PDA

View Full Version : Hoekom wil sommiges arm en sukkelend bly ?



Die Filadelfieer
Sep 8th 2010, 06:21 AM
Ek lees hierdie berig deur Neels Jackson (http://www.beeld.com/In-Diepte/Nuus/Die-onbeskryflike-pyn-20100906)vandag, en, so hartseer soos wat dit is, kan ek uit persoonlike ervaringe maar net my kop skud in beaming van alles wat hier geskryf word.



Dis nie almal wat in desperate armoede is wat kanse aangryp nie.

Daar is verhale van mense oor wie n weldoener hom ontferm en dan besteel hulle hom.

Sulke mense bly in hul plakkersbestaan vasgevang.

Groenewald praat van hulle as daardie mismoedige, triestige, bang Afrikaners met die lang sigarette


Hoe frustrerend is dit nie om iemand te probeer help wat nie gehelp wil word nie ? Weldoeners wat vir die pa van 'n honger huisgesin werk rel .... en dan daag pappa net nie op nie....keer op keer op keer. ( Dan voer mens maar die kinders skelm skelm dat die trotse pappa nie daarvan weet nie)

Ek lees ook :


Daarby het hy ook nog sy geloof gehad iets wat ook soos n goue draad deur die verskillende opstaan-verhale loop.


Is dit dan die probleem ? Gaan die Evangelie maak dat hierdie mense uit sak en as opstaan ? As dit wel so is .......... het ons BAIE evangeliesasiewerk wat vir ons wag, by plakkerskampe, by verkeersligte met 'n bordjie om die nek, en in die o van 'n honger skoolkind wie se pa en ma te trots ( sleg ? .... lui ? ) is om iets aan hulle situasie te doen.

Gee bietjie raad asb Lighuis, hoe help ons mense wat nie regtig gehelp wil word nie, al vertel hulle vir jou die teendeel ? Help ons regtig hierdie mense deur permanent almoese aan te dra, of sit jy so nou en dan jou voet ook neer en s " Nou werk jy bietjie hiervoor my vriend. " ..... ?? . Nie noodwendig omrede jy die hande of die werker nodig het nie, maar net sodat daardie persoon vir 'n slag iets DOEN, dat hy of sy ook aan die einde van 'n dag kan s " Nou het ek iets vir iemand beteken".

RR van Wyk
Sep 8th 2010, 06:37 AM
Ek dink die probleem is in baie gevalle meer dinamies as wat ons dink...
Depressie is ek seker speel in meeste gevalle 'n groot rol. Dit kan met party mense so erg wees dat om net op te staan in die oggende 'n steil berg is wat voor hulle staan...

Met baie van hulle het hulle dalk al so baie mislukkings gehad, so baie keer van voor begin net om als weer te verloor. Hulle voel dan, wat's die punt?

Om naderhand so diep vasgevang te wees in armoedde, is die idee om weer daar uit te kom oorweldigend groot en ontoereikend. Plaas van om dit dag vir dag te vat, sien hulle die probleem op een dag wat die bietjie moed wat hulle dalk het dadelik afbreek.

'n bitter moeilike situasie...

Ek voel geloof speel beslis 'n baie groot rol, veral om depressie af te breek, om mens weer 'n positiewe uitsig op die lewe te gee.

CFJ
Sep 8th 2010, 09:15 AM
Persoonlik glo ek so houding gaan suiwer oor ondankbaarheid. Ondankbare mense sal nooit iets h nie en ek glo die Bybel bring hierdie boodskap presies net so oor, want ons moet vergenoegd met al ons omstandighede wees en 'n dankbaarheidslewe is die deur en enigste toegang vir 'n oorwinningslewe.

RR van Wyk
Sep 8th 2010, 09:28 AM
Hi CFJ,

Ek dink dit l bietjie dieper as net ontdankbaarheid. Ek stem saam, jy het 'n goeie punt beet, maar daar is bietjie meer aan die storie. Onkunde sou ek s speel 'n groot rol. Om dankbaar te wees moet jy bietjie verder kan dink as jou neus se punt. Jy moet instaat wees om te besef hoe ver die ander uit hulle pad gaan om jou te help. Nie net liefde h vir ander nie maar ook vir jouself.

Baie sulke mense het dalk 'n woedde wat daagliks in hulle broei, voel dalk die wreld is teen hulle en pooitjie hulle aspris. Dat dit ander se plig is om hulle te help.

Die lewe is mos nie net swart en wit nie, daar is duisende kleure tussenin ook. Ons kan nie almal oor dieselfde kam skeer nie. Ek dink dit is juis om hierdie rede waarom dit so gevaarlik is vir mense om ander te oordeel. Slegs God ken die volle waarheid. Ons kan maar net spekuleer..

mari
Sep 8th 2010, 09:36 AM
Klipinniebos .....

wat presies is "dankbaarheid" ....... ?
hoe "wys" jy dit ....?

dink bietjie......
m.....

CFJ
Sep 8th 2010, 09:54 AM
Ek stem met jou saam RR, want ondankbaarheid het 'n oorsprong. Ek glo dat enige mens wat selfsugtig is, juis nie sal kan verstaan hoekom hy of sy dankbaar moet wees nie en juis ander sal misbruik, hetsy of dit onkunde of kwaadwilligheid is. 'n Mens wat konsidererend is, kan net so wees, omdat hulle nie selfsugtig is nie. Daar is dus ook nie 'n verskoning vir onkunde nie, want 'n konsiderende mens sal juis weens hul toewyding en hart vir ander, nie onkundig wees oor wie hulle is, wat hulle gee en wat dit vra van so iemand nie. Selfsug vat basies mens se hart weg, sodat jy nie meer verby net jouself kan kyk en miskien een of twee ander wat gelukkig is nie en selfs dan is ook sulkes op ander gebiede slagoffers van so een se selfsug. Selfsug ken geen perke nie, want dit vertel die self dat ek darem hier en daar goed is of doen, maar alles in ag geneem dop selfsug die toets vir ander mense konsidereer met vr meer as die druip persentasie vir matrieks. Selfsug is die enigste attribuut by die mens wat in een enkele woord ons hele ellendige bestaan definieer, want dit is weens selfsug dat so baie mense nie gekonsidereer word nie. Dit is juis wat die kruis beteken, dat alle selfsug sterf en mens eerder jouself verlon, kruis opneem en dan eers Jesus volg. Baie mense wil Jesus volg sonder om selfsug af te l en as Jesus nie self op die mees onselfsugtige wyse aan ons bekend, alles gegee het sodat ons kan lewe nie, hoe kan ek dan alles gee dat ander kan lewe?

'n Selfsugtige mens is noodwendig ondankbaar.

RR van Wyk
Sep 8th 2010, 10:08 AM
Hierdie draad raak al meer interresanter!! Ek geniet dit as mense so diep kan delf in 'n onderwerp..

Mari het 'n uitstekende punt beet... Hoe meet mens dankbaarheid? En bygevoeg: waarom is dit vir my so belangrik om dankbaarheid te ontvang? Om my ego te streel? Ek het goed gedoen teenoor jou, so waar is my beloning?(dankbaarheid)

Baie wys dalk nie noodwendig dankbaarheid nie, dalk omdat die gevoel van skaamte so 'n persoon oorheers. Daardie persoon voel reeds minderwaardig. Nou voel hy NOG minder werd omdat 'n goed geklede persoon sy tyd opgeoffer het om vir hom iets te kom doen. Hy sal eerder onder die naaste klip inkruip, so hy maak so vinnig moontlik dat hy wegkom...

Selfsug is 'n lelike eienskap. Dit is wat mens van dier onderskei. Maar in moeilike omstandighede is selfsug juis 'n vorm van oorlewing. Ek keur selfsug natuurlik glad nie goed nie, ek gee net 'n ander perspektief daaraan. Vir 'n ongelowige wat swaar trek sal geen fout daarin sien om sy belange eerste te stel nie...

Ta-An
Sep 8th 2010, 12:20 PM
Hi CFJ,

Ek dink dit l bietjie dieper as net ontdankbaarheid.
Dis in tye soos die dat ek Phil se ".......uitverkiesing....." woorde hoor.
Dis net asof party mense net nie pluk in hulle het nie :mad:

Francois Marais
Sep 8th 2010, 01:04 PM
Een ding wat ek self onder geval het:


Learned Helplessness -A term developed by Martin Seligman, pioneering researcher in animal psychology, to describe what occurs when animals or human beings learn that their behavior has no effect on the environment. The impact of this experience leaves an individual apathetic, depressed, and unwilling to try previous or new behavior. This concept is relevant to people with dissociative disorders who may show some degree of learned helplessness due to repeated exposure to traumatic events which they could not change or avoid by their behavior.
http://www.silentsymphony.net/Glossary/sraglossary.htm

Om geleer te word daar is geen hoop nie - klink nogal soos Suid Afrika en blanke mense vandag?

Daar is ook 'n faktor van lui wees. Daar word gewoonlik vir sulke mense gesorg ook. Ek het so paar dae terug gesien dat 'n persoon in 'n rolstoel sit en motors oppas. Hy het nie bene nie, maar hy doen iets. Dan kry ons die ou wat in Hatfield staan en geld bedel wat maak of hy nie kan loop nie tot die SAPD daar aankom. Of daai outjie wat voor jou motor inloop om RAF claims te l?

Ta-An
Sep 8th 2010, 01:12 PM
Om geleer te word daar is geen hoop nie - klink nogal soos Suid Afrika en blanke mense vandag? "n Boer maak 'n plan", die woord is Entrepreneurskap.... :idea:


Daar is ook 'n faktor van lui wees. En daarmee slaan jy die spyker op die kop :yes:

RR van Wyk
Sep 8th 2010, 01:27 PM
Ons het eendag na 'n wit plakkerskamp gegaan. Daar was 'n vrou wat ons ontmoet het. Natuurlik het sy gelyk soos 'n hawelose. Maar sy was nie haar hele lewe so nie. 'n hele paar jaar terug, was sy getroud, sy en haar man het alles gehad wat oop en toemaak. goeie beroeppe gehad.

paar jaar later is sy en die man geskei. Hulle het 'n dogter gehad. Die man het eendag hulle dogter by haar opgetel vir die naweek. Hulle het 'n motorongeluk gehad waar die dogter opslag dood is.

Sy het belangstelling in haar lewe verloor. Alles uitgedrink, alkoholis geword. Haarself afgeskryf, vir haarself het sy saam haar dogter gesterf. Sy het eers 'n paar jaar terug besluit sy wil haar lewe regruk. Maar die skade is gedoen.

Nou 'n mens sal seker s dis haar eie onnoselgeid, maar ek weet nie.. Sy is 'n mens, 'n ma... Een hartseer storie.

'n mens kry sommer pleinweg lui mense, mense wat jy wil wakker skop. Mense wat soos luise ander uitteer. Maar mens sal nie die onderskeid kan tref voordat jy daardie persoon beter leer ken nie..

CFJ
Sep 8th 2010, 02:47 PM
Maar mens sal nie die onderskeid kan tref voordat jy daardie persoon beter leer ken nie..

Ek dink dit is waaroor dit gaan. Mens moet tyd maak vir ander en deur tyd te maak, kry mens perspektief en sal die Here jou wys watter pad jy met iemand moet stap. Ongelukkig gee baie mense geld of middels en hulle doen dit baie keer, omdat hulle nie werklik tyd vir ander het nie en op so manier dink hulle, hulle help. Dit help seker so bietjie, maar wat help dit as mens nie 'n ander een se hart verstaan nie?

Kalahari
Sep 8th 2010, 03:00 PM
Ek dink dit is waaroor dit gaan. Mens moet tyd maak vir ander en deur tyd te maak, kry mens perspektief en sal die Here jou wys watter pad jy met iemand moet stap. Ongelukkig gee baie mense geld of middels en hulle doen dit baie keer, omdat hulle nie werklik tyd vir ander het nie en op so manier dink hulle, hulle help. Dit help seker so bietjie, maar wat help dit as mens nie 'n ander een se hart verstaan nie?

Ferdi, ek dink dit is die probleem van menigte. Ons het nie meer tyd vir mekaar nie. Ons gee liewer geld vir barhartigheid, sending, ens. Ons wil net nie iets van onsself gee nie. Ek dink dit is waarom baie van ons so sukkel, want ons weet nie wat ons vrug is nie, want ons het geld gegee.

Indien jy by so 'n persoon kom en laat weet dat jy hom herken as mens, net soos wat jy 'n mens is, dan het daar al klaar baie genesing ingetree. Om net kospakkies of wat ookal af te laai, laat geen mens beter voel nie. Mens het dan behoefte aan verstaan en deel wees, al is dit net om jou probleme met ander te deel. As gelowiges meer van hulleself sal gee, sal die wreld 'n heeltemal ander plek wees. Dit is ook die wil van God.

Kalahari

Die Filadelfieer
Sep 9th 2010, 07:34 AM
............. En bygevoeg: waarom is dit vir my so belangrik om dankbaarheid te ontvang? Om my ego te streel? Ek het goed gedoen teenoor jou, so waar is my beloning?(dankbaarheid)

Baie wys dalk nie noodwendig dankbaarheid nie, dalk omdat die gevoel van skaamte so 'n persoon oorheers. Daardie persoon voel reeds minderwaardig. Nou voel hy NOG minder werd omdat 'n goed geklede persoon sy tyd opgeoffer het om vir hom iets te kom doen. Hy sal eerder onder die naaste klip inkruip, so hy maak so vinnig moontlik dat hy wegkom...



'n BAIE belangrike punt RR,
Ons dink partykeer dat ons as "die groot redder" geprys en besing gaan word as ons van hierdie mense help , terwyl hulle in die meeste gevalle eintlik so verskriklik skaam kry en nie lekker weet hoe om die situasie te hanteer nie... ons lees dit verkeerd en dink hulle is ondankbaar/ongeskik en besluit dalk daar en dan om hierdie "ondankbares" nie weer te help nie... terwyl dit totaal en al die verkeerde reaksie is.

Ek wil so ver gaan en s dat mens nooit dankbaarheid moet verwag nie,(alhoewel 'n honger kind se ogies nooit jok nie ! ) , en dit ook nooit die motivering moet wees hoekom mens help nie, maar, so wreed en gevoelloos soos wat dit nou gaan klink, daar in sekere gevalle 'n rede is hoekom dit met van hierdie mense gaan soos wat dit gaan, bloot omrede daar geen belangstelling blyk te wees om uit hulle penarie te kom nie. Dan gaan dit nie meer oor dankbaarheid nie, maar eerder ander dinge : dalk 'n vrees vir harde werk ?

Francois Marais
Sep 9th 2010, 07:56 AM
Iets wat my ook vang is die trots en die hoogmoed van mense in SA. Veral die blankes!

Daar is baie werk daar buite mense. Mens moet dit net gaan soek. Ek weet dat mense nie dink dat almal eet nie. Party mense is net te lui om kos te maak, so hulle gaan eet uit.

Ek was vir 8 maande werkloos. My eie besigheid het nie lekker gewerk nie, en ek het toe by Wimpy gaan werk. Het 'n bestuur pos beklee, maar steeds mense bedien en so geleer om met mense te werk. Goeie diens beteken gewoonlik goeie geld. Ek het na dit by Spur as 'n kelder gaan werk en na 3 maande een van die top 3 kelders gewees in 'n staf van 15 kelders. Ek moes my trots sluk en mense se gemors gaan opeet.
Wie van hulle het al op hulle se kniee gegaan en vloere gewas, toilette skoon gemaak, in inloop vrieskaste geklim en goed reggepak?

Dit leer mens om dankbaar te wees dat Vader mens respek geleer het. Dankbaar vir die fooitjie wat mense jou laat omdat dit jou brood en botter is. Dankbaar vir mense wat jy bedien wat sal luister as jy die dag af is.

Die ou wat op straat staan en bedel is nie die geld werd nie. Hulle manipulate mens net deur maskers te dra.

RR van Wyk
Sep 9th 2010, 08:55 AM
Die ou wat op straat staan en bedel, veral as hy nog jonk fris en gesond is en jy kan in sy o sien die mannetjie is intellegent.... hulle kry gewoonlik niks uit my uit nie... miskien as hy aanbied of hy my kar kan was...
Ek was al by plekke, soos in die kaap toe ek gewag het vir die bus om swellendam toe te gaan, dat 'n ou my mooi gevra het om hom te help met 'n paar rand, geld nodig gehad vir 'n treinkaartjie of iets. 'n uur later(het lank gewag vir die bus) sit hy my hardverdiende geld en uitdrink saam sy vriende...
Maak mens fies...