PDA

View Full Version : Bespreking Hoe verstaan ek die Nuwe bedeling?



hermand
Dec 11th 2009, 01:25 PM
Ek lees verskeie standpunte op hierdie forum rakende die verstaan van die Ou en Nuwe bedeling - kom ons noem dit sommer ook Testament.

Ek wonder tog meer oor hoekom ons hierdie dinge so wil verstaan, eerder as die inhoud daarvan.

Hoekom ervaar ek na 22 jaar saam met Christus dat ek nog steeds 'n korrelasie tussen (my interpretasie van) spesifieke persoonlikheidstipes en 'n 'opgewondenheid' oor 'n wettiese verstaan van die geestelike onderwerpe sien?

Is dit nie so dat die manier hoe ons God wil verstaan, en die manier hoe ons sy hart en natuur probeer skets - binne hierdie raamwerke wat ons soms onbewustelik bou - some bepaal hoe ons glo nie?

Maak ons tog nie 'n imaginÍre afgod van die lewende God, in ons beeld, as ons voorhou dat ons Hom beter verstaan as ander nie - bloot net omdat mense dikwels van ons opinies verskil?

So, hoe verstaan julle God? Hoe weet ons dat ons dit tog maar nog mis het m.b.t. dit waaroor die hare soms (subtiel) hier waai?

Ek kan net vashou aan dit wat ek oor dekades as kosbaarder as goud ervaar het:

1. God se Woord
2. Hoe die apostels dit geinterpreteer en ge-leef het
3. Hoe die Gees van God - die Gees van die Waarheid, volgens Christus - my nie in teenstryd met punt 1 kan lei nie.

Maak nie saak wat ek glo nie - daar's nie 'n manier dat ek kan verander aan dit wat God God maak nie - sy hart vir 'n gebroke wÍreld, sy liefde vir my - en soms kontroversieŽl - die absolute waarheid wat in Hom bestaan en wat ek ruimhartig erken ek nog nie goed genoeg ken nie.

Ek verstaan nie die sekuriteit wat 'n Ou Testamentiese / wettiese "kleef" teweeg kan bring in die lewe van 'n gelowige wat, soos Paulus, baie skielik en duidelik besef het wat nie meer belangrik is nie.

Hoe verstaan ons dus die hart en openbaring van God? Hoe bereik ons 'n wÍreld wat stukkend is, met leringe oor wat van Israel gaan word? Dink iemand regtig hulle gee om?

As ons in God se beeld geskape is, en God is Gees, en alles in die OT dui op hierdie een ongelooflike bevryding in Christus in die NT - waarom dan vaskleef aan die OT se profesieŽ?

Ek sal leiding en raad hieroor waardeer.

MercyChild
Dec 11th 2009, 01:41 PM
Hi herman, baie welkom..........Nee, nee ek het nie raad op jou vrae nie, maar om die Bybel te bestudeer en vir my aangenaam.

Ek stem saam dat ons die stukkende wÍreld moet bereik, maar kan dit nie doen sonder Woord kennis nie, of so dink ek.

Ek het onlangs eers die OT begin lees, en moet erken dit is interessant om te sien hoe profesiee in vervulling gebring is. Dit laat my in verwondering staan as ek sien hoe God se beplanning, vervul word. Ek dink nie dit is 'n kwessie van aan die OT vaskleef nie. Maar die hele Woord is tog gegee as lering en onderwysing.:)

Philip dT
Dec 11th 2009, 01:44 PM
Hermand, baie welkom hier. Interessante opmerkings wat jy maak.

David2
Dec 11th 2009, 02:08 PM
Philip en hermand
Ek verstaan die nuwe bedeling ook nie as 'n vaskleef aan Israel en Israel gesentreerde profesie nie. Alles behalwe. Daarom vind ons ook in Paulus se briewe byna geen verwysing na OT profesie nie. In teendeel, hy stel dit duidelik dat die dispensasie wat hy aankondig en in 'n openbaring van die Here ontvang het, 'n verborgenheid was. Jy soek verniet daarna in die OT. Hierdie is grootliks 'n nuwe openbaring.

Paulus praat ook van "skaduwees" en "eerste beginsels" wat alles dui op OT instellings waarvoor die tyd verby gegaan het.

Hoe ek oor die saak voel, hoe ek groot geword het, my kultuur en omgewing, mag nie toegelaat word om 'n rol te speel nie. Daar is nou net een evangelie, een Verlosser en een wÍreld wat met die boodskap bereik moet word. Ek het ook net een lewe wat baie gou verbygaan en ek durf nie in my diens en bediening (dalk) bou met hout, hooi en stoppels nie (1Kor. 3).

Terloops, ek reken nie dat hierdie hout, hooi en stoppels verwys na morele en etiese gedrag nie maar na ons bediening, die feite en die werklike boustene wat ons gebruik om aan God se huis te bou. Om sommer net "betrokke te wees" en saam te bou, help nog nie, sÍ Paulus. Ons moet seker maak dat ons met die regte goed bou of ons mors dalk ons tyd en ons werk moet dalk verbrand word.

hermand
Dec 12th 2009, 05:01 AM
Dankie David.

Beteken dit dat nie een van die NT skrywers - in die briewe geskryf na Christus se hemelvaart en opdrag - enigsins verwysing maak na Christus as die vervulling van heelwat OT profesieŽ nie?

Ek reken dat daar baie beloftes en profesieŽ in die OT tot totale vervulling gekom het, tesame met die 'finalisering' van rituele ens, in Christus. Het Paulus nie wel hierna verwys nie?

Ek vind dit moeilik om te glo dat mens die wet, rituele, profesieŽ en alles soortgelyk van mekaar kan skei, spesifiek omdat Paulus nie na die wet en profete as aparte half-vervulde entitiete verwys nie (tensy ek die griekse grondteks verkeerd verstaan). Dalk kan iemand meer lig hierop werp.

Ek verstaan ook nie hoekom 'n God wat nog altyd met 'n eenvoudige boodskap na mense gekom het, nie duidelik bedoel wat Paulus geskryf het nie: die ongelowige takke is afgekap. Ek dink ook nie ons verskil hieroor nie.

Krities belangrik: daar is nie meer 'n OT priesterskap oor vir die versoening nie - want dis vervang (dis duidelik genoeg beskryf) - daar kan dus geen meer motivering wees vir 'n fisiese Israel om uit te sien na profesieŽ wat nie meer deel is van 'n bedeling waarin die koning en priesterskap totaal vervang is nie? Daar IS nie meer 'n verwagting oor nie, behalwe vir die wat dit besef en slegs in Christus deur die Gees leef. Daar is nie 'n toekomstige versoening meer moontlik andersins nie.

My vraag is dus: Hoekom glo mense dit? Ek vind dit persoonlik moeilik om in 'n God te glo wat verwarring sal skep - en daarmee val ek niemand aan nie, ek dink net ek wil dit beter verstaan.

Philip dT
Dec 17th 2009, 10:25 AM
Dankie David.

Ek vind dit moeilik om te glo dat mens die wet, rituele, profesieŽ en alles soortgelyk van mekaar kan skei, spesifiek omdat Paulus nie na die wet en profete as aparte half-vervulde entitiete verwys nie (tensy ek die griekse grondteks verkeerd verstaan). Dalk kan iemand meer lig hierop werp.


Dit is 'n belangrike punt wat jy hier aanraak. Waarom sou God die Ou Testamentiese modus van kind-van-God-wees totaal en al kom vervang, maar steeds 'n fisiese (Ou Testamentiese?) volk aanhou vir wie daar nog uitstaande beloftes is?

God se beloftes het deurgaans slegs betrekking op God se volk, sy kinders. Sy beloftes is ook kondisioneel. Vir diegene wat Hom verwerp verval die beloftes, hulle is nie meer sy kinders nie.

Joh 3:18-20 "Hy wat in Hom glo, word nie veroordeel nie; maar hy wat nie glo nie, is alreeds veroordeel omdat hy nie geglo het in die Naam van die eniggebore Seun van God nie. (19) En dit is die oordeel: dat die lig in die wÍreld gekom het, en die mense het die duisternis liewer gehad as die lig; want hulle werke was boos. (20) Want elkeen wat kwaad doen, haat die lig en kom nie na die lig nie, dat sy werke nie bestraf mag word nie."

Joh 3:36 "Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom."


Hoe kan God dan nog uitstaande beloftes hÍ vir 'n groep mense wat nie meer sy volk is nie, nie sy kinders is nie, Hom verwerp het?

JPR
Dec 18th 2009, 07:57 AM
Hermand, vir my het 'n ou en nuwe bedeling min raakpunte omdat dit in verskillende dimensies lÍ. Die geestelike dimensie van 'n nuwe bedeling is vir min sigbaar en word deur min ervaar bloot omdat hulle nog slegs deel uitmaak van die fisiese/natuurlike dimensie. Y'shuah se opmerking by geleentheid was iets van: "as julle my nie glo as ek julle van die aardse vertel nie, hoe sal julle my glo as ek julle van die hemelse vertel". Vir baie lÍ die nuwe dimensie in 'n tydvlak na Christus se koms. Hierdie historiese feit het vir my net so min beteken as dat daar baie jare voor dit 'n goue kis onder robbevelle toegemaak was. Vir iemand wat 'n paar dekades gelede gebore was, was altwee feite bloot histories en van geen werklike betekenis nie. Wie kan opreg opgewonde raak oor 'n kruis as dit niks vir hom beteken nie? My "uit-God-gebore" vergeesteliking het my deel gemaak van 'n nuwe bedeling, nie my aardse geboorte nie, en nog minder my verstaan van hierdie dinge al leef ek in 'n tyd in die geskiedenis nadat 'n Verlosser gebore was. Baie leef onder die illusie dat toegang tot 'n nuwe bedeling bereik word na aanvaarding van 'n paar historiese uitsprake, hetsy afkomstig uit Y'shuah se saligsprekinge en/of Paulus se sendbriewe. Ons verstaan, of aanvaarding van feite en sienswyses bring ons niks nader of verder van God se koninkryk af nie, net maar of ons vergeestelik het aldan nie. (en dit kan nie sonder geloof gebeur nie)

Ek het iets in hierdie onderstaande stelling gelees wat my lekker opgewonde gehad het.

Hoekom ervaar ek na 22 jaar saam met Christus dat ek nog steeds 'n korrelasie tussen (my interpretasie van) spesifieke persoonlikheidstipes en 'n 'opgewondenheid' oor 'n wettiese verstaan van die geestelike onderwerpe sien?

Netsoos 'n kind uit uit beide ouers ontstaan, is ons geestelike geboorte ook die samestellingsproses tussen 'ek' en God se saad. (ek kon nog nooit daarin slaag om "ek" te definieer nie). Dis nie Y'shuah wat in my op een of ander manier gere-enkarneer is, dis "ek" wat deur die Gees van God, en uit Goddelike saad, wedergebore is. Hierdie saad is God se lewende woord en al die heilige geskrifte getuig daarvan ongeag die tydperk in die geskiedenis toe dit verletter is. Die saad wat aan my lewe gegee het, is opgeteken in die dae wat die tweede tempel periode aanvang geneem het en die oorspronklike woorde was in Hebreeus geskryf. Wie ek was, en waar ek my in omstandighede bevind het, het onmiskenbaar saamgesmelt met Goddelike saad tot die vorming van 'n nuwe wese. Netsoos mens na 'n baba kyk en onderskeidelik die Pa en Ma in die kind se gesig kan sien, kyk mense na my en hoor onmiskenbaar die "ek" sowel as my Goddelike Pa in my uitsprake. Om dus as nuwe, wedergeborene, met 'n Goddelike Pa en vleeslike herkoms, in geloof en onder leiding van die heilige Gees te lewe, jouself met Christus te beklee, die ou mens (ek dink soms dis die "ek") te laat sterwe, in die gees te lewe, is die nuwe bedeling. Iemand wat selektief (sekere geskrifte as histories onvanpas) uit God se Woord lees en nie uit "elke woord wat uit God se mond kom" lewe nie, loop die gevaar om soos 'n kind wat net lekkers eet, gebrekssiektes op te tel vroegtydig geestelik te sterf. Sonder geloof is daar geen geestelike voedsel nie en sal God Hom aan ons ontrek omdat Hy geen behae meer in ons het nie. Laat die Heilige Gees toe om uit alle Heilige Geskrifte vir jou geheimenisse oop te sluit.

Shalom

hermand
Dec 18th 2009, 11:06 AM
Dankie almal.

Ek lees tog wat ek graag as kosbaar beskou: my geestelike geboorte in God - slegs moontlik deur Christus.

Toe God ons in Sy beeld geskape het, het dit verwys na ons geestelike aard - dit wat ons in staat stel om intiem met God te kan verkeer.

Sonder die Gees is dit nie moontlik nie. Die lewe deur die Gees is wat die Nuwe bedeling krag gee. Alles waarna vooruitgewys word in die Ou bedeling is vergeestelik en daar is geen meer hoop nie in die profesieŽ opgesluit nie, behalwe vir deigene wat die aard van die Nuwe volk van God in die Gees verstaan.

Of hoe?