PDA

View Full Version : Woorde wat dikwels verkeerd gespel word.



Philip dT
Nov 18th 2009, 02:10 PM
Hallo. Party van ons hou nogal daarvan om ons taal so suiwer as moontlik te hou. Ek het sommar gedink om 'n draad oor spelling te maak, omdat ek sien dat daar sekere woorde is wat dikwels verkeerd gespel word. Buiten dat party gebruikers soms my naam verkeerd spel ("Phillip" in plaas van "Philip :P), het ek ook die volgende lysie (spel en taal):

aantyging (nie aantuiging nie).
lei (vir leiding van die Gees)
ly (vir lyding wat seer is)
dinosaurus (nie dinosorus nie)
konnotasie (nie konnektasie nie)
waardeer (nie waardeur nie - dis nou as jy dankie sÍ)
kabbala en kabbalisme (nie kaballisme, kabalisme of kabbaalse nie)
parallel en parallele (nie paralelle nie)
gebaseer (nie gebasseer nie)
kortsigtig (nie kortsugtig nie)
koninkryk (nie koningkryk nie)

as sodanig (nie as sulks nie - dit is 'n anglisisme)
Adventiste (nie Advintiste nie)
Christen (nie Christin nie)

'n deŽlteken dui altyd 'n nuwe lettergreep aan:

vroeŽ (nie vroŽ nie)
profesieŽ (nie profesiŽ nie)
maar teoloŽ (en nie teoloeŽ nie)

kommentare is boeke of bundels met kommentaar in
kommentatore is die ouens wat die kommentaar skryf


Voorkeure:

Ek dink mens moet eerder van 'n modereerder praat van 'n forum as 'n moderator. 'n Moderator is die baas van die NG Kerk ;).
tans / teenswoordig / nou eerder as huidiglik :B
vooropgestelde idees eerder as vooropgesette idees
ver eerder as vÍr
plasings (hier op die forum) eerder as poste

Miskien kan julle ook voorbeelde noem...

Tonton
Nov 18th 2009, 03:50 PM
Hmmm....

En dan die anglisismes, soos "huidiglik" (vir currently) eerder as Afrikaanse woorde soos "tans" of "op hede".

En dan soveel wat die werkwoord: "proe" gebruik om "smaak" te vervang. Selfs (of veral) die poppies op PASELLA doen dit. Hulle sÍ dit PROE lekker, maar bedoel dit SMAAK lekker. Ook maar van die Engels oorgewaai - hulle het mos net een woord: "TASTE".

Anton

Phil Fourie
Nov 20th 2009, 10:21 AM
Philip

Ek dink dit is goed om kennis te neem van hierdie foute wat ek glo ons almal gereeld maak, tog wonder ek net, kan so iets nie tot gevolg hÍ dat diegene wat minder vaardig is m.b.t. taalgebruik skrikkerig of selfs huiwerig kan word om later plasings hier te maak weens 'n vrees dat hul kommunikasie vermoeŽns nie op standaard blyk te wees nie. Nou ek weet dat jy nie noodwendig so 'n situasie impliseer nie, maar ek glo dit kan wel moontlik daartoe lei.

Ek vat byvoorbeeld my soms beperkte Engelse vermoeŽns het al tot gevolg gehad dat ek op sekere Engelse forums nie deelneem nie a.g.v. party lede daar wat gedurig ander se foutiewe spelling uitwys. Nou op 'n suiwer taal forum mag dit seker van toepassing wees, maar ek kan nie sien hoe dit noodwendig hier van toepassing behoort te wees nie en moet diegene wat meer vaardig is met die taal dalk eerder diegene wat minder vaardig is oorsien aangesien dit nie hier gaan oor die taalgebruik nie, maar die hart en gesindheid van die gesprek.

Miskien lees ek verkeerd in jou plasing in, nee, ek doen nie, ek lees 'n baie goeie gesindheid in jou plasing in, 'n baie hulpvaardige gesindheid wat baie mense goed kan help, ek myself kan dit gebruik om my taal te verbeter, maar ek glo die moontlikheid is daar dat dit nuwe of moontlik huidige minder taalvaardige lede kan afskrik om plasings te maak. Ek dink ek sou dalk nogals skrikkerig gewees het om hier plasings te maak as ek 'n nuwe lid was, want ek weet my taalgebruik is nie altyd so suiwer nie.

Verskoon tog, baie van hierdie plasing is maar ek wat hardop dink, as ek heeltemal die punt mis, dan vra ek verskoning :)

Groete
Phil

Philip dT
Nov 20th 2009, 11:52 AM
Phil, ek dink nie ons het 'n kultuur hier van mekaar korrigeer op spelling nie. Ek kan bv. nie onthou dat ek dit al gedoen het nie. Soos jy tereg sÍ is hierdie plasing in 'n goeie gesindheid en bloot vir interessantheid. Dalk wil jy te veel daarin lees (?)

Dit is natuurlik so dat sekere mense aanstoot neem op verkeie vlakke. Aanstoot is gewoonlik nie iets wat gegee word nie, maar geneem word. Ek dink baie nuwe deelnemers voel waarskynlik minderwaardig teenoor ander deelnemers se bybelkennis, argumentasievermoŽ of sulke dinge.

Ek dink 'n forum soos hierdie is juis 'n plek waarons mekaar kan aanvaar soos ons is, mekaar kan bemoedig, mekaar kan vermaan, mekaar kan leer, ens. Niemand van ons weet alles nie.

Terloops. Dit laat my dink aan die grappie van een van my dosente. Hy het gesÍ:

'n Eerstejaar weet niks en die dosent weet alles.
'n Tweedejaar (dink hy) weet alles en die dosent weet niks.
'n Derdejaar besef nie hy of die dosent weet eintlik iets nie.

:lol:

Phil Fourie
Nov 20th 2009, 12:07 PM
Ek wonder soms oor hierdie eg Afrikaans geite (op niemand gemik nie, ek dink net weer hardop :lol: )

Ek persoonlik het 'n kleintjie dood daaraan as iemand sÍ die kos proe lekker, jy weet, daai ou gee 'n kompliment uit die diepte van sy hart sodat iemand hom kan afjak met 'n "smaak lekker", dis nie vir my aan nie, kos proe vir my ook lekker en ek gee werklik nie om of jou knie of jou knieg seer is nie, net soos dit my nooit gepla het as my ouma gesÍ dit reent nou lekker soos dit vandag hier lekker reent nie of dat sy ge neege en neegentig het nie, dis vir my pragtig.

Ek sÍ "in alle geval", nou die Afrikaans fundi's stenig my, want dit is "in ieder geval" en ek weet dit baie BAIE goed, maar ek is 'n "in alle geval" ou en almal ken my so, daarom gaan ek beslis dit nie verander nie, ek gaan nie ophou sÍ die kos proe lekker nie, hoekom nie? Oordat ek aspris wil wees? Beslis nie, maar 'n taal lewe in die mod van die volke wat hom praat, ek is lief vir my taal, lewend dankie, nie woordeboekgebonde nie, ek hou van 'n taal met skop en lewe, 'n taal wat deel is van sy mense, maak nie saak wie daardie mense is nie, die namakwalanner of die transvaler, die stoere boere of die griekwa, ons taal lewe man, dis wat hom so wonderlik maak.

Ek het 'n paar Engelse vriende en ek verseker jou, hulle praat als behalwe woordeboek Ingels, hulle praat hom soos hulle ouers hom gepraat het en soos hulle hom aangepas het in hulle daaglikse lewe, they also like a lekker braai en los die BBQ vir die Amerikaners, hoekom? Want hulle is Saffers, nie Britte nie, nie Amerikaners nie, hulle taal pas by hul Suid-Afrikaanse kultuur, soos my taal by my bosveld kultuur pas en die namakwalanner se taal by sy kultuur praat, oooooeeeee mens, maar hulle praat hom mos nie soos onse mense nie ;)

Ja spelling is 'n belangrike punt, ons moet reg spel, ek is ook nie een vir die sms tl v ns jngmnse ni, maar om 'n lyn te trek en te sÍ hierdie is wanneer jy moet proe en hier is wanneer jy moet smaak is vir my om te sÍ ons taal kan nie meer groei nie en as ons daardie lyn getrek het 400 jaar terug, dan was Afrikaans glad nie hier vandag gewees het nie, ons sou reeds die embrio van die wonderlike taal van Afrikaans gedood het in die skoot van sy Nederlandse moeder.

Groetnis tot later ;)
Phil

Anton, neem net a.s.b. kennis, ek pik nie op jou met die proe en smaak nie, dit was nou maar net 'n maklike voorbeeld wat jy reeds op die tafel geplaas het, ek respekteer jou standpunt heelhartig, moet net nie vir my smaak wanneer ek proe en daai proei is lekker nie, smaak my ons mag maar soms verskil oor dinge soos smaak en proe :lol:

Ta-An
Nov 20th 2009, 03:27 PM
Philip. Afrikaans is 'n mooi taal :)

Ek het voor verlede naweek in die Pretoria omgewing gaan vakansie hou en die mense praat so mooi Afrikaans :pp

Indien ons nie ons taal oppas nie, sal ons dit verloor. Ek praat deesdae Afrikaans met 'n aksent :o

Phil Fourie
Nov 20th 2009, 07:55 PM
Anneke

Ek twyfel of ons Afrikaans gaan verloor oordat ons dit toelaat om gepraat te word soos mense dit al vir dekades praat. Gaan jy vir die Griekwa se hy praat nie Afrikaans nie, die enigste plek waar Afrikaans sal voortbestaan is nie akademies nie, dit is in die volksmond, akademies sal dit deur Engels doodgewurg word, daarmee se ek nie dat 'n akademiese werk in Afrikaans nie van hoogste gehalte hoef te wees nie, inteendeel, dit behoort so te wees, maar ons daaglikse gesprekke is beslis nie akademies nie.

Groete
Phil

Ta-An
Nov 21st 2009, 04:39 PM
...maar ons daaglikse gesprekke is beslis nie akademies nie.
Ek wil graag net jou verskil, my seun praat Boek-Afrikaans, hy spreek my ouers aan as "U" . Akademies korrek, want ek het geglo dat wanneer mens 'n taal praat, dan doen jy dit reg, en hy het op skool, hy was in Engelse skole gewees, altyd die toekenning vir beste Afrikaanse leerder ontvang. Hy korrigeer my wanneer ek Afrikaans verkeerd praat.

Phil Fourie
Nov 21st 2009, 05:56 PM
En dis goed so Anneke, dis die manier hoe hy kies om homself uit te beeld in Afrikaans, maar dit is beslis nie die deursnee bevolking se manier wanneer ons gesellig saam is nie, dis nie hoe ek grootgeword het nie, dis nie hoe die Griekwa (ek gebruik hulle baie, sorry :lol:) grootgeword het nie en as hy kies om homself anders met sy taal uit te leef, dan gaan ek hom nie heeltyd probeer reghelp nie, ek is mal oor die diversiteit van Afrikaans, dit is wat vir my die taal so besonders maak.

Maar ons mag verskil, want dit is juis waarop dit vir my neerkom, ons elkeen leef met ons taal soos ons met hom gemaklik is, dis hoekom hulle in Engels praat van "The Mother Tongue" juis oordat dit meestal oorgelewer is en oordat dit kultuurgebonde en lewend is. As ons korrek wou bly, verseker ek jou, ons het nie by Afrikaans uitgekom nie, Afrikaans is aan die einde van die dag eintlik maar 'n verbastering van ander tale af.

Ta-An
Nov 21st 2009, 06:22 PM
Deur 'n woord verkeerd te spel, verander jy die betekenis daarvan.
Viets versus Fiets
Vee en Fee Bv. 'n Vee~verhaal en 'n Fee~verhaal
Bry en brei
Dokter en doktor
Vaal en faal
kruid, kryt en kruit....

Indien ek reg onthou is die homofone, so dit is nodig om die regte spelling in die regte omstandighede te gebruik :D

Willem
Nov 22nd 2009, 03:24 PM
Ek dink 'n forum soos hierdie is juis 'n plek waarons mekaar kan aanvaar soos ons is, mekaar kan bemoedig, mekaar kan vermaan, mekaar kan leer, ens. Niemand van ons weet alles nie.

Terloops. Dit laat my dink aan die grappie van een van my dosente. Hy het gesÍ:

'n Eerstejaar weet niks en die dosent weet alles.
'n Tweedejaar (dink hy) weet alles en die dosent weet niks.
'n Derdejaar besef nie hy of die dosent weet eintlik iets nie.

:lol:

:lol: Skerp, is ons nie maar almal soos die studente nie ? dis eers as ons besef dis alles God en alles suiwer genade ( weereens weet ek nie of ek 1ste jaar 2de jaar ens. is nie :help: ) dat ons by mekaar bemoedig vermaan leer en vir mekaar bid uitkom nie?

Ek weet persoonlik daar is al goed wat ek hier kwytgeraak het wat ek sou wou terugneem ,maar "dets' not possibel" en dan is daar goed wat ek op een manier verstaan het en die Here my in die Woord op goed laat afkom het wat my net weer gewys het ek weet niks , maar niks nie, as dit nie vir Sy genade en liefde was nie was ek hel toe sonner enige stop , do not pass GO ens.

So help reg asb. maar al is ek afrikaans en afrikaner het ek onlangs besef toe ek een van Bok v Blerk se liedjies luister... "skiet my deur my afrikaner hart .." tog net nie dit nie Here! Gee my eerder 'n hart van liefde soos wat U wil he.

Soos een van Joe Niemand se lirieke gaan " proud of being humble, wat a strange thing to be " en ons weet dat die Here trots haat.

Jammer dat ek se rammel.

Die Filadelfieer
Nov 23rd 2009, 09:36 AM
Ek het al hoe meer waardering vir die taal-puriste onder ons. Dalk is dit 'n teken van ouderdom, of dalk is dit oor dit wat Ta-An ook geskryf het : Ons het 'n pragtige en 'n ryk taal en as ons dit nie gaan oppas nie gaan ons dit verloor. Die skrif is klaar teen die muur, en dit gaan van die gebruikers van die taal afhang of Afrikaans gaan uitsterf, verbaster tot een of ander onherkenbare heksebrou, of gaan voortleef in 'n suiwer vorm.

Phil Fourie
Nov 23rd 2009, 09:56 AM
Hi Fila

Nee, ek dink dit is juis hoe ons ons taal sal verloor, as ons hom nie toelaat om te groei saam met sy mense nie.

Die Filadelfieer
Nov 23rd 2009, 10:08 AM
Hi Fila

Nee, ek dink dit is juis hoe ons ons taal sal verloor, as ons hom nie toelaat om te groei saam met sy mense nie.

Dit sou tot 'n paar jaar terug nog korrek gewees het ja, die probleem is egter dat die mense wat nou die "groeiwerk" moet doen, se taalvaardigheid beperk is tot MXIT en SMS'e , en in elk geval meestal semi-geleterd is. Dit veroorsaak dat, in plaas van groei, dit eerder 'n proses van afbreek raak.

Phil Fourie
Nov 23rd 2009, 10:26 AM
Hi Fila

Daar kan ek nogals met jou saamstem, dit lÍ vir my in die onvermoŽ om ons volgende generasie se kreatiwiteit te stimmuleer (sp?). Jy sien die stimmulasie geskied nou via rekenaarspeletjies ens. en daar is geen meer kreatiwiteit nie, as ons ons kinders weer kan leer om kreatief te dink, dan kan hulle dit wat hulle formeel aangaande die taal leer soveel beter kreatief toepas.

Ek is glad nie daarteen dat ons ons kinders korrekte Afrikaans moet leer nie, maar of ons daarvan hou of nie, die toekoms van die taal lÍ altyd in die hande van die volgende generasie, ons kan nie bepaal meer waar die taal heengaan nie, ons kan wel bepaal wat die volgende generasie met die taal gaan doen, kom ons leer hulle weer om kreatief te raak met die taal soos ons ouers en hulle ouers kreatief was met die taal. Daarin, in daardie balans tussen formeel en informeel glo ek lÍ die sleutel tot die voortbestaan van ons taal.

mari
Nov 23rd 2009, 10:20 PM
Eish, Flip .... so ampertjies lat jy my worrie !

dankie tog vir Fillie wat vir ons gewone ouens darem in die bresse tree ....

Sorrie, julle as ek nie altyd so by die HAT hou nie ....... ( dit bly byderhand vir my vertaal werk ) ......

en so baai te wy .... hoge Afrikaans is hoeka in die kombuis tussen gewone mense gebaar ..... en die dag as onse moedertaal loop staan en stagneer, dan is sy dood .....

wees gegroet, broeders en susters van die kubergemeente ....

;) ..... m

Phil Fourie
Nov 24th 2009, 05:56 AM
Eish, Flip .... so ampertjies lat jy my worrie !

dankie tog vir Fillie wat vir ons gewone ouens darem in die bresse tree ....

Sorrie, julle as ek nie altyd so by die HAT hou nie ....... ( dit bly byderhand vir my vertaal werk ) ......

en so baai te wy .... hoge Afrikaans is hoeka in die kombuis tussen gewone mense gebaar ..... en die dag as onse moedertaal loop staan en stagneer, dan is sy dood .....

wees gegroet, broeders en susters van die kubergemeente ....

;) ..... m

mari, het jy sopas met my saamgestem? :eek:;)

mari
Nov 24th 2009, 09:28 AM
mari, het jy sopas met my saamgestem? :eek:;)

:eek::eek:

oepsie !!! .... met jou saamgestem en met Flip verskil ( so effekies aniwy )

:hug: .... m

Phil Fourie
Nov 24th 2009, 09:41 AM
Net nie te veel nie asseblief, dit kan ongemaklik raak :P

mari
Nov 24th 2009, 10:00 AM
'n Prentjie drentel hier in my kop rond van ons kubergemeentelede wat so ewe rustig "eendag in die Hemel" saam sit en gelsels .... en 'n paar bloos glimlaggies probeer wegsteek oor alles wat ons so hier op onse modderbolletjie gedebateer het ..... en wat toe nou eindlik die waarheid bleik te wees ........:blush: ....:pp

.... toe moes ek wonder .... watter taal gaan ons daar praat ? ......


( Fillie... daar sal jy die kruisboog vir Cupid moet los ! ;) )