoel en jy moet maar net vasbyt en aanhou om die Vader se Gees wat in jou sy, te gehoorsaam. In my hartseer-woestyn-tyd het Hemel Vader my n paar waardevolle lesse geleer. In my geval het ek oa. geleer dat die vriende wat nie wou verstaan nie, eintlik bedreig gevoel het. :hmm:

Fil, die mense weet nie hoe om jou te hanteer nie . . . Jy bedreig hulle comfort zones met jou getuienis en daarom dan soms die snaakse of wil nie verstaan optredes of reaksies. :idea:

Ek wil amper vir jou s dat ek dink die ouens verstaan jou baie goed, maar hulle hou nie van die gevolge van as hulle met jou sou saamstem nie. Dalk vir die eerste keer in hul geloofslewe word hulle gekonfronteer met n waarheid wat hulle getuienis toets en nou moet onaangename besluite/keuses gemaak word. :hmm:


Broeder, "comfort zones" is baie gevaarlikke plekke en tog klou ons daaraan vas vir lewe-en-dood. Ons sal ook "baklei" en of hardkoppig "nie wil verstaan" om ons gemak sones te beskerm.

Wees bly jy hoef nie n Martin Luther te wees nie . . .
As jy die film Luther kyk sal jy sien wat hy gedoen het. Hy het die ouens op hul geloofs lewe aangevat met die volgende filisofie nl. Lewe dit wat jy glo. As jy s dat jy n kind van God is, sterf dan aan self en lewe dan die getuienis as kind van God.

Met hierdie filisofie het Luther die leierskap van Duitsland uitgedaag om dit wat hulle s hulle glo, te lewe. Die resultaat ? Die wat die ware geloof in hul lewens gehad het, het Luther gevolg en die res het weggeval.

Ek hoop dit maak vir jou sin.

Onthou ook dat ons stryd is nie teen vlees en bloed (mense) nie, maar teen die bose geeste (oa.Geeste van die wreldse sekuriteit :eek:?) in die lug.

Vasbyt !

Vrede-groete

Smuggler

Francois Marais
Aug 18th 2009, 07:08 PM
hmm gewonder of ek 'n paar nestge gaan oop krap op die forum. Gelukkig nie so erg nie :)
Ek het Sondag by 'n nuwe kerk lidmaat geword. Ek weet die pastoor loop 'n pad saam met God en het eers baie seker gemaak, maar die kelkie is geklink op 'n verklaring wat mens maak dat mens nie betrokke is in 'n buite egtelike verhouding, okkulte of lesbiese/homosekuele verhouding nie.
Ek weet my verhouding met God het baie verbeter vandat ek in die gemeente is. Ek het al dinge daar gesien gebeur wat die NG mense laat uit die kerk stap het, maar ek kon bewyse gekry het uit die woord dat dit wat die kerk doen reg is.

Die gemeente is in Brumeria Pretoria :)

Hoop julle almal mag die regte gemeente vind. Die een wat God na volg en volgens Sy woord wandel!

Paul Pienaar
Aug 19th 2009, 03:54 AM
Hallo Francois,

Ek dink wat jy bedoel is dat jy Sondag by 'n nuwe GEMEENTE lidmaat geword het. As jy jouself as gelowige en volgeling van Christus gesien het, reeds voor hierdie tyd, dan was jy mos al reeds deel van die kerk.

Ek's bly dat jy 'n plek gekry het waar jy gemaklik voel.

Francois Marais
Aug 19th 2009, 11:54 AM
Hallo Francois,

Ek dink wat jy bedoel is dat jy Sondag by 'n nuwe GEMEENTE lidmaat geword het. As jy jouself as gelowige en volgeling van Christus gesien het, reeds voor hierdie tyd, dan was jy mos al reeds deel van die kerk.

Ek's bly dat jy 'n plek gekry het waar jy gemaklik voel.

Hi Paul
Jy is 100% reg :idea::pp
Nou moet ek net meer betrokke raak by die gemeente...