PDA

View Full Version : Kersfees / Xmas



mari
Nov 24th 2009, 10:10 AM
( Ons gesels elke jaar daaroor, maar daar het heelwat nuwe stemme bygekom, so ..... )


Wat gemaak in 'n wereld vol tinsels, tjoklits...... geskenke wat belowe om jou skuldgevoelens in jou beursie te begrawe...... en coca-cola vader krismisse ....

indien wel, hoe vier / beleef gelowiges wat die waarheid nastreef dan vandag kersfees ? ....
hoe respekteer jy familie tradisie, al sit jou hart iewers anders ?
en hoe dra ouers die teenstrydigheid aan blinkoog kleingoed oor ?

:pray: ... m

Die Filadelfieer
Nov 24th 2009, 02:13 PM
Niemand wil byt nie Mari ! :D
Ok, ek sal maar die eerste treetjie vat met die volgende :

Kersfees is nie 'n Christen-fees nie, soveel so dat 'n Christen familie nie kersfees behoort te vier nie.
Die boom word direk genoem in die Bybel : dit het met niks anders te doen as blote afgodediens nie.
Kersfees-vader is niks anders as 'n kwasi-afgod nie.
Slegs heidene vier tradisioneel iemand se geboorte, ons is Christene oor Iemand gesterf het.
Van al die dae wat ons moontlik kon gekies het vir hierdie dag, is die 25'ste Desember seker die swakste keuse gewees : dit is 'n erkende heidense feesdag, en Jesus is verseker nie in Desember gebore nie.


Ok, gooi my maar met krismispoeding, ek kan dit vat ! :D

Francois Marais
Nov 24th 2009, 02:30 PM
Ek doen nie die kersfees ding nie. Mense maak ook nie staat om iets van my af te kry op kersfees nie. Iemand by die werk het my so rukkie terug geskel omdat ek genoem het dat ek nie kersfees doen nie, maar ek het verduidelik dat dit 'n "pegan" dag is en verkeerd is om aan deel te hou... Was ek gewild gewees daai dag.

Die mense wil nie regtig hoor van die waarheid agter die liegstories nie.

Al mense wat ek jammer kry is die mense wat in winkels werk oor die kerstyd. Ek wil al my motor se radio uithaal as ek kers musiek hoor speel. Weet nie hoe hulle voel wat dit elke dag elke uur moet luister nie...

Gene
Nov 26th 2009, 12:32 PM
Ek weet ons het hierdie onerwerp al deeglik deurgetrap, maar soos Mari tereg se, hier het 'n klomp nuwe stemme bygekom. So, hier gaan ek alweer......

Natuurlik het die wereld Kersfees gesteel, en is dit wat ons vandag ken as Kersfees, baie ver verwyderd van wat die bedoeling oorspronklik was. Natuurlik is daar in werklikheid bitter min plek vir Christus tydens Kersfees vandag. Krismis, met die liggies en die bome en nagemaakte sneeu, en krismisvader maak 'n bespotting van Kersfees, en wat my betref, kan hulle gerus maar die konnotasie met Christus amptelik uit Krismis haal. Dan kan die volgelinge van Christus Sy geboorte op 'n ander dag en manier vier (soos wat ons byvoorbeeld hemelvaart vier...)

MAAR ek wil darem byse, daar kan tog nie iets verkeerd wees met die beginsel om die geboorte van Jesus te herdenk nie. Dit was immers 'n groooot dag vir ons as christene, en waarom nie elke jaar 'n dag afsonder om dit te herdenk en spesiaal dankie te se nie. Natuurlik le die triomf van Jesus se bediening op aarde meer in Sy dood en opstanding, en daarom herdenk ons ook paasfees (wat ook maar deur die wereld en die paashase en eiers ingesluk is...) Maar dit verander niks aan die beginsel daarvan om ook Sy geboorte te vier nie. Daar kan ook nie fout gevind word met die gee van geskenke, as 'n simbool van die groot geskenk wat die wereld op die dag ontvang het nie. Om fees te vier, lekker saam te kuier en te eet, maak ook sin, want dit is 'n blye dag wat ons herdenk. As ons dit vir mekaar se verjaardae kan doen, hoeveel te meer nie op Jesus se verjaardag nie. Natuurlik moet christene dit anders doen as die wereld, en so vir die wereld wys waaroor dit werklik gaan, maar om heeltemal te onttrek van Kersfees, maak nie vir my sin nie.

Wat die dag betref, ek het dit al tevore gese en ek weet daar is baie teenkanting teen my standpunt, maar ek dink dis wonderlik dat christene 'n heidense feesdag "hijack" vir Christus, en dit omswaai in 'n dag waarop die Here ge-eer word. Ek het dit al tevore vergelyk met iets wat ek in Botswana beleef het, na ons 'n tyd lank daar sendingwerk gedoen het en 'n aantal gemeentes daar geplant het. Op een klein plekkie het soveel mense tot bekering gekom het dat die plaaslike taverne moes toemaak omdat daar nie meer genoeg besigheid was nie. En raai wat het met die geboutjie gebeur? Dit word vandag gebruik as 'n kerkgebou! Prys die Here! Watter getuienis is dit nie vir die grootheid van God nie! Waarom kan ons nie dieselfde doen met een van satan se "dae" nie? Waarom dit nie omskep in 'n dag vir Christus nie? Veral omdat niemand weet wanneer Jesus presies gebore is nie. Watter verskil sou dit maak of ons dit op 25 Desember of op 10 Junie vier? Dit gaan immers oor die gedagte daaragter.

Dis my siening. Kersfees is vir my en my gesin 'n baie spesiale tyd, 'n tyd van saamwees, 'n tyd van feesvier, en 'n tyd van eer aan God!!

(Maar ek moet saamstem, dit waarin Kersfees ontaard het, maak my naar, om die minste te se)

Son of the South
Nov 29th 2009, 02:40 PM
Hi Gene, al weer ekke. Skuus, ek maak al weer 'n voorbeeld van jou plasing. Dit is maar bloot net omdat jou plasing die laaste ene in die draad was toe ek dit raaklees, hoor.
Natuurlik het die wereld Kersfees gesteel, en is dit wat ons vandag ken as Kersfees, baie ver verwyderd van wat die bedoeling oorspronklik was. Natuurlik is daar in werklikheid bitter min plek vir Christus tydens Kersfees vandag. Krismis, met die liggies en die bome en nagemaakte sneeu, en krismisvader maak 'n bespotting van Kersfees, en wat my betref, kan hulle gerus maar die konnotasie met Christus amptelik uit Krismis haal. Dan kan die volgelinge van Christus Sy geboorte op 'n ander dag en manier vier (soos wat ons byvoorbeeld hemelvaart vier...)Die weergawes wat 'n vriend van my raak ge-Google het, het die storie net mooi andersom as jy. Dit vertel nie van 'n Christelike fees wat al hoe meer verwrelds het nie, maar van heidense feeste wat eers heelwat later verchristelik is. Bronne verskil oor die presiese tyd; kom ons praat maar ter wille van illustrasie van mid 1800's, maar die feit is dat dit werklik eers relatief onlangs in die geskiedenis plaasgevind het. Vroer was die Kerk bewus van die feit dat dit heidens is en was die vier van Kersfees en die praktyke wat daarmee gepaard gaan verbied

Ja, daar is vandag nog 'Pagans', en hulle vier vandag nog Saturnalia. Jou mond sal oophang as jy hoor h hulle dit moet vier en hoe die rituele ooreenstem met Kersfees. Dan speel Kersvader ook nogals die hoofrol in hierdie (hedendaagse) rituele!
MAAR ek wil darem byse, daar kan tog nie iets verkeerd wees met die beginsel om die geboorte van Jesus te herdenk nie. Dit was immers 'n groooot dag vir ons as christene, en waarom nie elke jaar 'n dag afsonder om dit te herdenk en spesiaal dankie te se nie.Verseker kan ons daaraan terugdink en ek is baie dankbaar dat ons in die evangelies daarvan vertel word. Dit is werklik 'n groot ding wat al ver vooruit deur die profete voorspel was en toe presies net so gebeur het, wat vir my vertel dat: 1) God doen wat Hy ges het,
2) Niks is vir Hom onmoontlik nie; Hy kan selfs 'n maagd laat swanger word, 3) Hy weet van die begin af die einde, 4) Hy is nog altyd in beheer, ens., ens.

Veral Lukas het baie moeite gedoen om dit mooi na te vors en op te teken en ek is baie bly dat hierdie vertellinge vir ons opgeteken is sodat ons dit kan onthou. Maar doen ons die moeite om die evangelies te gaan lees en onthou ons dit ooit nog soos dit werklik gebeur het? Ek het al in 'n vorige plasing hierdie vrae gestel, maar toets jouself gerus maar weer: 1) Hoeveel wyse manne was daar?, 2) Waar het hulle Jesus aangetref? 3) Hoe oud was Jesus om en by toe hulle na Egipte gevlug het?

As jou antwoorde as volg is: 1) 3, 2) In die stal/in die krip en 3) Pasgebore, dan wil ek aan die hand doen dat jy eers weer mooi gaan lees. In teendeel, gaan lees dit sommer weer, selfs al het jy al die vrae reg beantwoord; dit bly elke keer mooi.
Natuurlik le die triomf van Jesus se bediening op aarde meer in Sy dood en opstanding, en daarom herdenk ons ook paasfees (wat ook maar deur die wereld en die paashase en eiers ingesluk is...) Oops, die weergawe wat ek gehoor het s die stoute Christene het al weer die oulike heidene se praktyke en feeste geboef...
Maar dit verander niks aan die beginsel daarvan om ook Sy geboorte te vier nie. Daar kan ook nie fout gevind word met die gee van geskenke, as 'n simbool van die groot geskenk wat die wereld op die dag ontvang het nie. Om fees te vier, lekker saam te kuier en te eet, maak ook sin, want dit is 'n blye dag wat ons herdenk. As ons dit vir mekaar se verjaardae kan doen, hoeveel te meer nie op Jesus se verjaardag nie. Natuurlik moet christene dit anders doen as die wereld, en so vir die wereld wys waaroor dit werklik gaan, maar om heeltemal te onttrek van Kersfees, maak nie vir my sin nie.Om jou te onttrek daarvan val vir my eerder in die klas van 'n Bybelse opdrag. Byvoorbeeld, waar sou jy s vind ek die volgende gedeelte: "...dat hulle hul moet onthou van die dinge wat deur die afgode besoedel is...". Ou Testament? Een van die profete miskien? Nee, hier is hy:

Daarom oordeel ek dat ons die wat uit die heidene hulle tot God bekeer, nie moet bemoeilik nie, maar aan hulle skrywe dat hulle hul moet onthou van die dinge wat deur die afgode besoedel is en van hoerery en van wat verwurg is en van bloed.

(Act 15:19-20)
O ja, daar is mos nie meer afgodery vandag nie. Ekskuus? Het jy my plasing van die begin af gelees?
Wat die dag betref, ek het dit al tevore gese en ek weet daar is baie teenkanting teen my standpunt, maar ek dink dis wonderlik dat christene 'n heidense feesdag "hijack" vir Christus, en dit omswaai in 'n dag waarop die Here ge-eer word.Roomys en uitwerpsel, Gene, roomys en uitwerpsel. Ek kan my nie indink dat dit God sal behaag nie. Hulle moes nie die heilige boomstamme in Kanaan gaan wit verf nie, hulle moes die goed vernietig.
Veral omdat niemand weet wanneer Jesus presies gebore is nie. Watter verskil sou dit maak of ons dit op 25 Desember of op 10 Junie vier? Dit gaan immers oor die gedagte daaragter.Daar is tog sekere leidrade en van die meer belese onder julle kan dalk meer voorbeelde daarvan noem. Een ding is byvoorbeeld dat die herders op die ope velde was met hulle skape, wat tog sekere seisoenale beperkinge plaas oor die moontlike tyd van die jaar. Meeste stem saam dat dit eerder so September / Oktober se kant moes wees.
(Maar ek moet saamstem, dit waarin Kersfees ontaard het, maak my naar, om die minste te se)Ek moet ongelukkig ook saamstem: dit wat Kersfees nog altyd was en steeds is, maak 'n bespotting van God en die redding wat Hy vir ons kom bewerk het en dit WALG my.

As ons dan van hierdie dinge bewus geraak het, hoe moet ons dit dan aan andere (insluitende ons kinders) oordra? Jammer, daar is geen 'reseppies' in die nuwe Testament nie; jy sal maar self by die Heilige Gees moet gaan 'kers opsteek'. Luister ook tog maar na ou Paulus wat altyd s: "Liefde." Gaan lees dan ook maar gerus verder hoe hy deur die Gees gelei (in liefde) die waarheid prontuit ges het, al het baie soms aanstoot geneem.

Vergewe my asb., Gene, dat ek jou plasing so uitmekaargehaal het.

Mia Ashton
Nov 29th 2009, 07:06 PM
Ek het in 'n huis groot geword waar ons Kersfees gevier het. Nie met kersvaders nie, maar met 'n kerkdiens, vir elkeen 'n klein geskenkie en daarna het die familie vir die dag bymekaar gekuier en ook somtyds besin oor nog 'n jaar wat verby is.

Na my troue en met kinders in die huis, is dieselfde tradisie voortgesit. Vir my kleingoed was die ons Verlosser se verjaarsdag. Die geskenkies was klein, maar soos Gene se, was dit om ons almal te herinner aan die grootste geskenk wat enigeen van ons maar kon kry, nl. die geboorte van ons Heiland. In daardie dae was daar nie google en wat ookal nie, so..... alhoewel ons geweet het dat Jesus nie op die 25ste Desember gebore is nie, is die dag met groot eerbied en respek gevier. Vir ons gesin was daar niks afgodediens aan dit wat ons doen nie. Slegs blydskap omdat ons almal in die verlossingswerk wat Jesus vir ons kom doen het, geglo het. Vir my kleingoed was dit wonderlik om te hoor dat Jesus as 'n klein babatjie na hierdie wereld gekom het sodat elkeen wat in Hom glo nie verlore sal gaan, maar die ewige lewe sal he.

Hierdie jaar is ek en my man op Funny Farm. Ons het 35 'kinders' wat met groot opgewondenheid uitsien na Kersfees. Oor twee weke gaan hulle vir hulle ouers 'n besondere kersgeskenk aanbied. Ons oefen hard en gaan die geboorte van Jesus 'op die planke bring'. Ek gaan hard probeer om vir julle foto's hiervan te wys. Ek is nog bietjie dom om foto's op my rekenaar te laai en dan in 'n draad te gebruik. Maria, word gespeel deur 'n meisie wat in 'n rystoel sit en baie spasties is. Maar haar oe blink van trots omdat die vreeslike groot eer om die rol van Jesus se moeder te speel, haar tebeurt geval het. Josef is haar vriend wat haar baie lief het. Hy het as 4 jarige kind breinskade opgedoen. Sy epileptiese aanvalle word slegs onderdruk deur 25 pille per dag te drink. Hy het geen benul van enige ander betekenis van 25 Desember behalwe dat dit Jesus se verjaarsdag is nie.

Hierdie mense se verstaan van die dag is eenvoudig. Kersvader het daar geen deel aan nie. Dit is 'n kerkdag, maar dit is ook 'n dag vol vreugde en blydskap. Daar is geen manier wat ek vir hierdie mensies kan verduidelik dat dit verkeerd is om Kersfees te vier, hulle sal dit nooit kan begryp wat ek nou eitlik probeer se nie. Ek kan hulle net lei om die ware betekenis van Kersfees te verstaan. Daarom hou ons die opvoering en ons nooi almal wat ons plaas ken. Al die ouers, maar ook al die vriende van Horizon Farm.

NS. Ek hoop net ek is nie spierwit grys na hierdie opvoering nie. My herders kannie ophou giggel nie en die oomblik wat die engel die boodskap vir Maria bring, lyk sy nie bevrees nie, maar gooi haar erg gestremde hande in die lug en straal so van blydskap dat sy meer soos 'n engel lyk. Herodes kan nie sy woorde onthou nie en een van my wyse manne is 'n 12 jarige blinde seuntjie. Verwerp deur sy ma en 'n pa wat ook nie veel omgee nie. Jonk soos hy is, het hy al gedreig met selfmoord want niemand het hom lief nie. Nou gaan hy vir die eerste keer in sy lewe in 'n opvoering deelneem, en dit nogal as wyse man. Wens ek kon sy ouers hier by ons kry.

Funny Farm liefde vir julle almal :hug:
Uit 'n nat nat nat Durban
Mia

Lanie
Nov 29th 2009, 08:25 PM
Liewe Mia,

Ek sit hier met 'n glimlag nadat ek jou beskrywing van julle toneeltjie so in my geestesoog gesien het. Ek dink dit gaan baie spesiaal wees en ek bewonder jou meer as wat jy besef vir die werk wat jy onder baie moeilike omstandighede doen. Sterkte met die geoefen (Phillip, wat is die regte spelling vir geoefen???? :hmm: :P) en onthou om dit ook te geniet. Praat asb as jy hulp soek met die oplaai van foto's, ek sal jou mooi verduidelik. ;)

Groete tot later.
Lanie. :kiss:

Francois Marais
Nov 30th 2009, 05:50 AM
Mia, maak jy my hier sit en huil vanoggend...

Ek het Saterdag by CUM gaan inloer vir musiek vir die week... Die tannie stop toe 'n kersfees DVD in die sak. Ek het die tannie baie mooi gevra om die DVD in die winkel te laat al is dit 'n geskenk...

Die verbasing op haar gesig was onbeskryflik. Sy het my uitgekyk of die katte van Sodom my ingesleep het in die winkel. Toe ek vir haar se dat kersfees elke dag gehou moet word het sy begin glimlag en ek vertrou dat die Vader in haar hart gewerk het om te verstaan hoekom ek nie kersfees doen nie.

Behalwe van die afgodsdiening wat so sibtiel in ons midde ingesluip het kan ek nie sien hoekom ons Jesus op een dag moet geluk wens nie. Elke dag is tog gevul met geskenke en ons moet dalk eerder dit lewe elke dag soos meeste mense op 25 Des doen (net nie so baie eet soos op daai dag nie anders gaan ons almal hier rond rol sonder om lag)...

Son of the South
Nov 30th 2009, 07:34 AM
God was my ook maar baie genadig dat ek nie so diep gewortel met Krismis grootgeword het soos sommige nie, alhoewel ons tog so enkeldiep was. Ons het byvoorbeeld die kerkdiens bygewoon (meer op my Ma se aandrang as enige iets anders). Ons het dan die res van die dag as gesin deurgebring en n feesmaal van koue vleise en slaaie geniet.

Ek het dit al ges: na my bekering het ek self eers die Put Christ back into your Xmas ding probeer. Ek wil dit amper vergelyk met Paulus wat die Christene vervolg het, omdat hy gedink het dit is wat God wil h. Dit was net, die kerkdienste was elke keer doods en die Gees was net nie daar nie.

Ek het ook maar eers later die kennis gekry. Dit is net elke keer vir my verstommend dat die vroe Christene al hierdie dinge geweet het. Iewers is n geslag of twee aan die slaap gevang en het die kennis net verlore geraak en siedaar, die tradisie is gevestig. Nou word ons daarmee groot en ons dink dit is maar hoe dit veronderstel is om te wees en dit vat eers weer n skok om ons uit hierdie slaap wakker te skud.

Ek dink die kerke, veral die NGK waaruit ek kom, doen as instelling bitter weinig om lidmate in te lig (oor amper enigsens enige iets). Die blindes lei maar die blindes.

Gene
Nov 30th 2009, 07:36 AM
SOS & Francois

Persoonlik sien ek dit in die lig van 1 Korintiers 8, wat handel oor vleis (dae?) wat aan afgode geoffer is.... Net soos die eet van afgodsoffervleis geen verskil aan 'n Christen maak nie, so behoort geen dag wat aan afgode gewy is, 'n invloed op Christene te he nie. Ons weet tog waaroor dit gaan, en waarom ons die dag vier. Daar is mos maar net een God, die heidense gode wat deur heidene op dieselfde dag ge-eer word (of was) beteken mos niks vir ons as kinders van die Here nie? "So what" as ander mense lank gelede ander gode op dieselfde dag ge-eer het? (Ek weet van ten minste een reeksmoordenaar wat op dieselfde dag as ek verjaar - die feit dat hy sy verjaardag op die dag herdenk, het nog nooit enige invloed gehad op die manier hoe ek my eie verjaardag vier nie?)

Natuurlik moet ons elke dag Jesus se geboorte herdenk, maar om 'n spesifieke dag elke jaar af te sonder om 'n besondere geleentheid te herdenk, is tog net menslik, en ook 'n bybelse beginsel. (Dink maar aan dae soos die pasga wat in opdrag van die Here herdenk was.) Vandag herdenk ons mekaar se verjaardae, dae soos 16 Desember, hemelvaart, Goeie Vrydag en wie weet wat nog alles. Wanneer ons nagmaal gebruik, herdenk ons ook die dood van Jesus... hoe kan dit in beginsel verkeerd wees om een dag per jaar af te sonder om een van die grootste gebeurtenisse van alle tye te herdenk?

Ek het grootgeword met Kersfees, en die dag sal altyd vir my spesiaal wees. Nie as gevolg van enige afgod nie, maar oor die Koning van die Konings, wat mens geword het sodat ek die ewige lewe kan verkry!

Maar ek hoor wat julle se en ek respekteer julle standpunte. Elkeen moet handel volgens oortuiging, en as julle in julle harte oortuig is dat dit verkeerd is om Kersfees op 25 Desember te vier, dan sou dit fataal wees as julle tog daaraan sou meedoen.

Son of the South
Nov 30th 2009, 07:44 AM
Gene, dankie vir die grootse wyse waarop jy ons plasings vertolk.
Persoonlik sien ek dit in die lig van 1 Korintiers 8, wat handel oor vleis (dae?) wat aan afgode geoffer is.... Net soos die eet van afgodsoffervleis geen verskil aan 'n Christen maak nie, so behoort geen dag wat aan afgode gewy is, 'n invloed op Christene te he nie. Ons weet tog waaroor dit gaan, en waarom ons die dag vier. Daar is mos maar net een God, die heidense gode wat deur heidene op dieselfde dag ge-eer word (of was) beteken mos niks vir ons as kinders van die Here nie? "So what" as ander mense lank gelede ander gode op dieselfde dag ge-eer het? (Ek weet van ten minste een reeksmoordenaar wat op dieselfde dag as ek verjaar - die feit dat hy sy verjaardag op die dag herdenk, het nog nooit enige invloed gehad op die manier hoe ek my eie verjaardag vier nie?).Absoluut! Maar as jy daardie gedeelte mooi lees, dan s dit as iemand vir jou s dat die vleis aan afgode geoffer is, dan moet jy ter wille van hm dit nie eet nie. Die beginsel is elke keer dat jy wat sterker is in die geloof die ene wat swakker is moet akkomodeer. Daarom sny ek ook nie op Sondae my gras nie. ;)
Natuurlik moet ons elke dag Jesus se geboorte herdenk, maar om 'n spesifieke dag elke jaar af te sonder om 'n besondere geleentheid te herdenk, is tog net menslik, en ook 'n bybelse beginsel. (Dink maar aan dae soos die pasga wat in opdrag van die Here herdenk was.) Vandag herdenk ons mekaar se verjaardae, dae soos 16 Desember, hemelvaart, Goeie Vrydag en wie weet wat nog alles. Wanneer ons nagmaal gebruik, herdenk ons ook die dood van Jesus... hoe kan dit in beginsel verkeerd wees om een dag per jaar af te sonder om een van die grootste gebeurtenisse van alle tye te herdenk?

Ek het grootgeword met Kersfees, en die dag sal altyd vir my spesiaal wees. Nie as gevolg van enige afgod nie, maar oor die Koning van die Konings, wat mens geword het sodat ek die ewige lewe kan verkry!

Maar ek hoor wat julle se en ek respekteer julle standpunte. Elkeen moet handel volgens oortuiging, en as julle in julle harte oortuig is dat dit verkeerd is om Kersfees op 25 Desember te vier, dan sou dit fataal wees as julle tog daaraan sou meedoen.Laat ons nie die Gees weerstaan nie, maar laat ons doen soos Hy ons lei.

Die Filadelfieer
Nov 30th 2009, 07:52 AM
Dit is net elke keer vir my verstommend dat die vroe Christene al hierdie dinge geweet het. Iewers is n geslag of twee aan die slaap gevang en het die kennis net verlore geraak en siedaar, die tradisie is gevestig. Nou word ons daarmee groot en ons dink dit is maar hoe dit veronderstel is om te wees en dit vat eers weer n skok om ons uit hierdie slaap wakker te skud.



Dit is nogals 'n interessante punt wat jy hier maak SOS, as voorbeeld het die Puritane, terwyl hulle aan bewind was in Engeland, Kersfees verban !
Soos jy s, het almal hierdie dinge geweet en aanvaar, maar op een of ander manier het hierdie "algemene" kennis net verlore geraak.

Gene
Nov 30th 2009, 08:50 AM
Gene, dankie vir die grootse wyse waarop jy ons plasings vertolk.Absoluut! Maar as jy daardie gedeelte mooi lees, dan s dit as iemand vir jou s dat die vleis aan afgode geoffer is, dan moet jy ter wille van hm dit nie eet nie. Die beginsel is elke keer dat jy wat sterker is in die geloof die ene wat swakker is moet akkomodeer.

Nee, ek verstaan die gedeelte nie so nie. Dit se dat afgodsoffervleis gerus maar geeet kan word, daar is niks daarmee verkeerd nie! Maar as die eet daarvan dalk iemand anders wat swakker is in die geloof kan laat struikel, dan moet 'n mens dit liewer nie doen nie, ter wille van daardie persoon. In die geval van Kersfees, glo ek dat die MANIER hoe ek Kersfees vier, juis 'n getuienis is vir mense wat dit op 'n wereldse manier vier... Ek dink dit is juis belangrik dat die wereld moet sien en waarneem hoe ons as christene Kersfees vier, en waaroor Kersfees werklik gaan. Om onder die oppervlak te verdwyn omdat ons nie saamstem met die wereld se manier van Kerfees vier nie, gaan juis meer mense laat struikel omdat die ware betekenis van Kersfees dan weggesteek word.

Die Filadelfieer
Nov 30th 2009, 09:41 AM
Om onder die oppervlak te verdwyn omdat ons nie saamstem met die wereld se manier van Kerfees vier nie, gaan juis meer mense laat struikel omdat die ware betekenis van Kersfees dan weggesteek word.


Dit is waar Gene, maar dit is glad nie wat ek voorstel nie. My voorstel is dat ons meer vokaal oor ons geloof raak, en meer mense betrek by die standpunt rondom die "fees van kerse". Ek dink nogals, net soos die bewegings wat evolusie testaan, kan dit as dit reg benader word nogals 'n goeie stuk evangeliesasie gereedskap raak.

Mia Ashton
Nov 30th 2009, 05:49 PM
Liewe Lanie,
Baie dankie dat jy my sal help met die foto's. Ek hoop jy het geduld, want ek is maar bietjie s-t-a-d-i-g van begrip met 'n rekenaar. Dankie ook vir jou woorde van bemoediging. Glo my, ons het dit meer as een dag nodig.:kiss:

Dankie ook Francois vir jou antwoord. Die doel van my deelname aan hierdie draad is geensins om enigeen te probeer oortuig van 'n ander sienswyse nie, ons sal mekaar nie kan oortuig nie. Ag, ek voel maar net (en ek glo waarlik dat dit ook is hoe dit Gees my persoonlik lei) dat ek so ryklik geseen is. Die Skepper van die heelal het my waardig genoeg geag om vir my in 'n stal gebore te word sodat ek kan leef. Ek stofmens. Voor die grondlegging van die wereld het Hy vir my gekies. Ek wens Hom nie geluk met Sy verjaarsdag nie, ek wens myself en almal om my geluk. Elke dag is daardie blydskap in my hart, maar op Kersdag is dit baie spesiaal en is daar tyd om dit met familie en vriende te vier.

Ek voel dat Jesus se lyding al met Sy geboorte begin het. Hy is gebore, sodat Hy vir my kon sterf. Die blydskap wat ek ervaar op die Opstandings-sondag is anders as die Kersdag blydskap. Op Kersdag wys ek aan ander hoe jubelend juigend bly ek is dat my Koning gebore is as mens. Ek dra hierdie boodskap uit aan ouers van breingestremde mense wat nie in Hom glo nie en ek hoop en vertrou dat die Gees van Waarheid tydens ons opvoering mense se harte sal aanraak deur die Blye Boodskap en die wete: My Here het mens geword sodat ek vir altyd en altyd en nog 'n dag by Hom kan gaan bly.

Liefde aan almal
Mia

protea
Dec 2nd 2009, 05:21 PM
Ek sien nou eers hierdie draad. Mia, jy moet ons ALLES kom vertel en wys. Kan julle julle indink in die invloed wat so n voorstelling van die geboorte van Christus op die 'akteurs' gaan he?!?! Mag julle n BAIE geseende aand he!

paidforinfull
Dec 8th 2009, 07:45 PM
Ons vier Jesus se Geboortedag (per toeval op Des. 25). Net my :2cents:

(No way gaan ek vir die duiwel NOG 'n kans gee om Jesus uit mense se lewens en geheue uit te wis nie!!)

Ta-An
Dec 12th 2009, 08:30 PM
Hoekom noem ons dit op Afrikaans : Kersfees?? :hmm:

Francois Marais
Dec 13th 2009, 06:22 AM
Deu 12 Ruthlessly demolish all the sacred shrines where the nations that you're driving out worship their gods--wherever you find them, on hills and mountains or in groves of green trees. Tear apart their altars. Smash their phallic pillars. Burn their sex-and-religion Asherah shrines. Break up their carved gods. Obliterate the names of those god sites. Stay clear of those places--don't let what went on there contaminate the worship of GOD, your God.

Jer 10:2 Listen most carefully: "Don't take the godless nations as your models. Don't be impressed by their glamour and glitz, no matter how much they're impressed. The religion of these peoples is nothing but smoke. An idol is nothing but a tree chopped down, then shaped by a woodsman's ax. They trim it with tinsel and balls, use hammer and nails to keep it upright.

Jer 10:6 All this is nothing compared to you, O GOD. You're wondrously great, famously great.

Jer 10:14 Elke mens word dom, sonder kennis; elke goudsmid staan beskaamd deur die gesnede beeld; want sy gegote beeld is n leuen, en daar is geen gees in hulle nie.
Jer 10:15 Nietige afgode is hulle, werk vir spotterny; in die tyd van hulle besoeking gaan hulle tot niet.

En as iemand s dat die deel uit die OT kom wil ek jou vandag vra, lewe jy op die HELE woord van YHWH of slegs die dele wat jy wil lees soos die NG Kerk?

Lanie
Dec 13th 2009, 06:41 AM
Hi Francois,

Die gedeelte in Jeremia 10 wat jy aanhaal verwys nie na 'n fisiese boom wat in 'n huis gemaak staan is en met goud en silwer versier is, en dan aanbid word as 'n afgod nie, maar na 'n afgodsbeeld wat uit die hout van 'n boom gekerf word deur 'n ambagsman en dan versier of oorgetrek word met goud en silwer, presies soos die heidennasies se gebruik was.

Francois Marais
Dec 13th 2009, 07:48 AM
Umm die goue balle gesnede beelde wat in die boom hang.
Al daai goed wat in die boom hang het 'n simbool gekoppel aan die beeldjie.

paidforinfull
Dec 13th 2009, 10:59 AM
Umm die goue balle gesnede beelde wat in die boom hang.
Al daai goed wat in die boom hang het 'n simbool gekoppel aan die beeldjie.

So mens moenie in Suzuki's ry nie want dis deur Japanese gemaak en hulle aanbid afgode?

Nee wat, sulke balletjies en goeters beteken maar niks meer vir my as dat hulle blink nie. Hulle het geen waarde nie - die boompie het geen waarde nie, maar dit skep 'n vrolike atmosfeer.

Kersbome, Kersfees versierings ens. het niks met Jesus te doen nie - dis slegs 'n mensgemaakte tradisie wat lekker is.

Wat belangrik is is dat Kersfees ook (behalwe nou vir die nuttelose maar lekker ander tradisies) die offisiele denkdag van Jesus se geboorte is, en nou wil baie Christene dit staan en afskaf. Aai toggie :cry:.

PS - ek het nou bietjie meer tyd en wil net die volgende byvoeg: mens kan maklik allerhande demoniese betekenisse agter elke 'boom' vind as mens regtig soek. Ek meen - selfs die son, maan en sterre was/word aanbid. Beteken dit nou mens mag nie van prente daarvan hou nie?

Nee wat, ek weier om my lewe in 'vrees' vir die duiwel te lewe. As iets blatant okkulties is (soos pentagramme, yin yang simbole ens.) sal ek dit nie in my huis inbring nie.

En hoekom nou een mensgemaakte tradisie vir 'n ander een verruil? I.p.v. kersbome en versiersels versier sommige nou met kerse en 'nativity' standbeelde (wat 'n Rooms-Katolieke gebruik is). Dit maak vir my geen sin nie.

Sien die dag vir wat dit is - een van die min dae om met mens se geliefdes deur te bring in vandag se besige lewe, en 'n dag om spesiaal Jesus se geboorte te onthou en te vier, dwarsoor die hele wereld.

Ek wil julle net met hierdie gedagte laat: as ek vandag naby my familie was het ek die Here absoluut geloof en dank omdat ek saam met hulle kon herhinneringe bou deur Kersdag met mekaar en met Hom deur te bring. Kersdae is vir ons vreeslik eensaam - ons familie is oor die aardbol versprei. Ek het my ouers een maal in die laaste 14 jaar gesien (my Ma 2x), en my dogter, skoonseun en kleinseuns 18 maande laas. Ek WENS ek kon Kersfees met hulle wees. Gelukkig het ek vreeslike pragtige herhinneringe van Kersfese wat ons in die 'ou' dae saam deurgebring het.

Ek verlang so baie na hulle dat ek nog nie eers die moed bymekaargeskraap het om my triestige (klein) ou boompie op te sit nie.

Uiteindelik 'Die Einde'

MercyChild
Dec 17th 2009, 07:30 AM
Ek lees die inhoud van die draad en verstaan dat ons Jesus se geboorte dag moet vuur! Kersfees is ook dan 'n tyd vir familie om saam te kom volgens tradisie, maar ek het vir die laaste paar jaar uit die bus geval en nie die tyd saam met familie spandeer nie. My grootste droom was om hierdie jaar kwaliteit tyd met familie te spandeer en te probeer opmaak vir verlore jare.

Laasjaar Kersfees het ek 'n groot deurbraak gehad, of so het ek gedink, en my verwagting was om hierdie jaar beslis die beste tyd te h van liefde, omgee, en werklik net Jesus leef vir ander in hierdie seisoen, maar dinge het nie so uitgewerk nie.

Die feestyd as sulks vir my "suck". Hierdie is die tydperk waar meeste mense met die harde realiteit van die lewe te doen kry. Die selfmoordsyfers styg met meer as dubbel die hoeveelheid. Families word uitmekaar geruk en geskeur. Vir die laaste 3 jaar het ek tydens die feestyd altyd soos 'n vlugteling gevoel opsoek na 'n veilige hawe.

As ek om my kyk, sien ek bitter min mense wat Jesus se geboorte vuur! Ek verstaan nie. Die seun is aan hierdie wreld - aan ons geskenk, om ons te verlos van stryd, ellende, en bindings ens. Maar presies die teenoorde gebeur tydens die fees seisoen!

Francois Marais
Dec 17th 2009, 12:59 PM
:cry::(en dog ek ek het 'n rede om sad te wees kerstyd....
As jy afgodsoffers wil eet en sterk genoeg staan om nie te val nie, okay. Ek is nie sterk genoeg nie. So mens kan maar maak wat mens pas

Die tyd is baie harde tyd. Al die mense wat saam kuier en gesinne wat saam is. My gesin sit tans in Moz. Dink ons het 4 jaar terug saam gekuier op kersdag :rolleyes:

Sal die jaar maar weer fliek kyk...:confused

MercyChild
Dec 17th 2009, 01:10 PM
:cry::(en dog ek ek het 'n rede om sad te wees kerstyd....
As jy afgodsoffers wil eet en sterk genoeg staan om nie te val nie, okay. Ek is nie sterk genoeg nie. So mens kan maar maak wat mens pas

Die tyd is baie harde tyd. Al die mense wat saam kuier en gesinne wat saam is. My gesin sit tans in Moz. Dink ons het 4 jaar terug saam gekuier op kersdag :rolleyes:

Sal die jaar maar weer fliek kyk...:confused

Familie tyd is vir my die mees kosbaarste wat daar is. My ideaal was om saam met my man, Jesus te deel. Dit was my begeerte, maar daardie droom is verpletter aangesien hy binnekort my eksman sal wees.
Dit is vir my swaar en somtyds word ek sommer depressief en verwilderd. Ek het hom werklik lief gehad, eintlik nog steeds. Maar ons almal maak keuses.
Dit is vir my bitter moeilik om tussen familie te wees, want hulle vuur nie Jesus se geboorte nie..........Ek was ook daar en kyk glad nie op hulle neer nie. Die enigste belofte waarby ek kan hou hierdie jaar wat vir my oorgebly het is om Jesus se geboorte te vuur, maar hoe op dees aarde doen 'n mens dit as jy tussen ander is wat Jesus nie kan of wil erken nie?:confused Ek vlug reeds na 'n klein bietjie beter omstandighede toe, maar selfs daar gaan daar gegorrel word. Ek weet nie of ek Kersfees so wil vuur nie.

Francois Marais
Dec 17th 2009, 01:14 PM
Dit is nou nie om iemand se siening af te kraak nie, maar wat dink julle van die stukkies
Deut.6:14
Deut.12:30-31
Jer.10:2
Jer.25:6
Heb.13:8
1 Cor.10:20-21
Isa.5:20-22
Rev.17:1-5
Net 'n gedagte. Vra YHWH wat jy en jou gesin moet doen. Moet die boom bly of gaan... Vra die Vader.

Jam 1:5 But if any one of you lack wisdom, let him ask of God, who gives to all freely and reproaches not, and it shall be given to him:
but let him ask in faith, nothing doubting. For he that doubts is like a wave of the sea driven by the wind and tossed about

MercyChild
Dec 23rd 2009, 10:05 AM
Ek het die draad redelik gevolg en sien daar is redelike stryd oor die Kersboom.

Wel, ek spandeer Kersfees by my suster, en sy het my gevra of daar enige dekorasies is wat ek wil saam bring vir die boom wat ek wil hang. Toe ons kinders was het elke kind ietsie spesiaal aan die boom gehang. Ek het daaraan gedink maar ook in gedagte gehou wat op die draad geksryf was.

In die eerste plek is dit nie my huis nie, so ek kan sekerlik nie vir hulle s om die boom te verwyder nie, al wou ek. Inteendeel gaan ek deelneem in die kersboom. Ek gaan my dekorasie saam neem om op die boom te gaan hang. Ek het 'n spyker met 'n rooi lint gebind om op te hang.

Ek weet dit gaan reaksie ontlok, so die boom wat nie moet wees nie, gaan dalk die rede wees wat vir my die geleentheid gaan gee om oor die SPYKER te praat wat Jesus se hande en voete deurboor het........

Sien Francois, ek kyk na die skrif gedeeltes wat jy gegee het, maar ons kan nie ander veroordeel wat kersbome in hul huis het nie...... In my geval is die kersboom dalk die enigste manier die jaar om Jesus in hulle huis te bring sonder om dit af te dwing.:idea:

protea
Dec 23rd 2009, 12:01 PM
Mercy Child,
Tien uit tien vir jou 'Kersboomversiering'! En jou wyse woorde en beplanning en motifering kom pylreguit van Jesus af! Watter wonderlike geleentheid om die Kind van Verlossing direk by die feesvieringe betrokke te kry. Ons bid dat die Heilige Gees die oortuigingswerk sal doen sodat nog 'skapies' by die hemelse kudde gevoeg sal word.:hug:

marline
Jan 17th 2010, 07:02 PM
Vandag het ek weer 'n heel anderste redenasie oor kersfees gehoor. Jesus is op 25 Des bevrug, daarom het Satan hierdie dag gesteel. Ons kan maar bome gebruik, maar nie dennebome nie, omdat dit nie vrug dra nie. Liewerster 'n vrugte boom wat mens dan agterna kan plant. (oor 10 jaar het ons dan 'n hele boord!!!) :lol: Dit kan nie uit die skrif gestaaf word nie, net 'n persoon se persoonlike siening.:hmm:

Ta-An
Jan 17th 2010, 07:37 PM
25 Des...?? Lig van die wreld wat die duisternis binne gekom het.... Channukah... Kan wees.en dan gebore in Sept. met die Fees van Tabernakels??

marline
Jan 19th 2010, 04:03 AM
25 Des...?? Lig van die wreld wat die duisternis binne gekom het.... Channukah... Kan wees.en dan gebore in Sept. met die Fees van Tabernakels??

Net so Ta-An, maak vir my nogal sin.

Die Filadelfieer
Jan 19th 2010, 01:56 PM
25 Des...?? Lig van die wreld wat die duisternis binne gekom het.... Channukah... Kan wees.en dan gebore in Sept. met die Fees van Tabernakels??

Watter seisoen is dit September in Jesus se geboorteland ?

Ta-An
Jan 19th 2010, 02:15 PM
Watter seisoen is dit September in Jesus se geboorteland ?

Somer, begin van herfs.

mari
Jan 19th 2010, 06:21 PM
So gepraat van die boom .... onthou 'n storietjie uit doerietyd van 3 boompies wat grootgeword het en een vir een afgesny is ....
een se hout het die krip gemaak waarin Jesus tot die wereld ontvang is ....
een het die balke vir 'n boot gemaak waarop Hy en sy dissipels gereeld uit is op die see ......
Die laaste is opgesny in 'n growwe kruis .......


.... nog 'n gedagte ...
die denneboom dra nie eetbare vrugte nie, net bolle .... maar pragtige vrugte kan daaraan gehang word ....... ons vrugte is nie ons eie "werke" nie, maar die vrug van die Gees ......

ons het eers die dag voor die skool begin het ons "Jesus Boom" en al sy storiegoed weggesit ..... die stories is opgewonde in kleinman se besonderse babbeltaal aan ieder en elk wat kom kuier het, verduidelik ....

m .....

Ta-An
Jan 19th 2010, 06:49 PM
So gepraat van die boom .... onthou 'n storietjie uit doerietyd van 3 boompies wat grootgeword het en een vir een afgesny is ....
een se hout het die krip gemaak waarin Jesus tot die wereld ontvang is ....
een het die balke vir 'n boot gemaak waarop Hy en sy dissipels gereeld uit is op die see ......
Die laaaste is opgesny in 'n growwe kruis .......


...


Jaaaaaaaaa..........................

Tonton
Jan 26th 2010, 03:33 PM
.... nog 'n gedagte ...
die denneboom dra nie eetbare vrugte nie, net bolle ....

Jy kry die heerlikste dennepitte in die dennebolle. kap hom oop en proe!

Groete,
Anton