PDA

View Full Version : Huiskerke?



CFJ
Feb 22nd 2011, 01:16 PM
Dit neem geweldig toe en sedert die laat 1990's het mens al meer en meer van dit begin hoor. Miskien kan mens meer daaroor gesels om die wat reeds in Huiskerke is (ekself is in een) en die wat graag meer wil weet daarvan, van inligting te voorsien en ook inligting weer te ontvang waar nodig.

Johnny
Feb 22nd 2011, 01:22 PM
Wat sou die rede wees vir die toename? Is dit omdat mense nie meer die geestelike voedsel ontvang by hulle gemeentes nie? Is dit omdat kerke vandag meer as 'n besigheid bedryf word as om die Woord te verkondig? Is dit omdat mens nie meer kan byhou by die verandering in die kerk om by die wereld aan te pas nie? Die sang styl het verander en allerhande ander goeters.

My ander vraag is ook dan wat is die standaard van lering by huiskerke. Het die persoon aan stuur van sake die nodige teologiese kennis en ondervinding? Is daar nie gevaar aan verbonde dat verhoudinge dalk te "intiem" kan raak nie? Hoe word daar met die Woord omgegaan.....die struktuur ens, ens.

Sal interresant wees om te hoor omdat ek nog nooit deel was van so iets nie en dit ook nie afskiet nie.

Son of the South
Feb 22nd 2011, 02:22 PM
Wat sou die rede wees vir die toename? Is dit omdat mense nie meer die geestelike voedsel ontvang by hulle gemeentes nie? Is dit omdat kerke vandag meer as 'n besigheid bedryf word as om die Woord te verkondig? Is dit omdat mens nie meer kan byhou by die verandering in die kerk om by die wereld aan te pas nie? Die sang styl het verander en allerhande ander goeters.As ek moet raai, sou ek s dit is 'n kombinasie van bogenoemde.

My ander vraag is ook dan wat is die standaard van lering by huiskerke. Het die persoon aan stuur van sake die nodige teologiese kennis en ondervinding? Is daar nie gevaar aan verbonde dat verhoudinge dalk te "intiem" kan raak nie? Hoe word daar met die Woord omgegaan.....die struktuur ens, ens.
My ondervinding was dat die volwassenheid van die lede met rasse skrede toegeneem het. Dit is 'n ander ding om op 'n kerkbank te gaan sit waar iemand jou met 'n lepeltjie voer en om self SAAM te gesels. Ek dink daar bestaan wel 'n groot gevaar, ja, as daar nie reeds 'n sterk Bybelse fondament vasgel is nie, of waar een persoon alleen sterk leierskap neem. Solank Christus die Hoof is en die Woord die fondament is, bied 'n huiskerk een van die beste geleenthede vir gelowiges om tot volwassenheid te groei.

Sal interresant wees om te hoor omdat ek nog nooit deel was van so iets nie en dit ook nie afskiet nie.Ons gesinnetjie was vir so twee jaar deel van huiskerke. Dit was vir my nogals interessant om te sien hoeveel ernstige gelowiges daar buite die kerkgebou se mure bymekaarkom. Intussen het ons weer by 'n denominasionele kerk aangesluit. Die tyd wat ons in huiskerke deurgebring het was wonderlike voorbereiding vir die bedienings geleenthede wat ons daar van die intrapslag af het.

Ek sal mense aanraai om die Heilige Gees te vertrou om hulle in die regte rigting te stuur. Dan begin Ps 23 se: "Die Here is my Herder." vir jou 'n heel dieper betekenis kry. Huiskerk is dalk nie vir jou bedoel nie, maar dalk is dit juis! Die belangrike is dat jy presies is waar jy moet wees en as jy nie is nie, skuif! Net nog 'n woordjie van waarskuwing: "Geen kerk is perfek nie en geenkerk is ook nie perfek nie." Dit is belangriker om binne die Here se wil vir jou te wees as om weg te hardloop vir iets.

Johnny
Feb 23rd 2011, 05:49 AM
Ek moet bely dat ek nie my gemeente sal verlaat om deel te word van 'n huiskerk nie. Dit is seker gesond om van tyd tot tyd vriende in die gemeente oor te nooi vir koffie en dan bemoeienis met mekaar te maak, saam te bid en mekaar se laste te dra. Partykeer sal 'n mens verbaas wees dat baie mense maar worstel met dieselfde probleme as jy, want baie keer lyk dit in die kerk of alles "oraait" is met almal. Nie almal het die vrymoedigheid om op 'n uitnodiging uit te stap na voor vir gebed nie, en hier kan ons mekaar aanvul.

mari
Feb 23rd 2011, 09:33 AM
Daar is ook verskillende soort huiskerke

1 - die wat jy seker bedoel : onafhanklike huiskerk groepe wat buite enige kerkverband staan en net onder mekaar kerk hou ....

2 - huiskerk groepe wat deur die week saam kerk hou en sSondae na verkillende "kerke" gaan ..

3 - " homecells " - kleiner groepe binne 'n gemeente wat in die week saam vergader ( soms kuier daar dan ook ander saam wat nie aan die gemeente behoort nie ......

..... ek glo maar waar 2 of meer in Sy naam vergader, daar is God ........ dan nie ? .....

.... was " huiskerke " nie eintlik die norm in Nuwe Testament tyd met Apostels wat hulle van tyd tot tyd besoek het nie ? ......

CFJ
Feb 24th 2011, 06:50 AM
.... was " huiskerke " nie eintlik die norm in Nuwe Testament tyd met Apostels wat hulle van tyd tot tyd besoek het nie ? ......

Miskien is dit waar mens moet begin, by hierdie stelling van jou mari. Dit blyk dat dit in wese die aard van die eerste Kerk in Handelinge was, huiskerke of huisgemeentes. Daar is baie goeie artikels beskikbaar daaroor, maar hier is een in Afrikaans en ook een van ons lede het hierdie artikel geskryf, 'In die Nuwe Testamentiese tyd het al die gemeentes waarvan die Bybel praat in huise bymekaar gekom (nie dat dit noodwendig altyd die geval was nie, maar daar is geen voorbeelde waar dit nie die geval was nie). Gelowige gesinne het in huise bymekaar gekom en daar as gemeente gefunksioneer. Dit het dus meestal binne die verband van n relatiewe klein groep gebeur.' - Philip du Toit. (http://www.truthexposed.co.za/index.php?option=com_content&task=view&id=50&Itemid=1)

Die eerste ding wat mens maklik vergeet, is waar wil die Here h moet jy wees? Ek weet sonder enige twyfel dat ek op die regte plek is (huiskerk) en oor vele redes. Een baie spesifieke rede het te doen met die verkondiging van die evangelie, dat wanneer mense gewoonlik wil weet in watter kerkverband ek is, dit altyd makliker is om te s in geen kerkverband nie. Die rede is bloot dat mense maar oor die algemeen bevooroordeeld kan wees en nie van denominasie A hou nie en ander hou weer nie van denominasie B nie. Op hierdie wyse nooi hulle jou makliker in, as jy vry na hulle toe kan kom. Hierdeur s ek nie iemand in 'n denominasie gaan nie ook vry in Christus na ander nie, maar dit is ongelukkig die persepsie wat mense na wie jy uitreik koester waaraan mens niks kan doen as dit wel so is nie.

Daar is wel mense vir wie huiskerke nie kan werk nie, maar oor die algemeen gesien behoort dit vir almal te werk, wat werklik in 'n verhouding met die Here Jesus staan. Daar is nie een rede, hoekom dit nie kan werk, as jou verhouding lewendig is nie, want dit het vir die Handelinge Kerk gewerk, wat hoofsaaklik huisgemeentes of huiskerke was.

Iets anders wat ongelukkig waar kan wees en ek het al eerstehands daarmee te doen gekry, is dat 'n huiskerk onsuiwer in leer of in algemene gebruike kan raak. Dit verskil egter nie 'n aks van formele Kerke wat ook onsuiwer kan raak nie, want elkeen van ons is ongeag ons omstandighede, blootgestel aan dwaling en uiteraard afvalligheid. Die groot voordeel van 'n afvallige huiskerk, is dat dit nie uitkring na 'n hele gemeenskap nie en normaalweg lokaal is en slegs die wat direk betrokke is affekteer. Nog 'n groot voordeel is dat wanneer 'n huiskerk wegval, dit heeltemal verdwyn. As formele Kerke afvallig word en mense wegval, staan die groter stuktuur nog en hele gemeenskappe kan steeds ge-affekteer word.

Iets anders wat mens ook in gedagte moet hou, is dat dit vir satan veel moeiliker is, om die waarheid te beveg met baie klein groepies, gemeet teenoor enkele groot groepe. Vra maar vir die magtige Brittanje, hoe moeilik dit was om klein groepies Boere te oorwin. Ek sal werklik van die geleentheid wil gebruik maak, om meer inligting in hierdie draad te plaas, maar hierdie is slegs enkele gedagtes en nie een van hulle wil ek as absolutes weergee nie, maar dit is iets wat mens kan oorweeg. Formele Kerke dien verseker 'n doel en elkeen moet maar mooi luister, waar die Here jou wil gebruik. Daar is verseker mense wat die Here in formele Kerke wil h, maar dit lyk al meer en meer of mense huiskerke as 'n uitweg begin sien en ook deel word daarvan.

Johnny
Feb 24th 2011, 07:04 AM
Een baie spesifieke rede het te doen met die verkondiging van die evangelie, dat wanneer mense gewoonlik wil weet in watter kerkverband ek is, dit altyd makliker is om te s in geen kerkverband nie.

Dit is beslis 'n voordeel om dit te kan se. Die voordeel wat ek natuurlik het as mense my vra in watter kerk ek is dan is dit nie so seer dat ek kan se ek is in die AGS nie, maar dat ek vir hulle kan se die lering wat ek kry is Woordgebaseerde lering. Iets wat jy NIE in baie kerke kry vandag nie. Jy kan in enige kerk wees of in GEEN kerk nie, maar wat KRITIES is...........is die lering wat jy ontvang of gee!

CFJ ek sien jy spreek dit ook aan in jou plasing, en dit is wat vir my baie belangrik is.

Son of the South
Feb 24th 2011, 07:18 AM
Ek stem saam, Johnny, mens moet mooi let op die lering wat jy ontvang of gee. Ons s ons soek gemeentes wat die hele Bybel verkondig; ons kan nie nou s 'n huiskerk wat die Bybel net gedeeltelik verkondig is maar aanvaarbaar nie.

Die Samiritaanse vrou het vir Jesus self gevra, waar is die regte plek om te aanbid?

Ons vaders het op hierdie berg aanbid, en julle s dat die plek waar ons behoort te aanbid, in Jerusalem is. Jesus s vir haar: Vrou, glo My, daar kom ‘n uur wanneer julle nie op hierdie berg en ook nie in Jerusalem die Vader sal aanbid nie. Julle aanbid wat julle nie weet nie; ons aanbid wat ons weet, want die saligheid is uit die Jode. Maar daar kom ‘n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom s aanbid. God is Gees; en die wat Hom aanbid, moet in gees en waarheid aanbid.
(Joh 4:20-24)

Johnny
Feb 24th 2011, 07:40 AM
Ek stem saam, Johnny, mens moet mooi let op die lering wat jy ontvang of gee. Ons s ons soek gemeentes wat die hele Bybel verkondig; ons kan nie nou s 'n huiskerk wat die Bybel net gedeeltelik verkondig is maar aanvaarbaar nie.

Die Samiritaanse vrou het vir Jesus self gevra, waar is die regte plek om te aanbid?

Die ander hartseer is dit lyk vir my die TV (TBN, God TV, ens) en die Internet het ook nou 'n "huiskerk" geword. As die preek vervelig raak "skip" ek gou na die krieket en sluit weer later aan, of kyk wat op 'n ander kanaal gepreek word......solank dit my "PAS" natuurlik. As iemand van sonde praat kan ek net die kanaal of die internet webblad verander. Dit is nie altyd maklik om uit 'n kerk se diens te stap as die Here jou VASVAT oor jou sonde van die kansel af nie!

RR van Wyk
Feb 24th 2011, 08:18 AM
Die ander hartseer is dit lyk vir my die TV (TBN, God TV, ens) en die Internet het ook nou 'n "huiskerk" geword. As die preek vervelig raak "skip" ek gou na die krieket en sluit weer later aan, of kyk wat op 'n ander kanaal gepreek word......solank dit my "PAS" natuurlik. As iemand van sonde praat kan ek net die kanaal of die internet webblad verander. Dit is nie altyd maklik om uit 'n kerk se diens te stap as die Here jou VASVAT oor jou sonde van die kansel af nie!

Nie om snaaks te wees nie, maar partykeer kan ek net nie vinnig genoeg die kanaal verander van TBN of God TV nie, deesdae moet mens maar taamlik versigtig wees vir wat mens luister, nie alles is verteerbaar vir 'n Christen nie, ongelukkig, VERAL as dit op TV is..

CFJ
Feb 24th 2011, 09:29 AM
Iets wat mens net wil beklemtoon, is dat Kerk-wees nie pertinent te doen het met Kerk toe gaan en na dienste luister nie, maar met 'n hele lewenswyse wat 24/7 God verheerlik. Ek is oortuig dat huiskerke hierdie verantwoordelikheid in alle waarskynlikheid beter by elke individu gaan tuisbring as in groter strukture waar net sekeres hierdie verantwoordelikheid opneem.

Daar is byvoorbeeld 'n siening (wat ekself ook onderstreep en onderskryf), dat die Kerk nog altyd heel eerste uit 'n huisgesin bestaan en sekeres noem die huisgesin die klein Kerkie. As die klein Kerkie (huisgesin) oneffektief is, sal die groot Kerk ook oneffektief wees. Is dit nie maar wat ons vandag sien nie, dat stukkende huwelike stukkende Kerke bewerk nie? Die formele Kerk probeer om die plek van die klein Kerkie vol te staan, maar sal dit nooit kan doen nie, want dit was nooit so bedoel nie. Mens mag dalk dink dat dit 'n vreemde siening hierdie is, maar gaan kyk maar wat het God eerste geskep, die huwelik of die Kerk? Deur die huwelik het God se Kerk ontwikkel.

Die Filadelfieer
Feb 24th 2011, 10:52 AM
Iets wat mens net wil beklemtoon, is dat Kerk-wees nie pertinent te doen het met Kerk toe gaan en na dienste luister nie, maar met 'n hele lewenswyse wat 24/7 God verheerlik. Ek is oortuig dat huiskerke hierdie verantwoordelikheid in alle waarskynlikheid beter by elke individu gaan tuisbring as in groter strukture waar net sekeres hierdie verantwoordelikheid opneem.

Daar is byvoorbeeld 'n siening (wat ekself ook onderstreep en onderskryf), dat die Kerk nog altyd heel eerste uit 'n huisgesin bestaan en sekeres noem die huisgesin die klein Kerkie. As die klein Kerkie (huisgesin) oneffektief is, sal die groot Kerk ook oneffektief wees. Is dit nie maar wat ons vandag sien nie, dat stukkende huwelike stukkende Kerke bewerk nie? Die formele Kerk probeer om die plek van die klein Kerkie vol te staan, maar sal dit nooit kan doen nie, want dit was nooit so bedoel nie. Mens mag dalk dink dat dit 'n vreemde siening hierdie is, maar gaan kyk maar wat het God eerste geskep, die huwelik of die Kerk? Deur die huwelik het God se Kerk ontwikkel.

Ek stem 100% met jou saam Ferdi ! Die basis van die kerk is die huisgesin , en die satan HAAT hierdie eenheid, soveel so dat hy alles in sy vermo doen om hierdie eenheid op te breek : Die egskeidingsyfers klim en klim, aanvaarding van homoseksuele verhoudings, pornografie, veelwywery, en en en .... alles dra by tot die afbreek van Christus se "basis" gemeente : die gesin.

Phil Fourie
Feb 25th 2011, 08:08 AM
Net so 'n klip in die bos, weet iemand van 'n funksionerende huiskerk met verkiesde ouderlinge en diakens en 'n toegewyde leraar wat net vir daardie taak geroep is? Is dit nie wat die Bybel van ons verwag sou daar huiskerke begin word nie? My konsep van huiskerke met alle respek ges is 'n verheerlikde selgroep en funksioneer nie met die Bybelse voorskrifte wat daar gestel word vir 'n gemeente nie?

Of hoe voel julle?

CFJ
Feb 25th 2011, 09:26 AM
Net so 'n klip in die bos, weet iemand van 'n funksionerende huiskerk met verkiesde ouderlinge en diakens en 'n toegewyde leraar wat net vir daardie taak geroep is? Is dit nie wat die Bybel van ons verwag sou daar huiskerke begin word nie? My konsep van huiskerke met alle respek ges is 'n verheerlikde selgroep en funksioneer nie met die Bybelse voorskrifte wat daar gestel word vir 'n gemeente nie?

Of hoe voel julle?

Hi Phil,

Ek voel huiskerke het baie leemtes en hierdie een wat jy uitwys is verseker een daarvan. Dit geld sekerlik nie vir almal nie, maar vir baie sal dit so wees. Aan die anderkant gebeur baie dinge spontaan en word hierdie ampte vervul sonder om pertinent iemand aan te stel daarvoor. Hoe kleiner die huiskerk, hoe minder pertinent gaan hierdie aanstellings wees en tog s die Here, Hy legitimeer 'n vergadering waar twee of drie in Sy naam vergader. Ek wil half glo dat hoe groter 'n groep mense raak, hoe meer sal hulle 'gedwing' word om vaste strukture en uiteraard take binne daardie struktuur vas te maak. Iets wat ek al self ondervind het, is dat verskillende huiskerke se lede soms saamwerk en ek het al 'n keer of wat iemand genader om saam my na 'n sieke te gaan en vir so een te bid, alhoewel ek myself nie as ouderling aangestel het nie, vind daar spontaan dinge plaas wat die ouderling normaalweg sou doen.

Die Filadelfieer
Mar 3rd 2011, 06:04 AM
Net so 'n klip in die bos, weet iemand van 'n funksionerende huiskerk met verkiesde ouderlinge en diakens en 'n toegewyde leraar wat net vir daardie taak geroep is? Is dit nie wat die Bybel van ons verwag sou daar huiskerke begin word nie? My konsep van huiskerke met alle respek ges is 'n verheerlikde selgroep en funksioneer nie met die Bybelse voorskrifte wat daar gestel word vir 'n gemeente nie?

Of hoe voel julle?

Ek het vir jou 'n teenvraag : Hoe Bybels is die idee van "slegs enkele gesalfdes per kerk" ? Het Jesus nie juis hierdie probleem aangespreek nie ?

Maar julle, laat jul nie Rabbi noem nie, want een is julle leermeester: Christus, en julle is almal broeders.
En julle moet niemand op die aarde julle vader noem nie, want een is julle Vader, Hy wat in die hemele is.
Julle moet julle ook nie leermeesters laat noem nie, want een is julle leermeester: Christus.
Maar die grootste van julle moet jul dienaar wees. ( Mat 23 : 8-11))

Ta-An
Mar 12th 2011, 07:21 PM
Ek dog "Huiskerk" beteken juis dat daar nie 'n aanstelling van predikant en ouderlinge ens is nie :hmm: maar meer iets soos 'tentmakers" :hmm:

Son of the South
Mar 13th 2011, 04:20 AM
Ek dog "Huiskerk" beteken juis dat daar nie 'n aanstelling van predikant en ouderlinge ens is nie :hmm: maar meer iets soos 'tentmakers" :hmm:Jy is heeltemal reg. Daar is geen posisies, betrekkings of titels nie, slegs funksies.