Gesondheid!

[Lanie]

Hoop ek sit mense bietjie aan die dink met hierdie vragie....

Hoe belangrik is dit dat ons fisies ook gesond, fiks en sterk moet wees vir geestelike oorlogvoering? Ek meen, jy kan en moet die wapenrusting van God elke oggend aantrek, en dis die belangrikste, maar as jou liggaam onfiks of sieklik is agv rook, drank, geen oefening of oorgewig, hoe affekteer dit jou geestelike oorlogvoering? Of het dit nie noodwendig 'n invloed nie?

En dan ook...

1 KORINTIËRS 6:19
Of besef julle nie dat julle liggaam 'n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie:

1 KORINTIËRS 6:20
julle is gekoop, en die prys is betaal. Julle moet God dus in julle liggaam verheerlik.

Miskien verstaan ek hierdie verse nie reg nie en het dit 'n baie dieper betekenis, maar soos ek verstaan is dit ook 'n opdrag dat ons, ons liggame met respek moet behandel en versorg sodat ons God daardeur ook kan verheerlik.

Hoe verheerlik jy Hom deur jou te vergryp aan kos, rook, drank of wat dit ook al is wat jou aardse liggaam stelselmatig aftakel?

[Lanie]

Ek wil net om verskoning vra as ek onbewustelik op mense se tone getrap het met hierdie draad, maar ek sal nog steeds graag wil weet of fisiese gesondheid mens kan help met geestelike oorlogvoering. Ek vra want ek self eet maar baie ongesond en sukkel om by my oefenprogram te hou.

[Gene]

Lanie

Ek is self erg oorgewig, maar ek is nie sensitief daaroor nie. Daar is redes daarvoor, wat nie noodwendig met vergrype te doen het nie. Nietemin, die Here is besig met my hieroor en ek voel dat ek beslis iets daaraan sal moet probeer doen. Maar ek dink nie dit is soseer 'n hindernis in geestelike oorlogvoering nie. Die rede is dat ek glo my getuienis daardeur skade kan lei, want mense wat my sien en nie ken nie, kan verkeerde gevolgtrekkings maak, wat die getuienis wat by my mond uitkom, kan laat skade ly.

En dan is dit natuurlik ook so dat die Here van ons verwag om die liggame wat Hy aan ons toevertrou het, na die beste van ons vermoeens te bestuur, en so goed moontlik in stand te hou.

[marline]

Hi Lani, Ek dink ek is bietjie mostert na die maal, maar dog net ek wil jou van my ma vertel. Sy het jare lank gerook en a.g.v. daarvan aan emfiseem gelei. Sy het natuurlik die rook laat staan, maar dit was te laat. Naderhand was sy 24/7 op 'n suurstof masjien en het ook kortisone gebruik wat die nadeel van osteoporose het. Sy het haar heup een dag gebreek en kon nie vir 'n heupvervanging gaan nie omdat daar niks van die longe oor was nie. So het sy meer as 'n jaar lank in die bed gele (voor sy oorlede is) en haar Heiland aanbid en dankbaar was vir alles wat sy in die lewe ontvang het. Wat ek vir jou wil vertel, is dat dit goed is om na jou gesondheid om te sien en jou 'tempel' op te pas, maar jy kan God nog steeds dien al is jy siek en gebroke.

[paidforinfull]

Hi Lanie - al wat ek jou kan vertel is dat ek poot-uit is na geestelike oorlogsvoering. Gewoonlik neem dit my 'n paar dae om weer sterk te voel. Ek wil ook net byvoeg dat ek nou nie die fikste van mense is nie (ek is allergies vir sport en aerobics), en ek het neutropenia gehad (is nou ten volle genees, prys die Here), maar ten spyte daarvan is ek is tog daarvan oortuig dat geestelike oorlogsvoering dit 'uit jou neem'. Ek bid maar altyd vir krag en beskerming voordat ek in geestelike oorlogsvoering ingaan.

Maak dit sin? Ek sal graag ook van andere se ondervindinge in hierdie verband wil hoor.

Blessings.

[Lanie]

Marline, ek is jammer om te hoor van jou ma se lyding. Ek het 'n stiefoupa gehad wat emfiseem gehad het, so ek het 'n idee waardeur julle moes gaan. Ek werk nog aan my eie ma om op te hou rook. Sy het op die ergste punt van haar depressie 5 pakkies sigarette 'n dag gerook! Ek bid maar. Jy's reg, mens kan God dien maak nie saak hoe jy siek of gesond jy is nie. Ek glo net dis nie die ideaal wat God vir sy kinders bedoel het nie. Verder dink ek dis disrespekvol teenoor Hom, jouself en ander wat dalk nie so gelukkig is om so gesond soos jy te wees nie. Ek het 'n vriendin voor wie ek glad nie gerook het nie omdat sy as kind longkanker gehad het en ek het net te skuldig gevoel...

Belinda, jy snap my bedoeling met die draad...

[marline]

Ek stem saam met julle dat emosionele stryd kan jou meer uitput as fisiese werk/oefening ens. Kyk hoe moeg het Jesus geword toe hy met Satan geworstel het!!!! Daarom kan ons nou die Bloed van Jesus oor ons pleit, vir die Wapenrusting wat ons nodig het.

[Ta-An]

Efesiërs 6:12 Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

Die woord is :Worstelstryd ..... so ek stem saam, want die .... spreekwoord sê mos.... 'n gesonde liggaam huisves 'n gesonde gees... (of so iets.... my Afrikaanse is verroes!!)