Announcement

Collapse
No announcement yet.

Evangelies gefokus

Collapse
X
 
  • Filter
  • Time
  • Show
Clear All
new posts

  • Evangelies gefokus

    Ek plaas hierdie in Vrae en Menings oor die Bybel aangesien ek nie hier 'n moddergooiery wil he nie, maar werklik wil he dat ons stilstaan en dievolgende vanuit die Woord bespreek.

    Is die kerk waar jy jouself tans in bevind se fokus evangelies van aard?

    Ek gaan 'n baie sterk standpunt hier inneem en se dat as jy vandag in 'n kerk sit waar die sentrale fokus nie daarop is om mense by die kruis van Christus uit te bring nie, dan sit jy in 'n wesenlike siek kerk.

    Ek praat die ander dag met iemand en ek vra: "Wanneer laas was daar in een van julle dienste 'n oproep gedoen tot bekering?" Die antwoord was dat die gemeente spesiale dienste reel so nou en dan waar mense hulle harte kan oorgee. Ek meen, kan ons nie die probleem hiermee sien nie? Het ons so gemaklik beginne raak om kerk kerk te speel dat ons net nie meer 'n passie het vir ander se siele nie?

    Is jou gemeente nog evangelies gefokus? Moet 'n gemeente nog evangelies gefokus wees, of moet ons eerder groot sale bou, groot klankstelsels insit en basaars hou?

    Ek weet nie of dit is wat Jesus se idee was met Sy kerk hier op aarde nie.

    Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.
    Matteus 28:19

    Praat asseblief saam met my hieroor, ek is werklik bekommerd.

    Groete
    Phil

  • #2
    Moet ek ry of bly?

    Phil , die vraag wat hierby aansluit, is : As my kerk se situasie nie is wat die Bybel aan ons voorhou nie, moet ek ry of moet ek bly om n verskil juis IN my huidige gemeente te maak ? Hieroor wroeg ek al baie lank.

    Comment


    • #3
      Phil

      AMEN!!! Wat is die hoofdoel van die kerk van Christus op aarde? Waarom red die Here ons siele en dan los Hy ons in hierdie gebroke wereld vol versoekinge, sonde en swaarkry? Waarom neem Hy ons nie dadelik hemel toe sodra ons sonde vergewe is en ons siele gered is nie? Skep Hy dan behae in ons stryd op aarde? Die antwoord is tog voor die hand liggend. Die Kerk bestaan op die aarde, omdat Hy ons hier nodig het. Evangelisasie is die hooftaak van die kerk! Natuurlik moet ons mekaar ook bemoedig en bystaan terwyl ons hier is, maar dis nie die hoofrede waarom die kerk bestaan nie. Evangelisasie was die opdrag waarmee Jesus sy volgelinge agtergelaat het toe Hy die wereld verlaat het. Hoe kan 'n kerk dan werklik kerk wees as hy nie evangelies gefokus is nie? Lees maar Paulus se sendbriewe (en die van die ander apostels) Dis almal geskryf aan christelike gemeentes, maar tog is die evangelie altyd vooropgestel. (1 Kor 2:2 want ek het my voorgeneem om niks anders onder julle te weet nie as Jesus Christus, en Hom as gekruisigde.)

      Die probleem is dat kerke ontaard het in christelike klubs, waar lidmate mekaar lekker warm broei, waar luukshede soos klankstelsels, videoprojektors, sagte kussings en lugreeling belangriker geword het as die evangelie. En in die proses gaan miljoene siele met kerk en al verlore! Dit klink hard, maar ek kan myself nie sterk genoeg uitdruk hieroor nie. 'n Kerk wat nie evangelis gefokus is ne, is nie 'n ware kerk nie.

      'n Tydjie terug het ek en my skoonpa na 'n video gekyk van 'n afgtrede EG leraar wat die stelling gemaak het dat die probleem in ons kerke begin by die feit dat daar nie meer bekering gepreek word nie. Twee dae later het die dominee my skoonouers besoek en ek was toevallig teenwoordig. My skoonpa het hom van die video vertel en gevra waarom daar nie meer bekering in die kerk gepreek word nie. Die antwoord was eenvoudig : "'n Mens kan tog nie bekering preek vir mense wat reeds bekeer is nie?" En dis net daar waar hy die pot totaal en al mis sit. Die persepsie dat die kerke vol geredde mense sit, is die satan se grootste wapen vandag. En so slaap die "christendom" rustig voort, terwyl die satan in sy mou lag....

      Comment


      • #4
        Originally posted by protea View Post
        Phil , die vraag wat hierby aansluit, is : As my kerk se situasie nie is wat die Bybel aan ons voorhou nie, moet ek ry of moet ek bly om n verskil juis IN my huidige gemeente te maak ? Hieroor wroeg ek al baie lank.
        Protea

        Ek weet almal op hierdie forum stem nie met my saam hieroor nie, maar ek glo dat as jy 'n roeping het, bly daar! Die kerke wat op 'n dwaalspoor is, het mense wat die waarheid ken en bereid is om op te staan daarvoor, nodig. Onthou dat die kerk vol lidmate sit wat nog nooit die waarheid gesnap het nie, en wat nie bewus is van die misleiding en die gevaar nie. En mense soos jy en ek kan 'n verskil maak.

        Ek het die afgelope jare in my kerk gebly, nieteenstaande die feit dat ek lankal reeds bewus is van die probleem in die kerk, juis om dieselfde rede. Ek het van tyd tot tyd preekgeleenthede gekry in die kerk, en glo vas dat die Here my daar gehou het om 'n verskil te probeer maak, al was dit dalk net in die lewe van een enkele persoon. Maar skielik het daardie deur vir my toegegaan en dis duidelik dat die Here nou van my vra om verder te gaan. Ek is tans in die proses om die kerk te verlaat.

        Hoor jy wat ek se? Solank as wat jy 'n roeping daar het en 'n verskil kan maak, se ek, bly daar en maak 'n verskil. Maar as jy meer nie so 'n roeping of geleentheid het nie, het jy niks daar verloor nie, Skud die stof so gou moontlik van jou voete af....

        Comment


        • #5
          Julle weet, ek neem nou die dag troufoto's en sit toevallig oorkant die tafel van ons nuwe dominee en sy vrou. Hy s toe hy hoor ons verhuis. Die gesprek loop so bietjie verder en ons praat oor kerke daar en ekke s ek weet nie, ons sal maar bietjie rondkuier en soek tot ons die regte kerk kry. En wat s mevrou dominee vir my.... gaan na die kerk (menende NG) die naaste aan ons, daar is nie 'n regte kerk nie. Al die kerke is die regte kerk. Ek was so verbaas ek het openlik my kop geskud en vir haar reguit ges - Nee, ek dink nie so nie....
          The fallen human will is free the way a sky diver is free until he discovers he has no parachute. - John Piper

          Comment


          • #6
            Originally posted by Gene View Post
            Protea

            Ek weet almal op hierdie forum stem nie met my saam hieroor nie, maar ek glo dat as jy 'n roeping het, bly daar! Die kerke wat op 'n dwaalspoor is, het mense wat die waarheid ken en bereid is om op te staan daarvoor, nodig. Onthou dat die kerk vol lidmate sit wat nog nooit die waarheid gesnap het nie, en wat nie bewus is van die misleiding en die gevaar nie. En mense soos jy en ek kan 'n verskil maak.

            Ek het die afgelope jare in my kerk gebly, nieteenstaande die feit dat ek lankal reeds bewus is van die probleem in die kerk, juis om dieselfde rede. Ek het van tyd tot tyd preekgeleenthede gekry in die kerk, en glo vas dat die Here my daar gehou het om 'n verskil te probeer maak, al was dit dalk net in die lewe van een enkele persoon. Maar skielik het daardie deur vir my toegegaan en dis duidelik dat die Here nou van my vra om verder te gaan. Ek is tans in die proses om die kerk te verlaat.

            Hoor jy wat ek se? Solank as wat jy 'n roeping daar het en 'n verskil kan maak, se ek, bly daar en maak 'n verskil. Maar as jy meer nie so 'n roeping of geleentheid het nie, het jy niks daar verloor nie, Skud die stof so gou moontlik van jou voete af....
            Eugene,

            Alhoewel ekself nie in 'n denominasie is nie, is dit wat jy hier s die kruks van die saak. Mens kan nie sommer net uit 'n Kerk beweeg, sonder die roeping om 'n verskil te maak nie. As mens die waarheid reg sny, sal die tekens waarop mens sinvol kan reageer, noodwendig volg...
            The Rapture

            My dearest friends, Im so sorry so sorry
            but I must confess, dont worry
            the rapture is not before the Great Tribulation
            its before Gods wrath!!!

            Because His wrath is not meant for you
            its for all the people in the zoo
            think about it and refresh
            you will see theres no way out of here, in the flesh

            If you really believe, you will see
            the rapture is for you and me
            when we decide to leave from here
            that very day, oh! God adhere


            Comment


            • #7
              Hier is die omvang van my teleurgesteldheid in baie kerke.

              Die engele het begeer om hierdie taak te kan verrig, God het ons nie nodig nie, Hy kon self die evangelie aan die wereld bring, maar God gebruik ons, nietige mense, omdat ons Sy kinders is, omdat Hy ons liefhet en 'n verhouding met ons wil he, 'n pad ment ons wil stap. Wat doen ons, ons bere so maklik die evangelie net weer onder die kerkbank.

              Mense ek is jammer as dit wat ek nou hier pos hard is, maar ek is opreg as ek se, ons moet ophou kerk kerk speel en seker maak ons is deel van die kerk wat op die Rots gebou is, want daardie kerk bou op die fondament wat Jesus is en ons bouwerk sal soos 1 Kor 3 se deur vuur getoets word.

              Wee my as ek al die tyd met stokkies gebou het.

              Die kerk moet weer besef hoe onsettend bevoorreg sy is om hierdie taak te kry van God af, laat ons waak dat ons nie God teleurstel nie.

              Comment


              • #8
                Originally posted by protea View Post
                Phil , die vraag wat hierby aansluit, is : As my kerk se situasie nie is wat die Bybel aan ons voorhou nie, moet ek ry of moet ek bly om n verskil juis IN my huidige gemeente te maak ? Hieroor wroeg ek al baie lank.
                Protea, hierdie wroeging van jou is die rede hoekom ek nog nie die NG Kerk vaarwel kon roep nie. Jy het op 'n ander draad vir my presies dieselfde ges.

                Die ding wat ek vandag besef het is dat ek myself moet gaan vra wat was God se bedoeling met die kerk. Evangelisasie - ek weet. Maar wat is die rede dat k moet kerk toe gaan. Hoe moet die kerk my bedien? Wat moet ek daaruit kry? Ja, miskien wil die Here my gebruik waar ek nou is, maar watse verskil kan ek maak aan 'n groot organisasie soos die NG Kerk se standpunte wat nie in lyn is met God se Woord nie.

                Ook moet die suiwer woordverkondiging en leiding wat ek van die leraar en my gemeente kry my help om geestelik te groei. Ons moet werk maak van ons eie geestelik groei. Dis 'n opdrag. Anders bly ons soos babas in die geloof waarvan Paulus in 1 Kor 3 vertel. Ek weet hier is baie ek's en my's in hierdie post maar voor ek iemand anders kan bedien op 'n geestelike vlak of 'n verskil kan maak in 'n kerkopset moet my eie geestelike lewe ook eers van werklike groei kan getuig.
                The fallen human will is free the way a sky diver is free until he discovers he has no parachute. - John Piper

                Comment


                • #9
                  Hi Phil, Lanie,

                  ek dink juis terug aan oggend toe die ? ring afgevaardigde met ons gepraat het oor die gay kwessie en die feit dat ek geweet het dit is nie bybels nie, maar nie genoeg kennis gehad het om te kon "tug" / teregwys / se : "daar staan geskrywe " nie.

                  As ek gelukkig genoeg word dat ek duidelike leiding kry om te gee-pad sal ek, want ek dien nou iemand anders as die kerk, maar tot dan sal ek waar ek kan vrae vra en getuig en leer en help.

                  Ek kon ook paar manne na die' jaar se kamp op Greytown met Angus vat en daaroor getuig in gemeente en as dit vir een van ons of die mense vir wie ons getuig het 'n ontmoeting of herlewing van ons verhouding met God beteken het was dit mos al genoeg rede dat Hy my daar wou he.

                  Lanie, miskien was jou kopskud vir mev ds die ding wat iemand anders moes raaksien om hulle ann die dink te kry? Ek weet nie hoe Hy werk of wat ek moet doen nie, maar ek weet dat die bybel se Hy sal nie 'n gebuigde riet? breek nie, so miskien sal ons almal eendag lekker lag oor die wonders van die werk wat Hy in menseharte gedoen het waar ons gedink het alles is hopeloos.

                  Miskien is dit wat my broer by werk vanoggend met my gedeel het wat nodig is; dat ons profeteer " se wat die woord se en mekaar so in die gemeente onderrig?"
                  1Co 14:18 Ek dank my God dat ek meer in tale spreek as julle almal;
                  1Co 14:19 maar in die gemeente wil ek liewer vyf woorde met my verstand spreek om ook ander te onderrig, as tien duisend woorde in n taal.

                  Die' het my veral gevang...
                  1Co 14:24 Maar as almal profeteer en daar n ongelowige of n onkundige binnekom, dan word hy deur almal oortuig, deur almal beoordeel;
                  1Co 14:25 en so kom die geheime van sy hart aan die lig. En so sal hy op sy aangesig val, God aanbid, en verkondig dat God werklik onder julle is.
                  1Co 14:26 Hoe staan die saak dan, broeders? Wanneer julle saamkom, dan het elkeen van julle n psalm of n lering of n taal of n openbaring of n uitlegginglaat alles tot stigting geskied.

                  Vir die wat soos ek OK nie die stiging woord verstaan het nie, dis soos opbou (daai ingilse edify wat hulle altyd oor praat wat ek nie geweet het wat die klomp nou se nie)
                  Dis alles net genade -Ma Grace
                  "My genade is vir jou genoeg, want my krag word in swakheid volbring"

                  Comment


                  • #10
                    Lanie

                    Verskoon tog, ek gaan reguit praat soos jy altyd verwag ek moet doen

                    Ek tel op in jou plasings dat jy self nog baie geestelike groei moet deurgaan, jy en jou man saam.

                    Vra die Here of jy daardie geestelike groeie en Woordvoeding gaan kry waar jy tans is, want as jy self nog baie moet leer, dan kan jy nie onder die konstante geklank van dwaalleer staan nie. As jy geroep is om 'n verskil te maak, sal jy dit weet, moet net nie toelaat dat jy aan geestelike hongersnood lei oordat jy bang is om buite jou gemaksone te gaan nie. En hier bedoel ek dit nie lelik nie, ek het ook lank vasgeklou aan 'n kerk waar dinge jare nie meer reg was nie oordat ek gemaklik was daar, maar God het my gemaksone kom skud en my elders gevat.

                    Bly getrou aan hom en neem verantwoordelikheid vir jou geestelike voeding

                    Ek hoop dit kon help.

                    Groete
                    Phil

                    Comment


                    • #11
                      Originally posted by Lanie View Post
                      Protea, hierdie wroeging van jou is die rede hoekom ek nog nie die NG Kerk vaarwel kon roep nie. Jy het op 'n ander draad vir my presies dieselfde ges.

                      Die ding wat ek vandag besef het is dat ek myself moet gaan vra wat was God se bedoeling met die kerk. Evangelisasie - ek weet. Maar wat is die rede dat k moet kerk toe gaan. Hoe moet die kerk my bedien? Wat moet ek daaruit kry? Ja, miskien wil die Here my gebruik waar ek nou is, maar watse verskil kan ek maak aan 'n groot organisasie soos die NG Kerk se standpunte wat nie in lyn is met God se Woord nie.

                      Ook moet die suiwer woordverkondiging en leiding wat ek van die leraar en my gemeente kry my help om geestelik te groei. Ons moet werk maak van ons eie geestelik groei. Dis 'n opdrag. Anders bly ons soos babas in die geloof waarvan Paulus in 1 Kor 3 vertel. Ek weet hier is baie ek's en my's in hierdie post maar voor ek iemand anders kan bedien op 'n geestelike vlak of 'n verskil kan maak in 'n kerkopset moet my eie geestelike lewe ook eers van werklike groei kan getuig.
                      Lanie

                      Ek wil net reageer op iets wat jy se m.b.t. die kerk. Jy vra waarom jy (Lanie) kerk toe gaan en hoe die kerk jou moet bedien..... Ek dink dis 'n foutiewe persepsie wat baie mense het - dat die kerk daar is om jou en my te bedien. Die feit is dat jy en ek die kerk IS. Die kerk is die liggaam van Christus, waar elkeen van ons ons onderskeie gawes aanwend tot voordeel van die liggaam en tot die uitvoering van die taak van die kerk, naamlik evngelisasie. Ek gaan nie kerk toe om iets te ontvang, of om bedien te word nie, maar om te gee, en om te bedien! Juis omdat dit die persepsie van so baie mense is, kry 'n mens die moderne model van die kerk, waar die lidmate alte heerlik terugsit en wag om bedien te word, terwyl 'n klein groepie aan die stuur van sake hulle doodwerk om almal gelukkig te hou. En bewaar die kerk as ek verwaarloos word..... As 'n mens nie 'n bydrae lewer nie en net wag om bedien te word, dan hoort jy nie in die kerk nie, want dan is jy nutteloos vir die liggaam.

                      Wat betref jou vraag, watter verskil jy kan maak aan 'n groot organisasie soos die NGK, wil ek ook net se, doen wat jou hand vind om te doen, en arbei daar waar die Here jou geplaas het. Moenie oor die groter geheel bekommer nie, dis nie jou taak/roeping nie. Al maak jy in jou hele lewe net 'n verskil in een enkele persoon se lewe, dan is dit een siel wat gered word, en ons lees in die Bybel dat daar vreugde en blydskap in die hemel is oor een siel wat gered word. Die Here verwag nie van jou en my om die hele NGK om te keer nie, net om te arbei daar waar Hy ons geplaas het...

                      Natuurlik moet ons geestelik groei, en natuurlik is ons ook daar om deur mekaar bedien te word. Maar dis nie ons primere doel in die kerk nie, dit kom vanself. Terloops, ek kan uit persoonlike ervaring getuig dat geestelike groei teen 'n fenominale tempo plaasvind wanneer 'n mens aan die werk is vir die Here, en nie soseer wanneer jy warm gebroei word in die kerk nie. Om kennis op te doen, en die Bybel te bestudeer, is deel van christen-wees, maar dis wanneer jy beweeg, dat jy werklik geestelik groei (en uit jou skoene geseen word)

                      Eugene

                      Comment


                      • #12
                        Eugene

                        Ek verskil van jou hier, ja, ek stem saam, baie van jou geestelike groei is jou eie verantwoordelikheid, maar wanneer die leeraar (per implikasie van die naam behoort hy tog leering te gee) nie die suiwer waarheid verkondig nie en nie sy boodskappe evangelies van aard fokus nie, dan strem dit jong Christenne se geestelike groei. Jong Christenne kyk op na dominees, hulle glo maklik dat alles wat hierdie manne se is reg en goed en edel, maar ek en jy weet dit is nie so nie, daarom glo ek dat as jy self nog baie geestelike groei het om te doen, kom onder die geklank van dwaling uit en kom in 'n kerk waar jy grootgemaak kan word in die geloof.

                        'n Baba kan homself nie versorg nie, so ook kan geestelik onvolwassenes nie hulself voer nie, hierdie moet van betroubare leeraars afkom.

                        As jy iemand na die Here toe lei, los jy hom net daar en se, dit is nou goed en wel, jy is nou wedergebore, laat jy geestelik groei? Nee, jy stap 'n pad met daardie persoon, jy dissipileer daardie persoon, jy gee hom gepaste geestelike voeding, later sal daardie persoon self kan eet, maar wanneer hy nog op die geestelike bottel is, kan hy nie daardie bottel vir homself aanmaak nie. Wat sal gebeur as regte babas gelos word om hulself groot te maak. Hulle sal doodgaan :shock:

                        Comment


                        • #13
                          Phil

                          Jy is verseker reg. Ek het dit ook duidelik gemaak in my tweede pos hierbo, dat christene niks verloor het in 'n gemeente waar die waarheid nie suiwer verkondig word nie, tensy die Here jou daar wil he vir 'n spesifieke rede.
                          Originally posted by Gene View Post
                          .....Maar as jy nie so 'n roeping of geleentheid het nie, het jy niks daar verloor nie, Skud die stof so gou moontlik van jou voete af....
                          Ek stem dus heelteml met jou saam, veral wat betref jong christene. Die kerk is immers die plek waar christene leer en geestelik groei. My bedoeling is nie dat 'n mens aan jou eie oorgelaat is om geestelik te groei nie. Miskien het ek myself verkeerd uitgedruk. Die punt wat ek wil maak, is bloot dat die kerk nie 'n plek is waar lidmate op hul agterstewe moet gaan sit en wag om bedien te word nie. Ons is nie deel van die kerk om iets daaruit te ontvang nie, maar om iets te gee. En elkeen van ons beskik oor 'n spesifieke gawe, wat in die kerk aangewend moet word. En in die interaksie in die kerk word mens se kennis en ondervinding meer en vind geestelike groei plaas. (Maar as dit 'n kerk is waar die waarheid suiwer verkondig word, sal die leraar ook hierdie dinge weet en dit ook so verkondig.

                          Terloops, die amp van leraars, soos ons dit vandag ken, is nie 'n Bybelse amp nie. Dis bloot 'n praktiese reeling wat mense uitgedink het - om iemand te onderhou om 'n gemeente voltyds te bedien. (Nie noodwendig verkeerd nie) Die Bybelse model is dat lering maar een van die onderskeie gawes is wat tot voordeel van die gemeente aangewend moet word. Dis nie 'n belangriker of beter gawe as enige ander geestelike gawe nie. Sommiges het die gawe van lering ontvang, net soos ander ander gawes ontvang het, en die kerk is 'n plek waar al daardie gawes tot voordeel van mekaar en tot uitbreiding van God se Koninkryk aangewend moet word. Die dominee is nie die alfa en die omega in die kerk nie, en dit is 'n beginsel wat baie misverstaan word vandag. ELKEEN het 'n rol om te speel, en dit is wat ek met my pos wou tuisbring

                          Ek hoop ek het myself nou meer verstaanbaar uitgedruk

                          Eugene

                          Comment


                          • #14
                            Askies Eugene, dit lyk my ek het jou so bietjie mis gelees

                            So ja, ons stem dan redelik saam, wat vir my baie bemoedigend is.

                            Daar is egte 'n klein puntjie waar ek steeds met jou verskil en dit is dat die amp van leeraar nie 'n Bybelse amp is nie, maar ek gaan nie verder die draad daaroor ontspoor nie, ek gaan eerder 'n nuwer draad oopmaak

                            Groete
                            Phil

                            Comment


                            • #15
                              Originally posted by Phil Fourie View Post

                              Verskoon tog, ek gaan reguit praat soos jy altyd verwag ek moet doen

                              Ek tel op in jou plasings dat jy self nog baie geestelike groei moet deurgaan, jy en jou man saam.

                              Vra die Here of jy daardie geestelike groeie en Woordvoeding gaan kry waar jy tans is, want as jy self nog baie moet leer, dan kan jy nie onder die konstante geklank van dwaalleer staan nie. As jy geroep is om 'n verskil te maak, sal jy dit weet, moet net nie toelaat dat jy aan geestelike hongersnood lei oordat jy bang is om buite jou gemaksone te gaan nie. En hier bedoel ek dit nie lelik nie, ek het ook lank vasgeklou aan 'n kerk waar dinge jare nie meer reg was nie oordat ek gemaklik was daar, maar God het my gemaksone kom skud en my elders gevat.

                              Bly getrou aan hom en neem verantwoordelikheid vir jou geestelike voeding
                              Ek verwag niks minder nie, Phil.

                              Ek het so te s my mind opgemaak oor waarheen ek wil skuif. Bid asseblief saam met my dat die Here my sal help dat ek en my man eensgesind daaroor sal wees, want dis nog 'n rede hoekom ek nog nie kon skuif nie. Ek is glad nie op die oomblik in 'n gemaksone nie, inteendeel, dis vir my 'n wroeging om kerk toe te gaan.....

                              Originally posted by Gene View Post
                              Lanie

                              Ek wil net reageer op iets wat jy se m.b.t. die kerk. Jy vra waarom jy (Lanie) kerk toe gaan en hoe die kerk jou moet bedien..... Ek dink dis 'n foutiewe persepsie wat baie mense het - dat die kerk daar is om jou en my te bedien. Die feit is dat jy en ek die kerk IS. Die kerk is die liggaam van Christus, waar elkeen van ons ons onderskeie gawes aanwend tot voordeel van die liggaam en tot die uitvoering van die taak van die kerk, naamlik evngelisasie. Ek gaan nie kerk toe om iets te ontvang, of om bedien te word nie, maar om te gee, en om te bedien! Juis omdat dit die persepsie van so baie mense is, kry 'n mens die moderne model van die kerk, waar die lidmate alte heerlik terugsit en wag om bedien te word, terwyl 'n klein groepie aan die stuur van sake hulle doodwerk om almal gelukkig te hou. En bewaar die kerk as ek verwaarloos word..... As 'n mens nie 'n bydrae lewer nie en net wag om bedien te word, dan hoort jy nie in die kerk nie, want dan is jy nutteloos vir die liggaam.

                              Natuurlik moet ons geestelik groei, en natuurlik is ons ook daar om deur mekaar bedien te word. Maar dis nie ons primere doel in die kerk nie, dit kom vanself. Terloops, ek kan uit persoonlike ervaring getuig dat geestelike groei teen 'n fenominale tempo plaasvind wanneer 'n mens aan die werk is vir die Here, en nie soseer wanneer jy warm gebroei word in die kerk nie. Om kennis op te doen, en die Bybel te bestudeer, is deel van christen-wees, maar dis wanneer jy beweeg, dat jy werklik geestelik groei (en uit jou skoene geseen word)

                              Eugene
                              Ai, ek sukkel partykeer om s om myself reg uit te druk.Ek was bang my vraag gaan verkeerd verstaan word. Ek wou nie h dit moet klink asof ek met 'n selfsugtig "wat kan ek alles kry" uitkyk kerk toe gaan nie. Ek was tot onlangs baie betrokke by my kerk, Sondae en tydens die week. En ek het dit nie gedoen om iets daaruit te kry nie, in my hart wil ek eerlikwaar net dien, soos wat Jesus gedien het. Maar soos jy s ons moet mekaar bedien. En ongelukkig het iets in my hart verander. Ek het deur 'n geweldige emosionele, persoonlike krisis gegaan en het omtrent geen ondersteuning gekry nie. Inteendeel, ek voel veroordeel omdat ek my prioriteite moes verander ter wille my gesin en nie meer so betrokke kan wees nie. (Ek het meer ondersteuning hier op die forum gekry van mense wat ek nog nooit eens gesien het nie)

                              Die punt waarby ek eintlik wou uitkom met my vraag is presies wat Phil ook s, dat ek wel op my eie geestelik kan groei maar dit gaan net baie vinniger as mens in aanraking kom met mede-gelowiges wat waarlik wedergebore is en 'n lewendige verhouding het met ons Here. En bedien word met die Woord sonder dat dit gebuig word om by die wreld aan te pas nie...deur in herder wie se lewe ook daarvan getuig. Ek het byvoorbeeld al so baie hier op die forum geleer deur net met julle te gesels en baie het al in my geestelike lewe verander net as gevolg van die raad wat hier gegee word en die voorbeeld wat hier gestel word.
                              The fallen human will is free the way a sky diver is free until he discovers he has no parachute. - John Piper

                              Comment

                              Working...
                              X