PDA

View Full Version : Demone en Spoke



Ta-An
Sep 2nd 2007, 06:50 PM
Is daar 'n verskil??

CFJ
Sep 2nd 2007, 07:10 PM
<SMILE>... die een is goed vir jou en die ander een nie. Die een is veral goed omdat dit nie bestaan nie. Demone is in alle waarskynlikheid niks anders as spoke nie, behalwe as dit sommer 'n spook-storie is. :rolleyes:

Phil Fourie
Sep 3rd 2007, 06:00 AM
Is daar 'n verskil??

Dags

Ja, daar is 'n groot verskil. Demone bestaan, spoke bestaan nie.

Daar is nie so iets dat iemand sterf en dan rusteloos hier op aarde as 'n spook rondhang totdat hy nou vrede of wat ookal gekry het nie. Ek s nie party mense het nog nooit iets gesien wat vir hulle lyk soos 'n spook of dalk lyk soos iemand wat hulle ken nie, maar hierdie is bloot demone wat manefisteer as spoke.

Enige te doen wat jy sal kry met die geestelike wreld is slegs demone, nie spoke nie. Hierdie mense wat blykbaar so met die afgestrowenis praat, gebruik niks anders as 'n medium (demoon) wat hulle voors nie. En ja, van hierdie inligting wat hulle deurgee is partymaal nogals waar, maar dit sal bloot wees weens kennis wat daardie medium (demoon) het rakende die persoon wat dood is se lewe en gebeure rondom hom, aangesien die geesteswreld 'n baie komplekse netwerk van demone het.

Ek hoop dit maak sin

Groete
PFM

14390876
Sep 3rd 2007, 08:17 AM
:agree:
Ek stem saam met almal wat hierbo geantwoord het. Ek dink dat sekere mense meer genieig sal wees om spoke te sien omdat hulle oop is daarvoor. Die demone gebruik bloot net die emosionele konotasie wat die persoon met die oorlede persoon het, en gebruik dit dan om so `n persoon to bedrieg.

Phil Fourie
Sep 3rd 2007, 08:25 AM
:agree:
Ek stem saam met almal wat hierbo geantwoord het. Ek dink dat sekere mense meer genieig sal wees om spoke te sien omdat hulle oop is daarvoor. Die demone gebruik bloot net die emosionele konotasie wat die persoon met die oorlede persoon het, en gebruik dit dan om so `n persoon to bedrieg.

Ek s; as jy 'n spook wil sien, sal jy hom sien:lol: Maar dit vat fynkyk om 'n demoon uit te ken;)

aan 'n ander werkinge van kragte, aan 'n ander profesie, aan 'n ander onderskeiding van die geeste, aan 'n ander allerhande tale, aan 'n ander uitleg van tale.
1 Kor 12:10

CFJ
Sep 3rd 2007, 08:38 AM
Mens wonder nogal oor die spook van Uniondale. Dit is blykbaar 'n vrou wat iewers naby Uniondale saam met mense ry en op een of ander wyse duimgooi. Hulle laai haar op en op 'n stadium is die net weg...

Mens moet miskien die dame gaan ontmoet en hoor wat is haar storie, sy bly nie vr hier van my af nie. :hmm:

Wat net snaaks is, is dat mens al vir baie jare net niks van hierdie spook hoor nie. Dit lyk my of dit net 'n spesifieke generasie was wat die spook kon sien. Dalk het 'n spook haar eendag opgelaai en baie vr met haar gery... :D

14390876
Sep 3rd 2007, 09:15 AM
:lol::lol::lol::rofl::rofl::rofl::agree:

Ek dink die feit dat dit so bekend was is juis wat dit laat manifesteer het.

Tonton
Sep 3rd 2007, 03:19 PM
...aan 'n ander onderskeiding van die geeste, ... 1 Kor 12:10

Ek glo hierdie het meet te doen met die onderskeiding van mense, in die sin dat hulle vanuit die Gees praat of nie. Indien iemand bv. profeteer moet sy gees getoets word.

Peoples New Testament s oor die vers: To another discerning of spirits. The power of reading hearts and determining whether men spoke by the divine spirit, or some other impulse.

Anton

CFJ
Sep 4th 2007, 07:11 AM
:lol::lol::lol::rofl::rofl::rofl::agree:

Ek dink die feit dat dit so bekend was is juis wat dit laat manifesteer het.

Net vanoggend vertel iemand my dat hy al die spook van Uniondale gesien het. Hulle was oppad terug van Oos-London hier in 1996 rond. By die kleurlinge is die spook veral bekend en hulle sien werklik presies dieselfde spook. 'n Mooi jong vrou. Hulle het skynbaar die vrou sien duimgooi en haar nie opgelaai nie, maar net na hulle verby gery het, het sy skielik tussen hulle in die taxi gesit. Hy s hy is iemand wat kort hare het en ook daai tyd gehad het, maar daai dag of aand het hy 'n volwaardige afro gehad en almal was tjoepstil in die taxi en het nie 'n dooie woord gesprak nie. Toe hulle weer sien was die vrou net weg. Dit het tussen Uniondale en Noll, net voor die Kamanassie afdraai gebeur. So die spook spook nog... :eek:

Phil Fourie
Sep 4th 2007, 07:53 AM
Klink vir my soos 'n demoon wat niks het om te doen met sy tyd nie:lol:

Hier is so 'n storie hier in Pietersburg ook, ek is nie te goed bekend daarmee nie, maar dit "spook" op 'n pad hier uit die dorp uit na die Silikon Myn, daar tussen die bloekom bome woon blykbaar 'n "ietsie". Self het ek nog nie gaan kyk nie. Ek stel ook nie werklik belang nie, kanse is goed dat hy nie daar sal wees as ek kom kuier nie, die goed is net nooit daar as ek kom nie.

Pitty, ek sou vir hom daar uit die bluegums uitgejage het:D

EngelHart
Sep 4th 2007, 11:24 AM
My man het al 'n spook/demoon gesien. Hy was bestuurder by 'n groot begrafnisondernemer. Ons het bo in die woonstelle gebly en hy kry toe so 11hoo die aand 'n oproep dat iemand oorlede is. Hy moes toe kantoor toe gaan om die nodige reelings te tref vir die afhaal van die liggaam. By die kantoor moes hy met 'n lang gang afstap. Aan die regterkant was 5 waghokkies waar die familie van die oorledenes sit as hulle die begrafnis reelings kom tref. Daar was geen lig nie en hy het in die donker die gang afgestap. Nie 'n bang haar op sy kop nie. Toe hy verby die 2de laaste hokkie kom sit daar 'n ou tannie en glimlag vir hom. Hy groet so ewe en toe hy verby is toe besef hy dat daar is nie reg is nie. :eek: Toe hy terugdraai was sy weg. Hy s dat sy helder verlig was en hy kon alles omtrent haar sien. Tot die handsak wat sy netjies op haar skoot vasgehou het. Nodeloos om te s dat my man met sy rug teen die muur die nodige oproepe gemaak het en binne 3 tree die gang af is woonstel toe. Toe hy die deur oopmak was hy spierwit geskrik. Ek het die arme man baie jammer gekry! :spin:

Paul Pienaar
Jan 29th 2009, 05:06 PM
Dit is Chinese New Year hier by my, so ek het 'n paar dae vakansie.

Ek lees so hier en daar op die ou drade en my oog vang toe die "spook van Uniondale" in hierdie draad.

Die meisie, of dan die "spook" wat gesien word is werklik. Met werklik meen
ek dat mense dit al werklik gesien het.

Sy en haar man was op pad erens heen tydens hul wittebrood.
Hulle was pas getroud en beide jonk. Die ongeluk was op die pad naby Uniondale.
Hulle is beide blykbaar op slag dood. Sy was van Riversdal waar haar pa 'n
onderwyser by een van die plaaslike hoerskole was.

Ek is bewus daarvan dat 'n groep NG predikante van die Suid-Kaap area
op 'n keer bymekaar gekom het en vir die meisie/spook gebid het.
Dit is nou seker al so 20 jaar gelede, maar soos CFj genoem het, sy word nog gesien.
Ek verstaan dit was in reaksie op die feit dat mense haar gesien het na haar dood.

Hier in Taiwan is daar baie bygelowe. Na 12 in die aand gaan jy nie
badkamer toe nie, want as jy dan in die spieel sou kyk, sou jy 'n spook
agter jou sien staan. Moet ook nie fluit nie, want dit lok die spoke.
Hier by Augustus rond, is dit ghost month. Dan koop min mense groot artikels en
min transaksies vind plaas, want hulle glo dit is dan die tydperk
wanneer die spoke rond loop. Mens kan nogal winskopies in hierdie tyd optel,
as jy nou nie te bang is vir die spokies nie;).

Dan is daar die gebruik wat my na sewe jaar nog steeds totaal verbaas.
Mense koop ghost money. Hulle betaal, met regte geld, en kry dan die
ghost money. Dit is nes monopoly geld. Waardeloos. Net geel papier.
Dan maak hulle vuur in 'n staal drom, so reg voor die woning, winkel of
wat ookal en brand dan die ghost money op. Ongelooflik!!
Daai ghost money is dan vir die dooie voorvaders in die "ander wereld".
Jy kan al self per krediet kaart hierdie "ghost money" koop. Dan kry jy slegs
die kwotansie wat jy dan kan brand.

Dit is loshande die beste, mees winsgewendste besigheid wat ek al gesien het.

CFJ
Jan 30th 2009, 06:47 PM
Dit is loshande die beste, mees winsgewendste besigheid wat ek al gesien het.

Hmmm, klink na 'n goeie idee om die spokerige ekonomie weer aan die gang te kry! :lol:

protea
Jan 31st 2009, 10:16 AM
Ek was altyd van mening dat ons in die bo-natuurlike wereld ook 'goodies' en 'baddies' kry soos op aarde. Die 'baddies' is as demone bestempel en die 'goodies' as engele. Die engele as God se werkers en boodskapdraers en die demone onder satan se heerskappy.:hmm: Maar die naam 'spook' weet ek nie of dit positief of negatief geinterpreteer moet word nie. Daar is net te veel positiewe en negatiewe stories uit die verlede om beide standpunte te staaf.

Gene
Feb 3rd 2009, 11:01 AM
Of hulle nou ronddwaal op die aarde omdat hulle nie rus kan vind nie, sal ek my nie oor uitlaat nie (dit klink op die oog af nie Bybels nie) maar dat spoke, oftewel geeste van afgestorwenes bestaan, is gewis. Ons lees bv in die Bybel van Saul wat na die heks van Endor gegaan het om Samuel se gees op te roep, wat sy dan ook gedoen het. Dit kan gewis gedoen word, maar die Bybel verbied ons om dooies te raadpleeg.

Demone is 'n ander saak. Ek het 'n interressante teorie oor demone gehoor. Of daar waarheid in steek, weet ek nie. Maar daar word beweer dat demone nie gevalle engele is soos meesal geglo word nie. Maar dat dit inderwaarheid bose geeste is van mense wat eens geleef het. As motivering word aangevoer dat demone aardsgebonde is terwyl die satan en sy engele nie so gebind is nie. Daarbenewens kan demone nie funksioneer sonder 'n liggaam nie. Toe Jesus duiwels (demone) uit 'n man gedryf het, het hulle hom gesmeek om hulle toe te laat om in 'n trop varke in te vaar, omdat hulle 'n liggaam (verkieslik menslik) nodig het om te kan funksioneer. Satan en sy gevalle engele werk anders, en het nie 'n liggaam nodig nie.....

Ek sal graag wil hoor wat julle menings hieroor is. Hoe dit ookal sy, daar is 'n geesteswereld waarvan ons maar min weet....

Die Filadelfieer
Feb 3rd 2009, 12:21 PM
Baie interesant Gene. As ek reg onthou praat die boek Henog van die siele van die reuse in Genesis 6 wat , na hulle sterwe in die Sondvloed, demone geword het, vasgevang hier op aarde.....maar soos jy tereg s, is dit iets wat ons maar bitter min van weet.

Willem
Feb 4th 2009, 09:39 PM
Hi Gene,

ek het onlangs gehoor dat iemand se daai heks het geskrik en dat sy nie vir Samuel verwag het nie!?

Die'

H2199
זעק
zâ‛aq
zaw-ak'
A primitive root; to shriek (from anguish or danger); by analogy (as a herald) to announce or convene publicly: - assemble, call (together), (make a) cry (out), come with such a company, gather (together), cause to be proclaimed.

en
1Sa 28:12 Maar toe die vrou Samuel sien, skreeu sy hardop, en die vrou het met Saul gespreek en ges: Waarom het u my bedrieg? Want u is Saul self.
1Sa 28:13 En die koning antwoord haar: Wees nie bevrees nie; maar wat sien jy? En die vrou s vir Saul: Ek sien n bonatuurlike wese uit die aarde opkom.
1Sa 28:14 Hy vra haar toe: Hoe is sy voorkoms? En sy antwoord: n Ou man kom op met n mantel om. Toe Saul begryp dat dit Samuel is, buig hy met sy aangesig na die aarde toe en val neer.

Bevestig vir my dat sy nie haar standaard demoon/ bose gees gekry het nie , maar dat God toegelaat het dat Samuel self verskyn om vir Saul te laat verstaan hy het nie meer God se seen nie! :bounce:

Soos ek verstaan gaan jy dood en sal jy met oordeelsdag opgewek word tot oordeel; of met Christus se koms tot ewige lewe.:pp

Miskien nie in konteks nie maar:

Isa 26:14 Dooie mense herlewe nie, skimme staan nie op nie; daarom het U hulle besoek en verdelg en alle gedagtenis aan hulle laat vergaan

Ecc 9:5 Want die lewendes weet dat hulle moet sterwe, maar die dooies weet glad niks nie, en hulle het geen loon meer nie, want hulle nagedagtenis word vergeet.

en toe kom ek op DIE juweel af!

1Th 4:13 Maar, broeders, ek wil nie h dat julle onkundig moet wees met betrekking tot die ontslapenes nie, sodat julle nie treur soos die ander wat geen hoop het nie.
1Th 4:14 Want as ons glo dat Jesus gesterwe en opgestaan het, dan sal God ook so die wat in Jesus ontslaap het, saam met Hom bring.
1Th 4:15 Want dit s ons vir julle deur die woord van die Here, dat ons wat in die lewe oorbly tot by die wederkoms van die Here, die ontslapenes hoegenaamd nie sal vr wees nie.
1Th 4:16 Want die Here self sal van die hemel neerdaal met n geroep, met die stem van n aartsengel en met geklank van die basuin van God; en die wat in Christus gesterf het, sal eerste opstaan.
1Th 4:17 Daarna sal ons wat in die lewe oorbly, saam met hulle in wolke weggevoer word die Here tegemoet in die lug; en so sal ons altyd by die Here wees.
1Th 4:18 Bemoedig mekaar dan met hierdie woorde.

Hy kom weer en dis gouer as wat ons verwag!

Gene
Feb 5th 2009, 07:40 AM
Willem

Ek stem nie heeltemal saam nie. Die heks het geskrik en geskree omdat sy skielik besef het dat dit Saul is wat voor haar sit, terwyl hy 'n wet uitgevaardig het om alle waarseers en dodebesweerders dood te maak. Sy se dan ook aanvanklik vir hom dat sy nie vir Samuel kan oproep nie omdat Saul dit verbied het. En as sy besef at dit Saul self is wat voor haar sit, skrik sy groot, en se dan vir Saul "Jy het my bedrieg!!" Maar vir Samuel het sy verwag, want sy het hom spesifiek opgeroep om te kom (op Saul se versoek)

Die Bybel is vol tekste wat ons uitdruklik verbied om "dooies te raadpleeg" Waarom sou dit telkens so in die Bybel staan as dit nie iets is wat werklik moontlik is, en gereeld gedoen word nie? Net soos die Bybel se, jy mag nie egbreuk pleeg nie (iets wat dikwels gebeur) so se die Bybel dat jy nie met dooies mag praat nie, al word dit dikwels gedoen en al is dit moontlik.

Die tekste wat jy aanhaal, verwys nie vir my die geeste van dooies nie. Jesaja 26:14 se dat mense wat dood is, nie weer lewendig word nie, en dat 'n mens mettertyd van hulle vergeet, sodat daar nie meer aan hulle gedink word nie. Dit is hoe God dit bepaal het. (Hy het hulle verdelg van die aarde en hulle nagedagtenis laat vergaan)
Prediker 9:5 se dat lewendes nog hoop het (sien vers 4) want hulle het nog nie gesterf nie, hulle weet dat die dood nog vir hulle voorle. Maar iemand wat dood is, het nie daardie wete of daardie hoop nie. Hulle kans is vir altyd verby, daar is geen loon meer wat hulle kan verdien nie, dit is te laat. Hulle word vergeet. Vers 6 se dat hulle nie meer deel het aan wat op die aarde gebeur nie.
1 Tim 4 praat van liggaamlik opstanding. Net soos Jesus opgestaan het, so sal almal op die dag van die wederkoms ook opstaan. Ons sal verheerlikte liggame kry.... Maar dit verwys nie na mens se gees nie.

Ek glo beslis dat geeste bestaan, en dat dit moontlik is om met hulle te kommunikeer. Maar dit is 'n euwel in God se oe.

Sonia Smit
Feb 6th 2009, 02:31 PM
[quote=Gene;1968471]Of hulle nou ronddwaal op die aarde omdat hulle nie rus kan vind nie, sal ek my nie oor uitlaat nie (dit klink op die oog af nie Bybels nie) maar dat spoke, oftewel geeste van afgestorwenes bestaan, is gewis. Ons lees bv in die Bybel van Saul wat na die heks van Endor gegaan het om Samuel se gees op te roep, wat sy dan ook gedoen het. Dit kan gewis gedoen word, maar die Bybel verbied ons om dooies te raadpleeg.

Toe Jesus duiwels (demone) uit 'n man gedryf het, het hulle hom gesmeek om hulle toe te laat om in 'n trop varke in te vaar, omdat hulle 'n liggaam (verkieslik menslik) nodig het om te kan funksioneer. [quote]


Gene,
Ek stem nie saam met jou nie. Daar is nie so ding soos geeste van afgesorwenis wat bestaan nie. Saul het 'n dodebesweerster gaan sien. 'n Dodebesweerster word as 'n heks gesien, en hekse het verskillende "powers" tot hulle beskikking. Baie is "ventriloquists" en baie goed daarmee (jammer vir al die engelse woorde).

In die geval van Saul en Sameul, het God toegelaat dat die duiwel Saul bedrieg, m.a.w. die heks het 'n gedaante sien opkom, maar omdat sy kragtig in die werking van die bose staan, kon die figuur haar waarsku dat dit werklik Saul is wat voor haar sit en Saul laat glo dis Samuel wat hom herken het. Met die wete, was sy nogsteeds vol moed en het sy met Saul gepraat deur die figuur wat sy gesien het want Saul het 'n belofte aan haar gemaak om haar nie dood te maak nie.

Onthou Saul het nie gesien wat sy gesien het nie, sy het slegs as interpreteerder opgetree. Sy wou aan Saul wys tot watter kragte sy in staat is. God laat baie keer toe dat die duiwel mense bedrieg sodat 'n les uit foute geleer kan word en ek glo dis wat hier gebeur het. Die Bybel vermaan ons om enigsins na sulke mense toe te gaan omdat hulle nie werklik afstorwenes oproep nie maar wel demone wat mense kan bedrieg deur die lyding van satan. Hekse het baie meer kragte as wat ons besef en dis 'n baie gevaarlike beroep wil ek s want dis beslis nie 'n roeping nie.

Die demone wat Jesus uit die man gedryf het het Jesus gesmeek om hulle nie te pynig nie.

Luk 8:28 "En toe hy Jesus sien, skreeu hy uit en val voor Hom neer en s met n groot stem: Wat het ons met U te doen, Jesus, Seun van die allerhoogste God? Ek bid U, moet my nie pynig nie "
Luk 8:31 "En hulle het Hom gesmeek dat Hy hulle nie sou beveel om in die onderwreld af te vaar nie."
Luk 8:32 "En daar het n groot trop varke op die berg gewei. Toe smeek hulle Hom dat Hy hulle sou toelaat om in di varke in te vaar. En Hy het hulle toegelaat."

Jesus het aan ons praktiese voorbeeld gegee om in autoriteit demone aan te spreek en hulle uit te dryf. Jesus het hulle in 'n trop varke ingedryf omdat hulle daarvoor gesmeek het. Jesus het nodig gehad om aan die ooggetuies God se mag te wys en die autoriteit wat ons as mens in Hom, Jesus Christus, het.

Dit laat my dink aan die volgende vers:
Jas 2:19 "Jy glo dat God n is. Jy doen goed; die duiwels glo dit ook, en hulle sidder"

Willem
Feb 6th 2009, 02:52 PM
Willem

Ek stem nie heeltemal saam nie. Die heks het geskrik en geskree omdat sy skielik besef het dat dit Saul is wat voor haar sit, terwyl hy 'n wet uitgevaardig het om alle waarseers en dodebesweerders dood te maak. Sy se dan ook aanvanklik vir hom dat sy nie vir Samuel kan oproep nie omdat Saul dit verbied het. En as sy besef at dit Saul self is wat voor haar sit, skrik sy groot, en se dan vir Saul "Jy het my bedrieg!!" Maar vir Samuel het sy verwag, want sy het hom spesifiek opgeroep om te kom (op Saul se versoek)

Ok; punt beet veral met die opnderstaande


Die Bybel is vol tekste wat ons uitdruklik verbied om "dooies te raadpleeg" Waarom sou dit telkens so in die Bybel staan as dit nie iets is wat werklik moontlik is, en gereeld gedoen word nie? Net soos die Bybel se, jy mag nie egbreuk pleeg nie (iets wat dikwels gebeur) so se die Bybel dat jy nie met dooies mag praat nie, al word dit dikwels gedoen en al is dit moontlik.

Het jy dalk vers verwysings wat jy "ofhand " kan gee, ek sal e-sword ook nader sleep vanaand.



Die tekste wat jy aanhaal, verwys nie vir my die geeste van dooies nie. Jesaja 26:14 se dat mense wat dood is, nie weer lewendig word nie, en dat 'n mens mettertyd van hulle vergeet, sodat daar nie meer aan hulle gedink word nie. Dit is hoe God dit bepaal het. (Hy het hulle verdelg van die aarde en hulle nagedagtenis laat vergaan)
Prediker 9:5 se dat lewendes nog hoop het (sien vers 4) want hulle het nog nie gesterf nie, hulle weet dat die dood nog vir hulle voorle. Maar iemand wat dood is, het nie daardie wete of daardie hoop nie. Hulle kans is vir altyd verby, daar is geen loon meer wat hulle kan verdien nie, dit is te laat. Hulle word vergeet. Vers 6 se dat hulle nie meer deel het aan wat op die aarde gebeur nie.
1 Tim 4 praat van liggaamlik opstanding. Net soos Jesus opgestaan het, so sal almal op die dag van die wederkoms ook opstaan. Ons sal verheerlikte liggame kry.... Maar dit verwys nie na mens se gees nie.

Nou waar is jou gees dan tot dan? Ek sukkel nou al ruk met die vraag ( darem nie ewige impak nie, want my redding hang nie daarvan af nie, maar hoe verduidelik ek dit vir iemand ? )



Ek glo beslis dat geeste bestaan, en dat dit moontlik is om met hulle te kommunikeer. Maar dit is 'n euwel in God se oe.
Ek wonder net of die geeste van God of van Satan is ?

Kom miskien van kleintyd se misvertsaan van die onoorburgbare kloof in lasarus en die ryk man se storie...:hmm:

Dankie Gene vir die reghelp :hug:

Sonia Smit
Feb 6th 2009, 02:59 PM
Hi Willem,

Die vers waarvan Gene praat dat die Bybel ons verbied om sulke mense te sien is:

Deu 18:9 As jy kom in die land wat die HERE jou God jou sal gee, moet jy nie leer om volgens die gruwels van daardie nasies te doen nie.
Deu 18:10 Daar mag niemand by jou gevind word wat sy seun of sy dogter deur die vuur laat deurgaan—wat met waarsery, golery of met verklaring van voortekens of towery omgaan nie,
Deu 18:11 of wat met besweringe omgaan, of wat ‘n gees van ‘n afgestorwene vra of ‘n gees wat waars, of wat die dooies raadpleeg nie.

Onthou, mens bestaan uit gees, siel en liggaam. Die Gees kom van God en gaan terug na hom toe, jou liggaam word stof en jou siel word dan veroordeel volgens wat die woord ons leer. Ek glo as jy tot sterwe kom word jy dadelik geoordeel want daar is nie meer so iets soos 'n doderyk nie. Die geeste wat spesifiek opgeroep word deur die hekse is van satan. Dit kan onder geen omstandighede van God af wees nie. Jy kan nie as jou geliefde dood is en hemel toe gegaan het, die persoon se siel terugroep aarde toe om met jou te kom praat nie, dis onmoontlik. Wanneer jy hemel toe gaan gaan jy om God te loof en prys, ewig te lewe, dis ons ultimate doel op hierdie aarde, ons is tog immers vir Hom geskape...

Willem
Feb 6th 2009, 08:29 PM
Nou wat se Bybel oor wat gebeur met jou as jy sterf?

Die dief langs Jesus gaan paradys toe ( strong se eden /paradys ) nie hemel nie! luk 23.43

dan is daar die vers wat se niemand het opgevaar hemel toe behalwe Hy wat uit die Hemel neergedaal het joh 3.13 so ou test mense is nog nie daar nie? of in ander hemel?

Henog het die dood nie gesien nie en is weggeneem heb 11.5 se nie waarheen nie

en dan:
1Co 15:51 Kyk, ek deel julle n verborgenheid mee: Ons sal wel nie almal ontslaap nie, maar ons sal almal verander word,
1Co 15:52 in n oomblik, in n oogwink, by die laaste basuin; want die basuin sal weerklink, en die dode sal onverganklik opgewek word; en ons sal verander word.
1Co 15:53 Want hierdie verganklike moet met onverganklikheid beklee word, en hierdie sterflike moet met onsterflikheid beklee word.
1Co 15:54 En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning.
1Co 15:55 Dood, waar is jou angel? Doderyk, waar is jou oorwinning?
1Co 15:56 Die angel van die dood is die sonde, en die krag van die sonde is die wet.
1Co 15:57 Maar God sy dank, wat ons die oorwinning gee deur onse Here Jesus Christus.
So is die net jou liggaam? wat opgwek word met die laaste basuin? wat dan van die oordeel waar Christus kom oordeel die wat lewe en die wat reeds gesterf het? Kan ons Hemel ingaan voor oordeel?

Ek wil net duidelikheid he, sodat ek nie verkeerd getuig nie, want wat na die dood gebeur pla baie mense en ek wil die waarheid volgens woord en nie kerk ( godsdiens met rituele as ek so kan stel ) nie verkondig. Want ek glo die Woord het meer gesag as die kerk en alles moet daarteen getoets word ( weereens in liefde , en nie om aanstoot te gee nie, maar ook nie polities korrek nie , maar die waarheid! )

Gene
Feb 9th 2009, 01:30 PM
Hoe meer 'n mens hieroor dink en praat, hoe meer word die vrae. Ek het self glad nie die antwoorde nie, die Bybel is eenvoudig nie baie duidelik nie. As ek na die "gelykenis" van Lasarus en die ryk man kyk, of na die moordenaar aan die kruis, is dit duidelik dat 'n mens onmiddellik na jou dood by die Here is. So ek aanvaar Samuel was by die Here, tog kon hy opgeroep word om met Saul te praat. Hoe dit werk, weet ek nie, en ek maak my ook nie moeg daaroor nie. Eendag sal ek verstaan....

Nietemin, slim mense het baie tegniese verduidelikings hieroor, wat ek maar gewoonlik met 'n knippie sout neem, want niemand weet rerig nie. Een voorbeeld: Die begrip van SIEL en GEES en LIGGAAM is byvoorbeeld iets waarmee ek groot geword het, maar waar staan dit in die Bybel? Wie se daar is 'n onderskeid tussen gees en siel? Is dit nie maar dieselfde ding nie? Ek se weer, nie een van ons weet verseker nie.

En terloops, geeste is myns insiens nie van God of van die satan nie. Dis bloot iets wat bestaan, soos 'n liggaam....daar is niks noodwendig boos of rein daaraan nie, dit IS net. (Ek dink of dit boos of rein is, hang af van die besluite wat daardie persoon gemaak het toe hy nog in die lewe was - Samuel se gees was beslis nie boos nie) Om met geeste te kommunikeer, egter, is iets wat nie van God is nie, want Hy verbied dit duidelik.

Sonia Smit
Feb 9th 2009, 03:06 PM
Nietemin, slim mense het baie tegniese verduidelikings hieroor, wat ek maar gewoonlik met 'n knippie sout neem, want niemand weet rerig nie. Een voorbeeld: Die begrip van SIEL en GEES en LIGGAAM is byvoorbeeld iets waarmee ek groot geword het, maar waar staan dit in die Bybel? Wie se daar is 'n onderskeid tussen gees en siel? Is dit nie maar dieselfde ding nie? Ek se weer, nie een van ons weet verseker nie.

Jy is doodreg, mens moet nie alles soos soetkoek opeet wat jy by ander mense hoor / leer nie, maar altyd ondersoek instel. Die Woord leer ons dat ons tot stigting mekaar moet leer en bystaan, nie tot afbreking nie. Niemand weet verseker behalwe Jesus self nie, maar die Woord s ook vir my ek moet soos 'n kind word wanneer ek die Bybel lees en dinge nie onnodig ingewikkeld maak nie.

Ek wil vir jou 'n paar voorbeelde gee waar die Bybel praat oor die Gees, siel en liggaam (ek het E-sword gebruik). Hier is 'n paar voorbeelde:

Siel (Soul): Gen 2:7, Matt 10:28; Matt 16:26, Matt 22:37; Mark 8:36, Mark 8:37, Mark 12:30, Luk 1:46, Eze 18:27.
Gees (Spirit): Gen 6:3, Gen 41:38, Exo 31:3, Exo 35:31, Matt 10:20, Matt 12:28.
Liggaam (Body): Gen 2:7, Gen 3:19.

Geeste: Wanneer daar van geeste gepraat word in die Bybel verwys dit elke keer na die slegte: Matt 18:16, Matt 10:1, Matt 12:45, Mar 1:27, Mar 3:11, Mar 5:13, Mar 6:7, Luk 4:36, Luk 6:18, Luk 7:21, tot in Openbaring. Daar is net een Gees en dis God se Gees, Heilige Gees, Sy Seun se Gees.

Ons het baie tussen Indiers beweeg en baie dinge gesien in die tyd wat ons by hulle betrokke was en dis waar ek meeste van die dinge geleer het. Jy sien waarnatoe dinge kan lei en dit leer jou om waaksaam te wees vir die onbekende. Die geestes wreld is 'n ander wreld waarvan ons min weet, en dis dalk hoekom ons dit nie kan sien nie want ek dink nie dit kan mooi wees nie en die wat dit wel beleef, soos byvoorbeeld deur Satanisme, en tot bekering kom het 'n baie groter besef vir die geestes wreld as die wat nog nie daarby betrokke was nie.

mari
Feb 9th 2009, 09:35 PM
klipinniebos :

:hmm: oorweeg hiedie stelling :

die geesteswereld is nie gebonde aan ons aardse dimensies van tydlyn en 3D ruimte nie ..... ( in Genisis was die engele reeds daar voor die skepping van lig = ruimte tyd dimensie )

++ dit is hoekom jy nou vir iets kan bid en dit reeds aan die gebeur is nog voor jy gevra het...... ( God kan die engele in 3 dimensies van tyd rondstuur binne wat ons as "tydlyn" beleef om sy Plan te bewillig )
... dit is ook hoe God na miljoene gebede gelyk kan luister en kan antwoord .....
... profisiee wat werklik van God is, "word" dus waar, want dit "is" reeds voor dit gebeur, of ons dit glo of nie ....




maar ook : ....

-- dit is hoe satan se demone goed uit die verlede kan naboots om "geeste" van geliefdes na te maak ........

..... maar onthou, satan en sy trawante is uit die hemel ( ewigheids dimensie ) geskop aarde ( ruimte/tyd dimensie ) toe ...... dus kan satan slegs in die verlede rondkrap, en slegs die uiterlikke van die oomlik "sien" >>> daarom is slegte herinneringe, onvergewingsgesindheid en "face value " hul grootste wapens ...... !!

..... demone is ook afhanklik van ons "geloof" in waarseery om die voorspelling te laat "waar" word, want hulle kan NIE die toekoms sien nie, wel ons ontvanklikheid vir manupulasie .....

( .... en wanneer jy, as Nuwe Skepping, dus jou "mind renew" volgens die Woord, krap jy satan se planne heeltemal deurmekaar, want hy werk op jou reaksies in die verlede vir sy sceems ....:rofl: )

:hmm: ...... m

Die Filadelfieer
Feb 10th 2009, 05:59 AM
klipinniebos :

:hmm: oorweeg hiedie stelling :

die geesteswereld is nie gebonde aan ons aardse dimensies van tydlyn en 3D ruimte nie ..... ( in Genisis was die engele reeds daar voor die skepping van lig = ruimte tyd dimensie )

++ dit is hoekom jy nou vir iets kan bid en dit reeds aan die gebeur is nog voor jy gevra het...... ( God kan die engele in 3 dimensies van tyd rondstuur binne wat ons as "tydlyn" beleef om sy Plan te bewillig )
... dit is ook hoe God na miljoene gebede gelyk kan luister en kan antwoord .....
... profisiee wat werklik van God is, "word" dus waar, want dit "is" reeds voor dit gebeur, of ons dit glo of nie ....





Dit is inderdaad 'n klip innie bos hierdie Mari ! Ek is nuuskierig oor jou stelling rondom die engelle, hoekom sou jy s was hulle daar voor die skepping ?

mari
Feb 10th 2009, 07:22 AM
Fila... nou moet jy help a.s.b. ...

die klipinniebos stelling is juis vir bespreking, want ek is self nie so seker daarvan nie... ( kom uit jare gelede se Bybelskool notas ) ... hoewel dit nogal logies klink.....

die verhaal van die draak en sy engele in Openbaring 12 ..... word dit nie algemeen aanvaar dat dit voor die skepping gebeur het nie ? ....... ek het dit nou weer deurgelees en kry nie tydverwysing daarin nie.......

groete
m

Lanie
Feb 11th 2009, 08:13 AM
Ek het hierdie vanoggend in my inbox gekry en gedink dis nogal van toepassing op hierdie draad..... (Fila, ek het dit spesiaal vir jou vertaal, verskoon maar, ek het nie Phil se vertalingstalent nie)

Hierdie het regtig gebeur.... in Soweto, so 'n maand gelede.....

'n Man het geryloop op 'n stikdonker nag terwyl dit geren het. Die storm was so erg dat hy omtrent nie 'n tre voor hom kon sien nie. Skielik het daar 'n kar langs hom gestop. Baie verlig en sonder om twee keer te dink het hy in die kar geklim en die deur toegemaak. Maar toe besef hy daar sit niemand agter die stuurwiel nie. Die kar het weer stadig begin beweeg. Toe hy voor hom uitkyk sien hy die pad maak 'n draai. Vreesagtig het hy begin bid dat sy lewe gespaar moet word. Net voor die kar by die draai gekom het, kom daar 'n hand deur die venster en draai die stuurwiel. Die arme man kon nie beweeg van die skok nie en elke keer wanneer daar 'n draai in die pad is kom die hand deur die venster. Hy skraap toe al sy moed bymekaar en spring uit die kar en hardloop na die naaste liggies wat hy kan sien. Sopnat en in 'n staat van skok kom hy by 'n shebeen aan en vra vir 'n dubbel brandewyn. Nadat hy dit gedrink het vertel hy vir almal van sy nare ondervinding. Almal was doodstil. Omtrent 'n halfuur later loop twee ouens in die shebeen in en toe hulle die verskrikte man sien, vra die een ou vir die ander een....."Mfowetu, is dit nie die idioot wat in die kar geklim het terwyl ons dit gestoot het nie?"



Groot askies, maar ek moes net......

marline
Feb 11th 2009, 11:59 AM
Lanie, ek het nou sommer hardop gelag. Dit is werklik die snaakste wat ek in 'n lang tyd gehoor het. Dankie dat jy my dag opgekikker het!!!

Lanie
Feb 11th 2009, 12:06 PM
I aim to please.........:cool: (Sorry Fila)